餃掂手工餃子雲吞專門店

营业中

休息中

今朝去開灣仔交文件，諗住概然12點不如係附近揾間餐廳食晏，經過餃掂時朋友提議食餃子龍鳳松茸隻灼餃配狀元九鼎湯 $86/8隻分別有黑松露松茸餃及白松露松茸餃。黑松露茸松餃味道較香濃，豬肉嫩滑、juice，白松露松茸餃味道較清香，同樣juice狀元九鼎湯是餐廳推介，這湯較重粉葛味，但都算好飲。而且古法熬製，不含味精，去濕、養顏，對腸胃好元貝豬肉湯餃 $60/10隻元貝份量都幾多，加木耳后令豬肉餡更有口感，而且仲有香菜，令餃子嘅味更突出韮菜豬肉煎餃 $56/10隻餃子煎得好香脆，肉餡很多，皮薄餡靚，韭菜味好香濃四川涼麵 $30涼麵幾惹味，醬汁底，麻醬另上，可以自由配搭

平時食飯食麵食到悶 不妨食下餃子又幾好喎😋今次嚟到灣仔一間出名嘅餃子店試一試餃子款式都好多 亦都有一啲小食同麵類🍜我分別叫咗個至尊松茸豬肉餃$72 同龍鳳松茸雙煎餃$86前者係傳統啲嘅豬肉餃 加埋小小菇菌類 再配一碗湯，後者係比較特別啲嘅 係黑松露同白松露煎餃🥟餃子皮薄餡靚 個人好鍾意食龍鳳松茸雙煎餃 食得出好濃嘅黑松露同白松露味 而且煎得好金黃好靚 裏面亦都好足料👍鍾意食松露嘅朋友 呢個應該會滿足到你嘅口味☺️其實除咗餃子 其他小食都好好食㗎！例如個酸辣雲耳$25 同麻辣松花皮蛋$25 食落好開胃😋酸酸辣辣 所以再追加多咗個雲耳😆正呀！👍

與朋友們做完運動，肚空空想找一些飽肚餐廳，經過利東街附近發現開了一間餃子店，即管試試！店面不大但裝修很優雅，而且坐得舒適每台桌面都放了一自家制辣椒油及菜甫豆豉醬，極之香口，作為餃子調味十分適合我們一行兩人點了三款餃子及一些小吃元貝豬肉餃最為推薦，一咬落口元貝的咸香味撲鼻而來，配上充滿鮮味的豬肉餡，實在高質素！而且湯底亦不普通，是用老火湯作湯底，完全可以整碗湯都喝光龍鳳松茸雙灼餃亦亦屬另一推介，內裡肉餡保留了大量肉汁，鮮味十足！冬菇加上黑松露的組合十分配口，令人一食再食！韭菜豬肉煎餃外皮煎得香脆，韭菜香口，完全做到外脆內軟效果！值得推介這間餃子店！

第一次幫襯 緊係叫招牌野拉叫左至尊松茸豬肉餃+狀元九鼎湯，灼芫荽餃，煎元貝餃，上海淨麵餃子可以按自己喜歡揀灼或煎我個人會喜歡芫荽餃松茸豬肉餃唔係適合每個人口味，因為松茸味較濃郁而最出色既就係狀元九鼎湯完全無味精 好清甜飲完都唔會口渴湯配餃子簡直絕配

尋晚朋友們話要食餃子，佢話有間食餃子應該唔錯，其實香港好少真係高質既餃子。去到舖頭，發覺咁少人既，會唔會係伏呢。攞左坐望一望周邊有d畫都幾可愛。我地叫左唔少餃子同野食，有豬肉餃、韮菜餃、松茸餃、麵同小食。最欣賞係松茸雙灼餃，要一對一對咁食既，裡面有白松露同黑松露，建議食左白松靈先，之後先食濃d既黑松露，唔鐘意gas味既朋友可能未必岩啦，不過個人好鐘意，味道濃郁，正！仲有，驚喜係個四川涼麵呀，麵係夠涼，味道好香，配芝麻醬一流，份量夠一個人食量，我地之後仲追加多一份。最後，係個狀元九鼎湯，飲唔到有味精架，都幾鮮甜，食得濃既朋友可能會覺得好淡，我就覺得岩岩好，清清地，十足十住家湯。好少食肆真係無味精。其他都唔錯。

