風雲丸

营业中

休息中

今日同朋友去左尖沙咀行一陣,行到咁上下經過見到間風雲丸就想去食下醫下肚同休息一下望下門口個餐牌都岩食好快就安排好入去坐同朋友一人點一個麵分別點了豚骨魚介味玉沾麵,辣豚骨魚介沾麵再加個味筍,麵可以有得選大細,選特大都唔需要加錢豚骨魚介味玉沾麵-湯底香濃豚肉味道再配合起有溫泉蛋加埋竹筍特別美味.加少少檸檬汁入去食.麵既軟硬度都適中.辣豚骨魚介沾麵-滾住既湯底又唔會好辣喎,都幾野味呀.豚肉都幾香,麵既軟硬度都適中.

上年去大阪試過食沾麵，感覺啲湯汁太杰，對我嚟講麻麻地，都係有多湯嘅麵好食啲，今晚嚟開附近上堂，近近哋嚟呢間試吓……呢間其實係食沾麵嘅，但我對沾麵麻麻地，所以我哋都係叫咗豚肉介子湯拉麵、煎餃子及提子汽水……我個人覺得這個豚肉介子拉麵味道、麵質麻麻地，吾係咁好食，有D失望，吾明湯麵啲湯吾熱，吾知烹調過程中邊part出現問題，我覺得熱食嘅食物吾夠熱，實在差了一些，影響整體的美味程度……人哋日本啲拉麵，即使普通一間都係整得熱辣辣好好味……餃子就煎得ok，整體嚟講都沒有什麽特別，比想像中差點……

終於 能夠抽空來這裡朝聖一下，給我滿足一下對日本拉麵之情看見「濃厚」二字，已經讓我未食先興奮~~~ 店舖內的木板為主 充滿日本風 令人有一種 日本傳統麵店的感覺點菜紙上，可以自由選擇溫麵或冷麵、麵的份量等等 好窩心我這份「野菜豚角豚骨魚介沾麵」，用特製石鍋呈上，溫度可攝氏 300 度，令湯底由頭到尾都能夠保持溫熱 沾麵的吃法，便是把一小撮麵條放入沾麵湯底，然後夾起進食。粗身的麵條非常入味，既有淡淡的麥香，掛湯度都不錯，吸收到香濃的魚介湯的味道，非常惹味。原來這裡湯底，有大量豚骨和魚介，熬製超過 10 小時，最後加入瀨戶內海優質鰯魚製成的魚介粉，所以味道才如此豐富另外豚肉粒的肉質亦相當軟腍，滲入了香濃的魚介湯底，味道更加香甜 另外備有檸檬汁，滴落湯底後，味道更開胃提升不少 另一推介豚骨魚介拉麵 是豚骨魚介湯底, 據知湯底是用兩種豚骨湯做成, 其中是有加入雞骨, 當中的魚介味都幾突出, 拉麵裡面 有一主角:叉燒 叉燒是一塊厚身炙燒叉燒, 看看邊位帶點焦香. 肥瘦比例勻半, 一入口就有著很濃的烤香味道, 但不是燒焦那種燶味, 叉燒肉質算幾柔軟, 肉味香濃而且中間的肥脂帶點甘香豐腴不錯 再來是

之前經過見到尖沙咀開左間新既拉麵店，仲長期都要排隊，今日見星期六得閒，今日終於黎試下。可能星期六晏晝較少人，等左5分鐘有位。聽講呢間沾麵好出名，我就叫左個辣豚骨魚介沾麵。可能沾麵是即整的關係，需時較耐。等左陣終於有得食喇，石鍋湯熱辣辣出晒煙，辣味適中，湯味濃郁，配上沾麵好好食。而朋友點了辣豚骨魚介拉麵，佢話拉麵同沾麵冇咩分別，湯底也是同樣味道，一樣濃郁香口，但需時不用沾麵咁耐。拉麵的硬度可按個人喜好選擇，我地都揀了適中。

體驗極差嘅一餐飯。睇餐廳門面介紹好似幾吸引，上openrice睇埋啲食評都唔錯，點知就中咗大伏，啲嘢唔好食之餘最慘係服務超級差。入到餐廳係正常拉面店格局，尚算乾淨整齊。座位大概8成滿。响門口完全無人招呼，入到餐廳需要自己搵座位。待應係大嬸，一直都黑口黑面不耐煩嘅樣。落單之後等緊食物期間，有兩個內地遊客嚟到，佢地唔知落單要自己填紙仔，但大嬸勁唔耐煩，一嘢大聲呼喝佢地。老闆應該係睇到呢個情況，但完全無理會。食物方面，叫咗豚骨魚介味玉沾麵，湯超咸亦都無鮮味，麵超硬，有啲仲係黐埋一舊...配料是一塊7成係肥糕嘅叉燒加兩條筍...食到想嘔。埋單時老闆一副不在乎嘅樣，一句多謝都無，真係貼錢買難受，以後都唔會再嚟，超差！

