香港寧波同鄉會

营业中

休息中

為好友〝豬肥〞慶祝生日,一行十人叫到成枱食物,食得很滿足!海哲,醉雞做頭盤.酸辣湯當然係正,雖辣但好味.小籠包,煎鍋貼,蔥爆牛肉也很OK紅燒元蹄自然係必叫之選.只是粗炒略〝油〞...高力豆沙香蕉作甜品:好道味,唔會太甜!大家食得滿足,傾得盡情,笑得開心!

八個人為朋友仔送行。所有人不嬲都無意見食咩，難得同事仔有意見o黎呢到食，問哂咁多人「意見」之後，Book o左呢到星期六，七點九位，聽聞係要會員先可以book 位。去到唔太多人，個個客人個樣都好似熟客咁(其實我未去過，又點知人o地係咪熟客呢?)，叫到成枱餸。一大班人講o左半個鐘先可以點到餐。砂鍋雲吞雞 - 個湯好味，好香，唔太油。但係雲吞個樣唔係上海雲吞，係廣東「lin」埋一舊雲吞。分好一碗碗酸辣湯 - (呢班人係咪傻o架，叫兩個湯) 我覺得好辣，朋友仔就話好好味。紅燒元蹄 - 真係好意外，一直都覺得元蹄係好多肥豬肉，食少少就夠o個D 。但係呢個元蹄食落一D 都唔覺得膩，好冧，齋食佢唔送飯都唔會覺得好油。生煎包 - 好普通o既貨色，好一般。炒鱔糊- 好似一碗燒鰻魚咁，我呢個鰻魚怪就覺得正正正。雪菜肉絲炒年糕 - 同事仔o既推介，但係，我覺得..............我自己煮o既好食好多。可能因為佢淡。朋友仔話佢幾好食，因為佢唔太糊口。我覺得佢炒得香口少少會好食好多。百頁棠菜 - 白煮小棠菜同百頁。清清地，百頁o既口感好特別(可能因為我未食過百頁)。桂花酒釀小圓子 - 我好鐘意食小圓子

jun 20, 08, 8人來晚飯,叫咗 : 1) 涼伴馬蘭頭-喺刴碎嘅菜+百葉-又唔喺好凍,大約都喺室溫啫-如果雪凍d,加d麻油會唔會更+香口呢??? 2) 鍋貼-1碟8隻-皮唔厚,多肉,因為太肚餓啦~~~~好味3) 無鍚脆鱔 -見到又喺掛醬效果-咬落去脆身,個醬喺帶甜嗰種,好味 4) 鹹蛋黃中蝦-其實我screen咗仲有清炒蝦仁/寧波式炒蝦仁,揸唔定立意,所以友人幫手揀咗呢個-個鹹蛋黃喺濕軟做法嗰隻,起沙口感,好香鹹蛋黃味+鹹蛋黃油-隻蝦都ok 5) 紅燒元蹄-肉炆得好腍,醬汁唔喺好"杰"身嗰隻 6) 砂鍋雲吞雞-合格有餘 7) 蔥油大餅-上次食過,今次無試到-友人話鬆,但個脆口度就唔夠大陸嘅好 8) 上海炒年糕-夠煙韌 9) 豆沙鍋餅-個皮薄,豆沙餡多,唔太甜-不錯 10) 香蕉高麗豆沙-上次食過,今次無試到 11) 擂沙湯圓-皮厚,裡面嘅芝麻餡亦唔喺會流出嚟嗰d,可以啦 12) 酒釀雙圓-上次食過,今次無試到,但友人都大讚喺酒味 13) 白飯 x 7 14) 飲品-啤酒 x 3細樽-汽水 x 4細樽 - 好多謝友人策動今次飯局(urgent fall in),其他友人亦即刻1呼

一家人來吃上海菜埋單 : $13XX最欣賞是臭豆腐 , 好好味 !!而豆沙鍋餅的豆沙有好香的紅豆味但又不會很甜.不過椒鹽元蹄 (唔肯定是叫扣肉定元蹄) , 就是好似煲湯後的瘦肉咁可惜當晚 沒得叫 "高力豆沙" 枱與枱就迫了少許 .

