風雲丸

营业中

休息中

在Tst 常常看見不同的食店有着長長的人龍在排隊.於是一於試下這人氣沾麵，看看這沾麵和其他有什麼不同.這食店離mtr 3 min 十分方便易找的.提提大家，大食人仕可叫特盛400 g ,不用加錢的、但最重要是不要浪費食物.有不同的湯底給大家選擇.布置十分有特色.主打豚骨湯底.先叫一個豚肉飯先，豚肉份量十足.到主打的沾麵，石鍋十分夠熱，加上爽口的麵、這配合，十分好味道，豚肉又是厚切的，十分滿足了.最後餃子也十分有水準，充滿肉汁.

星期五1230放lunch,由海港城衝去中間道排隊吃沾麵，幸好排第一，等了5分鐘便可入坐。后面等的人便等很久。因朋友未到，一坐下便叫了餃子炸雞，因為在其他拉麵通常餃子即煮要等成十幾分鐘，但這個下單後5分鐘便有，即是不是即煮，味道口感ok，但只是温熱，有点失色。主角魚介沾麵，原來先落檸檬汁落沾汁有神奇醒味的效果，300g粗麵彈牙好有質感，加上沾汁，不咸剛剛好的配撘。大塊的煎香的豚肉值得一讚。最後我們有加鬆肉飯落沾汁吃，畫上完滿的句號？

以前食拉麵，你會話食「味千」。今日食拉麵，選擇已經多到唔知講邊間好。然而今日流行已經不只是拉麵，沾麵已經默默地入侵香港的日本飲食潮流。沾麵起源由「大勝軒」的創辦人山岸一雄而起，有的說是員工食，有的說是賣剩蔗，不論來源如何，彈牙麵條配合濃濃沾汁，讓麵條掛湯而吃，味道是比拉麵有另一番滋味。拉麵與沾麵，我偏愛沾麵，清爽一點而少一點膩。雖然而家是冬天，午餐🥣之時，我都是想來一碗沾麵較多。尖沙咀食飯，貴是貴但款式眼花繚亂，沾麵都好幾間店有售，好讓我慢慢嚐盡天下麵。早前呢間新開日日大排長龍，對於我呢個「一小時的灰姑娘」，真的沒那時間等。但是不知是否熱潮散去 / 推廣完畢，竟可以俾我walk in 而入，大好機會點可以錯過點了招牌的魚介豚骨沾麵，它最強賣點是以三百度石鍋盛載著沾汁，想起都令人熱血沸騰，口水湧現一上場，”sizzling”係我第一下諗到的形容詞，真是熔岩爆發咁，熱氣四散下同時亦帶動了香氣的撲鼻，加上冬日的寒冷，那沾麵未食都加成半倍分數。本人細食，小盛已夠。麵條如烏冬段彈牙但帶多一份麥的氣息，不濃而輕輕的。沾一下沾汁，看似很濃但實際我希望更濃郁。不是因為我重口味，而是它是稠但味不厚，魚介

食完忍唔住開個account寫食評！次次經過都好多人排隊。今日2點幾經過見無人排隊就決定試吓。點知勁失望！我同老公每人叫左一個沾麵，再加一個燒汁餃子。-燒汁羽根餃子- 餃子叫左唔夠兩分鐘就有得食，都知唔方好食架啦。啲餃子皮勁硬，都唔知擺左喺度幾耐。其實呢啲餃子都唔會係自家製架啦， 翻熱都可以整到咁難食。食到相都廢事影。-豚骨魚介味玉沾麵-蛋又唔切好比人。個汁似茶餐廳啲黑椒汁，麵又唔好食。 一食舊肉成口肥膏。現成日式叉燒仲好食過佢。-辛辣豚骨魚介沾麵-老公話夠辣。**我哋兩個都要走筍，點知兩碗嚟到咩配菜都無得返幾條草。兩碗麵賣相極度唔吸引，用埋filter都唔靚-員工-我坐梳化位。隔離坐住個男仔喺度玩電話。原來係其中一個員工嘅朋友/男朋友。佢哋不斷喺我隔離傾計，唔係個侍應企喺度真係唔知佢返緊工另外有兩個員工企喺淥麵果度。我明間餐廳得幾枱可能好悶。但係有個肥嘅侍應用手托住個下巴， 手爭放喺啲餐盤上面。表現出好眼訓同好唔想做咁嘅樣，真係好影響食慾。唔明點解會長期咁多人排隊。唔會再嚟。openrice應該要比人揀0粒星，因為呢間野一粒星都唔值

