雞味濃

营业中

休息中

在外邊看到這間雞味濃，就想起之前在元朗吃過的那一間《過橋麵檔》，一碟雞，一點菜以及一碗飯。這間雞味濃，位於油麻地地鐵站🚇附近，根據本人試過之後，感覺味道與元朗那間差不多🤷🏿‍♂️，因此大家如果想試過橋麵檔的話，其實毋需要專程由港島/九龍去元朗吃它。進來之後看一看餐牌，發覺還有蒸肉餅飯，又或是蒸𩶘魚、倉魚，但是我看看雞的那張餐牌，有豉雞、霸王雞或是沙薑雞，還是點了那個蔥油霸王雞。門面小小，而且內裏座位也不多，只有三張四人座位，以及一張二人座，再加埋面對廚房的一個單人座位，即是同一時間只可供應15名食客內進，還要是比較擠迫。之前一直再有人排隊，這天，竟然繞了一個圈之後，回到這兒發現沒有人，於是便第一次內進，發現四人座以及二人座都有空位，因此坐在二人座藍冰叔叔對面。辣菜譜挺濃郁，就好像平日去吃大家食麵條，它會給你那一碟辣菜譜一樣，好像用來拌麵條會比較適合，撈飯食好像太辣了。生菜亦都有蠔油，後來就發現蠔油其實可以免卻，因為蔥油霸王雞本身都比較鹹。有人點了細飯，但是其實這兒的米飯本身也不算太多，因此不叫小飯份量也剛剛好的。蔥油霸王雞，放下的時候已經甚具霸氣，因為雞上面有很多荵，其實這些荵絲，亦都充

看過一位識飲識食，鮑魚當廚餘的友人介紹過這間「雞味濃」，說這兒的「頭抽豉油雞」水準不俗之後，引得人心癢癢的，便找了一晚，與太太兩人一起前往幫襯。店舖小小的，主打三款雞----「蒜香蔥爆霸皇雞」、「瑤柱火腿沙薑雞」和「原味頭抽豉油雞」，另外，還有一些住家蒸餸套餐，好像「金牌蟲草花蒸雞」、各款蒸魚與蒸肉餅等。 這兒的「原味頭抽豉油雞套餐」（$42），價錢相宜，除了有芽菜墊底的頭抽豉油雞外，還有辣菜甫、油菜、無味精老火湯和白飯一大碗，端的十分抵食。我吃的雖然主要是雞胸部分，也不覺其嚡，而且豉油味道恰可，夠味道而不會過鹹，份量也足夠。不過那說是沒下味精的老火湯，可能鹽下得太多，味道就鹹了一點。 才四十多塊錢，有肉、有菜、有湯、有飯，有菜甫，而且主角的豉油雞還要水準不俗，友人的介紹還真不錯呢！

八月下旬，連日下雨不斷。再不能再叫外賣，出門食個午飯，黎到呢個近來不少好評既小店。店是小，廿個位都冇，亦背貼背。食個快lunch沒多大問題。流量快，人手充。坐低已經準備好幫你落ORDER。第一次黎梗係試下當打既皇牌套餐。沙薑雞頭抽雞都試下。師傅手起刀落，應該五分鐘唔夠五分鐘，四份餐已備好食得。雞肉唔少亦平均，每碟背胸脾都有。唔洗怕冇肉得骨。對於唔鐘意加薑蓉同點沙薑醬既我，豉油雞更對口味，一於黎多半隻。睇相都對版，脾肉當然好食，胸亦嫩滑唔會鞋。你可能會味咁雞味濃唔濃？呢個價錢你唔會咁天真有新鮮走地雞過你食呀嗎。冇雪味有啲雞肉味，呢個價，冇得輸！

裝修新淨企理光猛，坐位寬闊度剛好唔會太迫，店舖都算乾淨舒適。餐廳嘅套餐有$42到$48，無加一，有主菜有飯有菜有湯，仲有碟小菜莆，又底又飽又好食，茶餐廳都做唔到呢個價，最主要係做唔到呢個質素。除咗有雞之外仲有蒸魚蒸肉餅等家常小菜， 第一次嚟我就揀咗蒜香薑蔥霸王雞。一盤過上枱，簡潔而好看。習慣性地先喝了一口湯，黃瓜蘿蔔煲豬骨，冇味精但味道實淡。吃一口飯，粒粒分明有米香。咬一口雞， 雞皮非常爽滑，肉質嫩滑，但雞味濃不濃就見仁見智。霸王醬汁帶微微辣，鮮甜淡口的醬油配雞很好吃。喜歡店家用芽菜墊底，吸光醬汁，伴雞或伴飯也不錯。計件本身味道已足夠，但若然真的需要在家鹹，就可試試店家的蔥油，不過這蔥油對我來說就真的非常鹹了。另外鹹鹹的菜莆送飯也一流。