心癢癢想食餃掂嘅餃子🥟因為之前食過味道的確唔錯枱上有多款醬料可沾餃子,例如四川麻辣醬丶菜甫豆豉醬。野生松茸素餃 $45 7隻 呢間松茸係無敵㗎😍🤭超鮮甜 入面有松茸粒粒 松茸味超級香濃💯 呢個係冇豬肉既 松茸味更加突出 呢個係灼餃比煎餃更可以食到松茸既原汁原味 真正既招牌餃子🥟🥰 .除左灼餃仲可以揀煎餃。元貝豬肉餃 ($64/10隻）兩邊皮脆卜卜🤩 好多一絲絲元貝好鮮甜 加少少豉油同辣椒油更惹味 不過油咗少少，如果無咁多油去煎會更好😝 賣點之一既狀元九鼎湯標榜無加味精材料包括粉葛丶赤小豆丶劁魚丶鯪魚等⋯可惜味道偏淡,唔夠味。蜜餞雞翼（$24）甜甜地幾入味唔錯唔錯

每個星期食晏都好鍾意嚟食呢間餃子。環境都算多座位，座位亦都算闊落唔會坐得好迫。一如以往我都係叫雙拼湯餃😋每次我都好鍾意試唔同嘅餃，今次我就叫咗芫茜豬肉餃拼元貝豬肉餃。一個大碗十隻～湯係元鼎湯，冇記錯好似係有粉葛同唔知乜嘢煲出嚟🤣湯完全無添加味精，飲完都唔會口乾。芫荽豬肉餃入面充滿大量芫荽😍芫荽味道非常突出！🤩鍾意食芫荽嘅朋友一定唔可以錯過，不過佢今個星期嘅芫荽豬肉餃啲豬肉就有啲散，平時都okay。元貝豬肉餃入面都有好多元貝絲，食落去好香口，不過我就覺得好似同豬肉撈埋一齊唔係好夾。

晚上1830門口已經有人龍，排了10分鐘左右，建議早點來。韮菜豬肉餃煎餃即叫即煎，表皮金黃色，皮薄餡多，豬肉肥瘦適中，再加點辣醬調味，食下去肉汁在口中爆出。粟米豬肉餃粟米粒和豬肉的味道也十分夾，個人較愛粟米，有吃到甜甜的粟米味道，清清淡淡不錯。麻辣皮辣很香夠麻辣，愛吃辣的必試，皮蛋調味足夠。蜜餞雞翼一碟三隻，甜味雞翼必點，與一般的蜜糖雞翼的甜不同，感覺幾特別。山楂雪梨水夏天飲夠解署又清熱氣，滋潤養顏

一個人的晚餐很難選揀,忽然想吃餃,知說餃掂最近多人讚,一於試試。個人很愛吃雞翼，來道蜜餞雞翼。雞翼調味略濃郁，味道還可以。他有很多新式的餃子，但我偏愛最普通的韭菜餃,這次選了煎餃。餃子皮薄，而且餡很滿，吃得出餡是新鮮的，握介！！

去Bb展血拼完足足一日，餓都餓到無咩胃口啦，周圍搵嘢食填肚，唔算好餓比我見到餃子就啱晒啦。一打開餐牌有老火湯喎，正！即叫呢個「狀元九鼎湯」$20/碗係以粉葛、順德活鯪魚、香山活鯽魚、紅蘿蔔、扁豆、赤小豆、新會陳皮、蜜棗、鮮排骨等等熬成的，飲落好香濃，口感好滑！野味酸辣雲耳$25好爽口、開胃。四川涼麵$30麵身幼幼好香軟，配芝麻醬撈埋一齊食好惹味啊！當然唔少得呢度嘅招牌餃：龍鳳松茸雙煎餃（8隻）$86係以黑松露同白松露製成嘅餃子，黑松露味比較香濃，白松露味道比較特別！除此之外仲叫咗一個香煎軟心芝士餃子（10隻）$60係芝士配粟米粒，香甜好味！

