霸嗎拉麵 (德己立街)

营业中

休息中

《霸嗎拉麵 BARI UMA》霸嗎愈開愈多間 襯中環唔洗點等就試下啦-🔹辛辣炙燒豚肉味玉拉麵 $93 中辛麵質麻麻 選擇適中都偏硬身豚肉夠淋 但太肥 有3/4都係肥肉選擇少油都係好油 份量明明唔多 因為個湯底好飽中辛都唔覺辣 個辣係ok 可能要叫大辛先夠溫泉蛋加少少分-🔹雞叉燒辛辣雞白湯拉麵 $88 小辛食落辣味唔錯 但麵質比較差 好似係緊屋企煮既麵咁 雞叉燒都幾好味 好似雞脾肉既質感 但唔會再食多次-總括黎講我地兩個都覺得麵質麻麻但都唔會再試🤷🏻‍♀️🤷🏻‍♀️ 好彩叫做係中環食唔洗點排隊如果係尖沙咀食真係食到反枱-ByT+M: 3.5/10

今晚食左碗超好味既拉麵。覺得呢間其實味道仲好過一蘭。有自己既特色。餐廳環境好日系，播住日文歌。叫左個特盛叉燒拉麵。四舊厚切叉燒，好正。份量已經驚人，唔似其他拉麵店既叉燒咁少。叉燒食入口，因為脂肪個部位都燒得夠，所以個脂肪入口好香。成舊叉燒入口，三層肉配合得很好。食第一塊已經忍唔住食曬全部叉燒。湯底都甜，夠濃味。鍾意個湯底夠熱，同硬身既拉麵一齊食入口，個口感彈牙，味道豐富。叫左支啤酒。梗係要叫枝豆，呢兩樣野簡直係絕配。枝豆上邊有少少胡椒粉，味道更甜，殘留係口度既啤酒香加埋枝豆既甜味，飲完一啖又keep住食枝豆，感覺好正。既然有啤酒，就一定要炸雞止一止口痕。照燒汁炸雞啱啱炸出黎，熱辣辣，加埋照燒甜醬，味道好。炸雞出邊特別脆，入邊又好滑，而且份量都算多。幾抵食既小食。不知不覺叫左好多野，因為間野野食好味既，環境都唔錯。下次會再黎食下其他特色既拉麵。

星期五晚放工 同同事去中環 見到LKF附近有間拉麵店 以我所知依間幾有名 我地就二話不說就排隊 等候時間刀幾快！在內環境，雖然舖面比較細小 但勝在似足日本既拉麵店 好有日本style~另外見到餐廳系全日免加一 對於食日式拉麵 價錢公道！豬骨豚肉紫菜玉子拉麵：今次揀左麵既硬度系適中，麵質帶有少少硬 岩晒我！紫菜有三大塊，當中既玉子超正 一咬入面系好流心！外面既旦仲系軟林林～豚肉有長長的 脂肪適中 所以食上去吾會硬身 同樣吾系太林！湯底方面十分濃郁 不會太油！另加粟米粒：只系需要十蚊 就大大碟！個人覺得份量幾多 加一份刀可以同朋友share！羽根燒餃子（五件）：絕不油身 入面帶有肉同菜 外皮吾厚身 值得一試！飲品有罐裝飲品 價錢中等～甜品 - 日本黑芝麻雪糕：估吾到雪糕上面仲有甜甜既紅豆！黑芝麻的確濃味 又夠滑！配埋紅豆食 味道超正～

今日藍天白雲天氣不錯，便相約同事外出用膳。行經德己立街，看見有人排隊吃拉麵，於是，也趁熱鬧排埋一份。此店都幾貼心，門口有一大壺凍茶讓排隊的客戶享用。等了約10分鐘便有座位，內部是一貫日本拉麵店的裝修格調，開放式廚房使整間店彌漫濃郁的豚骨上湯味，即時令我感到肚子更餓呢。餐牌有不同拉麵及小食選擇我們點了2碗炙燒豚肉味玉拉麵及一碟羽根燒餃子。🍲炙燒豚肉味玉拉麵🍲濃厚的豚骨上湯，麵條幼細富蛋香，且爽滑彈牙。我很喜歡這裡的厚切豚肉，夠大塊之餘，肉質很滑唔鞋口，味道不錯。成個玉子很入味，而且勁流心，視覺味覺一流，正！🍲羽根燒餃子🍲餃子皮夠薄且煙韌，餡料是新鮮豚肉和蔬菜，再配上餃子汁，很美味。整體食物味道好，服務不錯，下次定會再來光顧~

