雞味濃

营业中

休息中

見人介紹嘅相冇諗過原來係一班老友記開嘅燒味舖😆燒味舖黎講算係好整潔，唔會俾人一種冇後生仔黎食嘅感覺😎嚟呢度一定要試佢哋嘅雞，套餐超抵食，有菜有肉有湯有飯😳唔想食燒味，仲有肉餅等等嘅家常菜🥰.🐥蒜香蔥爆霸王雞套餐 $50雞肉好嫩滑，而且調味好岀色😋食第一啖已經講”哇好好味呀!”😂雞湯冇落味精，幾濃雞味🐔整體來講性價比好高又食得健康🤩.🐥原味頭抽豉油雞套餐 $46其實覺得佢所有款式嘅雞都值得一試，不過小編就覺得豉油雞比蔥爆霸王雞更加出色，比一般燒味舖食嘅豉油雞甜少少😇日日斬半隻雞返屋企加餸都唔會厭呀🤣.🍽味道: 4/5🏙環境: 3/5👨🏼‍🍳服務: 4/5💧衛生: 3/5💰價錢: 4/5

荃灣嗰間雞味濃嘅外賣就食得多今日喺旺角附近本來想搵食過嘅嗰間茶餐廳點知行嚟行返去都揾唔返😂但係咁啱見到雞味濃就喺眼前又有位 所以就入去試吓堂食侍應姐姐好熱情介紹有咩食原來唔止得雞食仲有好多屋企餸例如蒸肉餅同蒸魚價錢仲相當之實惠我見隔離枱個叔叔好似叫條黃花魚都係$50左右😮有湯有飯有菜真係自己煮都唔得啦由於蒸餸好似要等耐啲所以我都係叫咗雞😂😂😂咁樣咁足料都只係$46！食到我夜晚八點先識得再肚餓啲雞好滑 點埋個沙薑真係超好食至於左下角個湯啲味都尚算幾濃唔係好似水一般嘅例湯所以成個餐係真係超級抵食！而且營養均衡😂不過坐嘅地方就真係好窄我嗰日咩左個大背囊拎嘢擺袋全部都要好小心不過咁嘅價錢咁嘅食物質素我覺得坐迫少少都冇乜所謂簡直就係良心小店

一聽到個名都知道呢間餐廳專門食雞啦🐓 餐廳最出名嘅係霸皇雞，個個入到去都嗌呢款😆 套餐包埋油菜同埋老火湯，份量都好足夠，以呢個價錢真係幾抵食❗️雖然餐廳走平價路線，但係佢嘅擺盤都幾靚，用嘅碗碟幾精緻。------------------------------蒜香蔥爆霸皇雞 $50 (菜飯 +$3) 【8/10】雞連埋啲汁食落去鹹鹹地，配埋香蔥、辣椒同埋炸蒜一齊食好惹味。雞肉幾滑，可惜雞骨偏多🙁 老火湯正常發揮，唔會太鹹。------------------------------原味頭抽豉油雞 $46 【8.5/10】雖然食落去冇霸皇雞咁惹味，但係豉油雞嘅肉質更順滑，肉嘅比例更高。雞下面嘅芽菜索曬啲豉油真係好正😝 兩道菜各有特色，都值得大家試😆

今日經過油麻地就試下呢間雞味濃，大約2點去到，雖然店內座位唔多，但客人得幾個，唔洗等位就有得食。枱嘅距離有d擠迫，勝在環境乾淨，裝潢有誠意，所以坐得舒服。 見到餐牌基本上都係以雞、魚、肉餅為主，咁我就叫左個頭抽豉油雞餐，加左3蚊轉菜飯。成個餐一上枱係感覺好豐富，有飯有雞有菜有湯，仲有d炒過嘅辣菜甫同薑蔥，先講主角嘅豉油雞，略嫌唔夠入味同碎骨有d多，但個汁個味係幾好，雞件煮嘅時間掌握得啱啱好夠嫩滑，個底仲墊左d芽菜，芽菜好飽滿好爽脆，菜飯就普通，菜粒唔係好多但就夠乾身，最後個老火湯幾清甜，唔似平時茶記d例湯，總括成餐飯算係幾滿足，份量食得飽。

住附近酒店要搵好嘢食，死佬男友介紹呢間。豉油雞先叫半隻另加菜飯同兩個湯，都係$91！正又抵食。特別讚一讚佢賣豉油雞真係好淋又熟又嫩。年紀大嘅公公婆婆都食到，真係非一般煮法。所以今日再去買一隻，分左一半比家姐男友🤓🌝🫖🤩🥘.希望下一次經開都買

“蒜香蔥爆霸皇雞套餐(配菜飯)”($53)其實本人真係好鍾意食雞🤣所以都會搵啲企理啲嘅港式燒臘舖去食吓😆今次就去咗呢間喺油麻地嘅雞味濃聽到舖頭名都知專門食雞啦🐔舖頭最出名嘅係呢款蒜香蔥爆霸皇雞雞飯套餐包咗油菜🥬老火湯同飯/麵我就加咗$3要咗菜飯☺️雞肉份量都幾多🤤食落都算滑,冇雪味配上炸蒜,蔥同辣椒粒🌶帶有少少香辣味咁幾惹味☺️墊底嘅芽菜吸哂醬汁同雞味好正🤣配埋嘅油菜同菜飯份量都好夠多以呢個價嚟講都幾抵食😛