星期六下午兩點來到，還是要排隊半小時，滿期待的。進去後點餐35分鐘後才有食物和飲品，怪不得這店長期排隊。沾麵煙靱，比坊間的沾麵都要輕盈。吃100%份量我竟然吃得哂，平時我吃其他店是吃50%的，純粹因爲麵條不太滯。汁料不夠多，每個客人吃飽麵後已經沒有汁了，沒有人加湯水進汁享用。

放工經過呢度，見到大排長龍，原來喺日本沾麵店！一於試吓日本嘅味道！同枱仲有放工嚟食野嘅日本人，佢地order喺用英文Menu🤣 石燒肉盛豚骨魚介沾麵 $128 2個人叫咗特盛 400g，一定夠2個人食，仲可以叫小食一齊分享。店內有介紹沾麵吃法～沾麵圓圓地幾q🍜，容易掛上湯汁，因為較平時拉麵粗身，浸一浸湯底掛上湯汁，食多幾條就飽飽哋。2條味荀同4塊肥美嘅豚肉，豚肉成1cm咁厚😍，當中豚肉脂肪比例沾7成😈 用筷子可以分開肉同肥膏，食哂都幾軟腍～以特製石鍋盛著特濃厚嘅豚骨魚介湯底，跟指示落檸檬汁，味道喺開胃少少同埋去除少少油膩感覺，魚介味唔太突出，啖啖都係油😶湯底上枱時真係熱辣辣起哂泡㗎，可惜嘅喺未食到一半湯底已經變涼，食到尾更加凍哂，啲油就停喺度....😱相比起韓國石鍋，石鍋保溫程度有待改善。味玉$12蛋黃流流哋心，唔錯唔錯！燒汁唐揚炸雞 $38炸雞有5大份㗎！面頭燒汁喺炒麵醬汁🤣 炸粉薄薄地，炸雞啱啱炸好，外脆內軟，肉汁同油爆哂出嚟🤤雞肉嫩嫩的。羽根餃子 $35 薄薄嘅餃子皮煎得剛剛好，餡料豐富～用Storellet 申請做會員以$15優惠享用原味餃子～

在日本旅行時有食過沾麵，香港就真係第一次。這間風雲丸位於K11對面，掛著大大個招牌，門口裝修已經相當搶眼。我們到達餐廳已經下午3點，但仍然需要排隊，幸好不用十分鐘就排到了。座位不算多，會比較坐得迫一點，不過我一點都不介意，日本拉麵店都是這樣的，最重要是食物吧。風雲丸主打沾麵，但都有少許拉麵，飯類及小食供應。餐廳每碗份量基本只得100g，但不夠食的話，加200g, 300g及400g都是免費的，如果加$45 就有800g之多。大家可以因應自己胃口有幾大而選擇份量，那就不怕浪費食物了。我同老公就選擇了餐廳的主打-石燒濃厚豚骨魚介味玉沾麵，我們並加至400g 一碗share 食。沾麵有分冷/溫之分，冷麵會比較有嚼勁，溫麵就更有麥香，沾麵湯上枱有300度高溫，所以大家要小心熱啊!枱上都有圖介紹大家沾麵的食法，先夾起一箸麵條輕輕浸於沾湯中，提議擠入檸檬汁，更加開胃。另外食法是，可將香鬆飯加入剩下的沾湯中，拌勻成雜炊飯享用。我們加至400g的沾麵真的足夠我們2 個胃口比較少的人，沾麵的麵條比拉麵較為粗身，令湯汁易於掛上麵條上。配上一塊大而厚切，燒得香香的豚肉及流心蛋一隻。沾麵的湯汁有木魚的味道，比

風雲丸係灣仔開左一斷時間，每次經過都大排長龍 所以都未有機會試到。終於等到佢係尖沙咀開第二間店。今日行完街9點幾 見到佢門口唔太多人等 就一於試下。睇睇個menu 除左沾麵之外仲有飯。佢既炸雞同煎餃子🥟睇落亦好吸引。而沾麵既麵底仲可以選擇份量，好岩我 食得唔多又唔怕浪費第一次食 就叫左最受歡迎既石燒濃厚豚骨魚介味玉沾麵。沾麵既湯係用石鍋裝住，上枱既時候仲係好滾。沾麵麵底彈牙，湯底好濃魚介香味，每條麵都掛上湯汁 好好味👍🏼 上面既豚肉極度鬆化，入口即溶，玉子亦夠流心。食到最後沾麵既湯都唔會凍哂，好保溫而朋友就叫左個石燒辛辣豚骨魚介沾麵，試左一啖，湯底好夠辣，魚介味都好香濃。不過真係幾辣，食得辣既朋友先可以食哂成碗風雲丸可以話係我暫時食過最好食既沾麵，價錢合理，下次會再試下其他口味！

