馬祖 (海之戀商場)

营业中

休息中

之前已經食過這間馬祖台灣養生麵的中環分店，而這間新開的荃灣分店地方比較大，座位比較多，環境比較乾淨企理，餐牌的選擇亦比較豐富，這裡的晚市更多了打邊爐。這間是主打藥膳的湯麵店，所以餐牌滿滿都是藥膳雞湯，蟲草花，桃膠，黑蒜，麻油雞等滋補的食材，湯底都用上當歸，紅棗，桂圓，黨蔘等十多款藥材連同雞殼一同熬成，感覺很滋補養生，可以跟米線/白飯/台灣新竹米，又可以加錢轉台灣手工拉麵。點了一個藥膳桃膠農場雞新竹米，賣相不錯，藥膳湯底有陣陣的藥材香味，清甜不油膩，農場雞件份量多，肉質嫩滑，而桃膠在甜品中見得多，原來配上藥膳的麵食都不會太奇怪。如果怕藥材味的朋友，可以點其他分店沒有的蕃茄湯墨魚春卷拼白菜豬肉餃米線，蕃茄湯味濃，略厭墨魚春卷比較淋身。每個餐都可以用優惠價加配飲品，其中愛文芒果茉莉花茶不錯啊。

今晚同友人決定去荃灣海之戀嘅馬祖一人一鍋打邊爐，夠曬乾淨。我地叫咗藥膳台灣沙茶湯底 同藥膳台灣麻辣湯底(小辣)。 198蚊牛肉同豬肉飲食 ，另外配料，飲品，甜品自行到出面任你夾，落單計90 分鐘任你食!喺餐廳門口，店員已率先為你量度體溫，提供酒精搓手液清潔雙手，而且會提供一個紙袋畀你裝住個口罩。亦會清楚解釋 ，如非用膳期間，喺其他公共空間如攞嘢食請務必戴上口罩。先講套餐所包咗嘅牛肉， 厚薄適中，出面有啲任食嘅牛，切得薄果張紙，索然無味。 豬肉方便，都合格有餘 ，冇豬嘅騷味，肉質都幾好幾滑。配料推介有特長蟹棒同超級大粒貢丸。 蟹棒有我前臂咁長，食兩條都已經回返本。 貢丸非常大粒，但係食到落個心都依然係爽口彈牙。最值得一讚嘅就係竟然有我最喜歡食嘅羽衣甘藍菜。 呢隻菜坊間比較少有，而且賣得比較貴 ，最鍾意羽衣甘藍嗰種爽脆嘅口感。飲品方便 ，都有十多二十種選擇。 就連Coke Puls都有,咁就唔怕肥啦。 要推介嘅就係罐裝薑母茶，有充足嘅薑味而且唔係太甜。另外仲有熱飲可以提供，自己喺個暖櫃度攞，非常貼心。最後雪糕方便都係有好多選擇，有Movipink ，dreyer's，雀巢大腳八等數之不盡

放工係附近搵野食，又幾好食！Movenpick 任食！Dreyers任食！淨係食雪糕都抵😂今日黎馬祖食$198套餐，我地要左一個收sukiyaki湯底同埋養生雞鍋。係入餐廳前會先檢查有無手帶以防有正在隔離人士偷入餐廳食野，會量體溫，體溫正常方可入座，防疫措施做得唔錯，眼見所有員工都戴哂口罩😷美國prime grage肩鉀肉幾好食，帶點肥膏，入口牛味濃，解凍得幾好，豬肉也是不錯，我地Encore左4碟牛肉😝丸子方面，貢丸、萵筍片，南瓜片都好好味😋

馬祖其實係來自台灣嘅，佢主打係養生嘅湯底，晚市就會做火鍋放題一人一鍋， 所以係疫情之下其實大家都可以放心食用，因為大家嘅口水就唔會飛來飛去我就坐咗喺呢一排飲品嘅隔離晚市唔知係咪有movenpick 嘅雪糕送呢今日我同朋友嚟就試吓佢哋嘅午市套餐，佢哋嘅湯底咁健康當然要試吓啦，呢碗就係有辣味嘅農場雞養生湯面，我就揀咗中辣，果然有料到，養生湯底嘅材料其實落咗啲杞子、雲耳、芫荽、紅棗、仲有少少辣油而雞俾肉其實係非常嫩滑朋友就揀咗呢個超級濃湯底嘅牛腩米線呢碗都可以算係回本位，因為其實牛腩嘅數量相當多

