雞味濃

营业中

休息中

被人呃到試呢間垃圾，嗌咗外賣自取，問個Staff大概幾耐有得拎我可以預時間行過去，個阿嬸勁冇禮貌：「你十分鐘之內好黎了喎。」然後就秒速Cut線，冇提及過任何付款方式嘅野。去到舖頭見到大大部八達通機擺係檯面，就諗住俾八達通，然後個阿嬸又呼呼喝喝咁：「唔收八達通喎，淨係現金。」唔收又擺部八達通機出黎？仲拗堂食先可以俾八達通，外賣唔得。輪到野食嘅部分啦，嗌咗兩份雞都係雞骨居多，得2舊仔五蚊銀咁大嘅肉，重點係死鹹，鹹到要洗腎嘅程度；碗例湯直頭成碗抌咗，鹹海水扮雞湯，間野叫雞味濃唔知係指啲咩呢，不如改名做味精濃啦！

見到佢個名講得出「雞味濃」，就知佢對自己嘅雞味幾有信心！呢間好近地鐵站出口，成日都行過，有幾次係附近經過，都有嚟幫襯過。佢堂食唔多位，個人建議外賣比堂食好，試過幾次俾佢安排係近洗碗位置，唔係太舒適。另外我都見到佢後巷有D位，唔介意都OK。今次就叫咗蔥爆霸王雞，雞味老實講就唔太濃，但佢$40有飯有雞有湯，我覺得算係佛心價。你都可以加錢轉菜飯，不過我通常都係食白飯XD除咗雞飯，佢仲有小菜（例如蒸肉餅之類），口味都係比較住家。

20:30經外賣平台落order（蟲草花蒸雞），話20:40有得攞，去到佢話無晒，講而家蒸緊，要再等多15分鐘，咁我20:55番去，佢同我講話老闆娘入面好嘈，聽唔到，所以無蒸到，叫我轉油雞，話唔轉就無得食，一句唔好意思都無，仲話已經幫緊我，斬雞個阿叔全程啤住我，好似想衝出黎攞刀斬人，隔離有個阿叔又係等外賣等到唔耐煩，最後唯有攞完油雞就走。只係serve 堂食客，外賣就個個等好耐！接唔切單你就唔好接，俾錢幫襯仲要咁既服務態度。

可能唔夠人手，樓面阿姐手腳唔夠快做唔切。廚房師傅都無停手既，但都好幫手，不過係幫手鬧外賣客既，好似漏單掛，我就聽唔清楚。🤣🤣🤣講番食物，呢個價錢食呢個質數，係抵既。唔介意地方既，堂食會好啲。或者簡個少客既時間去，就會有物超所值既感覺。👍🏻👍🏻

12：29分經網上外賣平台外賣自取三個餐，12：40可取，12：45到達，女職員禮貌地話蒸緊，我企門外等，再12分鐘後，冇見有外賣出過亦冇人等，再入去問，換上一個疑似女負責人，我問佢我個外賣仲未得？！佢竟然話我唔問！火都嚟！見到有我嘅外賣，塞俾我趕我走就算。我見到佢哋係由冇外賣到突然好多外賣預備要出，生意多可以客氣解釋，但佢冇，反而怪我冇問，一句唔好意思都冇！最氣頂嘅，喺我急急腳趕住走時，行到半路佢打返嚟話漏餐，又要我返轉頭拎！著火！明顯唔係佢跟開啦！求其做！同佢哋以前賣良心燒味飯嘅年代唔同晒喇！新嘗試食蟲草花蒸雞，冇乜幾多舊肉，好油，唔及佢哋肉餅。蒸魚可以，但唔會考再幫襯，生意多唔憂做啦！

📍香港📍油麻地📍雞味濃📍油麻地上海街378A號得如樓大厦地舖📍星期一至日 11:00~22:00店鋪好細，座位較逼。店內大約四張枱，員工工作都易有身體接觸。店外約三張，較為舒適，但唔知點解間中有陣強風吹埋黎😂 見到佢哋都好多外賣單。呢個份量，質素同價錢，性價比極高👍🏻跟餐都有無味精老火湯同新鮮油菜一碟。生菜烚熟加少少蠔油已經好夠味。老火湯亦真系比較清，感覺健康啲。仲有隻雞腳食。🦄 蒜香蔥爆霸王雞 $53 +菜飯 $3🦄 評分: 7.5/10雞肉大大件，份量比頭抽雞多，幾滑身唔會過老，雞味濃。如果再多啲香蔥炸蒜仲正。飯既軟硬適中，唔系hea你都有幾多菜粒。撈少少菜脯食仲惹味。🦄 原味頭抽豉油雞 $48 + 菜飯 $3🦄 評分: 7/10雞肉嫩滑入味不過相對上比較少肉食。雖然有跟蔥油，但我覺得已經好夠味好重豉油味唔需要額外加了。大量芽菜墊底，吸收哂醬汁既精華，唔會過淋仲爽口。#foodieschu油麻地～～～～～～～～～～～～～#香港美食#油麻地美食#hkfood#hkfoodie#hkfoodies#foodie#foodies#hkfoodblogger#foodblogger#blo