十一月二十五日星期日，於下午四時，天下着雨，我路過此食店見沒有人排隊便入去試一試該店的拉麵，年輕的侍應見只有我一位，便安排我去坐bar枱，bar枱共有五張椅（全食店約有30-40座位），有兩位侍應在bar枱趴下睡覺，侍應安排我坐在兩位趴在睡覺的員工中間進食，我有點猶疑想找店長，就在這時，其中一位午睡的小姐站起來，原來她就是店長！😰等了良久的招牌麵（約$100）終於到了，麵上只有一塊五花腩肉、兩條笋及一些我不懂得欣賞的拉麵，我真的不明白為何長期有人在外排隊，莫非羊群效應？

今次同大家介紹既呢間風雲丸，次次行過都爆晒場 ，一路都好想試下究竟有幾好味！咁岩今日星期一收工之後得閒，就決定去試試佢！去到既時間發覺原來今日星期一做緊推廣 「買一碗第二碗半價」既優惠，忽然覺得仲更加抵食呀！咁等緊排隊既時間我地就一齊睇下個menu先店舖既裝潢就好似去左日本京板神既拉麵屋咁，大大個燈籠幾有氣氛。今日就點左呢個店員推介既「石燒濃厚豚骨魚介味玉沾面」，而大家可因應自己既食量去order要幾多既面架枱面貼住店介推供既食法，對第一次食沾麵既我黎講係好大幫助架等候時間唔算耐，好快個沾麵就送到黎。第一眼就俾佢塊超厚既叉燒wow左一聲，而燒紅既石鍋亦都令湯底可以保持溫度，呢樣係好緊要！因為好多主打濃厚湯底既拉麵，住住個湯食到一半已經涼左然後一舊舊油脂浮面，面石鍋就正正解決到呢個問題初初我都好奇突點解會跟份檸檬，原來係當你比你加落湯底到令到一般既濃湯所有既濃厚油膩感得到中和，仲帶出埋魚介既鮮味添味玉好入味，食得出係日本蛋獨有既甜味總括黎講，呢次既沾麵之旅都算好好食！值得再去試下唔同湯底配料！

每天都是工作, 下班後也少了跟朋友相約吃飯, 感覺人生有點乏味, 上星期幸好有天按時下班, 朋友相約一齊吃飯見個面, 朋友選了去這家拉麵店吃晚飯, 他說平時一出來這區都會吃這家的沾麵, 因為份量多和價錢合理, 所以想也不用想就跟著他入了店內找位子一翻開餐牌, 沾麵是頭頁既招牌主打, 款式也不少, 不想吃沾麵也可以點湯拉麵, 不過我們也被餐牌的相片吸引了, 所以各點了不同口味的沾麵, 這樣就可以一齊分享吃, 點好後很快就送上了我點了期間限定的特濃山椒魚干沾麵, 麵的份量分為三種, 可以自行選份量和自行選冷麵還是熱麵, 可能是太餓的關係, 我點了份量最多的和熱麵, 麵跟湯是分開上的, 配了豚骨肉和小魚干, 面頭撒了一點山椒粉, 豚骨肉吃起來就比較有咬勁, 也挺軟熟的, 肥廋適中, 不錯喔! 然後夾了熱麵放進熱呼呼的石頭鍋湯中, 我很欣賞湯汁用石頭鍋來盛著, 可以把湯保持溫度, 把麵沾完夾起來也看到湯掛在麵上,想不到一入口就有意外驚喜, 麵條非常彈牙可口, 湯汁帶著非常香濃的魚味, 吃完不會覺得有口乾的感覺, 很好吃! 而麵條放久了一點雖然會冷了, 但再入進湯中沾著吃, 都不會變硬, 一吃就

在尖沙咀到處是美食，走過馬路旁，看到這店，打著超濃厚拉麵，就決定吃一碗。內裡是日式裝修，色彩鮮明，都是說著濃厚為主題。枱上放著餐牌，以及簡單的點餐紙，還說著秘製叉燒。這店的沾麵除了一般不要蔥或荀之外，最為特別是可選擇麵的份量，由200-400g不等，再多的話則要額外加多價錢，對於大胃王可是一大吸引點。枱上有著簡單的介紹，如何選擇，如何進食，可有著最佳的味道。最後選擇了豚骨魚介沾麵，只要並盛份量(200g)，羽根餃子，飲品再加上信州提子蘇打。信州提子蘇打先送上，明確的注明是信州產物，淡黃色，而且還加入碳氣，入口香香的提子味道，甜味洽當，甜味配合香味非常好，再加上有氣泡，更覺可口。羽根餃子，送上時餃子香味散發著，脆香的餃子皮，已經令人食慾大增。先咬一半，餃子皮香之外，內裡菜與肉的香味，因煎過更顯香口。豚骨魚介沾麵，已隨後送上，沾麵湯是用石鍋送上，還熱滾滾，很有食慾的吸引力，厚厚的叉燒，非常的誘惑。先試一下沾麵湯，口感是非常濃厚的魚湯底，再試則是濃香的豬骨湯味道，兩者又濃又厚，卻是非常配合。沾麵放進湯中再吃，沾上濃厚的魚味外，溫度更帶出麵香，麵質香，煙韌中帶出很好的咀嚼感，叉燒肉味香，入口軟