海之戀呢邊開多咗好多食肆，其中馬祖台灣養生湯麵館一直都人氣爆燈，首創藥膳養生火鍋放題，決定要試試。這裏環境很寬敞舒適，對出就是海濱公園，感覺很恬逸。就算現在新規例下要坐梳啲，這裏地方夠大，依然很多座位。由於是一人一鍋，兩位朋友可以選不同的湯底，我選的是藥膳蕃茄麻辣湯(中辣) ，朋友的是藥膳蟲草花桃膠雞湯。 真的是藥膳湯底，但藥材味不會太濃，不會覺得像中藥，反而覺得很清香。蟲草花桃膠雞湯，很清甜，雞湯味很突出，女士滋補養顏最適合。 麻辣蕃茄湯雖然是中辣，但辣度並沒有蓋過番茄的酸酸甜甜味道，而且還吃得出藥材的香味，而麻的感覺會較多，很過癮！愛吃辣的人可以試試這個特別的湯底。自助取食物區，有肉類、丸類和蔬菜類，由於是台式，所以還有台灣新竹米粉、台灣腸等。這裏的甜品絕不欺場，雪糕有movenpick 和Dreyer's, 雪條也有牛奶公司的經典紅豆霸、鳳仙等，所以要留肚吃甜品呢！放題價錢$198每位，雖然便宜，但肉類質素也很高，有西班牙無激素豬肉片，牛肉是Prime grade 肩胛肉眼。肉質鮮紅的牛肉，脂肪紋理分佈均勻，豬肉片有光澤，看上去都覺得新鮮。驚訝豬肉片超級好吃，非常滑溜，口感軟綿綿

因為邊爐家族事件我也很害怕和朋友一起聚餐吃火鍋，所以今天我只和老公兩個人來打邊爐，適逢今天天氣寒冷，打邊爐很適合呢。湯底是藥膳湯底，味道不太濃郁，正合我心意， $198套餐可以不斷追加牛肉吃，非常抵！

疫症下冒險外出吃飯，打算食間好的，見呢間有咁多好評，一個負評都冇，咪諗住唔會衰得去邊⋯點知真係中咗伏！😤😤😤😤😤😤😤😤😤😤所有湯底都係超超超超......甜！即使是麻辣火鍋都係甜味多過辣味！👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻直頭好似黑糖火鍋咁！放D餸落去煮完後全部都係甜的！牛肉甜嘅！金茹甜嘅！腸仔甜嘅！靑菜甜嘅！豬肉甜嘅！雞件甜嘅！全部嘢食都變咗甜品！😭😭😭😭😭😭😭😭😭以為自己去左食甜品放題！好唔掂！寧願係清水好過！

現在放題在香港非常流行，除了日式放題外，亦出現了台式火鍋放題，今晚便來到荃灣新開的商場內，品嘗台式火鍋放題。店內除了提供體溫檢查和酒精搓手液之外，還用膠板分隔開食客，讓食客吃得安心。美國極黑和牛肩脊肉放題套餐$308，包括：美國極黑和牛肩脊肉，西班牙伊比利亞黑毛豬，Prime grade 肩胛肉眼，西班牙無激素豬肉片，數十款火鍋配料，任點任食。飲品種類有10多款，包括有汽水和特色飲品。火鍋配料有台式丸類及蔬菜，其中以魚柳和貢丸，味道鮮美。每人一鍋，非常衛生，選了藥膳醉雞鍋和台灣麻辣鍋，藥膳醉雞鍋，酒香味道十足。台灣麻辣鍋，辣度不算高帶點甜味。美國極黑和牛肩脊肉，脂肪分佈好像大理石紋，牛肉味道濃郁，肉質偏腍。西班牙伊比利亞黑毛豬，味道可口，不愧為最美味的豬肉。Prime grade 肩胛肉眼，脂肪比較多，牛肉味道十足。西班牙無激素豬肉片，肉質比較爽，味道鮮甜。甜品有Movenpick，Dreyers和其他甜筒及雪糕。其中以Movenpick最為吸引。

