霸嗎拉麵 (德己立街)

营业中

休息中

今日帶住隻小魔怪去中環搵食，感受一下萬聖節氣氛，小朋友通常都鍾意食日本野，見到佢地有小朋友set，仲有玩具送，二話不說就入去開飯。雖然天氣開始涼，不過太乾燥，要飲返d凍野炸炸佢！呢度有蜜瓜梳打，我呢個蜜瓜控最愛！福岡蜜瓜，好香蜜瓜味，冰冰凍凍，好正！我點了份雞叉燒辛辣雞白湯拉麵，選中辣，辣度帶點麻，雞肉亦很嫩滑，拉麵可自選軟硬度，點自己喜歡的口味就可以，我點了適中。麵很爽口，湯底亦很濃，很足料。 食拉麵，流心蛋係絕配，所以+$10 要一隻，一口氣就吃完了！有小朋友set 真係好感恩，仲有公主筷子，小魔怪就乖乖自己食曬碗麵，我可以投入食我自己碗麵！ 跟餐有個橙汁同一塊 kitkat，小魔怪食得好滿足，走嘅時候，哥哥仲有玩具獎勵，真係好貼心！

起初經過這店時，驟眼看下去以為跟其它一般連鎖拉麵店差不多便沒有特別想說要試，直到今天朋友說要吃拉麵才去了店內坐位是與日本的一樣，都是一字排開沒有卡位/對坐什麼的，店員先給我們各自一杯冰水，很有日式食店的傳統~看過餐牌，少有地免收加一服務費，值得一讚但最令我眼前一亮的是拉麵的份量和質量都與日本傳統拉麵店的水準不相伯仲，湯底濃中帶點清，加上有檸檬便更加醒胃豚肉煎得香脆鬆軟，輕易便能夾開，配著拉麵和櫻花蝦吃實在美味！另外，也許多少配合了港人口味，拉麵只有基本配菜，沒有配上竹筍和粟米，要吃也可以自行追加，還有不同配料供選擇，不過價錢就略貴一點了。而我則加配了溏心蛋，配料會另外上，不放在碗內題外話：這裡的拉麵份量都與我在日本吃過的是一模一樣，加上店內一直播著日語歌曲，令我有種還在旅行中的感覺，捨不得離開坐位呢

萬聖節就緊係一家人出動去中環蘭桂坊開吓眼介睇吓啲人點扮鬼啦，之不過有小朋友嘅關係兩邊嘅酒吧餐廳又唔去得，咁啱又見到間叫"霸嗎拉麵"即刻就撞入去!咁次正呀! 呢間餐廳絕對適合一家大細入嚟因為佢有小朋友最鍾意嘅兒童餐!我就嗌咗一個"炙燒豚肉味玉拉麵" 個舊豚肉真係一啲都唔簡單肥膏同肉都係梅花間竹咁一層肥膏一層豬肉食落仲要一啲都唔覺有肥膩嘅感覺肉都炆得非常之林，拉麵硬度我揀咗適中，入口都有彈牙嘅感覺唔錯!舊味玉蛋黃味重!有流心嘅效果! 而湯底濃郁唔會太咸呢間餐廳細心到會將兒童餐分開男女去圈， 如果你叫嘅係男仔兒童餐佢會用男仔嘅餐具去招呼呢個小朋友~食完仲有朱古叻做甜品!之後仲有小禮物tim

霸嗎我來也！之前成日經過尖沙咀間分店都勁多人排隊，因為唔想排唯有放棄，所以一直都未食過呢間。今日行開中環，見到原來呢度都開左間分店，因為星期六又係午餐時間，所以唔洗排隊就有位！當然唔放過呢個機會啦！餐廳內全部座位係bar枱形式，唔算好大，牆上既塗鴉幾靚，好有特色！見到餐牌上有個期間限定，就叫黎試下啦！真係第一次係拉麵上見到檸檬既配搭！真實中既櫻花蝦有好多，相比圖片上既多！好開心！檸檬有三大片，寫住唔夠既可再追加不過個人覺得三片已經好足夠。個湯本身係豬骨湯，奶白，好濃，好香。加埋檸檬汁好似將個湯提升左！有微微既檸檬酸，好清新，好開胃。豚肉好大件好厚！肥瘦分佈得唔錯，食落好淋，入晒味，個面煎過較香口。拉麵方面，較平時食開既幼同無梘水味。軟硬度剛好，食到 樹樹 聲呀！追加溏心蛋流心，正！味荀唔係講笑，都幾多下，好入味，夠淋。羽根餃子 $35剛煎起，好香好脆口！皮薄，餡料味道剛好！好滿足的一餐！正！唔怪得甘多人排隊