叉雞飯，有菜，有例湯，仲叫左罐可樂。雞味濃，雞係有雞味，就算雞胸肉都唔會乾硬。叉燒唔係肥叉，唔係乾，但肉硬身，吞果下有啲卡住喉嚨。佢餐牌除左燒味，仲有蒸魚，蒸肉餅，唔算單一。以價錢黎講，係親民價。仲要有菜，都叫飲食均衡。環境就非常逼，好多附近既街坊會落去食飯，應該係街坊食堂。對環境有要求既未必鍾意。

終於開放番晚市堂食喇 唔駛再食外賣今次黎試下呢間雞味濃😋✨蒜香蔥爆霸香雞套餐 $48雞肉好滑 有成四分一隻雞蔥蒜好香 不過啲蔥有啲辣 墊底芽菜索晒啲汁 超正🤤✨原味頭抽豉油雞套餐 $45啲雞都好入味 食到豉油既甜味唔會好鹹 肉質都好滑配蔥油食又另一滋味😋所以套餐都跟老火湯 油菜 同米飯老火湯飲得出冇味精 食完唔會口海 好鮮甜👍🏻加$2可以配菜飯 啲菜仲好爽甜個飯唔會好油 份量岩岩好係旺角呢個價錢食到呢個質素 店面細細 見到勁多人嗌外賣 呢間性價比真係好高 值得推介👍🏻

呢日放工出去旺角買水喉頭配件🚶🏾‍♂️行左好耐都搵唔到 天黑舖頭都陸續閂門😩唯有下次再搵 肚又餓喎🥺行過俾「雞味濃」大大隻字吸引左💋H先生實在太鐘意食雞 就算kfc都食到lam lam脷架👅.舖頭細細間但不乏食客✌🏻未到7點已經坐滿人 仲要有外賣客🤣顧名思義係主打係食雞既 有幾種唔同款式😊霸王雞 豉油雞 沙薑雞等等😬仲有其他非雞類住家餸選擇🤗H先生就食左霸王雞套餐💫裡面有雞 例湯 油菜 & 飯💁🏻‍♂️價錢都只係$48 轉菜飯額外加多2蚊😆真係超抵👍🏻重點係味道絕對高質💪🏻雞肉肉質又滑又嫩 味道都幾甜 濃雞味🐥薑 蔥 炸蒜份量夠 襯落個雞度食仲惹味😗下面仲有芽菜索左啲汁 勁香口😍菜飯多菜 啲飯有味去撈過 停唔到口🤤不過略嫌啲飯腍左啲🤔個湯比較淡味 稀左啲 但50蚊真係平到無嘢好講😂

食完一定吾飽睇中左哩間差不多2個月都未來，終於今日可以試下。就系以前得如酒樓旁邊，細細間得4張半枱，12點去到大概坐了一半。餐牌好簡單，就系雞同蒸魚，可能街坊生意，好多都叫蒸魚，但我地第一次來，都系叫雞啦。但我地兩個人食完吾到兩個鐘就肚餓，份量太少啦。蒜香蔥爆霸王雞套餐加菜飯（$50）-睇落幾大碟，賣相都幾好，有10塊雞，雞皮薄而吾肥，但肉不算滑，（3分）-例湯系木瓜湯，幾濃，吾錯（4分）-菜飯同大家樂比較，無菜香味,又細碗（2分）-套餐跟生菜，瑤柱火腿沙姜雞套餐（$45）-哩只雞比較厚肉同雞味，亦比較滑（4分）

近日到訪位於油麻地上海街嘅雞味濃，鬧市小店環境雖然稱唔上舒適，甚至有啲逐狹，但出品有質素。主打三款雞：霸皇雞、豉油雞、沙薑雞，套餐定價$43/48，性價比實在高，唔怪得有咁多街坊外賣、軟料加餸。我地食完一次，都覺得有下次鋪面唔算寬敞，座位數量唔多，枱櫈密麻，加上門口常開，冷氣有點不足；不過由於在座都係食快餐，唔會逗留太長時間，可以接受。同一般燒味店一樣，一隻隻雞已經掛於窗前，落單後即斬。餐牌主打三款雞：蒜香蔥爆霸皇雞、原味頭抽豉油雞、瑤柱火腿沙薑雞，套餐定價$43/48，附老火湯、油菜、白飯/粉，可以加錢改為菜飯或出前一丁。即使唔食雞，都有其他選擇，難怪係好多人嘅飯堂。例如蒸鮮魚、肉餅、蟲草花蒸雞，定價$42/50。外賣價格更實惠，雞、飯、湯套餐只需$30/35。蒜香蔥爆霸皇雞 $48/例牌 +$2轉菜飯原味頭抽豉油雞 $43/例牌+$2轉菜飯賣相唔錯，木盤整齊放上雞、菜飯、老火湯、油菜，一小碟一小碟，一啲都唔馬虎。南瓜蘿蔔豬骨湯熱辣辣，清甜無味精感。油菜份量得體。至於主角，霸皇雞同豉油雞都交足功課，豉油雞嫩滑，而且入味。霸皇雞以芽菜墊底，爆香嘅蒜粒、蔥絲鋪面，比豉油雞來得惹味之餘，唔

