阿木台灣麵 (豉油街)

营业中

休息中

去開旺角食台灣嘢就通常都醒起「阿木台灣麵」～蕃茄牛肉牛筋麵，好足料好香番茄味，牛肉有好大幾塊喺度，牛肉同牛筋都煮得好軟腍，麵條又彈牙，食完滿足感十足！滷牛筋 滷牛展牛筋同牛肉實在太好食！忍唔住再叫咗小食！滷牛筋一碟有6條，滿嘴都比骨膠原張住，滷得好入味！超正！飲品分別叫咗金鑽鳳梨四季春同檸檬四季春都好高質！好似平時街邊手搖店嘅質素！lunch叫好抵叫！阿木台灣麵 (旺角)📍旺角豉油街60-102號鴻都大廈地下3-4號舖

台灣牛肉麵都幾大碗，份量十足，d牛肉係厚切，好重滷水味，好入味，食落口感煙煙韌韌，唔會太肥或者太瘦，而麵條都好煙韌，吸收晒湯汁，湯底都非常濃郁。柯仔酥d蠔仔好新鮮，食落好鮮味，一d腥味都冇，外皮個炸粉都有少炒煙韌嘅口感，幾特別。古早味炸排骨豬排份量都幾大塊，豬排外面炸到勁鬆脆，而d豬排都好嫩，一d都唔柴，調味都幾好味，好香嘅五香粉味，都幾正宗台式口味。粒粒白桃四季春菜茶味好濃，加上桃味嘅清新，都幾夾，仲有粒粒桃肉，增加口感。金桔檸檬話梅汁話梅汁都係第1次飲，酸酸甜甜好開胃，加上金桔同檸檬，更加增添清爽。

喺旺角行到攰，朋友想食台灣嘢，就去呢間試吓😆😆紅燒牛肉牛筋麵主打係餐廳既手工麵，煙軔彈牙又掛汁。牛肉係厚切牛腱，煮到好林又帶點咬口，牛筋好足料，又長又粗😂，軟滑而有d 位煙煙軔軔。紅燒醬汁濃郁，加上酸菜同台面既麻辣醬畫龍點睛，非常惹味。金桔檸檬話梅汁（凍）清新爽口，金桔和檸檬的酸甜平衡得恰到好處，讓人感到清涼宜人，特別適合炎熱的天氣。芝士岩鹽奶蓋成燒烏龍茶芝士的鹹味與茶的苦澀形成了奇妙的對比，讓整體口感層次豐富，十分驚艷。蚵仔酥（炸蠔仔酥）外酥內嫩，蚵仔新鮮。滷牛筋滷得入味，口感軟嫩又帶點彈牙，忍唔住要叫多碟。

最近天氣好熱，唔係好想食好多嘢，食台灣嘢就啱啱好，可以食多啲小食，相對上就有胃口啲。最近冇假冇得返台灣，嚟阿木思下鄉都幾唔錯。‣ 黑糖珍珠鮮奶 $34珍珠煮得好軟糯，配埋黑糖嘅甜，濃郁嘅奶香，真係夏天嘅恩物。‣ 金桔檸檬話梅汁 ＋$17冇乜胃口嘅時候，飲啲酸酸甜甜嘅嘢就夠晒開胃。話梅有微微嘅鹹甜，食啲炸物都可以平衡到油膩感，最後都忍唔住食埋粒話梅。‣ 芝士肉鬆蛋餅 $55蛋餅剪得金黃香脆，我自己幾鍾意嗰種濃郁嘅蛋味，而我覺得餅皮本身整得幾好，唔會太厚身覺得好滯。入面真係塞滿晒肉鬆，芝士唔會好多，但係都啱啱好唔會令到成個蛋餅太膩。‣ 炸雞排 $42雖然個雞扒要等多一陣，但係上枱嘅時候見到炸得熱辣辣，啲肉都好嫩滑，望到個橫切面都覺得不得了，其實食住等都唔算得係啲咩。份量嚟講兩個人分享，我覺得差唔多，都值得嗌。‣ 紅燒牛肉牛筋麵 $79下午茶時間就唔係太想食飯，所以就嗌咗碗麵。牛肉同牛筋燉得軟腍入味，湯底濃郁得嚟帶點微辣，啖啖都係牛嘅香氣，麵條彈牙爽口，連埋蔥香，好快就食晒成碗麵。