因為之前blog友sloppy joe提過,+上中環之友食過,所以may 10, 08, 6人來晚飯,叫咗 : 1) 3寶烤夫 -唔難食,不過極度普通2) 美味煙燻蛋-溏心效果就絶對交到功課,但個煙燻外層就輕手咗(無論濃郁度/滲入度) 3) 鮮炸臭豆腐 -1碟6件,我棄權-友人話好鬆化,見佢哋伴以甜醬食,好滋味咁,但我全程就雙手蓋鼻 4) 蔥油大餅-鬆,唔油,有芝麻香,但蔥味唔夠-但好味 5) 糖醋魚塊-上碟好燙嘴,反而薄切嘅魚片好味d,個粉唔厚,炸到挺身,好似食緊魚肉乾咁,但又唔乾-但友人話如果個醬汁甜多少少就最好喇-伴以椰果1齊炒,非1般菠蘿 6) 楊州獅子頭-嗰日好彩唔洗訂-肉好鬆,湯清,津白甜-good 7) 樟茶鴨 (1/2份)-肉嫩,結實,但胸肉部份都喺"鞋"-不過無鴨味 8) 高力豆沙-皮薄又鬆,夠功夫-只是個豆沙餡甜咗少少 9) 酒釀雙丸-2碗-侍應好好咁幫我哋分成4碗-其實即喺芝麻湯丸+酒釀小丸子-酒味都幾重吓,會帶少少酸 - 其實每碟菜上枱時都好熱騰騰,都有1股新鮮嘅熱氣,又唔油,難得。雖然唔喺每碟都好好食,但起碼食到酒家嘅誠意 - 侍應服務亦好勤快,好細心(問你分

寧波門口貼著"只限會員"既招紙, 不過從我地訂檯到埋單, 都冇人問過我地俾會員卡喎. 各位唔係會員既食家都可以試下黎食!講返d食物:小籠包 - 黎上海舖通常肯定會叫既一味菜, 寧波既小籠包唔算好食, 因為係冇湯汁的, 豬肉餡亦唔夠鮮味, 建議各位可以轉叫生煎飽, 多汁香口, 好食好多;雪菜炒年榚 - 年榚夠煙韌, 雪菜亦俾得慷慨, 味道清淡無咁滯, 推薦;糖醋排骨 - 原來係酸甜豬排, 錯晒! 除非你同外國人食飯啦, 我就唔建議你試呢個啦;酸辣湯 - 我覺得咁多間上海舖, 寧波既酸辣湯係最好的, 酸辣味剛剛好, 冇話邊種味太搶, 而且料亦足, 有出面舖頭好少用既豬肚. 放心, 洗得好乾淨, 冇臭味的;百頁棠菜 - 百頁係豆腐乾, 清清地唔錯.食物不算頂級, 但食到個個開懷捧腹, 係不錯的選擇! 若果你好少食上海菜, 推薦你試下煙燻蛋, 椒鹽/紅燒元蹄同桂花酒鑲丸子, 出面好少舖頭有賣了.

又係一班頌揚人聚首一堂的日子, 係樓下吃過團年飯之後, 就係度吃個生日飯.上次來寧波已係一年前了, 是晚人多了, 自然可以再試多幾樣不同的菜色.這裡的環境係幾好, 我們16個人, 坐係近門口的特大臺, 也不覺逼狹. 近期的飯局大家都有慣性去遲到, 是晚小弟就差不多坐足一個鐘先齊人. 不如下次約大家五點半食飯吧. 應該有效的.涼拌馬蘭頭$70: 8分, 其實清清地幾好食的, 但係轉到尾都仲有剩, 係大家嫌味道太淡?無錫脆鱔$90: 9分, 炸得剛好, 脆得來又唔腥的, 個汁也好入味, 正. 兩個頭盤, 脆鱔轉兩轉就清掉了, 反而涼拌馬蘭頭就不太受歡迎了. 炸臭豆腐$60: 8分, 見這裡有兩道臭豆腐菜色, 最後揀了這個炸的. 記得小時候係天橋底有檔好好食的臭豆腐, 現在想起也覺回味, 但正如其他食友所講, 家下街邊檔的臭豆腐都不太臭, 食店賣的, 更加係臭不過兩尺同十分鐘, 想尋回昔日的風味好像有點困難. 講回這裡的臭豆腐, 聞落去係有點臭同香口的, 不過食落口就完全唔臭, 對喜愛或者吃貫臭豆腐的人係不太夠皮的, 但作為個回憶, 收貨的.寧波式蝦仁$160: 8分, 上次吃過清炒的, 是