依間野個收銀員工真係好波！要我突登開account寫食評！本人一行3個人去食。食物質數唔多講。各人有各人口味。不過重點係態度好差。本身我有個朋友叫石鍋飯。咁我地落單之前有個好好既中年啊姐同我地講要等耐少少。咁我地都OK！之後有一位後生D既員工話人手問題。可能要等最多30分鐘。咁我地就cancel左個石鍋飯轉拉面。我朋友要有米落肚，所以就加多個飯。咁我個碗到左。眼見都幾大碗，就問下我朋友，你加多個飯會好多。食唔食得曬啊？咁我朋友諗下，都係要個面算，因為都趕時間，有時間可以慢慢都食得曬。咁我地就cancel左個飯。到賣單果時，我見佢放起我台果張入單紙重有飯既item。咁我出去收銀時就有以下對話：收銀女仕：HKD423我：可唔可以睇下張單？收銀女仕：你唔俾錢？！我點俾單你？我：妳唔俾單我，我點知妳有無計數？收銀女仕：(指住個monitor)你可以係依到睇！依個收銀員工真係極之無禮貌。而其它員工都係好好，好有禮貌。

在蘭桂坊飲完嘢聽完歌之後感到肚餓了，環顧四周看看有什麼吃宵夜的地方時，竟然發現了這間日本拉麵店。 當時沒有多加留意拉麵店的名稱， 只見到餐牌上的麵及义燒很吸引，所以二話不說同朋友入內食宵夜。在拿過落單紙後，竟發現這就是我常常見到尖沙咀要排長龍食拉麵的分店。如要排隊等位我未必有耐性，但從沒想過在不用排隊的情況下能夠品嚐霸嗎拉麵，這就是機緣巧合了吧!？ ※ 辛辣灸燒豚肉味玉拉麵 ~ 這碗拉麵的湯很香很濃，味道有點像回鍋肉的湯，麵彈牙爽滑，蔥花嫩，溫泉蛋半生熟很滑，而燒過的豚肉肥瘦適中很香，還有筍絲也爽脆。我還追加了海苔及青蔥呢。整體來說很出色，一啖麵一啖湯食清光! ※ 辛口燒餃子 ~ 一客有5件並排在一起，上碟時餃子底向上，加了辣醬及蔥花後味道可以，但餃子皮完全不脆。※ 沙拉唐揚炸雞 ~ 一客5件的炸雞, 炸漿脆及香口，內裡肉嫩而且調味剛剛好。加了沙律醬及蔥花後很惹味。※ 炒野菜 ~ 內包含芽菜、木耳絲、紅蘿蔔絲及青蔥。味道頗清只帶一點感味。埋單時見到寫了野菜 (特選鹽)，但餐單上並沒有列明。不清楚是否因為拉麵店開在遊客區的關係，所以餐單都有中及英文版， 而用餐當晚也看到店內有不少外國人

今日食lunch想簡拉麵，就去試下bari 拉麵雞叉味玉拉麵，雞叉係2塊好大片嘅雞肉，肉質鮮嫩，好滑，口感佳！其他嘅配菜有木耳，蔥花，同埋流心蛋，拉麵超級彈滑，木耳好爽口，流心蛋個白係熟哂，黃就會未熟，一咬落去，蛋黃汁就流哂出黎，夾埋拉麵一齊食真係食得好滿足! 拉麵嘅濃湯都令人相當滿意，令拉麵變得更加好食!照燒餃子，望落係未好好味呢？5件餃子排得好整齊，佢d餃子好得意，細細隻咁，一口一啖，中要5件連住左，包圍餃子嘅薄薄脆片都唔可以忽視，全部都要食埋佢，因為真係好正，照燒汁同餃子好襯，餃子本來已經好多汁湧出黎，加埋照燒汁，變得更加好味！唐揚炸雞5件，賣相好掂，見到就想食，成件雞腌得好入口，又炸得卜卜脆，好入口係必然嘅！佢個皮炸得好香脆， 平時我都唔食皮，但呢塊皮嘅口感同味道都實在太好味，我唔捨得放棄，我選擇食埋，好滋味呀！

晚上7時半約了在中環的美容院做面部護理，見到時間尚早，周圍走走，走入了這間拉麵店。為食的我，當然又順便叫了碗拉麵吃。其實，在銅鑼灣已吃過這舖頭的拉麵，記憶中印象不錯，今天就試試這中環分店吧！拉麵湯底味道濃郁，叉燒夠大塊夠厚，拉麵有蛋香，夠爽滑彈牙！與銅鑼灣店的水準一樣，好味！