開宗明義主打藥膳養生湯底，當中有蟲草花、香辣、黑蒜可選，不想吃藥膳湯底亦有蕃茄湯底可供選擇，可跟米線、白飯、台灣新竹米粉或台灣手工拉麵。香辣藥膳牛肉湯米線 ($72)香氣十足，湯鮮味濃，牛肉軟嫩。米線滑溜順口，牛肉的香味完全融入米線之中，加上少許辣勁，香口惹味！藥膳桃膠農場雞米線 ($58)米線上桌時，即傳來陣陣藥材香。未開動前先呷一口湯，桃膠分量十足，湯頭清澈不油膩，味道香濃帶甜。農場雞味道濃厚，肉質有彈性，細滑入味得很，非常美味。

星期五要好好放鬆，獎勵一下自己。非常時期要外出食飯，要格外留心衛生，一人一個小火鍋就perfect!.藥膳椰子清雞湯 - 奶白色，有淡淡的椰子味，令湯底加添鮮甜又不影響打邊爐食物的味。藥膳蟲草花桃膠湯 - 補身之選，有蟲草花及桃膠。.價錢都是平易近人，最平$178就沒有肥牛，而最貴的套餐有日本鹿兒島牛肉！我們今次的$198 套餐，包括Prime Grade 肩胛肉眼牛肉、西班牙無激素豬肉片。.牛肉好正，一板有6塊，鮮紅色好新鮮，也有香濃牛味，靚牛！.另外有自助區，火鍋配料有大約50款！包括有特色的台灣食物，我最喜歡的是波霸貢丸，比正常的肉丸大3-4倍，啖啖肉似食獅子頭。食料都好新鮮，沒有廉價冰鮮肉的感覺呢。足八吋長長腳蟹都是特別之選，好吸汁。蔬菜也有火鍋少見的羽衣甘藍、蟲草花，爽脆響鈴也是必食之一！.另外，飲品、雪糕都一樣任食，有Movenpick 及Dreyers!!!

位於荃灣海之戀商場這間台式餐廳, 晚市主打是一人一鍋的藥膳養生火鍋放題. 而午市就主要以各式各款的藥膳養生湯麵為主. 在疫情下, 餐廳亦更細心貼心, 門口有很多支搓手液供食客使用. 亦放了膠袋給客人自取用來放口罩. 最重要每位入內時必定需要探熱.今天點了 ($58)🤤 ~ 很香的醉雞, 而且雞味濃肉質嫩滑, 喜歡吃雞的必定要試試這裡的農場雞. ($56)🤤 ~ 份量大大碗, 春卷及水餃都好味, 每一款都可以配飯, 米線或新竹米粉. 每款養生湯麵加配$8 已可配大大杯的凍飲, 下次有機會來一定會試埋晚市的養生火鍋😎 ❤店舖 : 💙地址 : 荃灣大河道100號海之戀商場地下G03號舖

今日是周年紀念，男朋友知我鍾意打邊邊就訂左呢間台式火鍋店，由於該疫情關係我地都有考慮過，但睇到佢地做足晒防疫措施，入門會量身體溫，消毒雙手，再檢查有無手帶，每枱仲加建左啲板去隔開。一入到去就先到大王調味架，一個台式配料區同埋一個疏菜區，之後就係一排飲品，仲有幾個雪糕櫃，全部都好吸引，雪糕同飲品都有勁勁勁多選擇我地叫左308套餐，有美國整黑和牛肩脊肉，西班牙黑毛豬，prime grade 肩胛肉眼，同埋豬肉片，我地當然主攻牛牛啦。啲和牛脂脂真係好雪花，而肩胛肉眼就厚啲，脂肪會少啲。一個係椰子清雞湯，另一個係壽喜燒，個湯味道適中，唔會太濃或太淡，啲牛一放落去幾秒就得，和牛好冧，人口即溶咁，好正，而肉眼就係肉味濃啲，有啲咬口，各有特色，唔洗點醬油都好好味。另外我最鍾意佢有芝士竹輪，甜不辣，魚柳，呢幾樣都好正呢！最後黎返杯雪糕，好完滿。食完仲可以去激安，真係一舉兩得。