有同事的朋友的朋友是會員, 故我們6人才有幸光顧. 這兒門庭若市. 服務不算良好, 可能食客眾多吧.食物不俗, 具特色. 點了馬蘭頭(份量較少, 但滲雜豆乾和麻油, 滋味特別, 值得推介); 窩貼(最低消費8只); 小籠包(最低消費8只, 汁不算多, 和其他食肆比較味道也不算出色); 蔥油餅(據說美味, 但我不吃蔥, 故無緣一試); 蔥爆牛肉; 豆沙鍋餅, 鳳尾魚(一種生長於浙江一帶, 連骨炸得酥脆的小魚), 火腿津白(很鮮甜, 懷疑有雞油成分, 金華火腿香氣馥郁)等.總的來說, 在中環午飯這兒是價錢合理而較具特色的選擇.

大年初十，一行十四人到這裡慶祝母親大人壽辰~~點選了十多個菜式，最令我難忘的就是大大的蔥油餅，蔥油餅不但乾身夠脆，吃下還不會滿口油，吃後會多想吃多一塊~~感覺有點像PIZZA~但也有一個菜式令我失望-小籠包。小籠包皮不夠簿身，咬開一口沒有肉汁，也不見湯汁。乾身的小籠包。其他菜式例如鳳尾魚，慞茶鴨，清炒蝦仁，賽螃蟹，瑤柱豆苗，砂鍋雲舌雞，松子魚等等，味道也很好~~各位親朋戚友都非常滿意。

The food is great everytime when we visit there. The egg-yolk shrimp and the stewed knuckle are always memorable. It taste really really good. I brought everyone there and they all like the food so much.But they have to renovate the place a bit. It smell no good sometimes coz of the old decor.

這間幾乎是同事們排行榜第一位，這半年間已吃了好幾次。今次我們私底下搞開年飯也在這裡。基本上每次來食，都不外乎那幾樣菜式，不過今次是充滿澱粉質的一餐，雪菜炒年榚-食過好幾間上海菜，這裡做的年榚是有水準的，口感煙韌，軟硬度適宜。寧波炒飯-第一次食，材料豐富，還有蝦米的惹味；飯炒得乾身不會油，粒粒爽口。小籠包-其實這裡做的小籠包水準較差，每次吃都是較乾身、湯汁較少、肉味不太鮮，今次也不例外。蔥油大餅-底面也是煎得金黃，外層香脆、內層鬆軟，芝麻及香蔥味濃郁。獅子頭-味道不會過份的濃烈，香口不油膩；而獅子頭肉質軟滑鬆化。奶油津白-今次做得特別好，津白清甜、火腿鹹香及濃郁的奶油，三種食材配合得宜。炸湯丸-似是普通的煎埋仔，但入口是皮薄軟韌，炸得通透。煎八寶黑糯米飯-雖比老飯店的材料豐富，但賣相黑黑的，看似煎了，再吃真點原來是豆沙來的。豆沙份量比黑糯米多，味道稍甜又缺乏煙韌口感。期間看見不少客人要炸臭豆腐，大家亦比其味道吸引，相信不久後又再光臨。

今日中午同大學舊同學食飯, 大家都在中環附近工作, 所以久唔久都會約出黎食飯. 次次都几乎係我book枱, 今次我book咗寧波, 上到去12:45pm都未算好多人, 喺d人未到齊之前我已經決定叫咩餸, 費事佢地叫得慢!今次叫咗:1.海埑拼素鵝$120 －海埑一般，我覺得海埑頭爽ｄ，味道唔係好夠．素鵝好得，唔覺得太油，又唔係太濕．2.酸甜排骨$80?　─　好味吔！！其實几油，不過唔食咁多汁ｏｋ架！但我懷疑佢地俾錯咗豬排我地，一ｄ骨都無，不過唔緊要啦！3.雞火炒飯$70　─　錯不多每次都食，唔係太油，几好！4.干炒四季豆$70　─　好味道！只係我覺得＄７０咁細碟太少！四季豆又唔貴！俾多ｄ都得啦！5.生煎飽$40　─　好味喎！次次都係食小籠飽，今次個生煎飽好juicy，yummy!6.豆沙窩餅$３0　─　好新鮮吔！都唔係咁油！正！原來我老公未黎過這裡，我地坐正出菜位，佢几乎見到咩餸都問係咩，又話好想食，真係俾佢激死！佢話下次一定再黎喎！