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！雞味濃只係開業短短兩個月，但各食家對其好評不絕，小店標榜【百年傳承，古法祕方，真正雞之專家】，今日就同女友本住潮聖同支持小店嘅心態來品嚐一下！雞味濃位於太子站A1出口，走路兩分鐘就到，加上大大個招牌，方便易找！門外有外賣餐牌，我同女友笑言，如果住附近的話一定會晚晚落黎幫襯，價錢非常親民，分分鐘平過自己煮，慳水慳力！店面唔大，一半廚房，一半餐桌，可以容納15位人客左右，空間唔算鬆動。餐廳有兩條line，一係食雞，一係食家常蒸餸，套餐最平$42，最貴都不過係$48，已經有埋老火湯、油菜同飯，飲品亦可另加，係鬧市黎講真係好抵食！正當我同女友苦惱緊食邊款雞之際，突然諗到可以外賣多一份俾老媽子做宵夜，咁就可以試哂霸王、沙薑同豉油雞！女友點嘅霸王雞套餐，先講老火湯，

本來想買雞飯，午餐30，不過胃食，想飲湯又食d.菜，所以選套餐。豉油雞，少許偏咸，肉看到很像比較鞋，但吃下是滑的，雞下有點芽菜，爽口好吃。飯面的菜脯略嫌少了一些。整体中上。

嘩睇食評睇得多，今次第一次寫食評。因為實在太喜歡呢間小店。返工成日經過呢度，有個星期日下午諗唔到食咩就諗住試一試。一入去就有surprise，小店環境比想像中乾淨企理，啲凳仲幾潮，走工業風，啲餐盤又鬼咁文青，估你唔到XD雖然有少少迫，不過香港係咁上下啦。叫左個沙薑雞套餐，呢個價錢真係令人鬼咁感動。42蚊有飯，有湯，有油菜，仲有少少菜甫。再食啖雞，又滑又有一層薄薄既皮下啫喱，而且一啲都唔肥膩，正一支公食野既我呢個時候𥄫到隔離條蒸魚都好似好正咁，又俾我聽到伙記同其他客講話啲魚每日朝早都去買新鮮既。下次不如試下蒸魚啦。再值得一提既係老闆同伙記都好friendly, 睇佢地同熟客仔既interaction 會令人感覺到滿滿人情味。俾個like你香港咁貴租，小店唔易做呀。加油！

位於油麻地上海街，早前有間專門賣雞的餐廳開業，名叫「雞味濃」，據說是以百年家傳做法烹調，才兩天已有不少客人大排長龍支持。為什麼？我相信是除了味道不錯之外，還意想不到地便宜（始終鄰近旺角周邊熱鬧地段呀）兼大份又抵食。來吃了一頓午飯的短短時間，已見來買外賣的客人絡繹不絕，頗受街坊歡迎呢。餐廳主打三款雞：蒜香蔥爆霸皇雞、原味頭抽豉油雞、瑤柱火腿沙薑雞；套餐才港幣 $42 連老火湯、油菜、飯或麵；半隻 $60 起，星期日更有特價。另有其他小菜如蟲草花蒸雞及蒸肉餅，原條蒸魚套餐都是 $48，亦算便宜又吸引。套餐實在是比我預期中大份得多！先喝一口老火湯，絕對足料又夠濃。油菜份量都多，瀨粉更是大大份，即叫即煮還夠爽脆，還配爽脆的菜脯，非常香口。瀨粉以外更可選配菜飯、白飯、米粉、米線，或加錢轉出前一丁，完全感覺到有心、不馬虎。多款雞類當中，我向來比較愛吃豉油雞，就是愛它那甜甜的醬油味。雞肉夠肥美嫩滑，入味又帶甘香，味濃而不膩，實在好味道！另點了一份瑤柱火腿沙薑雞，後來回想再對對餐牌，會不會是漏放了瑤柱火腿？還是烹調時已加入了但吃不到？哈。雖然沒有吃到瑤柱火腿的味道，但特別欣賞雞肉是刻意放涼了才上桌。平

有日放咗工，咁啱路過油麻地，見到有間新開張嘅舖頭，於是在好奇心驅使下，行過去望吓，原來呢間係賣雞專門店，之後再睇睇門口嘅餐牌，發現竟然有霸王雞同沙薑雞呢兩款我最鍾意嘅套餐供應，我毫不猶豫就立即叫咗一個霸王雞餐，而且套餐裡面仲可以揀白飯或菜飯，如果唔想食飯嘅話，仲可以加多$3元改出前一丁麵，選擇真係多元化，而且個套餐都真係令我幾滿意，有主菜嘅霸王雞/白飯/老火湯，而且碗白飯裡面仲有唔少嘅爽脆菜脯，真係好送飯，霸王雞味道香濃，薑葱豉油汁非常惹味，冇味精嘅老火湯，而且價錢幾平，$35元一個套餐幾抵食，唯一美中不足嘅就係碗白飯嘅份量並唔算多，所以要另外加錢要多一碗白飯先至夠我食