霸嗎拉麵 (德己立街)

营业中

休息中

係lkf除左有一堆bar之外，都俾我揾到食拉麵得地方。 地方唔算特別闊落。餐牌除左拉麵之外仲有少部份石鍋飯揀，不過話明係拉麵鋪就梗係食番佢主打的野。 小弟揀左灸燒豚肉海苔味玉拉麵。 望落份量適中，主角豚肉一碗有三塊，燒得幾靚，望落有油光但係食落唔油膩，本人最怕食豬的肥膏之類的野，而呢舊豚肉就完全無。 肉質夠軟腍，配左少少自家醬汁，少少辣，麻同香口，食落惹味。蛋的流心效果唔錯。湯底夠哂入味，雖然叫左少油但係仲為多左d .小弟大鄉里出城，小食果度點左客羽根餃子。同普通餃子有咩唔同？ 餡就都係平時見開的豬肉餡，一連五隻靠塊薄薄的「翼」 - 薄皮連住。 每夾一隻餃子連埋脆脆的薄皮一齊食又幾得意。因為係即煎所以塊皮仲係幾脆下。 整體價錢同係附近d bar比已經算係低下，抵食之選。

星期日都要返工, 真係非常之痛苦, 中午放工, 就要好好哋食返餐好嘅對待自己 , 去到霸嗎拉麵 , 大概等十五分鐘就入得, 入邊非常之暖, 天寒地凍, 食番個拉麵, 係一個不錯嘅選擇有一個新嘅檸檬豚肉拉麵, 都幾特別, 幾有新意, 點咗之後, 大概十分鐘就食得湯底有櫻花蝦, 檸檬三塊, 佢嗰個檸檬汁浸泡湯裏面, 有一種清新的感覺, 可以解豚肉既脂, 冇咁油, 特別開胃豚肉非常厚砌, 外面焦朝香, 咬落去外面脆口, 裏面鬆化, 正!另外佢既沙拉野菜餃子, 真係一個值得一讚嘅食物, 底層鋪滿咗生菜, 上面有 炸到金黃色嘅野菜餃子, 咬落去脆口非常, 裏面嘅野菜非常之JUICY, 夾埋生菜一齊食, 口感非常之豐富

一直都想光顧霸嗎拉麵，但每次經過尖沙咀及銅鑼灣分店時，見到那長長的人龍，實在沒有耐性等待，總是錯過了。今日難得放假，來到中環shopping, 試着碰碰運氣，來到霸嗎拉麵中環分店，希望人流較少，能食到我的至愛 ~ 豚肉拉麵。今晚幸運之神降臨我身上，這個時段剛巧客人不算多，我同老公很快便可入坐。店内既装修，好有日本既感覺，一人一座位，係日本拉麵店既格局。看看餐牌， 拉麵款式不算多，主要係濃厚豚骨湯、雞白湯和辛辣味湯底，也有期間限定，今期係檸檬豚肉拉麵及辛辣檸檬豚肉拉麵，而跟大部分拉麵店一樣，麵質軟硬度、配料添加等都可以自由選擇，另外還有餃子、炸雞、啤酒、日本飲品及甜品等供應， 甚至連石鍋飯也有得吃。只要根據個人喜好， 在餐紙上揀選及遞給非常有效率、服務又好嘅侍應就可以了。我和老公都揀了炙燒豚肉味玉拉麵($88x2)， 身為主角嘅豚骨湯底，的確夠濃香豬骨味， 湯色呈亮麗既淡啡色，口感濃稠， 面層更泛有一層薄薄的油分， 油香適當地增加了湯汁的香醇，不會過油但豐富了湯底的層次味道 ; 而自家製的麵條質感滑身爽口，掛湯能力不錯。 而另一個主角炙燒豚肉， 拉麵店特別註明"秘製叉燒用上等豚肉，低溫慢

