馬祖 (海之戀商場)

約左朋友喺荃灣用膳，見天色昏暗，唔想行太遠，去左海之戀商場「馬祖」。餐廳主打一人一鍋台式火鍋，以藥膳湯底和豐富配料聞名。我哋點左個 90 分鐘全日定量火鍋，套餐包每人 2 碟 Prime Grade 肩胛肉眼、火鍋配料 Bar 、雪糕及雪櫃內飲品任飲任食，額外再送任飲即沖台式飲品。湯底揀左藥膳椰子清雞湯同蟲草花桃膠雞湯，前者椰味濃厚、清甜不膩；而後者亦用料十足，滋潤養生！肩胛肉眼質素非常高，不但紋理清晰、肉質細膩，而且肥瘦度剛好，入口香嫩有牛味。火鍋配料全部放晒喺自助區，有丸類、蔬菜和麵類等，全部都可以任食。台式飲料選了愛文芒果茉莉花茶，茶香與果香交織，清爽提神；另一杯柑桔檸檬特飲味道亦唔錯，入口冰涼潤喉！雪糕雪條有Movenpick、Dreyer's、Cocoberry 同 雀巢等，全部都貨量充足，食多兩杯已回本。…Read More

落雨涼涼地想食火鍋。朋友帶我嚟食台灣馬祖定食火鍋放題。荃灣西鐵站一出就到地點超方便，台灣藥膳養生火鍋放題性價比好高，我地選了定量set b $138/位,90分鐘，任飲任食，一人一鍋超衛生，非常經濟。台灣養生藥膳湯底有成12款選擇。點了藥膳蕃茄麻辣湯好濃郁蕃茄同辣味，越食越惹味。藥膳蟲草花膠雞湯超足料感覺很養生。套餐包一碟Prime Grade 牛肩胛肉油花分佈平均，有牛味。一碟西班牙冇激素豬片，肉質嫩滑，切得夠薄輕輕一灼就食得自助配料區有成30多款選擇。 各款蔬菜。菇類，台式丸類，午餐肉，台灣腸等應有盡有，仲有稻庭烏冬，台灣王子麵，新竹米粉，當中最正就係沙茶牛肉同埋雞髀肉😋沙茶牛肉醃得好入味又好滑，雞髀肉大大件，啖啖肉得嚟夠嫩滑。飲品有5款台式飲品任飲，另外可在飲品櫃選喜愛的。金桔檸檬特飲都幾好飲酸酸甜甜地幾開胃。最後雪糕雪條任食，有movenpick椰子味及雲呢拿味😋 椰子味內有椰絲增加口感。 淨係食雪糕都抵返啦。…Read More

今晚同友人食定量火鍋，比起一般任食，呢款套餐定量主要肉類，但可以任食火鍋配料、飲品及雪糕，相對地價錢較低，我覺得性價比高。套餐有A-H $128-188，我地揀左B 餐 $138 有Prime Grade 牛肩胛肉及無激素豬肉片，90分鐘任食任飲。湯底有12款選擇，我揀左藥膳椰子雞湯，好香椰子味，湯底清甜不膩，越食越顯奶香。友人不食藥膳，所以揀左日本壽喜燒湯底，甜甜地好夾牛肉。每人都有1份牛肉及豬肉，不過自助火鍋配料之中，有沙茶牛肉、雞腿肉、魚柳......肉類，都是可以任食。Prime Grade 牛肩胛肉，柔軟好咬，牛味濃郁。無激素豬肉片，嫩彈多肉汁，配柚子醬油或芝麻醬都好正。沙茶牛肉大塊又入味，仲好嫩腍。雞腿肉超大隻，啖啖肉又嫩彈。魚柳柔嫩不腥。蔬菜有幾款選擇，新鮮乾淨，當中更有貴價的羽衣甘藍。丸類都很台式風味，金沙魚丸有爆醬咸蛋，芥末魚籽丸刺激味蕾，魷魚羹好爽彈，黑松露豬肉丸好香松露味，食左10粒超正。飲品選擇都很多，而且有冷/熱飲，另外，掃碼下單都可選擇任飲的台式特飲，水蜜桃錫蘭紅茶，有果香，微甜好飲。愛文芒果茉莉花茶，茶清香甜。雪糕都很多選擇，MOVENPICK 的椰子味很少見，椰香清甜，而雲尼拿仍然咁香咁好味。另外海鹽味同豆腐味都吸引。DREYERS 的芒果味都果香滿滿好香甜。…Read More