「霸嗎」拉麵，由尖沙咀店食到依家，已經開咗好幾間分店，嚟到中環蘭桂坊附近，好開心係呢區都食到😊鍾意呢度麵可以揀熟度，適中係偏硬，最愛。仲可以少油、少蔥、走蔥...雞叉燒辛辣雞白湯拉麵(小辣)本身唔太食辣，但見朋友平時食辣食到好滋味，今次一反常態，試下小辣如何🤤見到紅噹噹嘅湯底， 試咗啖，唔。。。辣味唔算重，有少少嗆鼻，可接受！雞叉燒，正！用整豬叉燒嘅方式，將雞肉捲起嚟，醃味，食之前再煎一煎，食到雞已入哂味，帶點酒香；煎過面頭少少燶香，但入面仲好滑，而且成熟度控制得好，唔會過熟而un👍🏻👍🏻👍🏻😋食到半碗，d辣味愈來愈勁......用上日本大size蛋，大大嘅橙色蛋黃，已醃好，必食！太好味😋😋😋😋😋辛辣燒餃子又係未試過嘅辣餃子😬😬見到淋係面頭果d辣油嗎😏😏其實相對辣麵，呢個辣餃子唔算辣，最正係餃子皮，帶點煙un，好日本嘅味道🤗令到呢個餃子加哂分！必食！日本🇯🇵芝麻雪糕芝麻雪糕，唔重奶味，啱哂我口味✌🏻而且芝麻粒整到好幼細，見到點點芝麻但食唔到粒粒，隻芝麻味好清香，好味道。檸檬姜汁酒因為食辣麵，叫定支檸檬姜酒，酒精濃度得3%，完全唔覺係酒😏呢支好飲，唔太甜嘅汽酒咁，檸檬味重，幾特別。

難得今日去開中環工作，又咁岩撞正午飯時間，聽聞蘭桂坊附近前陣子開了一間拉麵店都幾出名而且越開越多分店，所以特登去享受一下豐富嘅午餐，一入到去雖然人好多但好在唔需要等位，一陣日式嘅拉麵味已經令到我非常之肚餓一睇個咁colorful嘅餐牌就已經比佢吸引住雖然對我來講選擇款式不多但總有一款啱你口味唔使5分鐘拉麵就放到你嘅枱前味道其實唔錯如果大家有時間都可以試吓特別係個湯底非常之美味

之前已經食過bari uma, 記得我果時係俾佢地既肉深深吸引，最近係中環行街經過見到開左新既舖頭，即刻要試下！環境格局同其他分店有少少分別，係一排排的。因為我真係好鐘意食肉，所以今次叫左特盛豚肉拉麵。湯底好濃厚，有筍同蔥花做配料，麵條係比較幼身果種。每一塊豚肉都好厚身，但好容易咬開好嫩，肥瘦比例岩岩好，超正面頭有少少辛味辣醬，好好味。整體感覺個水準同我之前食既一樣，保持得好好。今次我叫左一份煎餃試下，煎餃外層好香脆，個皮唔會太厚，咬落去仲有汁，唔錯呢個抹茶紅豆雪糕我上一次已經試過，抹茶雪糕好香濃軟滑，必試！