正常而言隔咗咁耐我係唔會寫食評，不過實在太有印象，所以都係要寫一些。首先係個選址，雖然官方地址係喺上海街，但係佢好近砵蘭街，加埋個個鋪頭名，實在係一絕。成件事睇到老闆無論係選址，改名定係製作食物方便都一定好有心機。成間鋪頭嘅食物種類唔算好多，最主要都係食雞，亦都有啲係食蒸魚飯嘅。但係雞嘅種類有唔少。今次我食嘅係蒜香蔥爆霸王雞。佢仲有另外幾款嘅好似都係豉油雞定係白切雞嗰啲。叫咗隻雞之後，唔知加幾十蚊就會有飯菜同湯其實都幾OK。講返隻雞先，隻雞啲皮好薄，好香，仲好滑。我諗唔止男人，連女人都好喜歡叫呢隻雞。要彈嘅其實真係冇乜，只係鋪頭細咗少少。呢個只可以寄望老闆讚多啲錢之後玩間大啲嘅鋪。係咁多，多謝。

吃悶了西日韓餐，今晚心思思想食中菜，去到油麻地，經過這間不顯眼的餐廳，但比它的店名吸引，雞味濃，所以就試試它的雞！店舖不算大，但也坐滿了食客，餐牌上面的招牌雞有三款，霸王雞，豉油雞及沙薑雞。三款雞都非常吸引，舉棋不定，最後叫了蒜香蔥爆霸王雞套餐（$48），配無味精老火湯，新鮮油菜及白飯。可惜菜飯已經賣完了，否則會試一試。下單不久之後，店員便端上木托盤，擺設得不錯，霸王雞上鋪滿了香蔥辣椒，淋上豉油，十分惹味。雞肉嫩滑，送飯一流。性價比高！下次會再來試試其他雞飯！

一向對雞都有啲要求，係香港食雞好多時候都食到雪雞，有雪味或者肉質無口感等等，要食好雞價錢都唔平，油麻地雞味濃雞店，賞試打破地心吸力，街坊價錢做專賣雞、雞飯既店裝潢都幾有味道，雞的賣相亦不錯叫個外賣，兩款雞各半隻試一試先黎蒜香葱爆霸王雞，一打開蒜香撲鼻非常多葱，以白切雞加上特製醬油、炸蒜及薑蔥辣椒組成，薑蔥炸蒜跟雞肉一起放入口有著特別口感，相當好味雞肉嫩滑滋味，比想像中更正味道覺得唔夠既(我覺得超夠)，仲可以加葱油一齊食，葱油都好正但加埋就真係太咸喇另外半隻係原味頭抽豉油雞，色澤非常靚好吸引打開蓋又係好香頭抽同雞味，到底佢係點做到雞肉同之前講既一樣嫩滑有口感，豉油雞本身味道已不錯，仲細心咁附上醬汁，點一點再食，依個豉油雞又香又好味亦有葱油俾你，唔夠味可加，個人建議一個食法，就係將豉油醬汁撈埋葱油，超正驚太咸就要加飯咯係街坊小店食到依個味道，雖然街坊生意，都係雞款中加小小自己的心思，實在超乎意料價錢都好平，性格比高到#8、9點好多時已經無得買半隻雞#本身主題想叫油麻地雞味濃但字眼敏感#最平雞飯30蚊

今次係第二次經過呢間小店，咁啱未食晚飯有d餓，瞄到餐牌既配搭覺得幾吸引，望埋個價錢我就反而有d怕，個餐45蚊會唔會係伏⋯不過呢個晚市時間要去其他地方要等要排隊，不如就試一試啦⋯個餐來左之後，飲左啖湯，係老火湯啵，湯入面仲有1隻雞腳同雞翼⋯我➕2蚊order左個菜飯，健康d，同埋d菜有dd鹹味易入口得多～碟雞係無加錢既情況下，我竟然得到雞比位，好感度即刻up up⋯隨餐仲有醃醬菜，好細一碟，不過好好味夠爽脆，送飯食剛剛好！同埋一碟耗油生菜～灼個生菜有落d油，上檯一陣都係保持閃亮同翠綠～（早兩日食車仔麵，order左個$13蚊耗油菜心，上台果刻d菜心一副有氣無力既感覺，中間仲夾雜住幾條米線同河粉⋯😑😑）食完呢餐覺得香港地仲有呢d便靚正套餐，真係賣少見少，有質素既小店係需要支持，同埋感恩！