今次我约左朋友去麦花臣踢波，踢完波就系附近食埋饭先番屋企，呢间阿木台湾面就成日经过都多人食，多人食既多数都系好野黎，就去食呢间，佢系可以用Gulu app攞飞，攞定先去就可以悭番d时间😉红烧牛肉牛筋面（$80）牛肉面既牛肉可以拣片切或者角切，片切就系牛腱心，肉质比例比较多，角切就系牛腱头，根位比较多，我就拣左片切，件牛系整到好淋，带轻微胶质感，牛筋就质感糯软弹牙，而最重要既汤好有台湾红烧风味，入口甘香回甜🍜盐酥鸡便当（$60）盐酥鸡粒新鲜即炸，仲有佢地自己整既阿木盐酥鸡粉，记得要落，好味好多，而个饭系台式肉燥饭，味道唔错，系个汁唔系好够，多汁d捞饭先正🐥韮菜蚵仔煎蛋（$72）呢份蚵仔煎size非常大，蚵仔大粒新鲜又唔腥，入面仲有好多韮菜，而个蛋冇整得太老，几滑，呢个可以点下佢地个自家制麻辣酱食，我觉得系几夹，个酱好好味，类似沙茶酱状既辣酱😋梅子地瓜条（$ 43）梅子地瓜条都系新鲜炸起，炸起身唔算好油，梅子味粉酸甜清爽，地瓜条食到佢既蕃薯甜味🍠芝士岩盐奶盖炭烧乌龙茶（跟餐$20）佢个奶盖好抵赞，真系好厚一层，咸咸地既奶盖好好味，个茶底带轻微烟熏味🥤仙草奶茶（跟餐$15）奶茶顺滑，仙草份量都多，同珍珠奶茶差唔多，仙草就比珍珠冇咁韧，踢完波饮呢个爽d🧋呢间餐厅既野食全部都好大份，小食系劲到好似主食咁多，食完呢餐超级饱，我最欣赏个牛肉面，个汤同牛都出色，其他野食都好食，唔怪得佢要排长龙👍🏻…Read More