第一次試，豉油雞飯，嘩！點解咁滑，好夠味，比起洒家更加好味，雖然店舖細細，做街坊生意，但presentation 絕對無得輸，原來老細入行幾十年，每日早預備食材，所以－食就發覺非－般雞店，見到街坊都食叉燒，下次再試其他。

和同事趕住返公司做嘢🥲，連堂食嘅時間都唔夠🙈，唯有買外賣返公司邊食邊做啦😓。途經一間一直好想試嘅餐廳--雞味濃😙。店鋪比較細間😶，入面嘅座位唔太多，大約坐到7~8人，但其實佢外邊仲有露天座位可以坐😅，外面就大約坐到5~6人，今日經過其實間鋪已經full咗😵，好彩一早就打算叫外賣返公司食😆。外賣套餐價錢由$35~$43 可以跟飯、瀨粉、米粉、米線，不過如果跟菜飯或者出前一丁就要+$3，另外仲有無味精老火湯送🥰，不過如果要飲品就要另外加錢。例湯跟餐嘅例湯🍲不愧為無味精湯，因為真係無乜味嘅，比較淡🥲。原味頭抽豉油雞飯 $35豉油雞啲雞嫩滑有雞味😋，而頭抽味道濃💕，豉油味重❤，另外碟雞上面有葱油，仲有少少椰菜墊底。飯嘅份量正常🍚，軟硬適中👍，有飯香味之餘而且回到office仲夠熱辣辣，讚。飯面上面加咗少少嘅辣菜脯，食起上嚟更加惹味。簡單嚟講，將所有嘢撈埋一齊食，就非常好食😋，十分滿足🥰。秘制叉燒炒滑蛋飯 $38叉燒比較瘦，但好彩都算容易咬開，唔鞋口，不過冇咩油香味。蛋炒得夠滑🥚，唔錯。同樣地飯面上加咗啲辣菜脯，所以連埋啲叉燒同蛋一齊送飯食就非常好食😋。總括而言，價錢實惠🥰，外賣推介👍，糧尾

今天突然轉涼，天氣凍到唔想出街食飯，亦都唔想自己煮飯，又要去街市買菜又要煮又要洗，於是就決定直接買外賣返屋企，網上無意中見到有人推介呢間以食雞為主的餐廳，於是決定一試。兩個人買左兩個餐，一個係蒜香蔥爆霸王雞套餐，包括一碗聲稱無味精的老火湯，一碟新鮮油菜（生菜），同埋一碗白飯，亦都可以選擇其他麵類例如瀨粉，米粉或者米線等。另外我就叫左半隻自己好鍾意的豉油雞，另外再加一碗瀨粉。兩款雞的雞肉十分嫩滑，唯一缺點就係雞皮太厚，滿是肥膏，最佳作法應該過冷河結一層啫喱，方可以物盡其用，如今則可惜了這隻雞的肥膏，有點可惜。

又到每晚諗食咩嘅時候，天氣咁熱又唔想行出街買😂😂就睇下app外送，咁岩比我睇到呢間，以為睇錯😂一個套餐有齊生菜，老火湯，燒味飯！價錢只需$58，外賣自取只需$43.5😂所以值得試一試！蒜香蔥爆霸王雞套餐-$58（轉菜飯+$2）賣相非常吸引，霸王雞好香蔥蒜味，雞都嫩，生菜就唔係太新鮮，老火湯味道偏淡，不過呢個價錢都可以接受。瑤柱火腿沙薑雞套餐-$58沙薑雞我覺得一般般，味道正常，不過雞下面嘅菜幾好食。總括而言，我覺得價錢十分實惠，但味道就不過不失，都值得一試。

