露面手工拌麵料理

营业中

休息中

係灣仔做完嘢，決定同同事食露面。我哋七點左右去到，見到已經差唔多滿座，得返一、兩張空枱，生意認真唔錯。野生松茸鮮雞湯一打開menu就俾佢個野生松茸鮮雞湯吸引住，個湯好足料，有雞同松茸，所以味道夠晒濃郁，好好飲。芥香麻醬雞絲粉皮前菜要咗雞絲粉皮，份量都幾多。雞絲應該係手撕嘅，粉皮好彈牙，最重要係佢嘅麻醬好香口，配埋青瓜好好食。嫩雞白布湯闊麵主菜要咗闊麵，個湯頭好白，飲落有好香嘅雞湯味。闊面大大塊，有少少似餃子皮，食落都幾煙韌。雞肉好香滑，菜都好新鮮。我都係第一次食呢種麵，感覺幾得意。鎮店蟹黃雲吞另外要咗蟹黃雲吞，粒粒都好大粒，入面包咗肉同蝦，食落好多汁，有好香蟹黃味，鍾意蟹黃嘅人可以試吓。高湯小雲吞最後要咗高湯小雲吞，一共有十粒。湯頭好清甜，雲吞入面都幾多料，仲有雲耳，我同同事都覺得好食。嘢飲方面叫咗熱粒粒蘋果蜂蜜茶同熱豆漿，都幾大杯，同佢啲嘢食好夾。

麵粉香味濃郁嘅手工麵條 高性價比～～～是日週五早收工，之後黎灣仔行美食博覽，行到腳攰，就出咗嚟食呢一間手工拌麵餐廳。6:30左右嚟到已經好多人，🔥人氣旺盛。～～～佢哋嘅套餐幾抵食，秘製香糟醉雞🐥+滷肉飯🐷+一杯粒粒🍎蘋果蜂蜜茶，簡簡單單就非常豐富。醉雞雞皮好滑溜，皮下有一層上湯，上湯下嘅雞肉亦都好嫩。滷肉飯嘅滷肉俾得好大方，汁比較稠身，濃度剛剛好，配搭清清甜甜嘅蜂蜜綠茶，滿足。～～～粒粒巴蜀大雲吞同鎭店蟹皇雲吞，則各有千秋。前者香香辣辣，肉質紮實，好濕潤。蟹黃雲吞就非常特別，咬落去粒粒蟹籽嘅口感係口裏面卜卜脆咁，好有咬口，中間嘅🦐蝦肉亦彈牙。～～～嫩雞白布湯闊麵湯底非常奶滑，麵條寬闊彈牙，澱粉fans絕對中意，麵粉香味好重，值得一試。～～～露面手工拌麵料理 灣仔莊士敦道55號地下A號舖

忙了整個星期，星期五正好跟同事到灣仔這家拌麵大拆一餐。餐廳就在灣仔修頓球場旁邊，交通十分方便。在灣仔區不用$100已經可以飽餐一頓，當然其門如市。小妹揀選了「一人拌麵」$88，有拌麵、小食跟飲品，十分超值！主食是鮮茄牛腩拌麵，茄味酸甜，牛腩腍滑牛味濃，與蕃茄酸味十分合拍，麵條份量充足，超值抵食！手拍小青瓜，爽脆清新！加了$14升級飲滑溜溜香芋鮮奶，奶味和芋頭的香味均勻，而且不過甜，不用擔心過多的卡路里。另外點了一份$88的「一人拌飯」，有拌飯，主菜及飲品加了$8升級咖喱豬扒，豬扒炸得剛好，配地道港式咖哩汁，夠惹味，伴飯一流。跟餐的滷肉飯，質量也相當高，滷肉是小塊的，而不是一貫用的肉碎，腍滑入味，有驚喜！飲品加$18換成野生松茸鮮雞湯，湯味鮮濃，原盅上枱，夠熱，抵讚！還有一客老壇酸菜湯小雲吞 $43，賣相也相當吸引！小雲吞十粒，雲吞皮的摺疊位也做到煙韌不硬，吃得出店家的心思及功夫；饀料味道好，湯的酸辣度亦配搭適宜，值得一試！是好味道的小店，值得光顧！