沾麵其實香港有好多間可以食到，但味道濃而不影響胃口則比較少有，因為通常味道太濃，吃幾口就會覺得很飽，但今晚去尖沙咀食過這間風雲丸之後，就覺得有所不同。風雲丸味道濃，但不會令到食完口比較乾，加上比較特別的石鍋盛載魚介湯汁，送上時，湯汁因石鍋熱力超熱，不停翻滾，覺得別開新穎，胃口即時大增，哈哈。這個豚骨魚介味玉沾麵，93元。另加了12元，有三片紫菜。跟餐有一少塊檸檬，我將檸檬大力揸壓，讓檸檬汁滴到沾麵之中。然後將少部份的沾麵放到石鍋中，浸幾秒，撈回沾麵上來吃，oh..........好濃厚的感覺，石鍋的湯掛在沾麵上，好味。好濃郁的魚介味，好濃.......好厚身的湯汁.......至於豚肉一大舊，有肥有瘦，一層一層，所以入口好軟，好腍。另外，又叫了羽根燒餃子，35元，有5隻。餃子皮底部微脆，幾香口，我們有配上餃子汁，微酸，所以食下去，更開胃。食沾麵，當然要叫日本特飲啦，哈哈，所以我們各叫了一支信州蜜桃蘇打，28元。和信州提子蘇打，28元。果然蜜桃和提子味好正，好重。侍應一開樽蓋，我將鼻子放到樽口頂，都已經嗅到好香的蜜桃味，wow....一飲，有汽的蜜桃蘇打，好爽快。甜甜的，又有汽。賣單19

餐廳內外嘅裝飾都花左心思，位置好好，晌K11對面，麼地道同赫德道交界，非常搶眼。我地大約2:30去到，店內依然好多顧客，座位都坐滿人。除左本地人以外，亦有唔少外國人幫襯。餐廳嘅招牌菜應該係石燒沾麵，另外亦都有賣湯拉麵、豚角飯、炸雞同餃子等等。今日嚟係為咗食石燒沾麵，佢嘅特別之處係以豚骨魚介做湯底，所以預計比起平時食開嘅沾麵會多咗d魚鮮味。我地兩個人分別叫咗「豚骨魚介味玉沾麵」同「咖喱豚骨魚介沾麵」，再加咗個燒汁唐揚炸雞。最先嚟嘅係炸雞，有五大件，又嫩又脆，配上甜燒汁，食落唔會油膩。雞肉黐住塊脆卜卜嘅雞皮算係錦上添花，話咁快就食完一整碟。差唔多食完炸雞時沾麵亦都嚟到。枱面有漫畫教食沾麵嘅步驟，麵嘅選擇亦有分冷熱以及分唔同份量，400g以下嘅麵量都唔駛另外加錢。我地怕太飽所以揀咗300g。拉麵係粗身，食落比較有口感。豚骨魚介味玉沾麵湯底嘅魚味比較突出，就咁筆一羮湯嚟飲會咬到有d魚肉碎，湯底香濃鮮甜不會過鹹。個湯用石鍋裝住，上枱時很滾燙，一路食到尾個湯都仲好熱。咖喱豚骨魚介沾麵有香濃咖喱味，少少辣，好惹味。

時過20:30，燈火通明既呢間拉麵仲出現人龍，人氣蠻高，拉麵精既我冒雨都要排下，好在客人流量高，不足10分鐘已可內進。裝潢頗具日式風格，中英對照既menu亦吸引了不少外國遊客。最鐘意試新野既我當然要期間限定啦！特濃山椒魚干沾麵：採用粗身既小麥麵很彈牙，石燒鍋中既熱湯好似火山爆發咁滾住上檯魚湯底超級濃稠，添加少少檸檬汁減輕魚腥味。厚身叉燒肥瘦適中，山椒粉鋪面，經炙燒烹調更顯香口！朋友揀既豚肉魚介拉麵：超濃郁豬骨湯底，都好啱口味PS: 基本上無論沾麵或湯麵既湯底都很濃郁，無需用到任何其他額外既調味。