肉燥飯鹽酥雞飯套餐肉燥飯既滷汁鹹甜適中，肉燥似係用上肥瘦相間既肉製成，唔會全部係肥既質感，但入口又會有化既口感，配上白飯係最好嘅配搭，邪惡之選。鹽酥雞係分上既，雞粒外皮酥脆，肉質仲有汁，似係即炸，雞都嫩滑，帶有九層塔既香氣，又有椒鹽既風味，味道好夠又唔會太鹹。麻醬拌麵麻醬濃稠度適中，足夠包裹每條麵上，食落好夠味道。麻醬既芝麻味香又濃郁，帶類似花生醬甜味，配搭上大量青瓜絲增添口感，清爽不膩 。下次一定會再試其他台灣菜

阿木台灣麵阿木台灣麵位於香港旺角的鴻都大廈係一間深受食客喜愛的台灣麵店店內環境簡潔舒適適合同朋友小聚或獨自享用美食呢到主打食台菜為主佢哋既台灣香腸係外脆內軟伴隨著新鮮既配料每一口都讓人回味無窮而且佢地既魯肉飯同樣好食個魯肉係超入味超對係必點系列經開Mong kok /// 有興趣既朋友仔記得bookmark定❤️❤️❤️Location : 旺角豉油街100號號地下Price : around HK$50/p.p

旺角呢間在豉油街不起眼的台灣麵店，原來食物非常有水準，而且很有傳統台灣風味。大約六點的時間到來，客人都坐滿，應該是非常受歡迎的。蕃茄牛肉牛筋麵 $79呢碗牛肉麵真有驚喜，首先蕃茄湯底十分濃郁，有蕃茄嘅味道，而牛肉及牛筋非常大件，非常厚切，而且炆得非常入味，牛肉好似牛腩咁入口即溶，大大啖非常好食，牛筋亦都非常大件，而且有口感。而麵質亦都是我喜歡的不是太腍的那種。整體這碗麵真是不錯。蚵仔酥（炸蠔仔酥）$49蚵仔酥炸得鬆軟，而且比我預期的大碟，裏面嘅蚵仔有鮮味，外脆內軟，如果要來送酒簡直一流。金橘檸檬話梅汁$17試了這杯金橘檸檬話梅汁，我就喜歡少甜，飲落清甜潤喉，味道剛剛好，剛剛吃了炸物，飲返這杯潤吓喉確實啱啱好。咁特別嘅飲品值得推介。雖然只是個簡單晚餐，已經感受到店舖對食物的熱誠，這間有傳統台灣風味的麵店，下次會再來幫襯！

開咗咁多年都仲係長期人龍店就知道佢哋掂啦😙🥢鹽酥雞 $39佢哋嘅鹽酥雞真係好正！🤤咬落去咔嚓一聲 外皮脆卜卜入面啲雞肉嫩滑多汁連埋炸香咗嘅雞皮好有咬口唔會乾爭爭最正係佢哋撒咗啲椒鹽 成件事即刻升呢 食到舔舔脷～🍱炸排骨便當 $65除咗鹽酥雞 今次都有嗌埋炸排骨！係將豬里肌肉排切成粗條落鑊炸兩轉 出嚟效果超正！外層同樣係金黃香脆 入面啲肉仲keep住juicy 每條都夠晒厚身 個調味鹹香得嚟好開胃 唔會話係炸物就好油膩 食到停唔到口呀！貼心位係佢哋除咗供應多肉燥 多飯少飯嘅選擇之外仲可以醬汁另上個肉燥飯都好抵讚 同一般嘅比冇咁油膩肉燥方面肥瘦肉比例啱啱好 食落仲有淡淡嘅豬油香隨機三款小菜 次次去都有驚喜 夠晒新鮮感😉☕️凍冬瓜茶 +$5 (跟餐)冬瓜茶凍冰冰夠晒解渴 叫咗走甜飲落真係零負擔飲完成個人爽晒👍🏻🥛仙草奶茶 +$15 (跟餐)呢杯台式仙草奶茶都有驚喜啊仙草爽滑得嚟又帶啲彈牙 奶茶底茶味香濃 奶滑得嚟唔會太甜 飲落好順口加埋仙草獨特嘅少少甘香味 冰冰涼涼🧊