上星期六去完灣仔書展，之後去露面手工拌麵料理食手工拌麵🍝佢哋手工制麵有蛋麵、擔擔麵等等不同選擇，自家手打麵比較有口感👍🏻層次感豐富👏🏻絕對與一般麵質不同。鎮店蟹皇伴麵$98🦀聞名已久既蟹皇伴麵🍜剩睇賣相已經令人流口水🤤整碗滿滿金黃色既蟹粉十分香濃✨，幼麵配搭蟹粉非常口味👍🏻，麵線掛滿蟹皇香濃好味😋，唔怪之得敢多人推介。鮮茄牛腩伴麵$55濃郁豐富既牛腩香味撲鼻🥩，牛腩蚊得夠冧有口感👏🏻配搭蕃茄有點酸甜，醬汁夠濃伴麵一流。🍲秘制香槽醉雞$58🐥凍食既醉雞帶著微微既酒香🥂，雞肉保持嫩滑👍🏻份量夠多，十分抵食。✨巴蜀粒粒大雲吞$36一碟五粒大雲吞🥯每粒都有乒乓波敢大，皮薄而肉厚🥩，味道輕微辣剛剛好。👍🏻

露面手工拌麵料理 (灣仔)📇地址：灣仔莊士敦道55號地下A號舖🕐營業時間：星期一至日 10:00 - 22:00💸人均消費：～$120/人(dinner)👏🏻抵讚位：職員態度友善，鋪面雖然唔係好大，但坐得都算舒服。我地5點左右去到，見到姐姐坐喺度包緊餃子，自家人手包👍🏻 裝食物嘅碗碟望落好細，但都食物嘅份量出奇地多🤣 仲要唔加一，抵讚😆🍴Food QC：叫左兩個一人拌麵套餐，包一款小食同一杯飲品$88「台式滷肉拌麵」台式滷肉鋪滿哂麵面，食落唔係好膩嘅肥肉，陽春麵係幼麵，但都好有𡁻口「鮮茄牛腩拌麵 轉biang biang麵加$3」好多汁撈麵，牛腩有4大舊，每舊麵大大件。加$3轉麵，好煙韌，抵加$3「麻辣雲耳 手拍小青瓜」雲耳個辣汁好惹味，拍青瓜相對無咁好食🤣 兩個小食份量都算好多「秘製香糟醉雞 $58」係原隻雞髀咁濟！雞肉好滑溜，唔嚡。特登試左一啖個汁，好重酒味！「菠蘿青檸蜜」叫左小甜小冰，真係有小甜！最底食到啲青檸碎👍🏻「蜂蜜百香果茶 加$6」個底有唔少百香果籽，見到杯野飲嘅顏色，應該都夠哂濃，好飲😆😯有待改善位：暫時未有🤣😼私心回應區：之前見過呢間餐廳出名嘅「蟹皇拌麵」，但今次無

之前跟朋友吃飯，找了間曾吃過的麵店。這店空間還是很不錯夠大，在這時期很重要，畢竟大家都會食得較安心。原盎野生松茸鮮雞湯$38是這價位，這湯真的很不錯，湯料足且味道香濃。菌味相當出～嫩雞白布湯闊麵$68碗麵很大，料也多，湯熬得很清香又不會有味精的感覺。闊麵也不會太薄，既彈口不易爛，又相當滑身。鎮店蟹皇拌麵$98蟹皇味很香很重味，而且惹味十足。麵也彈口，加上醋實際不會很膩。另外叫了兩杯飲品，整體這店不錯，價值地道味道也挺好。值得一來。

蟹係香港相信無人不歡 蟹粉更是當中既精華所在 我和我的最愛不惜捐窿捐罅 食盡全香港有蟹粉嘅菜式 夏日炎炎放棄在家享受冷氣 冒着汗流浹背的風險今日慕名而來來到灣仔既露面手工拌麵料理品嚐他們的招牌［蟹粉撈麵］果然沒有辜負我們的期望 蟹粉撈麵還沒來到已經聞到濃濃的蟹粉香味 不爭氣的口水從嘴角上湧了出來 蟹粉撈麵上桌的一刻 實在令人驚嘆 金黃金黃的蟹粉 再加上潔白無瑕的麵條 互相輝映當將麵條浸落蟹粉的一瞬間 就像潔白無瑕的女神披上一件用黃金製成的披肩一樣 入口的瞬間 蟹粉的鹹鮮香味衝擊著我的味蕾 招牌菜果然名不虛傳 真的非筆墨所能形容 留下的給各位食客親自來到慢慢感受另外也叫了幾份撚手小食 果然也不讓蟹粉撈麵專美 最後謝謝［撈麵手工拌麵料理］將我的味蕾帶我去另一個層次

