香港老飯店

营业中

休息中

香港老飯店於1993年開設，現在在香港及江蘇均有分店。以正宗滬揚川菜、京滬美點著名，無論選料、料理均嚴格要求，兩店開幕後當然要找日子去品嚐一下。點菜我們必會有冷盤、點心、魚、菜、肉及甜品，由冷盤開胃再由甜品結尾。滷水鴨舌鴨舌每隻個頭不大，但骨頭幼細 咬下啖啖肉。質感爽口帶脆，咬下彈牙富膠質。滷水入味卻不咸。南翅小籠包上桌蒸籠不算很燙，可直接夾起享用，不會燙喉。皮薄肉餡綿絮，湯汁豐富帶肉香。砂鍋鮑魚仔紅燒肉砂鍋很燙小心碰到，鮑魚個頭適中、外型完好、質感彈牙爽口，味道清新。紅燒肉燒至彈牙香嫩，醬汁充分慘透在肉里，味道出色。水煮魚片辣度約中至大辣帶麻，魚片份量不算多，底鋪銀芽吸附辣汁。乾貝菜心菜心屬於我們常叫的小棠菜，師傅挑選的菜心也是去掉外層的菜心里層，口感較細嫩，先用水灼過，再以乾貝醬汁調味。杏仁豆腐口感冰凍滑溜，帶杏仁香。酒釀湯丸酒底稠度適中，芝麻湯圓皮薄餡多，芝麻香濃卻不太甜。

老飯店曾經係我經常幫襯嘅餐廳，當時經常去老飯店食魚翅，一鍋一千四百幾，地址重係新港中心，不經不覺，原來已經係二十年前.....最後一次幫襯地址係美麗華，早排偶然機會下知道搬咗去寶勒巷，襯有時間就上去回憶一吓當年嘅味道。清炒蝦仁，鎮江餚肉，蒸炸銀絲卷，紅燒元蹄，都係當年食過嘅菜色，所以今次回味番，每一款都同當年一樣，味道無變過，蝦隻新鮮，炒出黎極之彈牙，鎮江餚肉望上去好似好肥，相信只係凝固咗嘅高湯，錯覺黎啫！味道較重實屬正常，上海菜原本就濃油赤醬嘛。紅燒元蹄嘅皮同肥肉入味軟滑一d都唔漏，一食難忘，所以我重記得當年嘅味道，今次食番即時勾起二十年前嘅回憶。紅燒元蹄噤好味，芡汁居功不少，所以唔好浪費，叫個銀絲卷點汁黎食，銀絲卷本身已經水準唔錯，好足料，再點埋個元蹄汁，嘩！升仙！元蹄汁同當年一樣，顏色頗深，味道濃而帶甜，賣飛快，元蹄份量不少同當年一樣，大大份好有霸氣！老飯店重有一樣一食難忘嘅食品，就係蔥油餅！當年食過印象深刻，係我食過最好味嘅蔥油餅，食過多次其他餐廳嘅蔥油餅，一係蔥過少毫無蔥味，一係多到過哂火，老飯店嘅蔥油餅份量啱啱好，我將蔥油餅外賣囉走，蔥油餅香味不停攻出黎而且，全外表鋪滿芝麻

來到古色古香、那麼精美的飯店，令人非常舒暢，食欲大增，所以我一早到來跟家人吃中午飯點了燻蛋，它有兩顆，燻蛋最重要的元素就是那煙燻的味道，而且蛋黃是呈水汪汪的狀態，這顆蛋的水準很高，每吃一口也有濃烈的煙燻味，伴碟的合桃是甜甜跟脆脆的臭豆腐這街頭小食，想不到可以在這餐廳找到，它一放在桌上，你已經可以嗅到它臭臭的味道，雖然很臭，但中間的豆腐很滑，外皮也很鬆脆蟹粉現在也很應節薄薄的皮中間包裹著蟹粉味濃郁的涵料香脆的韮菜餃煎成帽子的形狀外層有脆脆的芝麻，中間夾了蝦肉多士也是第一吃中間的素菜很新鮮爽脆雞翼裏面釀著糯米飯終於來到今天的主角，師傅把魚的肉片起，再放油炸，之後再倒上酸酸甜甜的醬汁，真的非常開胃