Lunch hour 1人的午餐龍鳳配秘製叉燒沙姜雞套餐 $52 （無加一）一上枱 份量有點驚喜 估唔到有咁足量😆我最欣賞係油菜好大份 似另點一份肉下仲有芽菜 仲有菜脯 在外食飯總係覺得唔夠菜食 呢到就照顧到了😊湯都ok👍🏻👍🏻 飯就一般 但好大碗 ！雞係好滑 僅僅熟的狀態 🤏叉燒正中我心意唔算肥 但又唔鞋呢個價錢真心唔太挑剔味道了☺️☺️好小的一家店 坐位唔多 姐姐態度幾好但發現了好幾點衛生問題 比較難再回頭食😓 好可惜

這間餐廳很久之前我和老公品嚐過一次，那次雞肉的味道確實讓人回味無窮，剛巧今天我們又經過油麻地，所以便順便來到這裡回味一番，可惜今次的味道卻略遜一籌，遠遠沒有上次這麼驚艷...No.1【蒜香蔥爆霸王雞】 $53雖然雞肉的肉質都算嫩滑可口，鮮美多汁，可惜師傅的刀功卻十分差勁，每一口雞肉都包含大量碎骨，需要吃得十分小心才不會噎著，讓人非常不便之餘，更令到這道菜式失去很多分數No.2【叉燒配豉油雞】 $52對比起充滿碎骨的霸皇雞，豉油雞的質素便正常得多了，並沒有太多碎骨，每一口都是「啖啖肉」，可惜它卻不太入味，豉油的味道未能滲透進雞肉中，只停留在表皮的位置，雞肉內裡依然是淡而無味的，總結來說味道只是一般而已至於叉燒的味道更不堪，由於叉燒十分瘦削，所以肉質不單止相當乾巴巴，而且更沒有任何肉汁，我們好像正在吃「叉燒乾」一樣，簡直味如雞肋，我們吃了一小口便已經想放棄了No.3【紅燒BB乳鴿】 $38下單的時候侍應推薦餐廳的乳鴿，我們貪新鮮便點了一隻來品嚐，沒想到它是全場最美味的食物，至少它是即叫即炸，而且是熱騰騰的。由於即炸的關係，所以外皮十分香脆可口，而內裡的鴿肉則充滿著濃濃的肉汁，肉汁四溢，滋味

《雞味濃》油麻地📍🐓《雞味濃》有二間店，分別位於油麻地同荃灣，二間我都有光顧過，荃灣舖面大一點比較企理，油麻地係細一半，座位得14個左右，而且係「麻甩系」，不過小店細細間係好正常。《蒜香蔥爆霸王雞套餐》霸王雞好入味，真的係雞味濃，肉質都好滑，加上有蔥蒜🧄辣椒🌶甜豉油，仲有好多芽菜做底，只需要配菜已經可以食成碗飯🍚成個套餐仲有油菜，例湯同菜甫，真心好抵食，味道絕對超越價錢。不過店舖細，食完就要快手埋單比返個位比人做生意喇😺如果唔方便堂食建議買一隻雞做外賣🐓🐔🦃

見openrice 照片幾吸引今日叫左外賣試試1 菜脯太少相比堂食既份量，外賣菜脯份量比較少，得幾粒係飯面，有點失望，如可另上多返dd就好2 雞份量少同菜脯一樣，堂食照片既portion唔細，可能我唔好彩，比較少，而且大部分係骨3 蔥油堂食蔥油係另上，外賣可能慳盒仔，倒係雞面，所以d雞極油，建議分開上4 湯比較淡其實味道不錯，唯細節及分量有待改善

承上篇同寶寶繼續油麻地地道覓食，上網搵油麻地平價美食，呢間雞味濃就榜上有名，個店鋪名鬼馬得嚟又地道！一於試一試！ 呢間店喺正油麻地站A出口，極易搵，不如店就好細得3、4張枱，好彩早食飯，搭枱有位。餐牌選擇就唔多，得燒味、住家小菜，嘢飲得汽水、豆漿。小弟叫咗沙薑雞拼叉燒，寶寶叫霸王雞，一齊加3蚊轉菜飯。一上餐，寶寶話好大碟都幾抵。食落d雞都好新鮮、好滑，叉燒半肥瘦啱啱好。不過我就食唔出霸王雞同沙薑雞嘅分別。但要加分係，小弟無要求下畀咗雞髀，睇餐牌要求轉髀係要加十蚊！真係多謝晒！最後，店鋪此終太細，都唔好意思坐得耐，用咗廿分鐘食完即走，仲有嘢飲唔啱飲。嘢食好味，但唔係聚腳之選。不過我見到門口叫外賣仲平，喺附近嘅朋友不妨考慮吓！