第一次黎海之戀，朋友未到，唯有自己一個食下午茶。但呢日冇乜胃口，見到呢間火鍋店海報寫住有$39下午茶，就入咗黎坐。職員安排我坐一張六人檯，另一端有另一個客人。之後就可以自己QR code落單。醉雞湯花枝丸新竹米粉 湯底：咸咸地油油地冇乜醉雞湯味花枝丸：普通新竹米粉：份量幾多成個粉都幾寡，啱冇乜胃口嘅人。檸檬柑桔水放了鮮檸檬，都幾開胃～同場有其他客人在打邊爐，但椅子長得很高，都有啲私隱度，唔駛你眼望我眼～…Read More

@馬祖今日約左朋友去左食火鍋，揀咗荃湾西鐵附近食，我地揀左西班牙豬肉餐定食，包埋食出面自助包火鍋配料，甜品，飲品，雪糕及台式飲品，最重要可以一人一鍋（自選湯底），我覺得呢間性價比高，價錢合理，收碟速度都好快，環境清潔，食物和飲品種類都算多，分90分鐘和120分鐘,120分鐘還可任食肉，食肉獸啱哂！雪糕方面還有Movenpick雪糕…Read More

今日去開荃灣西，好肚餓，揀咗呢一間台式火鍋食，七點左右，四個人可以直入，唔使等，入座嘅時候要揀埋咩套餐同咩湯底。因為見佢都有幾多配菜，所以決定要定兩套餐，唔使任食，我哋叫咗兩個C餐，一個F同埋一個H。湯底方面，兩個叫咗麻辣湯底，一個叫做沙茶湯底，另一個叫做椰子雞湯。三款湯底都比較鹹，仲要越食越鹹，去到最後已經連豉油都唔使用。椰子雞湯算係比較好味，佢嘅椰子味好香濃。牛肉嘅味道都OK，不過切得好薄。呢度最大嘅賣點就係佢有好多配菜，芝士腸，餐肉，蟹柳，丸類，響鈴，米粉，王子麵，真係有好多。仲有雞件喺出邊任拎，真係好少見。飲品都有好多，罐裝，紙包喺出邊個櫃都已經好多選擇，但係佢哋仲有台式飲品，可以用QR code落單。甜品都有幾種唔同嘅牌子嘅雪糕選擇，有牛奶公司， Movenpick， Coco Berry，另外仲有啲雪條。百幾蚊一個餐，仲可以任食配料同甜品，性價比算係好高。不過衛生方便就爭啲，佢哋抹枱抹得比較Hea，我哋入座嘅時候成張枱都好多污跡，張凳又有水漬，因為佢哋好多人食，我見後尾都有好多人排隊等位，所以佢哋清潔張枱都清潔得比較快，或者可以叫做隨意咗少少。而且我哋叫湯底嘅時候，想問清楚有乜嘢分別，但係我見到個員工開始黑面，嗰下令到我哋嘅感覺都唔係幾開心。…Read More

謙謙話暑期悶想出去食飯， 問佢想食咩又話想打邊爐，見海之戀有間馬祖d 餐幾抵食就叫左 C餐來食， 呢個係全日定量90分鐘火鍋，每人包兩碟 Prime Grade 牛肩胛肉。我地一人一鍋，我叫左藥膳台灣沙茶湯，謙謙叫左藥膳番茄麻辣湯，Prime Grade 牛肩胛肉質素唔錯好軟腍， 呢到仲會有個盤比你出去拎野食， 出面都有好多唔同口味嘅丸和蔬菜， 麵食都有架。呢個價錢係抵食之選，如果你唔係鍾意食太多肉又鍾意食多d菜的，呢個餐滿足哂。佢每人包兩盤肉其實都好足夠，呢到仲有花茶飲， 又有雪糕食添。謙謙都食左3支雪條，我就食Movenpick 作結尾。…Read More

📍 馬祖 (荃灣)荃灣大河道100號海之戀商場地下G03號舖✨全日定量肉90分鐘火鍋套餐 C💰143今次我哋嚟到一間全港首創嘅台灣藥膳養生火鍋放題，真係好期待！套餐價錢已經包埋Prime Grade牛肩胛肉，仲有火鍋配料、雪糕同飲品任食，感覺好抵呀！💕食材質素Prime Grade牛肩胛肉質感非常好，肉質鮮嫩，咬落去好有彈性。火鍋配料方面，Bar任食選擇多樣，無論係青菜、豆腐定埋魚丸，都可以自由選擇，搭配火鍋好開心。💕湯底選擇湯底方面，我哋揀咗藥膳台灣麻辣鍋同藥膳椰子清雞湯。麻辣鍋，味道辛辣而且香氣四溢，食落去有一種熱辣辣嘅感覺，真係好過癮！椰子清雞湯則係清淡但又帶有椰子的香味，適合鍋裡加點肉類，味道更佳。💕其他配套此外，套餐仲包括任飲嘅即沖台式飲品，真係好開心！無論係唔同嘅台式凍茶定檸檬水，都可以隨意選擇，滿足每個人嘅口味。雪糕方面都係任食，食完火鍋後再來一球雪糕，簡直係完美收尾！💕回頭: yesss，呢個台灣藥膳養生火鍋放題絕對值得一試！食材新鮮，湯底味道好，仲有多種飲品任飲，真係一個好適合聚會的地方。如果你鍾意火鍋，千祈唔好錯過！…Read More

