阿木台灣麵 (豉油街) (已搬遷) 新店位置

台灣牛肉麵都幾大碗，份量十足，d牛肉係厚切，好重滷水味，好入味，食落口感煙煙韌韌，唔會太肥或者太瘦，而麵條都好煙韌，吸收晒湯汁，湯底都非常濃郁。柯仔酥d蠔仔好新鮮，食落好鮮味，一d腥味都冇，外皮個炸粉都有少炒煙韌嘅口感，幾特別。古早味炸排骨豬排份量都幾大塊，豬排外面炸到勁鬆脆，而d豬排都好嫩，一d都唔柴，調味都幾好味，好香嘅五香粉味，都幾正宗台式口味。粒粒白桃四季春菜茶味好濃，加上桃味嘅清新，都幾夾，仲有粒粒桃肉，增加口感。金桔檸檬話梅汁話梅汁都係第1次飲，酸酸甜甜好開胃，加上金桔同檸檬，更加增添清爽。