依間餐廳主打日本拉麵，我以前都食過尖咀分店架啦印象係唔錯，所以今次見係中環都有分店就再食店舖賣點係濃厚豚骨湯、羽根餃子🥟當然要試下啦！<濃厚豚骨湯系列之炙燒豚肉海苔味玉拉麵🍜>個湯底認真唔野少，質地係濃厚既，但未至於傑同笠住個口，油份唔算好多，拉麵可選軟硬度。隆重介紹係炙燒豚肉，以慢煮方法炮製，每塊都好厚，肥瘦相隔<羽根餃子系列之照燒餃子🥟>名不虛傳！皮薄，煎過既面係薄脆，完全無硬既位，皮既口感係微煙韌，餡料多汁！配照燒汁，好味！最後以<芝麻雪糕>作結芝麻雪糕唔係度度有得食，黑芝麻味濃，唔會好甜，質地似gelato，賣相一流仲配以大大粒紅豆添必食

I was very pleasantly surprised when my friend and I first arrived at Bari Uma. For one, the restaurant was really easy to find since it is located conveniently in the heart of Central, near the well known and touristy area of LKF. The restaurant was very furnished in the style of the Japanese. The wooden walls, tables and chairs really brought out the style of the Japanese and the staffs who greeted us in Japanese which really made me felt like I was stepping into a ramen stall in Japan. Bari U

If you are a big fan of ramen, be sure to head down to Bari Uma for some!My friend and I just made a trip down to the restaurant last Saturday night. The restaurant is conveniently located in one of the most prominent areas of Central - just at the mouth of Lan Kwai Fong. I ordered the pork Tonkatshu ramen while my friend chose the chicken. Both turned out to be excellent, the seaweed was very crispy, the ramen eggs was well prepared and most importantly, the broth were both really tasty. In my

依間霸嗎拉麵都略有名氣，我知尖沙咀有間分店仲成日排長龍tim ，咁岩行開中環，竟然依度都開左間分店，就試一試佢先睇餐牌餐牌其實得幾頁，但食物種類都幾全面，有佢出名既拉麵、炸物小吃、石燒飯同埋雪糕甜品，連飲品都好多選擇我就揀左依個特盛炙燒豚肉拉麵有成四大塊燒豚肉，霸氣十足湯底都幾濃依間拉麵店既拉麵可以按個人喜好，選取拉麵既軟硬度、蔥同埋荀既多少，係點餐紙果度tick 就得架啦依間拉麵店採用既叉燒同傳統既唔同，係用即燒叉燒，大大塊豚肉未食已發出陣陣香味食落又香口拉麵質地方面，我揀左要硬身，質感爽口彈牙，不錯我同友人兩個人食，食完自己碗麵仲想叫啲小食食下，叫左照燒餃子，係果隻傳統日式彈餃子黎架表面有一大塊嘢係度，樣子特別味道不錯另外亦叫左辛辣唐揚炸雞，真係辣，鍾意食辣既岩晒我地仲叫左啤酒飲，麒麟一番搾送炸物最好最後，必食係佢既雪糕，我揀左抹茶雪糕，真係茶味香濃，雪糕質感幼滑，好食另外值得一讚係店員服務好，又唔洗收加一推介

屋企人去哂旅行, 自己一個人諗住係附近搵食醫肚, 個人對食比較有要求, 連鎖式快餐唔太合我心意, "日式拉麵店"正好滿足我要求。未到下班時間, 所以餐廳外未見有人龍, 內裡裝修別具日系風味。自行click order紙點餐, order紙有中英對照, 滿足旅客需要。可自選拉麵麵質軟硬度, 配料更可因個人喜好作删減, 務求為每位客人送上合心意的拉麵。今次坐在吧檯位置, 企起身還看到拉麵製作過程。【辛辣灸燒豚肉味玉拉麵】HK$93熱辣辣拉麵上檯, 大大件灸燒豚肉放面, 豚肉其中一面帶點點燒焦香, 豚肉跟脂肪平均, 肉質很林而且入味, 入口反而沒有預期中的過份油膩。濃厚豬骨湯底帶少少辣, 開胃又惹味~湯底還帶點點黏口, 麵質很滑, 還有筍片跟流心蛋做伴碟, 流心蛋超滑, 中間既流心蛋汁慢慢湧出, 正!【粟米粒】+HK$10額外另加既粟米粒份量都幾多, 溫度帶點微凍, 少少甜, 可以中和口中餘下湯底既辣。【沙拉唐揚炸雞】HK$38即叫即炸, 表面不油膩, 而且很脆, 淋上甜甜地既沙律醬, 夾集大量既蔥一齊食, 更為香口。除左罐裝汽水外, 仲有幾款日本空運飲品tim....【蜜瓜乳酸】HK$28