今日同朋友一齊去荃灣海之戀的火鍋放題，真是滿足的晚上，減少佢哋全日90分鐘火鍋套餐C Prime Grade肩胛肉眼，肉眼油花分布均勻，入口嫩滑，肉香濃郁，湯底又有很多選擇，我們選擇了藥膳椰子清雞湯及藥膳養生清雞湯。這間火鍋的蔬菜，菇類，及各式火鍋材料都是可以在自助區無限拎，但是是任食天堂，想點樣配搭都得。飲品及雪糕更是任食形式，雪糕及飲品的選擇非常多，有經典的雲呢拿和朱古力味，亦有特別的海鹽雪糕味，環境舒適，性價比超高，兩個人食，只需三百幾蚊，值得一試。…Read More

📍 馬祖 (荃灣)荃灣大河道100號海之戀商場地下G03號舖👉🏾 全日90分鐘火鍋套餐C😋😋😋😋.8/5首先，佢哋嘅自助吧選擇多到令人眼花撩亂，湯底方面，我選咗藥膳麻辣同爆漿熔岩芫荽，麻辣湯超夠味，辣味適中，芫荽湯底就岩曬我，一人一鍋可以揀自己鍾意嘅湯底真係超正，又可以試吓朋友個湯底。另外佢啲配料係勁台式，有王子麵同埋台式新竹米粉，仲有甜蜜辣好多軟類選擇年菜類都有衣甘藍，佢嘅雪糕就勁吸引係有Movenpick!!!佢有兩個雪櫃係裝唔同種類嘅雪糕，平時唔食雪糕嘅我都忍唔住食咗兩杯！回頭y:esyesyes!!服務員態度都好好，時刻關心我哋有冇需要。90分鐘真係食到好飽，整體嚟講，呢個火鍋套餐性價比高，值得再來！…Read More

今日去咗荃灣嘅馬祖火鍋放題，真係好開心！選咗全日90分鐘嘅火鍋套餐，食得好過癮！🤤Prime Grade肩胛肉眼肉質鮮嫩，入口即融，味道絕對一流，完全值得每一口！🥩✨西班牙無激素豬肉片肉片薄透，鮮味滿分，搭配火鍋湯底簡直完美，真係食到停唔到！🐖❤️呢間馬祖火鍋係半放題形式，蔬菜同埋丸類都可以喺自助吧枱任拎！可以隨心所欲選擇各種新鮮蔬菜、丸類，隨時加添，完全唔使擔心唔夠食！真係好方便，又可以配合自己鍋嘅味道，食得更加開心！🥦🍡飲品方面特別鍾意佢哋嘅冷水蜜桃錫蘭紅茶，清新又唔膩，配火鍋正好！🍑☕️另一款冷柑桔檸檬特飲，酸酸甜甜，飲落去超舒爽，完美解膩！🍋🥤整體嚟講，呢個火鍋套餐真係超值，無論係食物質素定服務態度都令人滿意！下次一定會再來！👍🏻✨…Read More

All day menu!全日套餐任食！知名台式火鍋店馬祖嘅打邊爐你哋食過未呢？餐廳位置方便喺荃灣西鐵站一出海之戀廣場就係啦！我哋今次叫咗B套餐 Prime Grade牛肩胛肉拼西班牙無激素 無激素豬肉片套餐🫶 套餐包括Prime Grade牛肩胛肉”1碟+西班牙無激素豬肉片”1碟另外自助火鍋配料任食任拎 多款蔬果類同埋丸類 仲有多款台式飲品 同埋雪糕！佢哋嘅湯底主打係藥膳湯款式包括有‎♡台灣藥膳椰子清雞湯 台灣藥膳蟲草花桃膠雞湯 台灣藥膳蕃茄麻辣湯 台灣藥膳麻油雞湯 台灣藥膳田園蕃茄濃湯 台灣藥膳花雕清雞湯台灣藥膳養生清雞湯 台灣藥膳麻辣湯 台灣藥膳沙茶湯 日本壽喜燒Sukiyaki湯 藥膳台灣麻辣鴨血豆腐湯/雖然係百零蚊嘅火鍋 但係唔好睇小餐廳對食物質素嘅注重 餐廳環境衛生食物嘅新鮮度滿分 無論係火鍋配料同埋肉類都好真係超強性價比👍…Read More