今日約左朋友俾手信,所以點趕都要搵間餐廳食朋友先到香港老飯店 開定茶等我飲住茶睇食咩今日點左幾樣野脆蜇頭.燻魚,蟹粉小籠包,百頁紅燒肉,大千雞球,酒釀丸子脆蜇頭-爽口彈牙燻魚-有咬口,都幾香魚味蟹粉小籠包-皮薄肉汁又多,蟹粉味香百頁紅燒肉--好香肉味,個醬汁一流,百頁幾好食.紅燒肉又唔算好肥,但就好香.大千雞球-有花椒爆香,雞味濃,辣辣地再加埋花椒真係好野味酒釀丸子-幾香酒味,丸子咬口幾好,米粒一口一口咬都唔錯

媽媽超級中意食小籠包，經常上網搜羅有小籠包食既餐廳，同朋友去又好，有時就拉我同佢去，切切實實係一個小籠包控~今次呢間除左有小籠包，仲有比較多平時食上海,京滬江菜不常見既菜式，選擇都幾多~份量比較大份，適合人多一家大小或朋友聚會~用醋淹製過既生椰菜,酸酸汁汁開胃消濟~燻蛋 $60蛋黃溏心，蛋白外層充滿煙燻既香氣，配香脆既蜜糖合桃一齊食幾特別~花雕醉雞 $128非常濃烈既花雕酒味，中意飲酒既媽媽好喜歡，唔飲得酒既爸爸笑說聞一下都想醉~雞肉嫩嫩的，也入味~無錫脆鱔 $128非常非常脆口，沒一點淋或un，香口，適合送酒~小籠包 $140一客十個，沒有細份的，人多食會比較好，不過皮很薄，肉味鮮，湯汁很多，一人吃兩三粒其實無難度呢~蘿蔔豆腐鰂魚湯 $180魚跟湯分開上枱，然後侍應會為我地分好一碗碗~奶白色既魚湯味道好鮮甜，係真正既鮮魚湯，蘿蔔同豆腐吸哂d鮮味，呢個湯，滿分~金腿炒飯 $120以簡單既食材炒出有鑊氣既炒飯，食到金華火腿既咸香，蛋香，飯不油不乾，粒粒分明~八寶煎芋泥 $198必點必點必點！中意食芋頭既一定會愛上~芋泥係主角，中間釀入適量紅豆蓉同松子，煎成芋泥煎餅~底面香脆，芋泥軟糯，有

今晚在尖沙咀寶勒巷品嚐上海菜，地面入口旁有放滿洋酒的櫃，上十多級後直到大廳，當晚後半部分被包場，大廳內的客人也有七，八成，平日場面也真熱鬧。 跟同行們邊說邊點菜，那時才7時30分左右，旁邊的桌都快坐滿了。 今晚只有3人，吃不了一大鍋的湯羹，以人頭點的“紅燒雞絲翅“最佳之選，湯羹濃稠適中，入口順滑，且魚翅帶咬勁，每條魚翅長度相約，貴氣的開端。花彫醉雞，甫上桌花彫香氣撲鼻而來，雞肉嫩滑再滲入酒香相得益彰。每次必點“賽螃蟹“ 滑滑的蛋白快炒而成，中間夾雜著瑤柱絲，及蛋黃香味加點點醋一起，真的有蟹的鮮味。 秋天應是吃鰻魚的時節，點了“韮菜炒鱔餬“ 秋天的鰻魚都特別肥美，爽口，醬汁可帶出鱔的原味，且不帶泥味。

上海菜是中國十大菜系之一，亦是其中一款繼粵菜後我最喜歡的菜系，每個月至少會去食兩三次，今晚就去了尖沙咀這間以滬菜為主的香港老飯店。餐廳食物款式多而且很多比較少見的正宗滬菜，加上店員親切笑容及體貼的服務，整餐晚飯都令人食得暢快。小食醃酸菜及花生，前者味道不會過酸而且爽脆。無錫脆鱔：這個菜在很多的上海菜館都比較少見，還記得對上一次食是多年前，一試便愛上，今次這個脆鱔，即叫即做，咬落不單是脆，裏面更是熱辣辣，外層的鎮江醋汁帶點甜香，好食到停唔到口。鎮江餚肉：餚肉的骨膠原啫喱豐富，半肉半啫喱完全不膩，加上醋汁添點風味。蟹粉小籠包：一個字《鮮》，小籠包裏面盛載著大量蟹粉湯汁，而有粒粒蟹膏混合在肉餡內，外皮很薄，鮮甜無比。樟茶鴨半隻：這個不得不試，一上枱面就飄出陣陣煙薰香味，鴨肉嫩腍醃得入味，又不會薰得太乾，保留了鴨肉肉汁，外皮香而不膩，絕對是推介之一。津白肉絲炒年糕：年糕就比較大眾化，以大量的津白及筍作配菜，年糕煙韌又不會過咸，就是有點油膩。杏仁豆腐：味道比較一般，杏仁味不夠突出但十分幼滑，還有些罐頭雜果伴在一起。