那天傍晚和太太往位於中環蘭桂坊的日本料理Bariuma，因為我喜歡食日式拉麵，我當然揀了雞叉燒辛辣雞白湯拉麵，因為香辣惹味，雞肉叉燒肉混合成肉圈香滑嫩熟，再加上其他配料，以及彈性質爽的拉麵，連湯吃落真冇得彈冇得頂。羽根燒餃子- 小食其中不少得就是美味的日式燒餃子，五隻燒餃子被油炸脆皮連著，撕開夾著入口的餃皮包肉質味道質感確不同，十足有中國地道餃子色彩。食日本雪糕- 餐後當然不少得香甜潤滑冰凍可口的黑芝蔴雪糕球，食過心都甜。

同朋友行開中環，諗緊去邊食晚飯，佢話想去食拉麵，原來佢未食過霸嗎拉麵，中環咁啱有分店，而且位置仲好方便，所以又走咗去食😆 專一嘅我，又係叫左特盛炙燒豚肉拉麵🍜 有四塊豚肉，真係好抵😋 朋友未試過，所以叫咗炙燒豚肉味玉拉麵～ 唔知係咪錯覺，我覺得中環分店嘅豚肉更加厚切😍 肥瘦適中，仍然係香濃嘅油脂味，湯底充滿豬骨香味，玉子非常流心，拉麵爽口彈牙～ 無論食幾多次都唔會厭😆 朋友第一次試都覺得好正，下次一定會encore👍🏻

獨食就最啱揀啲長龍餐廳。中環呢間霸嗎午市生意做唔停，店員每秒都好似玩緊俄羅斯方塊，而我當然係吊命嘅小方格啦～上次食過雞叉燒，雖然減肥當尚未成功，但今次都係想試吓充滿油香嘅炙燒豚肉。見到menu有新出嘅期間限定辛辣檸檬拉麵 ，連日式拉麵都可以酸辣喎又點可以唔試吓呢？鮮黃色嘅厚檸檬片令滿佈辣油嘅拉麵清新起嚟， 一大撮蝦米為拉麵染上夏日氣色。賣相滿意，但會唔會只係gimmick?食落甚為驚喜～拉麵掛滿辣湯汁。第一口湯我有擠壓啲檸檬，但湯底已經充滿檸檬皮嘅清香，酸味天然，睇嚟湯底真係特別熬製。嗜酸嘅我將大湯碗當成檸檬茶杯，用筷子篤檸檬，辣湯嘅話酸啲風味更佳，但如果叫唔辣就最好輕手啲，享受檸檬皮嘅清香喇。本來以為檸檬係主角，原來蝦米先係神來之筆。點菜時無視咗佢，但一食不單脆卜卜，蝦味濃若蝦籽。有咗佢，我下次食一定唔叫辣，要食真啲配料味。至於豚肉脂肪比想像中薄，但肥瘦比例恰好，咬落啖啖油香，但又咬到肉地。羽根餃子冇令我失望，香脆可口。上面嘅辣醬層次豐富，辣椒爆炒過幾有鹹香，仲有少少脆。而呢枝水蜜桃味清酒紅粉緋緋，少女味十足。酒味偏淡但桃味十足又唔會過甜，lunch break飲都不為過呀。

今日因工作關係，早上來到中環。辦完事後差不多十二點，看見差不多午膳時間，便相約在中環上班的朋友一起吃午飯，順便聚一聚舊！朋友推介吃日本拉麵，於是我們便來到德己立街這家霸嗎拉麵。我們十二點十五分辨到達，但門口已排了四五人…但店員服務十分周到排隊時已給了我們餐牌和點菜紙下單，省卻等候食物的時間。店內裝修十分有日本特色，而且值得一讚時他有很多單人的位置。讓一個人也可以享受日本美食！桌上放了調味品、筷子和水壺，好讓我們自己招呼自己serve ourselves，既方便又快捷！我們一行二人，下點了兩款拉麵。1) 炙燒豚肉海苔味玉拉麵 (⭐⭐⭐⭐💢)：半肥瘦叉燒是炙燒過的， 肉質嫩滑。叉燒吸收了醬油的精華，令人停不了口。拉麵的質素也挺高，軟硬適中而有咬口。而份量方面比較少，男生一般不會太飽。2) 雞叉燒味肉雞白湯拉麵(⭐⭐⭐⭐💢)：朋友比較怕肥，所以選擇了雞叉燒雞。叉燒是由雞扒捲起來製作，吃來來十分有層次。再加上雞肉十分嫩滑，絕對比得上炙燒豚肉。雞白湯底也是值得一讚，它的味道比起豬骨湯較為清淡，但是雞味十足！總括而言，這間拉麵店地點尚算方便，而且食物質素高。絕對比得上中環其他出名拉麵店！

