香港寧波同鄉會

营业中

休息中

I ate with my girlfriend at this place tonight and it was most disappointing. The last time I went there was some time in 2005 where the food was tasty and it was great value but boy haven't things changed since then.Two bowls of rice, one pang-pang chicken (spicy shredded chicken), dou-miao with shredded conpoy and spare ribs in plum sauce came to a total of 374HKD. The dou-miao was 120 in the menu but 150 on the tab. Upon querying the discrepancy I was told seafood prices had gone up recently

(10/10/07)與舊同事食lunch (七人)。今天終於可以唔洗叫例牌那幾味。同事介紹,一定要食黃金蝦、鱔糊。黃金蝦勁多「黃金」!堆住連殼既蝦,從未食過咁食法。鱔糊,炸那種好食D喎,今次食common果種「糊」,都非常好味,很有鱔味,幼芽菜又多,果然係必吃!雲吞雞,一般。醉豬手,很咸吓。炸&蒸銀絲卷,各一客,甜甜地,及鬆軟,外層薄薄的有三層,圍住一絲絲的麵粉條!手功很不馬虎!!上湯豆苗,上湯獻勁得多,錯覺很油。雪菜肉絲炒年糕,年糕切得薄薄感覺入味,而且無咁滯。離開時,見到枱枱人都有食黃金蝦呢!

友人的生日揀左中環呢間價錢相宜的上海菜．．．因為最後仲要食生日蛋糕,所以都唔咁叫太多野...(雖然最後都係食唔晒!!)冷盤雙併::: 醉雞相當夠味,唔駛點酒都ok; 反而鎮江餚肉就一般小籠包::: 皮相當薄, 薄到可以見到裡面既肉; 但裡面既肉汁少左d,唔會有「咇」晒出黎既興奮!!砂碢津白::: 份量超大!!每人起碼可以飲2碗。料都相當足,唔會好似出面咁淨係得津白同咸肉，佢\裡面仲有海參,豬肚令到個湯更加鮮味!!黃金蝦:::主菜之一,本來想叫呢度出名既黃金蟹,訂位時又話唔駛訂,叫到竟然又話賣晒,最後只好叫黃金蝦... 味道相當唔錯,蝦好新鮮彈牙,上面既咸蛋黃汁多到瀉,大家都覺得好似用左成打咸蛋黃去整咁, 好似流沙包裡面既流沙咁!!!椒鹽元蹄::: 略肥,個皮整得好好,脂肪入口即溶,但始終脂肪多過肉好多,只可以一件起兩件止想去中環食飯又唔想太貴,呢間係相當唔錯既選擇!!!下次要試埋佢\個甜品先...呢度既份量都幾大,一班人去會好d!!!

大家好！本人是从上海来的，三年前根同学们来到香港旅游。突然想吃上海菜，就到酒店的询问处问到。他们大力推荐寧波同乡会。还记一搭入饭厅的时候，觉得装修还满不错！吃完这后更有回到家乡的感觉。今年跟家人来香港拜访奶奶，就提出来这里吃饭。我的最爱：粉皮鸡雪菜毛豆百叶家常并炒年糕窝贴鸡火干丝不好的。。。地方难找气水选择不多太近兰桂芳，好容易被诱惑

d餸菜的價錢都算偏貴，叫咗葱油餅、雲吞雞、樟茶鴨、糕蟹炒年糕、拼盤、小籠包、炒飯和一些甜品．總括來講，d食物都唔係特別好味，不過d價錢都幾犀利．

成晚食o左咁多樣餸，呢幾個較好：－－（１）黃金蝦：好多黃金，蝦o既size又適中，味道都好入，唔錯，唔錯。（２）蔥油餅：全晚我最喜愛的一道菜，我又鍾意食蔥；佢\\\又煎到好鬼香，真係一流！（３）燻蛋：視乎個人喜好，佢\\\Ｄ‘燻’味好濃，本人就不好了。