今日同朋友喺旺角行街，突然勁掛住台灣嘢食！經過一間選擇多到眼花嘅台式餐廳，見下午茶餐又平又多款，二話不說衝咗入去～試咗幾款經典嘢，即刻同大家分享！ 🍜 紅燒牛肉麵（轉新竹米粉）個湯頭幾濃郁，有淡淡藥材香，牛肉算淋但未到「一咬即化」級數。轉咗新竹米粉超正！索晒啲湯汁，啜落去「咻咻聲」，夠晒台味～如果多兩舊牛筋就完美啦！ 🥢 麻醬肉碎麵麻醬份量多到「瀉」出嚟！撈勻之後每條麵都掛滿醬，甜甜哋好香口。肉碎鹹香，但食到後尾有啲膩，好彩問阿姐拎咗啲辣油，加埋即刻醒神晒！ 🐔 鹽酥雞（必點！）即叫即炸熱辣辣，外皮脆到「咔哧」聲！醃得夠味，仲有九層塔嘅香氣～唔係得層粉咁簡單。同台灣夜市比，就差咗少少蒜蓉同椒鹽，自己加調味粉補救！ 🦑 炸甜不辣呢個有驚喜！魚漿味好出，咬落去QQ哋，唔會成口粉。點埋附送嘅甜辣醬，簡直係「邪惡」嘅極致～不過得四舊，同朋友爭食啊！ 價錢真係冇得輸，人均$50有找食到捧住個肚！味道算係香港台式食店中上，雖然未夠台灣當地咁地道（尤其懷念嗰啲無限任加嘅酸菜！），但止癮絕對夠晒～

今日晏晝冇嘢做就去左旺角搵細佬食飯 兩個人叫左一個主食 兩個小食都夠飽紅燒牛肉牛筋麵紅燒牛肉麵係台灣傳統嘅麵食 佢呢個紅燒湯底好濃郁 而且牛肉同牛筋都有好多舊 好大碗 而且啲牛肉都好腍 好抵食芝士肉鬆蛋餅嚟到食台灣嘢就梗係要食蛋餅啦 入邊有超多肉鬆 仲要個蛋餅皮有蔥花嘅香 然後煎到啱啱好 少少脆 可以encore蚵仔酥蠔仔酥都係第一次食 原來就係好似鹽酥雞咁 但係入邊就變咗熊仔啲學唔會好腍 都唔會好聲 係一個幾特別嘅體驗最後飲品就叫左芝士岩鹽奶蓋炭燒烏龍茶同粒粒白桃紅茶 兩樣都好濃味

🐷唔返家食飯，我決定同👦🏻出街食，就選了台灣菜。炸雞排便當加溫泉蛋炸雞排外脆內嫩，肉汁豐富，搭配米飯和醬汁，味道香濃，溫泉蛋蛋黃溏心珍珠奶茶（凍）凍奶茶香濃滑順，珍珠彈牙，咬下去有嚼勁，奶香與茶味甜度適中芝士岩鹽奶蓋炭燒烏龍茶（凍）炭燒烏龍茶清香四溢，奶蓋上面的芝士鹹香，帶有岩鹽的微鹹味，口感層次多樣台式炸大腸外脆內嫩，炸大腸香氣撲鼻，鹹香味十足，搭配特製麻辣醬料更添風味 蚵仔酥（炸蠔仔酥）外皮金黃酥脆，裡面包著鮮嫩的蚵仔，口感豐富