以前一向不會評價餐廳，因為呢間野已要開個帳號評價下，比所有人知道，後悔浪費時間從新界北黎九龍食間咁難X既拉麵，完全比外觀吸引專登過去，非繁忙時間都要排15分鐘隊然後安排一張台同人逼埋埋齊，（利申：係有多餘台唔知點解要咁逼）果舊叉燒同肥膏冇分別，淡以無味，拉麵質量非常普通，圖片所見掉左既拉麵仲痴埋一舊，湯底冇佢講得咁濃咁重味，本人覺得同茶記公麵湯底差唔多，最重要服務員態度極差，問非所答都算仲唔理會客人感受，位置明明有多位，因為唔係繁忙時間，但偏偏都要安排人一齊逼晒一張台永遠不會再幫襯！

呢日又要自己一個人食lunch，無啦啦想食沾麵，就嚟到K11附近，因為知道好多拉麵舖。喺個轉角位見到呢間風雲丸，就諗起好耐之前同個朋友去過佢嘅灣仔店食，都OK唔錯，就入去試多次喇～嗰陣好似係啱啱開舖，但都已經好多客人～石燒濃厚豚骨魚介味玉沾麵（$93）呢個係成個menu第一個item，又見除咗佢之外其他沾麵都係冇跟味玉嘅，所以就揀咗呢個。麵嘅分量可選：並盛 200g／大盛 300g／特盛 400g／富士山盛 800g (+$45)因為想最後加飯食雜炊，所以我揀咗最細嘅並盛。麵條揀咗冷麵，更加有咬口👍🏽 掛湯程度相當好😆湯底用熱石鍋呈上，非常熱，嚟到嘅時候仲滾緊！用石鍋嘅好處就係可以令湯底由頭到尾keep住熱👍🏽 湯底以豬骨熬咗十個鐘，再加入魚介粉。豬骨味非常濃厚，魚介粉令味道更豐富。味道濃得嚟又唔會過鹹，十分好！仲可以加入檸檬汁，更開胃！叉燒好厚好大舊。餐廳用上等豚肉慢煮超過十小時，再以明火炙燒增添脂香。好淋、好入味！味玉流心效果整得好不錯！香鬆飯（$20）最後仲叫咗個香鬆飯，加入餘下嘅湯汁度，整成雜炊。第一次咁食，好滋味，正！羽根餃子（$35）羽根薄薄嘅一層，非常脆口😛信州白桃蘇打（

中女獨食難肥日誌 過江龍..排長龍..睇相好靚呀可？我都係俾相吸引左黎，仲有openrice咁多笑臉以為無伏點知就成為左我個acc第一個伏post...btw成個尖沙咀前後左右都係國語人，直頭番左大陸咁，我..都係走先喇bye 👋🏼 .原隻龍蝦味玉濃香沾麵 $148 睇相係好靚，真係原隻龍蝦🦞但有冇膏就睇彩數，我果碗有，朋友果碗冇🙈先講龍蝦，炸到乾哂，係有肉食嘅但乾同鞋口😟湯底熱石碗上，係超滾熱，龍蝦味係有嘅但唔夠濃..但最令人失望係個麵😭無口感，食烏東都仲好味呀可能🤦🏼‍♀️最後有得加魚介湯，睇住店員落粉加滾水沖🙄Er...算喇..係個溏心蛋最正常...其實如果碗麵$88我都覺得ok，不過$148就不了...羽根餃子 $35（會員迎新$15）鍾意網底餃子，做到既不過味道唔特別，會員迎新$15五隻可以一食，但原價就唔值。總括，呢間野無下次

星期日和太太同歲半的BB女下午三點幾因為上完playgroup、BB攰了在BB車內瞓着覺！去到尖沙咀風雲丸、太太先入去告知兩個大人一個BB、職員也應見到門外BB車的。再等了一會、職員示意我們可以入座。可能星期日下午不是太多客人、入去後、我見到門口有3張連續的4人枱係冇人坐的！但職員要求我收起BB車、我話BB女瞓着咗、一般餐廳也是收起一張椅子便可放下BB車！何況那裡有3張空枱、總共12個空位！咁我再提議不如我們坐最入那一張枱以便不太阻礙其他客人入坐、他們竟又說吾得！那一張係留比員工食飯用的、不能坐！我話咁你們即係員工食飯比客人還更重要嗎？他們沒有回應我、也沒有其他安排建議給我們！我們唯有選擇離開！