隔一星期我又黎食過啦😋掛住佢既芫茜餃😛依舊叫左雙拼湯餃，不過上次食中碗七隻唔夠喉，所以今次叫左大碗十雙🤪今次照舊叫左芫茜豬肉餃，另外拼左粟米豬肉餃，各5隻。平時中意食咸多過甜既我，試下粟米豬肉餃，佢既口感都幾好，食落有粟米一粒粒咬口，同豬肉既味道又幾夾。嘿嘿嘿，又係我最中意食既芫茜豬肉餃🥰每次食都好想試下自己包😂依舊有好香濃既芫茜香味😍餃子size適中，唔會太細隻，食晒十隻餃再飲埋個粉葛湯都有少少飽肚。

放工約咗朋友喺灣仔食飯，openrice見好似幾好幾抵食就行過來試下〜六點零鐘其他舖頭應該未旺的時候，呢到已經排緊隊！入面坐滿咁滯，真是估唔到咁好生意叫咗兩個小食，麻辣松花皮蛋，平時不太食辣，但呢款麻辣好過癮，愈食愈停唔到口，配麵食應該十分不錯蜜餞雞翼，普普通通，同蜜糖雞翼無咩分別〜主角餃子，要咗粟米豬肉餃同韮菜豬肉餃，煎得幾香，大大隻又包得幾好，加埋放係枱面啲麻辣椒醬，不錯〜兩個人埋單2百蚊都唔駛，算好抵食

因為上次食左個雲吞湯麵覺得唔好食，有啲唔順氣，今次再返來食返餃子。我好鍾意食佢地個湯餃，因為個湯好好飲，無味精，呢個湯叫狀元九鼎湯，主要有粉葛，飲完有下火嘅感覺，可以單點，但$20一碗。我每次食完湯餃都會飲哂啲湯架！😋其實已經差不多全部餃子都試過，但最好味最隱陣都係韮菜豬肉餃，所以食餃子都會點韮菜味配其他味，有啲新鮮感嘛。相入面得8隻湯餃，因為一上菜已經食左2隻😂韮菜餡料豐富大白菜味淡啲，有對比就無咁好食同事order煎餃，即搶。皮脆多汁，但對箍牙妹來講有啲硬。韮菜唔洗錢咁😂，一咬就爆汁芫茜餃好似比之前少左啲芫茜呢個麵好淋好岩箍牙妹食

今日係灣仔返工，所以睇吓附近有咩食，見到有呢間食餃子🥟，其實幾年前已經係太子嗰間分店食過，印象中都好食嘅所以再食多次😛坐低後見到枱面有一樽漬物，仲有盒紙巾，呢個幾貼心👍🏿主要都係有分湯餃同埋煎餃兩樣，我自己就叫咗雙拼餃中碗（七隻）分別係韭菜豬肉餃同埋芫荽豬肉餃。冇記錯佢個湯係粉葛湯。佢話冇加任何味精，我都相信係因為非常之清淡😂韭菜餃都幾大隻同幾實的的，唔會話好少餡。韭菜味道好突出我好鍾意🤤芫荽豬肉餃超好食😭一咬落去已經好有芫荽味衝出嚟！鍾意食芫荽嘅朋友就一定要叫呢個！😍不過其中一隻韭菜餃一夾成塊皮就彈開咗。最後埋單$51😛

都黎過呢個餐廳幾次，每次都係叫淨煎餃或湯餃，今日就心血來潮，想試下特別野。。於是乎我就叫左一個雲吞湯麵，麵底好淋，好岩我箍牙妹食，即係話正常人會覺得太淋🤔。雲吞係小雲吞，一碗有12隻，肉質實淨沒有偷工減料，內有木耳碎，食落口感更豐富，但呢啲豬肉餡料用左其他醬料調味，跟餃子不同，味道其實一般般，沒有特別出色。湯底也不是湯餃的那一種，湯味不濃，但喝完都不覺得口渴，相信沒有味精。另外，偷左粒同事嘅韮菜餃，你睇，幾多韮菜，好料。這個雲吞湯麵今次試過就算，不會有下一次了，下次都係食返餃子。