老細請食飯，當然唔同佢客氣啦，去了公司附近的香港老飯店，店員殷勤有禮，席間主動換碟加茶，笑容可恭，值得一讚。紅燒雞絲翅先點了一客魚翅漱口，價錢雖然比較貴，但用料十足，每啖都有魚翅，金華火煺的咸香味道，還有絲絲雞絲，湯底鮮香無比。花雕醉雞花雕味道濃郁，醉雞吸收了酒香，雞肉嫩滑，充滿酒香味，又不會過咸。小籠包菜牌上只有十隻的小籠包選擇，但原來任何蒸的點心都可以叫半籠，方便人少少都可以試到，小籠包皮薄多汁，不過少了點韌性，其中一隻都失手夾穿了，裏面肉汁豐富鮮味。百葉紅燒肉紅燒肉真是功夫菜，所以外出有機會都會點來一試，一層油脂一層肉，炆至入味，紅燒肉入口肥而不膩，油脂入口甘香溶化，以鎮江醋調味亦減輕油膩感，送飯一流。炸銀絲卷銀絲卷炸至金黃，裏面鬆軟，醮上煉奶簡直一絕。整體食物質素高，服務一流，下次會帶屋企人再幫襯。附上餐牌

香港老飯店價錢定位偏高，但亦可能正正是因為這原因所以來這裡用餐的人的質素亦相對較高，比起平日酒樓的熙来攘往大相徑庭，如果希望與家人可以靜靜地享受美食和天倫之樂的話，這裡是一個不俗的選擇飯店門面照片內在的裝潢相當大體，招待遠方來的朋友亦絕不失禮菜單這道松子黃花魚炸得酥香無比，令人垂涎三尺炸臭豆腐粒外皮香脆，內涵綿軟，粘上甜醬或是XO 醬更添味美粘上甜醬後的炸臭豆腐粒時令特有的蟹粉小籠包小小的一顆內含黃黃的蟹粉真正能做到皮薄餡靚的極致合桃燻蛋，合桃仆每顆都又香又脆，而蛋亦有陣陣的煙燻香味芝麻蝦多士又薄又脆

今晚要嘗嘗川揚滬菜的晚飯，在「香港老飯店」訂座，平日都客似雲來，座無虛席！先來小吃兩隻燻蛋配香脆合桃$60，煙燻的蛋表面有淡淡的金黃色，有燻過的香味，呈半凝固的蛋黃入口醇香美味。再來另一款小吃烤雙方兩件$108，熱騰騰的夾包，放入蜜餞金華火腿和脆腐竹，火腿的甘香、蜜汁的甜美，彌漫整個口腔，加上咀嚼脆腐竹發出的卜卜聲音，又像一首樂章。椒鹽排骨$120，沒有骨，吃起來也方便。三絲煮乾絲$120，主料為切得幼幼的白豆腐乾，很有豆香，驟眼看上像炒麵，配有筍絲、冬菇絲、火腿絲和濃湯，味道配合得濃淡得宜。津白肉絲炒年糕$128，沒有太濃郁的味道和油份，很適合香港人口味。炸銀絲卷$38，外脆內鬆軟，好吃極了！仁豆腐$48，我嫌甜了！芝麻湯圓$68，價錢雖然是比較貴咗，但大大顆的芝麻湯圓的確麻香綿糯，吃得令人開心！原來飯店多次獲獎

今晚有位熱愛上海菜嘅朋友帶我去一間位於尖沙咀寶嘅上海酒家---香港老飯店。酒家入門樓梯氣派十足倆位類似風水嘅特色擺設很吸睛而場內與一眾舊酒家相似，似乎係走實力派餐前小食咸花生同腌菜，腌菜味道偏甜，勝在口感爽脆，所以都唔錯。呢度嘅上海菜比較全面，比起新穎連鎖上海餐，前者選擇較多，好似呢道核桃燻蛋，溏心蛋口感，味道比想像中較淡。蜜核桃就係由我小時已好中意食。所以感覺配搭特別花彫醉雞，味道剛好淡香花彫味，雞肉嫩滑，而且所有菜色嘅份量都比想像中大份。無錫脆鱔--一個字脆，真係好脆，成碟就似炸得又薄又脆嘅魚皮外層被蜜汁包起，加上腌子姜絲，你話好唔好食？指定動作小籠包，皮薄醃靓，湯汁滿滿好食見差唔多每枱都會點嘅樟茶大鴨,呢度好似係川菜，工序繁複，先用樟葉，茶葉燻香肥美嘅鴨肉，再經滷製，最後吊起淋油至外皮蘇脆，食落又有煙鴨胸嘅口感，好特別，我唸我中意咗呢度菜。蘿蔔豆腐鯽魚湯，湯味清甜，溫馨提示，鯽魚超多細骨，所以食用時千萬要小心。梅菜扣肉，肉嘅層次比例分明，雖然未係入口即溶，但甜香嘅梅菜，一啖肉，一啖飯再一啖梅菜，我又肥咗啦。最後連甜品嘅選擇都好多款，我們點咗從未食過嘅香煎芋餅，粗幼不一嘅芋蓉，口感

