影片
更多
2020-03-18
232 浏览
馬祖終於嚟到荃灣喇！Donki到咗海之戀之後，一路都想揀返間啱心水嘅餐廳，食飽飽之後嚟個Shopping大作戰。晚市火鍋放題分咗4個級別，有9種湯底選擇，一人一鍋。我同朋友揀咗Prime Grade牛肩胛肉放題套餐，配藥膳花雕清雞湯底同藥膳台灣麻辣湯底。印象中食過嘅花雕湯底都係有酒香，但食落冇乜酒味。不過馬祖呢個就唔同，食材煮起入口有好香酒味，花雕迷一定要試！麻辣湯底朋友揀咗中辣(2隻辣椒)，好香口但唔會掩蓋咗肉類嘅鮮味，不過都算幾辣。如果想試但本身又唔太食得辣嘅朋友，建議試咗小辣先(1隻辣椒)。火鍋配料方面牛肩胛肉同豬肉片都係可以經落單無限追加嘅，沙茶牛肉、雞腿肉、魚柳、蔬菜、丸類、醬料、罐裝飲品同雪糕就可以自助慢慢選擇。肉類性價比高，另外值得推介嘅係極長蟹柳，份量十足。罐裝飲品濃可可更加唔係間間火鍋店都可以飲到，朱古力味好香但唔會太甜，一定唔可以錯過。雖然食物質素好，仲係放題模式，但都要溫馨提示大家唔好眼闊肚窄，要愛惜食物呀！
Donki到咗海之戀之後，一路都想揀返間啱心水嘅餐廳，食飽飽之後嚟個Shopping大作戰。
晚市火鍋放題分咗4個級別，有9種湯底選擇，一人一鍋。我同朋友揀咗Prime Grade牛肩胛肉放題套餐，配藥膳花雕清雞湯底同藥膳台灣麻辣湯底。
印象中食過嘅花雕湯底都係有酒香，但食落冇乜酒味。不過馬祖呢個就唔同，食材煮起入口有好香酒味，花雕迷一定要試！
麻辣湯底朋友揀咗中辣(2隻辣椒)，好香口但唔會掩蓋咗肉類嘅鮮味，不過都算幾辣。如果想試但本身又唔太食得辣嘅朋友，建議試咗小辣先(1隻辣椒)。
火鍋配料方面牛肩胛肉同豬肉片都係可以經落單無限追加嘅，沙茶牛肉、雞腿肉、魚柳、蔬菜、丸類、醬料、罐裝飲品同雪糕就可以自助慢慢選擇。肉類性價比高，另外值得推介嘅係極長蟹柳，份量十足。罐裝飲品濃可可更加唔係間間火鍋店都可以飲到，朱古力味好香但唔會太甜，一定唔可以錯過。
雖然食物質素好，仲係放題模式，但都要溫馨提示大家唔好眼闊肚窄，要愛惜食物呀！
张贴