我有一段好長既時間都冇食過正宗既日本拉麵啦，呢日放假我約左個係加拿大番黎香港玩既朋友一齊去食左個拉麵，我地黎到中環德己立街見到呢間寫住手打拉麵，我地見到都覺得好似幾吸引，咁梗係要試一試佢啦喂，真係估唔到好有驚喜！！！我地淨係一見到個餐牌都已經餓到打哂古，價錢都幾抵，係抵食過中環其他幾間拉麵既價錢我叫左個辛辣灸燒豚肉味玉拉麵，我要左中辛！！個味我好鍾意！勁惹味呀！！呢個真係好正既重口味之選，湯頭中辣加上埋豬骨味濃厚鮮甜，個手打麵質感彈牙，掛湯能力極高！！真係正到不得鳥！！仲有果塊灸燒豚肉既油脂比例岩岩好，層層分明，一睇就知係一等一既靚豬肉！我朋友就選擇左灸燒豚肉海苔味玉拉麵 佢個湯底呈深褐色，勁香濃惹味，麵質一樣係充滿麵粉＋蛋香，質感好彈牙，掛湯能力依然係咁高！！個豚肉一樣係不負眾望，食落好嫩滑好淋，一Ｄ都唔鞋口，呢個豚肉絕對係個拉麵既精髓。 呢個豚肉係我食過咁多次拉麵入面最厚既一次，仲有個溏心蛋真係好流心，我特別讚一讚味筍，好好味呀！！！我地仲叫左個羽根燒餃子一上到台好驚喜，我覺得好得意，餃子入面既餡係野菜，哩個餃子真係燒得啱啱好，脆得黎勁好食！！我地仲叫左個沙律唐楊炸雞，佢唔會落太多

今餐午餐有朋友專程過黎一齊食晏 朋友咁有心當然要帶佢食好東西！已經提早離開公司 酷熱天氣無損人追求既決心 去到仍見到有人龍係到排隊一坐底忍唔住要點凍飲品 眾多選擇下點左呢款日本入口既密瓜炭酸飲品 味道幾清 有陣淡淡既雲呢拿味 點左招牌拉麵 - 豬骨豚肉紫菜玉子拉麵$98大大塊紫菜作裝飾 少見餐廳會俾咁大塊紫菜！先飲一啖湯 湯味超濃郁 好重豬骨味 深信功夫一定做到足！根據店員既介紹 原來湯底由日本空運到港 而且濃度會因應當日天氣既濕度而有差異味道非筆墨所形容 唔係一般拉麵店可以嚐得到味 而且加上辣醬作調味 更能令湯底多層次 先甜後勁帶微辣主角豚肉最上係一層肥膏 下面係瘦肉 肥膏喺口腔裏融化 變成一層帶豬油香既油花但當刻完全無絲毫罪惡感 因為夾雜住下層既豬肉食 係人間美食麵亦都煮得非常好 麵質煮得剛好 而且粗幼適中 每條麵條都吸收神級湯底 極之好味流心蛋呈膏狀 QQ彈力十足

昨天跟男友去到中環行街，正當諗緊去邊度食晚餐好，行過這見到我地好喜歡的霸嗎拉麵原來係中環開左分店，剛巧無人等位，可以立即入座！這間分店比起銅鑼灣及尖沙咀的分店小一點，座位不算多，但裝修同樣日本風格，設有OpenKitchen，可以看到師傅在廚房內煮食的情況！我們就安排坐到近門口窗口的吧枱！菜單跟上年的沒太大分別，主要以兩款招牌拉麵為主，豚肉及雞叉燒為主～也有小量的小食可以點叫及飲品，宜家仲有石頭鍋飯選擇，選擇比上年的多，不過只是兩款拉麵已經夠滿足我們了！自己寫上點菜單，仲可以選擇拉麵的軟硬度及是否要蔥等！雞叉燒雞白湯拉面（HK$83）這碗拉麵湯底比較清淡，因為我不吃蔥，所以這碗走了蔥，顏色比較清一點！除了有兩片雞叉燒之外，還有黑色像雲耳質地的配料～廚師秘製的雞叉燒肉質鮮嫩易入口，表面有點燒得微微黃，食落好香的雞肉味，一試難忘！ 而拉麵我就選了硬麵質地，硬落比較有口感，而且湯底清就黎好香，而且份量充足，沒有食兩啖就沒有的份量，男人食都足夠！可以因個人口味加少少一味粉，會比較惹味！