今晚難得我揸莊，緊係食我最愛拉麵啦，肥妹女友無say,無謂成日問我食咩，跟住又band我，佢未問我第一句就講。今晚食拉麵，換黎一句。哦！搞掂！即刻揾下附近有咩食，原來中環呢度開左間霸嗎，梗係嗱嗱聲過黎霸位啦！呢度舖仔細細，睇落都坐到二三十人肥妹女友揀左辛辣炙燒豚肉味玉拉麵食落唔太辣，但好香，豚肉一如既往稔滑，油脂入口即溶，而且豚肉較厚，對比有啲拉麵店嘅薄切，呢個真係吸引好多，玉子都夠晒溏心，整體唔錯我就叫左雞叉燒味肉雞拉麵，同豚肉相比，雞肉份量再多啲，又入味，湯底無豚肉咁濃同黏口，呢個拉麵配菜係木耳絲，夠咬口食拉麵唔小得食煎餃子，沙律野菜炸餃子，呢個充滿大量沙律醬嘅煎餃又係一口一餃，感覺涵料就唔算多，不過對於一口一餃份量都岩比例，個菜放底吸晒油都食唔到，整體唔算太突出，不過小食算係咁啦

吃過尖沙咀的霸嗎拉麵覺得不錯，這天在到中環店，極速吃碗拉麵做午餐。上次吃過豚骨湯，正好有個期間限定出品，可以試試新的。枝豆喜歡它不會煮得太腍，粒粒豆都很爽。以粗粒黑椒調味，少少粗糙，不平均並非粒粒都有調味，但枝豆本來的味道已經足夠。雞叉燒雞白湯拉麵上次單點了雞叉燒，覺得很好吃，於是再點，順道試試雞白湯。雞叉燒繼續沒有叫我失望。雞肉嫩滑，有薄薄一條沒有油脂的皮，有煎過的油香。雞白湯都幾香濃。檸檬豚肉拉麵加了三片檸檬的拉麵，有份額外的清新，正適合夏天。不過湯底偏稀偏淡，欠香欠濃，掛麵效果亦一般。櫻花蝦沒甚味道，可能被湯浸過。炙燒豚肉是本店招牌，半肥瘦，肉不會腍至入口即融但富油香，有咬口而不嚡不韌。星期日的午飯時間都全場滿座，證明拉麵有其吸引力。

講真，其實食物味道唔錯，拉麵都似日本既味道，餃子亦都好食既；但好似貼錢買難受，啲侍應長期西面，好似欠左佢地幾千萬咁：1）凌晨12點幾，佢封左半邊鋪，淨係俾客人集中坐一邊枱，明白既，方便清潔打掃，但個4眼肥叔好似喝狗咁喝人，4眼肥叔全程用藍牙handfree 講電話，叫佢又10問9唔應；2）有個白面女侍應（我唔知佢係日本人/韓國人/強國人）總之佢就唔識聽廣東話，咁我就用英文問佢，佢落完單後就「掉」左單落我枱度，係掉落黎呀，有無搞錯；跟住佢全程膠下膠下企喺度玩電話加不停反白眼，做咩啫，見到佢認真唔開胃；真係唔會再去食，嬲都震

今晚約左個朋友食飯，佢本身係中環番工，佢知道有間拉麵唔錯，帶左我去試下，點知一d都冇令我失望，反而仲有驚喜添。間拉麵(Bari-uma)係德己立街，一出地鐵站行兩分鐘就到。唸住9點幾，應該冇咩人，點知仲要等左一陣先有得入去食。入到去感受到濃濃既日本風格，我同朋友被安排坐係高枱。由於我有選擇困難症，睇完個menu之後樣樣都想食，個侍應就推介我食期間限定既檸檬豚肉拉麵兼追加多左個味玉(即溫泉蛋)，而我個朋友就叫左雞叉燒味玉雞白湯拉麵。檸檬拉麵係有辛辣同唔辣，但我唔太食得辣，所以選左個冇辣既。先黎既係我個碗檸檬豚肉拉麵，賣相一流，配料十足，有蝦米仔，西蘭花，豚肉同檸檬。飲左一啖湯底，有着濃味豬骨既香甜味，但亦有淡淡既檸檬味平衡番，而且唔會酸澀。一個字正。而且仲有西蘭花，令到個拉麵非常健康。豚肉經佢地既秘制處理過，肉質鮮嫩，入口即溶，個溫泉蛋都整得唔錯。如果大家覺得檸檬味唔夠，可以免費再追加3塊，但我本人覺得啱啱好。 真係要俾好多個likes至得。我覺得整體感覺特別清新，有別於一般既傳統拉麵。而我朋友既拉面，塊雞扒勁大又好味，叉燒都係一樣咁溶化。雖然冇檸檬味，但個濃濃既雞白湯底都非常好甜。 順