最近到海之戀幫襯馬祖，享用了Prime Grade牛肩胛肉拼無激素豬肉片套餐，與朋友一人一鍋，套餐包括任食的蔬菜、丸子等火鍋食材，以及任飲台灣飲品和任吃雪糕的體驗。一人一鍋套餐湯底有十多款選擇，我點的是田園番茄濃湯，十分開胃！朋友要則是藥膳養生清雞湯，十分滋補養生！Prime Grade牛肩胛肉鮮嫩多汁，肉質紋理分明，而無激素豬肉片同樣新鮮，肉質緊實且帶有自然的甜味，與牛肉搭配相得益彰。除了套餐提供的肉類，場內亦有不同火鍋配料，例如任食不同的新鮮蔬菜和口感Q彈的丸子，非常豐富。而馬祖亦有不同任飲台式飲品選擇多樣，十分清爽；另外餐廳亦提供不同雪糕冰點，吃火鍋同時帶來涼意，認真一流！馬祖 (荃灣)地址：荃灣大河道100號海之戀商場地下G03號舖…Read More

步入這間新開的台式火鍋放題店，撲面而來的是溫潤的藥膳香與食物蒸騰的暖意。半開放式卡座間隔出舒適空間。自助區更是驚喜, 冷藏櫃裡多款丸餃、海鮮、時蔬琳瑯滿目，醬料台蔥蒜沙茶齊備，飲料區選擇也很多，更有兩款movenpick雪糕。**靈魂湯底：藥膳花雕清雞湯 vs 爆漿熔岩芫荽湯** 今次捨棄麻辣，直擊兩款獨門湯底。 **「藥膳花雕清雞湯」** 甫上桌便是視覺饗宴——澄澈金湯浮著紅棗枸杞，蒸氣中藥材清香與醇厚酒香交織。輕啜一口，藥材的甘潤溫和滲透舌尖，尾韻是紹興花雕的綿長酒韻，雞湯鮮甜則如絲綢般托住所有風味。神奇的是久煮不濁，涮肉後反而引出更深層的鮮甜，尤其適合油花豐盈的牛肉，藥香解膩，酒韻提鮮。 **「爆漿熔岩芫荽湯」** 則是張狂的感官衝擊——翠綠湯體翻滾如熔岩，表面浮著金黃流沙。攪動時濃郁香菜氣息洶湧襲來，入口就是澎湃的草本鮮香。此湯個性強烈，推薦搭配海鮮或清爽豬肉，重口味者必試（香菜恐懼者請繞道🤭）。安格斯雪花牛的油花輕涮三秒，藥膳湯底賦予酒香後韻，肉汁在齒間迸發的瞬間，脂香與藥香共舞，無需蘸醬已是極致。 久煮不柴，藥膳湯中燉煮後吸飽精華，雞肉嫩滑中透出當歸甜香，花雕酒香點睛，堪稱養生系主角。人均約一百多的價位也物超所值。 …Read More

這個星期最浪漫的一件事，坐在窗邊，一邊望住玻璃外的雨景一邊享受一頓火鍋，得到味覺的滿足。晚上看一場歌舞劇，視覺聽覺的感官享受為平淡的生活帶來衝擊。90分鐘的任飲任食火鍋每人提供2碟Prime級的肩胛肉眼，對於肉食控制人來講，既可以嘗到肉食帶來的快樂，又能有效控制份量，不失為一件好事。再來可以無限任食火鍋配料，推介醬爆牛丸、燕餃、魚腐都是比較出色的。還有各式丸類、蟹柳、芝士腸、五餐肉也不防一試。營養師建議大家一日要食一斤青菜，這方面有青綠大葉蔬菜，有唐生菜、油麥、羽衣甘藍、娃娃菜、切好的萵荀，配上喜歡口味的湯底，即煮即食，不需任何調料可以直接品嘗蔬菜的美味。還有響鈴、南瓜、玉米、木耳、菇類等其他食材帶來飽腹感。照顧肉食愛好者的任食魚柳、雞脾肉和鮮牛肉，一定滿足到你。最後不要錯過呢兩款雪糕，雲呢拿味口感好棉味道濃郁，咖啡味有食得到的脆果仁和香濃的咖啡，不過比起雲呢拿較甜。還有其他各式雪糕，選擇都幾多，仲有冷熱飲品任飲⋯感覺呢個價錢真係超值。…Read More