有外國朋友來了，我盡地主之誼帶他吃個晚飯。 在尖東與紅碪找了間道地的《香港老飯店》的上海菜。 傳純酒樓環境，職員都是上了年紀但很精神樣子，真令人感動！ 外國人喜愛咕嚕肉但不特別，於是點了松鼠王魚。 味道酸酸地又開胃。 仲要好多醬，晤會乾爭爭。 賽旁蟹 白雪雪的餸菜中間加上蛋黃西蘭花，立即晤同哂！ 呢個加埋醬汁較為美味 — 真正既 「要整識整水」！ 上海粗炒麵嚟到上海店點會少呢碟！麵條軟硬度適中，而且晤算多油，岩小朋友/ 老人家。 10隻小籠包其中一味可以睇到廚師手勢！ 皮都簿而不易爛， 都晤錯！ 整體食物服務都很好，而食客大部份/ 較傳統，又方便！

朋友生日想食中菜，地點方便就搵尖沙咀的食店， 呢間都好旺場，所以建議先book位。幾個女仔，所以只係叫咗少少食物， 花雕醉雞、松子魚、樟茶鴨、咸肉豆腐湯樟茶鴨，半隻非常好味，乾身，沒有油在碟底， 完全不油膩， 皮很脆很薄， 肉有咬口但不韌， 不知什麼是"樟茶"，但就是好味旁邊有幾片五蚊銀仔咁大嘅包，唔知用嚟做乜嘢。。。我就咁食咗松子魚推介必食， 原本想叫炒蝦仁，但見到隔離枱的蝦仁好細粒，覺得好唔抵，哈， 所以就叫了松子魚手工精緻，酸甜脆口，魚皮都是好食的!松子仁，細細粒，幾香幾特別花雕醉雞(沒有影相)香濃酒香，雞肉嫩滑， 雞皮爽脆，正常好味鹹肉豆腐湯(沒有影相)在另外一張枱分湯上菜，所以都見唔到情況，奶白色嘅湯，感覺應該係有魚煲成的， 湯裏面有咸肉，不算死鹹，薄薄一片容易入口， 豆腐香滑， 仲有少量菇菌，豐富!值得一提嘅係我哋有自攜蛋糕，收100蚊切餅費， 中式酒樓大家都知道，一定會原個蛋糕連盒拎上枱，慣左~🤨不過侍應叔叔很好，全個盒拎完上嚟之後幫我哋拆開，點蠟燭，仲拎咗一把西瓜刀咁長嘅刀比我哋切蛋糕，笑點爆燈 🤣仲好好人，幫我哋影咗好多幅相， 不是亂影 鬆郁矇 😆

香港老飯店自搬到寶勒巷後，感覺味道不及從前，這次家人想吃上海菜，即管再來試試。合桃燻蛋的溏心蛋味道香濃，配上香脆可口的合桃，味道和賣相都一流；醉雞頗為入味；賽螃蟹炒得很滑，不過亦相應地較為油膩；松子黃魚肉質有點＂霉＂，醬汁太甜，比較失望；紅燒元蹄十分軟腍而不肥膩，值得推介；鍋貼皮較厚；生煎包雖然其貌不揚，大小不一，但皮脆肉嫩，非常有驚喜；砂鍋什錦被侍應分得支離破碎，蛋餃無一完整，味道較淡，不點也罷。

難得一家人👨‍👩‍👧‍👧一齊出尖沙咀食野😌 今次就試下呢間上海菜👍🏻👍🏻😌特別推介：脆皮雞：熱辣辣外脆內嫩🤤好食小龍包: 多汁新鮮 👍🏻大蔥餅： 好耐無食，呢間好有水準👍🏻涵多餅身軟軟👍🏻 大家都好鍾意😌