吃開年飯，總是高高興興，濟濟一堂，也是多多益善。下午才跟中環食友吃，晚上就和另一班圍內OR食友開年，地點選了在這裡。飯局前趁有點空檔，除左去hh，還來點了菜先。事先食友給了難題，我亦坦白相告，其實寧波同鄉會，也沒有幾道寧波菜的。專誠來打點一下，其實也撲個半空，餐牌有的大湯黃魚、煙薰河鰻是沒有。要吃羊尾筍、黃泥螺，都沒有。盡人事，也只叫了臭豆腐及一味原以為寧波菜的獅子頭﹝謝貴刁之指正﹞。罕見地，席上只得一支酒，是Superbaby的Muskat﹝不是馬爹利VSOP，哈哈！﹞，在此謝過。菜色方面，只剩下幾味是有點印象的。家常餅是仍舊的香脆美味，薄薄的一塊，當然沒有正宗地道的夠份量，但作為小食，恰如其分，仍然不可以錯過；三鮮湯年糕是在尾段才上的一味，三鮮湯幾鮮美，亦滿有金華火腿的鮮香，食友紛說，比雲吞雞的湯式更好；臭豆腐要了一蒸一炸的，炸的聞起上來臭味很強烈，吃時又不算是什麼。蘸了甜醬及豆瓣醬，還似在街邊吃的擔挑臭豆腐；蒸的則相反，聞起來不算什麼，吃起來味道較強烈了一點。用毛豆雪菜去蒸，都算是一味幾特色的菜色。雖然這個臭度，離正宗的是一半也不及，但在香港，都算是可以一試的了；至於紅燒獅子頭，

早前已經與食友談過這裡的椒鹽元蹄，聞說炸得香脆惹味，就趁開年飯局，與一班喜歡到處吃的食友來寧波「開飯喇！」先來幾味冷盤，是醉雞、醉豬手、烤夫、炸鱔、海蜇頭，試過老上海、天香樓、留園幾間菜館後，不得不拿出來作比較，醉菜：雞、醉豬手不期望會做到留園、天香樓的水準，亦不期望用花鵰將豬手浸過夜待其入味，但吃得出酒肉分離的感覺，是做得幾行貨；炸鱔，較天香樓的少了些炸漿、較老上海的厚身少少，香脆得來帶半分鮮味；海蜇頭切得薄身爽口，加了醬料吊味，微酸開胃。滬菜又是少不得燻蛋，心目中的靚蛋，是將鴨蛋燻得金金黃黃，先要將鴨蛋滾至半生熟呈糖心狀，然後用茶燻至微微茶香，是晚吃了一只半，一隻是熟過火而味濃得緊的，另外半隻是半紅半白的半生熟蛋，席間吃過留園的朋友，相信是返唔到轉頭。趁喉嚨還是清白時先吃個清炒蝦仁，較手指尾尾節還要細，好處是細細粒爽口易食．．．厚而微cream的欠汁，水準一般。之後的臭豆腐兩味（炸、毛豆蒸），席間最為雀躍的相信是E．T，聽她形容蒸臭豆腐的形容詞時，食友聽得哭笑不得，金磚般的炸臭豆腐，感覺極似旺角街邊貨式，是嗅到有少少臭，但食完飲啖湯足夠去味，與早前到北京吃的扁身臭豆腐比，此品的af

好味呀，服務都唔錯，價錢合理，想再去。可能因為無咩點食過上海野，好新鮮。想去食既念頭。賽螃蟹:有鮮味雞c鍋巴:普遍樟茶鴨:一向唔食皮唔食肥膏既我,將所有野放哂入口,好脆皮入味,正小籠包:有汁雲吞雞鍋的雞:津白鮮甜,湯清

今年媽媽的生日係星期日, 由早堂到練詩再開會, 終於係六點半趕到. 一樓去過好幾次, 今次去四樓.入面唔係幾大, 但我們四個人坐得都幾舒服. 先俾$20年費, 跟住先開始食.清炒蝦仁: 9分, 非常清甜而新鮮的蝦仁, 都幾大碟.砂鍋津白: 8分, 砂鍋應該係而度的招牌, 看見好多臺有叫砂鍋. 我們叫的砂鍋津白係極大碗, 共分到十碗. 湯不算很濃, 津白幾鮮.椒鹽元蹄: 9分, 相當大碟. 面頭的皮係有椒鹽味而脆卜卜, 但入面的肉完全唔老, 係肥肉部份嫌多了點, 元蹄本身已經好美味, 加上伴碟的炸川椒葉(雪菜?)係好香口.樟茶鴨: 9分, 係近年食過最出色的樟茶鴨. 鴨皮係炸得好香口, 鴨肉完全唔老, 連吃幾件的肉質都係相當嫩的. 係伴碟的蝴蝶包未夠熱.家常餅: 10分, 食到全飽, 還是叫這個家常餅. 沒看清楚食評, 還以為這個係甜點, 鬧出個大笑話. 但媽媽係非常鍾意這個家常餅. 始終芝麻係媽媽的至愛, 餅外面的芝麻讓媽媽食到唔停口, 竟然係第一個連吃兩件家常餅, 我們只好鼓其餘勇吃多一件.媽媽的評分係十分. 我覺得這個家常餅食落唔覺油, 相當香口, 蔥跟芝麻的配搭係好好. 我都俾十