午餐想食拉麵，行過這家風雲丸，感覺好正宗。誰知入去之後，態度惡劣，門口收銀帶著耳塞，望都唔望就點我過去吧台。裡面全部都係嬸嬸級別的waitress,同日本風雲沾麵完全不匹配。最重要的是，嬸嬸隨手丟低本menu比我，轉身就走，一路有傾有講，一路食緊嘢。。。另餐廳感覺比人感覺好污糟。拉麵來到，只有2條筍，一塊叉燒，什麼都沒有。湯底濃郁到全部都係油光，未食已經開始反胃。食一啖，味道真的很一般，拉麵又粗又硬！和歌山杯麵都好味過佢。絕絕絕不會再來。

30min wait and they told me the food order was not be place! The servicer are not even pay attention on the customer! You got be kidding me!Do me a favor , go to the next street corner and there is a much better noodle restaurant.

風雲丸的門面和室內裝修好日本風，所有佈置做得一絲不苟，初初以為係偽日本拉麵店，入左去先知係真正來自日本🇯🇵。原來風雲丸係出名食沾麵，之前未試過，所以點左石燒豚骨魚介味玉沾麵。仲另加粟米和紫菜。上菜時魚介湯在高溫既石燒鍋內，非常滾燙，仲冒出好多泡和白煙。魚湯略咸，但由於只是把拉麵🍜輕浸於熱湯中然後享用，所以無論溫度及味道都剛剛好，拉麵亦煙韌有嚼勁。再可以加上檸檬汁於魚湯中，令味道更清新，魚湯濃郁而不膩。叉燒絕對是拉麵的靈魂所在，但見叉燒只得一塊，而且頗多肥膏，頓時有點失望。但吃了一口，就知我小看了這塊叉燒。首先，呢塊叉燒其實是厚切叉燒。其次，叉燒的肥膏，入口即溶。原來叉燒是慢煮了十小時，然後才切開一片片，略煎一回。故此叉燒肥而不膩，入口即化。最後點了綠茶雪糕做麵後甜品🍮。綠茶雪糕🍦來自四國的高知，牛奶味香濃幼滑，比綠茶🍵味更突出。

來到星期日下午茶的時間，沒想到這個時候會出現長長的人龍，所以我餓著肚子，等了大半個小時才可以進店因為實在太餓了，所以點的食物也比較多餃子大概有五件，皮很薄，被煎至金黃色，非常香脆炸雞上有沙拉醬，連雞皮也炸得很脆，但雞肉依然滑溜多汁主角們終於到了，就是魚介和豬骨味濃郁的拉麵，湯是很有膠質，充滿著豐富的魚油如果想要再燙一點的湯底，大家不妨試一下沾面，湯跟面是分開的，湯還用了石鍋盛載，這樣可以令湯的溫度更持久

這幾天女朋友說很想吃日本沾麵，於是今天提早下班，我在尖沙咀找了這間風雲丸，聽講呢到的沾麵很好吃，可能五點鐘很早，不用排隊直入。我點了辣豚骨魚介沾麵（$93）加味玉（+$12）、紫菜（+$12），這個辣魚介湯不愧是日本母店的湯底，魚介香味十足，一百分💯沒話講，很濃但不會太咸！！燒汁唐揚炸雞（$38）這家唐揚炸雞用祕製的醬醃再炸，肉汁超多，配燒汁一流，必點！喜歡吃辣的，還可以選辣汁😋😋結論是必定再會去吃，但最好選人少的時候去，就不用排隊等位置。

今日喺尖沙咀行K-11，餓餓地出咗去門口搵食。行多兩步就見到風雲丸食日本拉麵～呢個時候都已經下午五點幾啦，估唔到裡面都幾多人，見到好多旅客都會嚟食！肉盛魚介沾麵（$128): 我點咗個招牌沾面，呢到用石鍋裝住啲魚湯，但最難得嘅係竟然煮到啲熱騰騰啲魚湯喺石鍋到不停沸騰，所以一直都好香嘅魚湯。不過就要小心手啦！而主角就係呢四塊嘅豚肉，佢有一半係肥膏一半係瘦肉，而外層就燒到脆脆地。而沾麵點喺香濃嘅魚湯到都好夾，唔會太過鹹。最後試下呢個日本獨有嘅綠茶可樂，味道一啲都唔奇怪，可樂配上淡淡嘅茶香，反而幾清甜啊