霸嗎拉麵 (德己立街)

营业中

休息中

每次經過中環蘭桂坊都勢必大排長龍的拉麵館今日午飯時間終於去左試一試佢地”拉麵館主打兩款湯底，分別是” 濃厚豚骨湯” 和” 雞白湯”🍜🍜 🐶炙燒豚肉味玉拉麵($88)先說湯底，是極濃郁的豚骨湯，味香而濃郁，油份有番咁上下唔係一味極鹹而濃的湯底麵底軟硬適中，而當中的炙燒豚肉能做到半肥半瘦，肥的脂肪超滑溜，可以說是入口即融不過瘦的部份就唔夠滑身溏心蛋完隻上碗，能做到超級流心，好味道 🐶羽根燒餃子($35)餃子做到外脆內軟，超級香酥的表面但內裡仍保留豐富肉汁

今天到中環做點小事情， 順便食個輕快午餐 ，原本諗住搵一間cafe ，後來經過蘭桂坊附近， 比呢間日本拉麵吸引咗我 外面裝修 一睇就知係一間拉麵舖， 再入到店內 裝修就如同去咗日本一樣， 彷彿就在東京街頭行到好攰見到一間拉麵館嘅感覺一樣 我又發緊夢自己去咗東京喇餐牌選擇有豚肉或者雞肉拉麵， 本人特別喜愛食豚肉 ，今次我就點咗 ，赤辛豚肉拉麵， 另加咗一份粟米及煎餃子， 睇到飲品個menu 見到有一個叫做綠茶可樂 好奇心驅使底下我叫咗一支拉麵本身可以畀你揀小辣中辣或者大辣走蔥走油， 面嘅硬度亦可以選擇， 我就揀咗碗小辣嘅硬身拉麵， 傳統拉麵舖頭都咁會放一壺冰水畀客人任添任飲， 正好一入到去就見到壺冰水都覺得佢哋比較正宗首先上檯嘅係拉麵 ，豬骨湯味濃郁， 小辣嘅辣度啱啱好，個口會感覺有少少熱唔算搶喉， 純粹增添味覺嘅享受， 飲咗啲湯食完之後亦唔覺得口渴抵讚 後加一份粟米諗住添加落碗拉麵度點知原來份量係好多 本人覺得拉麵整體嚟講真係好好味，如果想食清淡啲嘅朋友我建議選擇食雞肉， 因為豚肉始終會有啲肥 餃子亦都煎得十分之香脆 ，熱辣辣咁真係難以抗拒 最後值得一提嘅 係綠茶可樂，本人真係飲唔出有

霸嗎是人氣拉麵店，今天便來到中環分店。店子以單邊座位為主，鼓勵專心進食，好好享受拉麵。由於我不愛吃肥叉燒，所以選了較瘦的雞叉燒。雞叉燒辛辣雞白湯拉麵 $88湯底辣度選了大辛，卻未有想像中辣，未有一X堂的中辣般刺激，味道也沒特別，不會太油膩。配料有兩塊厚雞叉燒和少量木耳絲，整體平平無奇，說不上十分驚豔，看來期望過大了。

入到去感覺去咗日本嘅拉麵店！少有唔迫、可以傾偈的餐廳。在中環食飯，呢間價錢算好合理。野菜雞白湯拉麵餐廳好貼心，照顧埋想食少d肉既朋友! 湯底是橙黃色的，又冇我想像中咸，是很香濃嘅豬骨味，好正丫，拉麵都要一讚，拉麵可以有很多喜好選擇：拉麵的軟硬度、少油、少蔥、走蔥等等，幾貼心。拉麵好好食，好彈牙，仲可以少油 tim。。。隨你鍾意 ! ，，吾怪得咁多人食。配料亦可以追加，選擇好多，追加了一份粟米，成碗上。溏心醬油蛋都好入味而且時間控制得宜！辛口燒餃子有一層薄薄脆皮痴住，好脆口 ! 餃子五隻，成塊上，呢個都幾好食，可以點醋，加左d辣汁好香口而旦煎得剛好，不會煎得太硬，外層簿簿的脆脆加上餃子口感很好食另外我點了飲品也很有特色，這個信州蘋果梳打都係第一次飲，好味道，又有氣，好爽。下次再試下其他先$200有找而且食物質素比其他拉麵店高，極度推介嘅拉麵店！