經常見尖沙咀分店大排長龍，一直好想試，這天下午路經中環分店見有少量位，即時把握機會！餐廳設計充滿日本風，有置身日本🇯🇵的感覺。貴為人氣日本過江龍拉麵店，價錢相當親民。拉麵可按個人口味加選配料，另可選擇拉麵的軟硬度，亦可選少油/少葱/走葱/走筍。除了拉麵外，也有餃子、炸雞、石燒飯、丼物、甜品等食物。而飲品選擇也頗多，包括汽水、啤酒、日本酒，還有日本直送的特色飲品。桌上還有一壺壺加有檸檬的凍水供我們自行飲用。炙燒豚肉味玉拉麵不消一會便送上，未食已聞到濃郁的香味，其濃厚豚骨湯底確實非常出色，味濃而不會過咸，湯質夠”傑”卻不會好油膩。拉麵的軟硬度也是恰到好處，麵質容易掛湯入味。原來這款招牌拉麵的賣點是它的秘製叉燒是用上等豚肉以低溫慢火浸煮超過十小時，最後以明火炙燒。難怪豚肉如此驚為天人的美味！！肉質嫩滑之餘更是入口即溶，而且脂香十足，也十分大塊。另外，不得不讚的是連旁邊的筍也超好吃！未吃過咁好味的筍！味玉即是雞蛋也是超級高水準，絕對是優質溏心蛋，一咬開內裡蛋黃汁即時流出，而且好澎湃，蛋黃甜甜的，加上滑溜的蛋白，每吃一口都是大滿足。由於味玉太美味，不禁要追加多一隻，另外也加配了粟米粒，想不到是滿

在香港，不難找到日本拉麵店，要吃到正宗日本風味的話，應該要到霸嗎拉麵一試!　原來霸嗎拉麵有很多分店，難得在西式餐廳林立的中環可以在路邊找到不同，沒有藉口不吃一碗囉～單看Menu拉麵的賣相已經很豐富了簡單的飲品、含酒精飲料都有供應與一般拉麵店無異，食客自行點餐，由麵的軟硬度到配料都可以按自己需要加減眼闊肚窄，因為MENU的圖片太吸引，點了特盛炙燒豚肉拉麵秘製的叉燒是用上等豚肉低溫慢火浸煮超過十小時，叉燒變得腍軟後，師傅再以明火炙燒增添脂香，叉燒肥瘦層次分明，炙燒過的叉燒味道更香更入味，豚肉入口後慢慢軟化溶解，滋味在心頭! 以豬骨、雞肉、野菜等食材慢慢熬製的豬骨湯底把肉汁和蔬菜的鮮味合二為一，濃郁惹味辛口燒餃子皮薄餡料足的菜肉餃子，煎香後加上辛辣醬汁，超惹火，幸好叫店員把醬汁和餃子分上!!沙拉唐揚炸雞香口炸雞熱騰騰奉上，帶甜味的沙拉醬中和了炸雞的熱氣感

每逢到lunchtime，人龍都會多人到不得了。今日特意比平常早少少離開office, 大概12點20到達，就不用等位了第一次食，所以點了招牌的炙燒豚肉味玉拉麵，及一客餃子。餃子先來，好大塊餃子皮，脆卜卜，正一客有5隻，皮薄餡靚，好味好juicy, 一定要點埋佢既醋，咁先食到最鮮味既餃子拉麵一聞就聞到都幾勁既炙燒味，個人認為湯底較淡，好似被豚肉既燒味都蓋過了。但豚肉真係好好味，其實佢似豬腩肉多啲，雖然望落去好肥，但因為經過炙燒已經無乜油，咬落去都唔會覺得油膩