路過被店外的獎牌吸引，也坐滿了顧客，味道大抵不會差。這日和朋友心火盛，特別想吃炸物😍便一口氣點了幾款煎炸肉。🍱🥩鹽酥肉便當鹽酥肉就是脆炸豬瘦肉，一份六條很足量。台灣肉燥香濃下飯，米飯是珍珠米。小菜是滷豆泡花生、豆鼓菜莆和甜豆乾絲。🐥鹽酥雞排即點即炸，需時15-20分鐘，但非常值得等待😆。雞排又厚又大，肉汁豐富，加埋地瓜粉炸面，淨食一塊都不過份。🦪炸蚵仔酥蚵仔即係蠔仔！一口一粒炸柯仔，轉眼就食清光。蠔仔較濕軟帶海水味，上菜後必須快點食用。建議灑上店家獨特的椒鹽味粉，滋味升級！🧋🍸台飲方面，黑糖珍珠鮮奶加仙草實在冇得輸🤭另一款柑桔青檸梳打清新，但口味偏甜，可以點小甜唷。

最近去完台灣，掛住台灣野食，行過旺角見到呢間台式小店幾旺場，見到咁多人食就決定入去試吓🤤！ 🌟 *炸雞排* ：一上枱就聞到陣陣香味，炸得夠香脆，咬落外脆內嫩，仲有啲夜市feel🐔🔥！ 🌟 *紅燒牛肉牛筋麵* ：牛肉燉到好淋，牛筋又腍又彈，入口超入味🍜！湯底濃郁，麵條掛湯，暖笠笠，好有台灣味😋！ 🌟 *芝士玉米蛋餅* ：蛋餅皮香脆，芝士溶化得岩岩好，配埋甜甜嘅粟米，口感豐富，邪惡又滿足🧀🌽！ 🌟 *金鑽鳳梨四季春* ：鳳梨味超香甜，配上四季春茶，飲落清爽解膩🍍🍵，超適合配炸物！ 🌟 *粒粒白桃四季春* ：白桃果肉夠鮮甜，茶底清香，飲落有啲微微氣泡感，感覺好refreshing🍑🫖！ 整體嚟講，食物質素唔錯，好有台灣街頭小食風味！坐低chill住食完一餐，真係好滿足😌✨～下次會再嚟試埋其他台灣小食！

之前喺附近食嘢，成日都見到餐廳要排長龍，今次喺晚飯時間前經過見到唔使排隊，就即刻入去試咗先。餐廳食物飲品選擇好多，而且價錢適中。✨紅燒牛肉麵：牛肉份量勁多，每件都好厚肉，牛肉炆得夠哂軟腍，都好有牛味，咬落去好重膠質。麵條煮得軟硬適中，湯底味道香濃得來唔會死鹹，加埋少少辣椒油更加正。✨芝士肉鬆蛋餅：蛋餅餅皮做得好軟熟，入面包住滿滿嘅芝士同肉鬆，食落好鬆軟香口。✨家傳鹽酥肉：鹽酥肉炸得外脆內嫩，而且唔會油，落埋枱面嗰支鹽酥雞粉食好惹味。✨芝士岩鹽奶蓋炭燒烏龍茶（凍）：芝士奶蓋微微咸，芝士味好香濃，烏龍茶叫咗走甜，可以飲到真正嘅茶香。✨桂圓紅棗茶：比較養生既一款熱飲，飲到好香既桂圓紅棗味。

呢間係我長期會幫襯嘅抵食、份量又大嘅台灣菜餐廳🍴。🐂 蕃茄牛肉牛筋麵 $79呢度嘅牛肉滷得好入味，牛肉勁厚切，入口鮮嫩。個湯底充滿好濃郁嘅番茄🍅湯味，落埋自家製麻辣醬就更加正。芝士玉米蛋餅🥞$49蛋餅份量每次都要兩個人先食得晒，每舊都入口柔軟，充滿大量嘅玉米🌽同芝士🧀。超滿足呀滷牛腱$62見到今次多咗呢個小食，即刻點！肉入口好軟嫩夠晒味。飲品：芝士岩鹽奶蓋炭燒烏龍茶（凍）+仙草金桔儜檬話梅汁