今日同朋友黎試下，竟然唔洗排隊！我揀左炙燒豚肉味玉拉麵，一上碟，見到塊豚肉勁大塊，有成個碗咁大，豚肉處理得好出色，肥膏和肉的比例選得好好，肥膏部分入口即溶，唔會覺得膩，豚肉口感很軟熟。咬落好好食，有肥有瘦先最正，讚！拉麵夠彈牙，一定要試下他們的自家打製麵! 軟麵不會太軟剛好，湯底夠濃郁。但最大賣點仍然是豚肉，燒得好香，令湯底和豚肉都有點肉香味，原隻溫泉蛋好入味。追加了野菜，成碟芽菜炒得好香, 中和番濃濃的肉湯。之後點左羽根燒餃子，餃子外皮酥脆，內裏又保留豐富肉汁，呢個小食真係覺得大家一定要試吓！我看到日本直送飲品，我點左綠茶可樂，真的是綠茶和可樂合二為一的感覺，好清新!

I walked in and there’re plenty of seats so I sat down at somewhere I want to sit and then a mean short black hair waitress came and pointed at the chair next to the door and ordered me to sit there. I was shocked but I did what she said. And then I realized the aircon is directly blowing onto my hair so I asked if they could turn the direction so it won’t keep blowing directly on me. She said ‘No we can’t change it.’ I asked if I can change seat, she said, ‘No more seat for you to change.’ And

次次去日本🇯🇵都會食拉麵因為平靚正😍最近同朋友黎中環參加興趣班，行開蘭桂坊見到依間拉麵店好想食🤤，但次次都多人排隊 。🙈今日一早黎到，早起的烏兒有麵吃🍜-星期日朝早唔算多人，我地選擇左近窗高台位鍾意望住街景，感覺更有holiday mood -叫左灸燒豚肉海苔味玉拉麵🍜餐廳標榜秘製叉燒用上等豚肉用低溫慢火浸煮多個小時再灸燒剩係睇簡介都已經🤤好期待-碗麵賣相好靚最愛既紫菜有三大塊湯底好香唔會過咸配料有筍及蔥筍份量都多，好爽口-拉麵硬度有得選擇我揀左適中 好彈牙既麵條 條條分明軟硬適中 口感煙韌 👍🏼-主角灸燒豚肉冇令人失望👑肥瘦適中，豚肉厚切豐腴🐖入口即滆化超級十分令人回味好想再黎食多次🤤

上次吃過霸嗎拉麵後一試難忘，經常心思思想再吃很開心她多開了分店，吃拉麵更方便這次來有個期間限定的拉麵，檸檬豚肉拉麵檸檬配豬骨湯的配搭確實有趣，不過我這次一心想吃辛辣口味的拉麵，所以沒選到這個除了拉麵，我還點了野菜和蘋果梳打～辛辣炙燒豚肉味玉拉麵($93)：保守地點了小辣湯面紅彤彤的，還附有一條辣椒乾~炙燒豚肉有一股焦香味，肉質鬆嫩這個小辣的辣度適合我這種想吃辣但又不能吃太辣的人，而且這辣湯幾香溏心蛋的蛋黃呈橙色、流心狀態，合格野菜($20)：這野菜以爽脆的芽菜為主，還有少許紅蘿蔔和木耳絲。以鹽調味，簡單又好味口味重一點的話可把芽菜沾湯汁吃信州蘋果梳打($28)：覺得辣的話，用酸酸甜甜的蘋果流打來解辣挺不錯呀