2007年12月16日，寧波旅港同鄉會是日冬至做節，有12大2小。三色拼盤：因事遲到，去到連樣都未見過（食哂啦！）砂鍋雲吞雞：一個自己不太喜歡叫的菜（怕雞湯）。但雲吞好味，湯也沒有腥味。紅燒元蹄：上時元蹄已切碎了，元蹄不算太肥。OK。樟茶鴨：味道不錯，但茶薰味不太出，還是掛念君悅酒店的樟茶鴨。糟溜魚片：大家都覺得最不好吃的一個菜。蝦子海參：蝦子不太香，但成個做得不錯。海參好味。鹹蛋黃炒蟹：大家仍然驚，但仍然係咁狂食的一個菜。生煎包：味道好，但太油了。銀絲卷：蒸和炸都叫了，麵粉很香。香蕉高力豆沙：很久沒有吃出色的高力豆沙和豆沙鍋餅。這裏兩個甜品都好吃。豆沙鍋餅：特別是豆沙鍋餅（本身喜歡高力豆沙多些），夠熱，夠脆。非常出色。成餐飯好似差D乜？點解無菜？？另外，很懷念上兩次吃過的炸臭豆腐和醃篤鮮…

我地一行十二人總共叫左１３個餸同１個沙鍋雲吞鷄湯，每一道菜式都相當有水準，真係令人再三回味!素鵎:同一般嘅素鷄唔同之處係佢加入左青瓜同木耳，爽口得黎又煙煙靭靭咁，口感唔錯!涼拌鷄絲粉皮:呢個粉皮又薄又滑，同ｄ麻醬簡直係Perfect Match。素鵝:相當香口嘅菜式，腐皮卷入面夾著好多雜菇，事實証明好好味架，因為個轉盆轉左一個圈就掃晒!咕嚕肉:我嘅「飛佛」咕嚕肉，ｄ肉唔會太肥，個汁又好惹味，「依之棒」架呢!小籠包:一般啦，都算屬於好味果Type，ｄ皮都好薄!上海粗炒:出奇地好味!一個咁普通嘅粗炒能夠炒到咁煙靭，一個字講晒「正」!雪菜肉絲炒年糕:較為清淡嘅一道菜式，味道屬一般啦!唔係太特別~煎餃:外皮脆脆地而裡面ｄ肉汁又相當鮮味，超水準之作!松子黃花魚:呢味又係我地嘅Encore菜式，連唔食魚嘅都鍾意食呢味餸!干扁四季豆:唯一一碟菜類，保持水準!豆沙窩餅:外皮鬆脆，超多豆沙，好似甜多少少!高力豆沙:可能分得太多份，我果舊食唔到豆沙，好可憐!不過呢個我上次食過，都唔錯架!炸湯圓:頂級之選!真係好好味，外面嘅芝麻脆面有ｄ似剛剛炸好嘅煎堆，而裡面嘅黑芝麻餡又好滑，Size又剛剛好，一粒一啖!

3-11-07 (六) 午餐這裏裝潢雖然略舊，但企埋乾淨，周末的午餐時份，簡直是人聲沸騰，熱鬧非常，不過全是我聽不明白的上海話或者是寧波話。六個人試了以下食物：烤麩：熱食的烤麩，很美味，雖然翠園等也有這個小食，但這裏的風味是另一個層次。素鵝：又是另一道有水準的小食。臭豆腐：聞起上來味道不夠香(或臭？)，食落也是味道不夠濃，難道小時候街邉阿伯賣的臭豆腐經已成為绝嚮。沙窩雲吞雞：這個又不怎麼樣，有點兒覺得油。葱爆牛肉：唔錯。竹筍扒豆苗：竹筍和豆苗材料都特別有水準，尤其竹筍清甜可口。小籠包：小籠包就不敵翡翠拉麵小籠包，不過人家是主打強項，非戰之罪。窝貼：美味，底香脆，皮不厚不薄，適中。銀烄 卷：本來想試一炸一蒸。只送來炸的，又是另一佳作。葱油餅：食落一點也不覺得油，非常推介這項美食。