Covid之前lunchtime或放工上堂前成日幫襯，因為覺得d食物有水準，食物價錢抵食。因為WFH一排冇黎，冇諗過星期五晚7:00pm全場滿座，我哋等咗起碼15分鐘。每次黎都選擇困難症，因為望住個餐牌樣樣都想食，好彩今日有飯腳，可以share食。每次黎必點魯肉飯同酸菜湯小雲吞。魯肉飯有滷水蛋，唔洗特登加錢嗌，仲有佢碗飯好多魯肉，唔會好似其他地方唔夠送飯。d魯肉好入味，好味，推介!!朋友就叫咗個魯肉撈麵，我自己鍾意配飯多啲，酸菜湯小雲吞，夏天食呢個酸菜湯令人好開胃，D雲吞又皮薄多肉，正!!另外好肚餓嘅我哋仲叫咗咖喱豬扒，第一次試呢個，咖喱夠辣濃味，豬扒夠香口，大大份，抵食。

露面主打山西的Biang Biang麵, 和我心中香港Biang Biang麵先鋒第一家友緣小敍的風格不同, 前者是粗麵的闊度, 後者是如一幅布般大塊, 口感同樣爽彈, 但當然前者會吃得較方便. 露面的Biang Biang麵配以油潑子魯肉, 油潑子和我們的紅油很似, 但這裏的辣味不太明顯. 魯肉脂肉層次分明, 滷得入味, 夠鹹香而不死鹹, 也就是魯肉飯的靈魂, 一雞兩味.蕃茄牛腩撈麵則以幼麵為基本, 口感相對軟糯, 蕃茄醬酸度較高, 和山西菜口味一致, 牛腩份量不少, 口感實在而不死實, 筋膜夠爽, 牛味和蕃茄酸味也算配合, 整體來說是合格水平. 餃子也是山西菜的靈魂, 和我們吃開的不同, 山西餃子餃皮偏厚實, 也帶點韌性, 內裏用上蟹膏蟹肉作餡, 味道濃郁而且鮮度似蟹粉小籠包, 反而有點驚喜. 另一道名菜是松茸雞湯, 這應該不是山西菜吧, 連燉盅附上, 看起來就是很有火候的感覺, 喝起來有少少失望, 不算什麼死鹹, 但鹹味偏重, 蓋過了松茸和雞本身的香味, 老火湯嘛! 我個人覺得不用任何調味也可以.Biang Biang Noodles is a famous noodle sto

之前已經光顧過一次午餐，今次又嚟試吓先，之前用餐印象都唔錯☺️諗唔到食啲咩好，通常都會揀1人套餐裡面既選擇，但今次就決定試下啲新野，就比鎮店蟹皇雲吞，鎮店呢兩個字吸引眼球😂🌟鎮店蟹皇雲吞(5粒）$50🌟果然係以鎮店之稱🤩咬開係超級足料，蟹粉份量十足，而且非常香濃蟹味😍🌟啖啖酸菜魚套餐 $78🌟酸菜魚上次嚟食都未推出的，有少辣同中辣、白飯/米線揀，我就揀咗白飯，好彩要求了少飯，因為淨係芽菜同酸菜都多到不得了，真係淨係食菜都飽😂酸菜魚味鮮而不過咸👍🏻🌟1人拌麵 - 京醬豚肉炸醬麵 $88🌟🌟手拍小青瓜(素)🌟🌟菠蘿青檸蜜(凍)🌟🌟麻辣雲耳 $28🌟

位於灣仔莊士敦道的「露面手工拌麵料理」，係一間主打台灣拌麵的餐廳。餐牌有一人拌飯或拌麵套餐，下午2:15-5:15pm設有下午茶套餐，經濟實惠野生松茸鮮雞湯原盅野生松茸鮮雞湯，火候十足，鮮甜味美，充滿住家風味！裏面仲有鮮雞肉及野生松茸，真材實料上湯松茸娃娃菜娃娃菜新鮮翠綠，爽甜無榨，被上湯浸泡，健康清淡韭菜豬肉餃點咗個下午茶A餐，有5粒韭菜餃及輕量滷肉飯🍚每隻餃子都好大粒，皮薄餡靚，充滿韭菜及鮮肉，好足料輕量滷肉飯白飯粒粒分明，有米香～配上冬菇粒及半肥瘦嘅台式滷肉，啖啖肉，鹹香滋味，佐飯一流豆漿另加$6可轉配豆漿，甜度固定，豆味濃郁一人拌麵套餐拌麵套餐包括小食、拌麵及飲品。鮮茄牛腩拌麵，牛腩肉質軟腍，牛味香濃，鮮茄好甜美。幼麵條份量十足，軟滑可口，偏腍身，頗掛汁麻辣雲耳雲耳口感爽脆，加咗辣椒及紅蔥等等醃製，酸辣開胃滑溜溜香芋鮮奶即叫即製的香芋鮮奶，口感棉滑，能細味到粒粒芋頭蓉，滿載鮮奶及芋頭香，好好飲哦