LKF有日本祭所以就嚟到附近食野先，見到幾多人排梗呢間拉麵就同男朋友一齊排下啦等左10令分鐘就入得啦，店員會係入座前比張紙你tick🤗🤗 先揀左個炙燒叉燒味玉拉麵😋 叉燒偏肥，好淋好好食，有小小炭香味！湯底濃郁偏重味，麵亦夠彈牙🤤 味玉流心程度一流！好值得一食之後要左雞叉燒味玉拉麵，好特別嘅雞叉燒！整到真係叉燒嘅口感，重要好厚身好正！湯底冇咁咸，自己比較喜歡，小小嘅雞油令湯底食落好有油香👅 燒汁唐揚炸雞亦係必食！首先佢5粒都皮薄肉汁多，咬落去肉質鮮美可口❤️ 十級推薦🙌🏻

今日放工咁啱約咗朋友係蘭桂坊個頭見，我哋比門口裝修吸引到所以就入咗去食，入面位置唔多我去嘅時間四點左右餐廳無乜客完全唔洗等位。我見餐廳都最主要係豚肉拉麵同雞肉拉麵，見到有個期間限定檸檬拉麵，見到期間限定四個字唔洗諗就決定係佢啦！因為無乜客所以上菜速度都好快，豚肉好鬆化好林，但一啲都唔膩，一塊都幾大。個湯加咗檸檬汁非常清新好開胃，另外我追加咗個流心蛋，賣相已經好吸引啦。但係食到一半有啲「制」食唔落。同埋唔夠酸可以再免費追加檸檬。鐘意食拉麵嘅可以試下！

入到店舖坐滿人，不過店員叫我哋等咗一陣之後都有位。格局同其他分店差不多我哋嗌咗辛辣赤燒豚肉拉麵(大辣) 同埋 豬骨豚肉紫菜玉子拉麵。 兩碗拉麵賣相十分吸引辛辣豚肉拉麵唔會好多紅油，但係仍然好香辣豆瓣醬同辣椒香味。赤燒豚肉燒得啱啱好，脂肪同肉平均分配，入口即溶，一層層好似 千層糕咁， 豬肉做得好淋，而且燒得好香。 分量一啲都唔少 有四分三隻手掌咁大 ，有一至兩厘米厚，係成碗拉麵嘅重點。 拉麵可以選擇適中，軟，及硬麵，我哋選擇適中。 拉麵唔會因為浸喺湯太耐而變淋。 跟住講下紫菜玉子拉麵啦。玉子中間，做到流心效果，有濃厚嘅蛋香，蛋黃色澤鮮艷，賣相非常吸引。而紫菜份量都好多， 有三塊， 每塊都有半張a4紙咁大!浸喺啲湯嗰度好索湯，簡直係一流! 食咗兩個拉麵之後，我哋仲追加咗一個抹茶紅豆雪糕 賣相非常吸引，紅豆唔會過甜 亦都分明一粒粒，唔會成為紅豆醬，抹茶雪糕口感幼滑，抹茶味都算重同，紅豆一齊食可以話係完美嘅配合。 整體而言，兩個拉麵同雪糕，份量都不錯，賣相 不俗，價錢合宜，值得一試。

呢間拉麵係我除一蘭以外最喜歡既拉麵店。佢既麵質好好，同一蘭一樣有得揀軟麵硬麵。我真係好怕食硬麵，去譚仔都一定會叫米林D，係呢到都一定會叫軟麵。之前都係係尖沙咀食多，第一次黎中環。果然寸金尺土，座位基本上都係單邊位，適合1～3個人黎食。turnover rate都可以高D！星期六下午黎，難得唔使排隊，平時呢間野排15－30分鐘係基本。今次黎俾我見到個新野！檸檬豚肉拉麵！咁新奇既combination，無理由唔試啦！認真！呢個真係一試難忘！完來檸檬同個辛辣湯底係好夾架！真係好香檸檬味！個種酸味又唔會太過火，但就好醒神開胃。真心正！同埋檸檬都中和左少少個辣味，令個味無咁單調地辣！其中一個鍾意佢既拉麵，除左因爲D麵，仲有就係佢個湯底好濃！今次仲再架左D櫻花蝦點綴！點解D人咁犀利，知道咩同咩係可以好夾架呢？豚肉就一如以往，肥瘦適中，香香油脂味。Extra叫左個菜，無諗過有咁多綠茶可樂係因為個名叫既，味道幾得意。個糖心蛋係無敵！好好味！最後就係我同親fd黎都會叫即餃子。上面呢層薄片真係好香脆！當然餃子都正啦！