荃灣海之戀商場原來開左間每人一鍋火鍋店，我們看了價錢，非常經濟實惠的套餐，店舖更為顧客提供放口罩的紙袋，消毒洗手液等。90分鐘放題- 牛肩胛肉放題套餐$198，套餐包括西班牙冇激素豬肉片、任食超過30款火鍋配料，飲品任飲，最吸引我的，當然是movenpick 雪糕任食。我們分別選了藥膳花雕清雞湯，藥膳養生清雞湯為湯底。火鍋的湯料十足，特別是紅棗圓肉等，震震香濃的養生湯，配上靚豬肉和牛肉，還有其他配菜，飽到上心口。以這價錢，又想和閨密食火鍋，是不錯的選擇。

餐廳光猛企理， 環境舒適， 主打台灣藥膳養生湯底， 進入餐廳時店員替客人量度體溫，提供搓手液及紙袋盛載口罩 ，十分貼心。藥膳養生湯農場雞米線$56藥膳養生湯農場雞米線 ，上枱時熱呼呼， 已經傳來陣陣藥膳香氣， 十分誘人， 真材實料有紅棗、杞子等， 好滋補養生， 農場雞的雞肉和雞皮，入口滑溜細緻， 十分鮮味， 米線吸收了藥膳湯精華超索， 令人停不了口。藥膳養生湯墨魚春捲拼豬肉水餃$56墨魚春捲鮮味富彈性， 水餃 皮薄而飽滿， 豬肉餡鮮味，充滿肉汁， 配上台灣有名的新竹米粉， 米粉十分幼細、 煙韌，充滿米香， 掛汁力強， 吸收了養生湯底精華， 滋味 得讓人陶醉其中。鹵水雞翼3隻$24鹵水雞翼十分入味， 雞皮滿滿甜甜的誘人鹵水味， 滑溜和惹味。冷荔枝烏龍 (罐裝，跟餐+$8)荔枝烏龍， 冰爽涼快， 入口 馥郁的荔枝果香味， 與幽幽的烏龍茶味，十分搭配。

黎到荃灣西一出C2站行唔夠20步已經到達餐廳，餐廳會要求先探熱再檢查有無手帶，之後先比客入座，仲有袋提供裝口罩。另外餐廳更要求食客係拎食物時都要帶上口罩，相當細心安全。🔷PRIME GRADE牛肩胛肉放題套餐 💰198🔹PRIME GRADE牛肩胛肉🔹西班牙無激素豬肉片餐廳提供嘅放題套餐由$178至$308不等，今次食嘅呢個套餐算係中等價位。PRIME GRADE牛肩胛肉嘅肉質會相對扎實，油脂分怖較明顯，其牛肉味會更為突出。豬肉片則嫩口，入口都相對鬆化，薄片所以食落一D都不韌。🔹藥膳蟲草花桃膠雞湯其中一個湯底非常養生滋潤，湯底比起藥材味，其鮮甜會更為明顯，湯底加入左蟲草花、桃膠、紅棗等，相當清甜。🔹藥膳蕃茄麻辣湯辣度可以按個人喜好有所調整，要左小辣，普遍都會接受到嘅辣度，湯底嘅味度上都頗甜，鍾意甜嘅朋友有福了。🔹火鍋配料、飲品、甜品火鍋配料嘅選擇都幾新鮮，台式火鍋係不同D，有血米腸、甜不辣、仲有極大貢丸等配料，另外仲有個人好喜歡嘅芝士竹輪同極長蟹柳。魚、肉類方面，有嫩滑雞件，同埋深海魚柳，選擇多之餘一D都唔兒嬉。飲品同雪糕同樣豐富，各式各樣嘅口味都有，總有一款岩胃口。