係新同事0既welcome lunch,一檯17人叫左: 海蜇頭:幾爽口,口感唔錯雞絲粉皮:呢個ok la,不過如果有d芥末就仲好醉雞:都係水準之作臭豆腐:唔係真係好臭ga jar,不過就真係好脆蔥油餅:飽肚0既好選擇清炒蝦仁:我就覺得一般,唔算太爽口攬角炒玉豆:不過不失小籠飽x 2:呢個就麻麻地la,小籠飽0既皮太厚,而且內裡又無肉汁,敗筆之作煎餃子x 2: 反而呢個入面仲有d肉汁,不過個皮就厚左d, 都唔錯小食拚盤:樣樣都唔錯,幾開胃擔擔麵:份量超大,味道就一般啦,唔算係精選之作 呢度0既碟頭都幾大0下,一大班人黎食就最好,味道方面都keep到個水準,唔會差得去邊.service方面,由於我地係lunch去,人多到不得了,都唔會有咩要求ga la,$90 食到咁多野兼有呢個質素,算係個good bargain 黎ga la

好耐都未試過同一大班朋友响香港食飯，是晚同阿K買咗套衫準備去飲之後，我地同幾位朋友去咗寧波旅港同鄉會食晚飯。聽那裡嘅侍應講，由明年開始此店只招待會員。不過唔駛驚，任何人都可以成為會員，只要俾廿蚊入會費同埋每年廿蚊年費就可以繼續享用此店所提供嘅菜色。今次唔係我負責點菜，不過友人點菜嘅功力亦不怠。所點菜色如下：燻蛋涼拌海蜇醉豬腳蟹粉豆苗砂鍋雲吞雞樟茶鴨小籠包豆沙鍋餅筆者以前從未食過燻蛋，所以唔係好知點樣嘅燻蛋為之最好。憑直覺覺得這裡嘅燻蛋整得幾好味，蛋黃好似糖心蛋一樣，軟軟地又甜甜地，好好味；至於蛋白嘅味道稍弱，可能整得好食啲嘅話會有唔同。涼拌海蜇味道是可以的，不過菜色係比較普通，相信好多食肆都做得到。醉豬腳嘅水準頗高，豬腳完全入晒味，筆者不禁食完一隻又一隻。砂鍋雲吞雞有好多雲吞，我地六個人起碼可以分到三粒。湯嘅火喉夠，湯呈淺白色，係長時間肴雞嘅結果。蟹粉豆苗係咁多樣餸最貴嘅一道，成三百五十蚊，因為蟹粉嘅份量比豆苗多好多，幾乎係二一之比，所以價錢係可以預見的，用咗咁重份量炒出嚟嘅豆苗，想唔好食都幾難，我食咗一轉之後已經食唔到第二轉。小籠包嘅湯汁份量可以用十分多嚟形容，我需要咬開包少少，飲一

第一次去呢度食,各款食物水準都不過不失,加上價錢都好理,椒鹽炸豬手真的可以一試,另外頭盤的鳳尾魚都是必叫的,至於甜品,桂花芝麻湯圓皮薄加上黑芝麻的香味,我下次一定會再吃!9 個人共消費了大約$ 1260 , 這個價錢比我想像中平!各位不妨一試!

(3/11/06)部門生日飯,終於再被選中。我們又叫我們的standard餸。海蜇必叫!有香蔥粒拌,口味薯不同。醉雞好夠酒,濃味。咕嚕排骨,呢度做法,係用豬排切件,我唔係咁欣賞,不過味道ok。百頁小棠菜,一般。小籠包真麻麻,皮頗厚,餡無乜肉汁,mm..食上海野唔食小籠包既話,又好似爭D既。上海炒年糕,唔錯,所以好快掃清。無叫白飯,order了兩條炸銀絲卷。甜品:豆沙鍋餅,$90太貴吧,皮薄餡多,同齋食紅豆無分別。酒釀丸子,丸子是把上海年糕切粒,太不認真吧,酒釀湯不算濃。桂花芝麻湯圓,勁勁勁正!有五粒big size的,皮好軟&新鮮,有即搓的感覺。

某日同朋友黎食lunch, 點左以下食物：1.黃金蝦2.家鄉餅3.香蕉高力豆沙4.雞絲粉皮個黃金蝦幾好食, 不過朋友話東寶的更好食..家鄉餅就好似一般既蔥油餅, 不過好大件, 好似一個pizza既size..香蕉高力豆沙呢個太油, 雞絲粉皮一般啦, 冇咩特別...