之前去尖沙咀果陣已經好想食 但係好多人排隊同埋朋友試過話唔係咁好食 最近中環分店開張同永安有個promotion 買$58 當$100用 好抵 所以就試下佢啦！ (不過佢就限左3-6:30pm)Link: https://m.wingontravel.com/local/detail-439?share=1&allianceid=26&sid=8 我叫左個炙燒豚肉味玉拉麵 同埋一個野菜豚肉半肥瘦 湯底適中唔會太咸 唯一我覺得有d奇怪係d職員好似全部新請 放碟野菜落尼既時候 飛左d落枱面 又唔同你講sorry 食物質素好好 如果職員能夠改善就Perfect啦

拉麵癮一起真係搞唔掂🤦🏻‍♀️ r到男朋友陪我食呢間廣島人氣拉麵店好開心👅 店舖位於LKF,好易揾到👍🏻 見佢新出一個叫檸檬豚肉拉麵($78)咁有創意就決定一戰！仲加10蚊要左味玉🐽 本身以為加左檸檬會好怪，點知都幾好食，加左檸檬所以會有小小酸，反正中和左個湯嘅濃味！越食越開胃咁，仲d檸檬放一陣好拎出嚟，放耐左就會太搶味🙏🏻 叉燒好淋，肥得濟不過😨 男朋友叫左豬骨豚肉紫菜玉子拉麵($98),偏濃味，但叉燒比較香口☺️

我對拉麵可以講又愛又恨，極度濃郁的湯固然好，太肥美又唔敢恭維，朋友知道霸嗎拉麵出了適合夏天新口味，檸檬豚肉拉麵，比較清爽，帶我來試。位置在蘭桂芳斜路，日式風格，簡單裝修，點心紙形式，麵可揀軟中硬、少油、少蔥、走蔥、走荀。檸檬豚肉拉麵，湯底無咁油，加了新鮮檸檬的酸味，減了膩感，叉燒用五花腩肉，燒至剛焦，非常香脆，完全唔剛肥。仲點咗照燒餃子，皮薄料多，煎得香，水準很好。仲有石鍋燒豚肉海老飯，材料好足，除了豚肉海老飯㚈，炒蛋都好多，有飯焦，口感極佳，不過不及麵好。

近年日本拉麵店在香港如雨後春筍，多到幾乎梗有一間喺左右。早前友人推介我一試位於將軍澳新都城中心、開咗只有兩個月的「霸嗎拉麵 Bari-Uma」，哈哈，其實這間拉麵店港島區都有兩間店舖喇，又何需捨近取遠呢！講起上嚟，自從中環蘭桂坊分店開幕後，還沒幫襯過，就一於趁假期去食番碗拉麵。店子位於德己立街，是間地舖，門口設有立食吧檯，相信係方便要趕時間，但又唔想排隊等位嘅上班族。抵達時大約是中午十二點三，踏進店，嘩！沒想到這麼早就已經幾乎全店滿座，幸好旁邊還有一列空置嘅高腳餐椅，所以毋需等位，真走運！ 牆身上的畫作非常漂亮，據說是由本地插畫師按照日本的原畫，一筆一劃，花咗幾日時間手繪而成，果然心思滿載，讓人有彷如置身於日本拉麵小店中之感。安頓後，先翻開餐牌，其實店裡的拉麵，款式不多，除了店員推介的濃厚豚骨湯底外，就只得另一款雞白湯底，當然如果嗜辣的，還有辛辣口味。至於小食方面，有羽根餃子、唐揚炸雞，另外亦有子供套餐、石燒飯、丼物、甜品及飲品等。選了一麵一飯，再加個甜品作結。炙燒豚肉海苔味玉拉麵 ($98)  率先送上，豚骨湯底據說是用了豬脛骨、豬背骨、雞骨及多種蔬菜等熬製，再加入以大豆釀成的溜醬油