🍚一人拌飯 $88🔆魯肉飯+小食+飲品🐷🍚魯肉飯佢啲魯肉同係台灣食既真係有得揮🤤🤤夠晒肥🤤份量好夠送飯🤤仲有半隻滷蛋，味道正😋👍食完一碗好想𝐄𝐧𝐜𝐨𝐫𝐞…🫢但我靜係想食啲魯肉唔要飯😂🐣💯秘製香槽醉雞一人份量好夠食，如果食晒啲魯肉得返啲飯拎啲醉雞送飯都好正😆因為醉雞超入味，酒香味濃濃，佢比例調得好，紀子再帶啲甜味🫶🥹好食！仲要佢雞好滑唔鞋🥹醉雞其實好難整得好入味又雞身甘滑👍手藝好👏🐮鮮茄牛腩拌麵 $59出名𝐁𝐥𝐢𝐧𝐠 𝐛𝐥𝐢𝐧𝐠麵+$3轉左，佢口感無刀削麵甘煙韌，小小煙韌同超掛汁😋鮮茄底油膩感會比較重，食食下都會好滯🤏牛腩厚身同好霖🤤好好食😋整體好夾😋🦀鎮店蟹皇雲吞 $50一份有5粒，配埋蟹皇醋，入面好多蟹籽🤩🤩大大粒😋好食👍👍不過真係一定要趁熱食！凍左無甘好食⚠️🥛滑溜溜香芋鮮奶 $28必飲😳無唸到甘好飲，絕對有驚喜‼️香芋唔係啲添加劑味！味道同食芋頭糖水一樣味🤤不過重點佢整到個口感好滑🤤真係無改錯名！🍍菠蘿青檸蜜菠蘿好清甜，清爽🔆唔算好甜。

露面係一間幾有特色嘅手工麵店舖,入面嘅佈置都係一d輕巧嘅擺設,營造出輕鬆嘅氣氛。今次我地try左一碗白布湯闊麵同埋一個一人拌飯套餐。白布麵嘅份量算多, 麵身比較有咬口,適合一班食麵專家。湯底嘅雞肉非常嫩滑,整個麵都唔會太重味,各方面平衡得唔錯。而一人拌飯嘅套餐就有一碗瀂肉飯同埋一碟醉雞。飯嘅份量比正常多,魯肉亦都唔會太鹹。醉雞嘅酒味好重,肉質嫩滑。整體黎講, 露面係一間手工唔錯+有心嘅手工麵店, 推介比大家try try。

久仰大名好耐，今日去書展之前終於可以去露面試吓，大概1:00左右去到，等咗五分鐘就入得去。裏面嘅枱比較密密麻麻，不過環境都好企理乾淨。我哋兩個人叫咗一個$88麵餐，一個餃子$36仲有一碗嫩雞白布湯闊面$68。麵餐有油潑辣子魯肉BiangBiang面，加個前菜麻辣木耳，加一杯冬瓜龍眼茶+$6。等咗幾分鐘魯肉面已經到咗，魯肉同我哋平時食開有啲唔同，依度切得好大粒，冬菇都係，比較有口感，個汁亦都好濃稠，而且啲麵質都係粗身啲。所以其實好快就飽🤣我就覺得鹹咗少少，前菜木耳反而幾好，加咗檸檬🍋，感覺好Fresh，又冇咁麻👍🏻嗰個餃子就比較失望，好普通，而且個皮好厚，好彩有正既辣椒油一齊食。另外朋友嗰碗雞白湯闊面都中規中矩，唔覺得好驚喜但係唔錯，啲雞比較細粒，碎，但係湯底補救，夠熱夠濃味。整體來講，都係普普通通，下次可能試吓蟹黃麵會有驚喜。

今日約左表妹放工一齊食飯，我地都好想食台灣麵，就係灣仔搵左呢間手工麵，見價錢又ok就試下啦。好，坐低坐低睇吓有咩好食先。鮮茄牛腩拌麵，一人拌麵餐，有麵、小食、飲品，抵食。呢個汁好濃茄味，撈麵一流。仲有大半隻蕃茄，兩大件牛腩，牛腩雖然大大件，就炆得好腍。麻辣雲耳，個麻辣味好香好有力，爽脆雲耳，正！鎮店蟹皇拌麵，個蟹皇湯有一絲絲蟹肉，濃厚又稠身，加埋Q彈手工麵，好好味。仲有個醋可以自由配搭，提升鮮味。韭菜豬肉餃，個餃皮多薄，見到好通透，食落個餡料豐富多汁。最後叫左粒粒蘋果蜂蜜茶，清甜解渴。