Wow! 霸嗎拉麵不嬲排開隊，生意超好！最近知佢新開左兩間分店，一間係中環！中環好近好，於是約友人lunch 食食佢12點半黎到 已經有大概十個人排緊隊等位果然係新一個拉麵熱潮店既裝修同其他分店一樣！一於試下佢既湯底同麵一唔一樣招牌麵依然一樣超厚切豚肉肥瘦比例平均，入口即溶既脂肪配濃稠既湯底好好味！湯底好濃，好足料隻蛋都煮得好好，蛋黃晶瑩剔透，浪下浪下好喜歡！夏日炎炎，最緊要飲枝凍既汽水新出既靜岡蜜瓜之前試過蘋果味，桃味，提子味都好正！估唔到有埋蜜瓜大愛整體黎講，餐廳水準好好！不論係麵、湯底都好好水準！也難怪咁多人排隊提外話：店員跟我們說湯底包都是由日本直送過黎的有品質保證

周末約朋友去探望生病的姐姐，約好係佢公司附近等佢放工。經過德己立街，原來霸嗎拉麵有新店，好掛住佢個豚肉拉麵，唔使等位最啱我，因為尖沙嘴同銅鑼灣分店經常大排長龍。兩個人叫左灸燒豚肉味玉拉麵、石鍋燒豚肉飯、抹茶雪糕，一齊share。灸燒豚肉味玉拉麵＄88今次豚肉睇落有少許瘦 朋友至愛，最後一人獨享，極贊豚肉肉味濃郁、肉質唔韌。糖心蛋半流心，好香！麵軟硬適中，豬骨湯香濃！石鍋燒豚肉飯＄68熱辣辣石鍋飯上枱，飯面上鋪滿五花腩肉，配上蛋同蔥花。豚肉入口腍滑，將飯攪拌之後滿滿的油脂甘香，唔會感覺油膩，想不到鍋底有一層飯焦，滲滿肉汁精華，香脆抹茶雪糕＄28抹茶雪糕味道清新，配上清甜紅豆，餐後甜品絕配！

今日去中環開會 ，呢度有一間拉麵舖都幾好食，就開完會之後過去食，大約兩三點鐘人數唔算好多，待應好快黎幫我點菜，仲要待應態度好好，見食藥專登問我要吾要溫水。整體價錢都合理質素高，食辣勁滿足，不過失望今日沒有雪糕食。辛辣炙燒豚肉味玉拉麵$93 ……之前都覺得依度嘅拉麵好好食 ，拉麵黎到食落見到都保持到水準 ，今次選擇咗硬面，依然都好彈牙，而且叉燒好嫩滑，蛋切落去勁流心又好香蛋香味，湯底濃郁而且辣到啱啱好，仲有我最愛多䓤和蒜添。辛口燒餃子$38……這個係必叫食物，夠辣又夠脆口，入面餃子都有吾少汁，辣人必叫推介。粒粒橙汁$20……食得辣當然飲返橙汁解解辣，這個下午茶勁滿足。

今次嚟到中環行街，行到肚餓想食拉麵，上次喺銅鑼灣試過霸嗎拉麵， 今次 又咁啱遇到佢嘅分店啱啱喺中環新開張，上次食過都覺得好好食，所以決定都試埋中環呢間霸嗎拉麵！ 雖然呢喺中環嘅呢間分店 冇銅鑼灣嗰間咁大, 但係都算得上環境舒適。呢間中環嘅霸嗎拉麵非常之國際化， 一入到嚟可以見到來自各處嘅外國人，而韓國人我就見到特別多， 可能呢度嘅拉麵十分之吸引到佢哋。因為係同朋友嚟食，我哋分別叫咗個拉麵，一個飯一個小食同埋一個甜品。 拉麵就叫咗炙燒豚肉味玉拉麵，呢個拉麵嘅湯味道好濃，d荀特別清甜爽口， 而啲拉麵都好彈牙。而個飯就叫咗石鍋燒豚肉海老飯， 呢個飯有切碎咗嘅豚肉加埋好爽口彈牙嘅蝦肉整體感覺好好食。至於小食就決定試下呢度嘅炸雞 我哋叫咗個燒汁唐揚炸雞，啲炸雞炸得好香好脆，加埋啲甜甜地嘅燒汁 味道一流。食完個正餐梗係唔少得要叫返個甜品啦一向鍾意食抹茶嘅我哋就梗係叫咗個日本抹茶雪糕喇！ 霸嗎拉麵嘅雪糕係用一個木桶裝著賣相 十分吸引，抹茶雪糕上面加咗甜甜地嘅紅豆， 加埋一齊食又有咬口又清甜，簡直係夏日嘅一大恩物。