去蘭桂芳又唔想食酒吧既bar food，斜路都無咩選擇，又要快又要好，我都會選擇Bari Uma日本拉麵。又要叉燒又要蛋，梗係要招牌拉麵，同男友一你一碗再share個炒野菜。炒野菜就係一大碟芽菜、有小小木耳同蘿蔔絲。加埋落碗麵度豐富好多，多左爽口既感覺！男朋友要招牌原味豚骨湯底。我要左碗辛辣豚骨湯底味。兩碗同樣有一塊大又厚既叉燒、一整個流心蛋、荀乾。呢度拉麵湯底超濃，飲落去有d漿口既感覺，好似骨膠原好重咁，一定係落足料煲左幾日既效果！再加上一隻完美溫泉蛋，好味道！下次去夜蒲，就可以再次造訪醫肚先！

相信響中上環返工嘅朋友仔都知lunchtime 響依度嘅人龍係幾咁長難得今日可以早小小放lunch, 我同同事當然即刻響公司狗衝過黎排隊！我地大約12:25pm到，條龍已經有十幾個人響前面，真係唔敢想像遲多十五分鐘到嘅話要等幾耐我相信條龍咁長都咁多人等嘅食物，應該水準好高掛啲食物果然令我非常有驚喜，尤其係我叫嘅雞白湯拉麵本身以為拉麵店嘅肉多數會係薄身一片，但依度嘅雞居然係又厚身又juicy又嫩，似雞扒多過雞肉！而麵身都非常彈牙，個湯就係清清地嘅雞湯，個溏心蛋煮得恰到好處，真係好正呀同事就叫左signature嘅豚肉拉麵，麵身同樣都係咁正，湯底明顯濃郁好多，啲豚肉半肥瘦，無雞咁厚但係一樣咁正，好滿足我地仲叫左個枝豆，食落好新鮮我個人建議中意食清清地嘅人可以點雞拉麵，中意濃味啲嘅就點豚肉拉麵絕對可以滿足到唔同口味嘅人另外我都好欣賞店員嘅服務態度，雖然好繁忙不過態度禮貌都好好，抵你地咁好生意雖然長龍，不過我諗我好快會再黎食過，高質嘅食物係需要等待嘅

上星期lunch時間專程來到但奈何餐廳休息，今日再次去到終於沒有白行。12時半到達已眼見門外有一小人龍，幸好等了一會便可內進。餐廳具日本風，近門口處掛上了最新出的期間限定檸檬豚肉拉麵，彼新鮮，一於今次試試。《期間限定：檸檬豚肉拉麵 $78》三片檸檬放在湯上，未弄檸檬汁都已經有微微檸檬酸，弄好檸檬汁之後檸酸味更出，中和了湯底的濃膩感，而且更帶出了豚肉的肉香味；湯中有蝦乾令整體更香口，味感和口感增加；豚肉很嫩滑，拉麵彈牙，這個新出品不錯！《豬骨豚肉紫菜玉子拉麵 $98》豬骨湯底是拉麵的基本絕配，想不到食那款拉麵的話點這個最穩陣。玉子半熟狀態有流心效果，蛋香清甜，拉麵掛湯，整體不錯。《羽根燒餃子（5件）$35》餃子底部煎至脆口，入口有嚼感，中間的豬肉多汁有肉香，蘸點餃子汁更不錯。店員有禮貌，繁忙時間多說已不錯。