金鳳大餐廳

营业中

休息中

好耐無食過港式扒房，估唔到近排屋企樓下開咗間，即刻約埋朋友去食門口勁多人排隊！好彩今日早到拎左飛，如果唔係分分鐘等成粒鐘入面當然坐爆晒啦，不過都坐得舒服唔會好逼黎呢到緊係食鐵板餐啦，估唔到淨係鐵板扒餐都勁多款式揀，當然如果唔岩食都仲有飯餐選擇我同朋友就緊係食港式鐵板啦，先黎餐包加西湯，個餐包勁軟熟又夠熱，好懷念，好耐無食過咗高質既餐包加大塊牛油入去夾住食無得彈！我就食帶子牛柳餐，重蒜一倒黑椒汁落去個下炸炸餐好正港式鐵板既特別，好興奮！牛柳好淋易切，入口軟淋淋好高質，連埋啲蒜一齊食好好味朋友叫左雞扒餐，估唔到有兩大塊岩晒啲大胃王。雞扒煎過黎，勁香，啲皮有少少脆，配洋蔥汁一流餐仲有野飲，我地叫左菜蜜，食完鐵板咁熱氣潤返晒

落單無西多士唔出聲，黎到先講轉餐包，西多士轉餐包，真係超正，職員又懞懞下，經理態度又差又串。奶茶咖啡又唔掂，坐係度已經聽到唔同既客人不停投訴，絕對唔會有下次既餐廳。

金鳳老牌扒房第2代掌舵近年極速擴展業務進駐屯門，回憶兒時老豆帶我地去太子金鳳食聖誕大餐，見佢開業即刻狗冲入去嘆番個扒享受吓，親民嘅價錢吸引男女老少入內進食吾冼開心share，新店装修時尚光猛坐位多但幾密，一坐底就聽到滋滋炸炸聲四起成個場都充滿牛肉香味。😋✌🏻美國牛小排餐$188每個餐都包左餐湯、牛油粒餐包仔、餐茶一杯，熱腾腾冇味精嘅招牌红白湯好飲暖胃，職員話牛小排碟上更佳肉吾會老，由於個人口味愛熟成牛肉就叫左6成熟，2大塊牛肉外表煎得金黃香脆配上薯格少許沙律菜，內裹粉嫩透紅肉汁juice配上我喜愛之🧄蓉汁。招牌牛柳餐$128惹味嘅黑椒汁牛柳放在熱騰騰嘅牛形鐵板上，份量十足肉質鮮嫩生得尼又冇血水口感超正，真系要讚吓厨師嘅功力👏🏻食完塊肉嘆番杯香滑奶茶才算完滿嘅一餐。整體而言職員友善好客佢地雙摩打手番枱快得驚人😱

相信好多人對金鳳呢個名字一啲都唔陌生，一諗起呢個名就諗起平靚正嘅牛柳牛扒，當然嚟親呢度排隊係唔可以缺少嘅一樣嘢溫馨提示大家可以提前用app攞飛先，可以慳返好多時間中西合璧既招牌唔老套地可以繼續傳承落去餐包可以話係西餐廳既必須，因為依家好多餐廳都冇啦羅宋湯keep住高水準，材料同味道都合哂小妹既心水西冷牛扒配沙律估唔到呢度既沙律都係咁好食但係牛扒可能因為係食午餐，所以冇平時鐵板餐果陣咁厚身平均$65一個午餐簡直係超值

見金鳳咁出名，又多人去食就試下啦。。。點知。。。枱細，當你未飲完湯，就上扒，根本冇咩位放，湯要捧住飲。扒一般，蒜蓉汁比較咸。檸檬茶得個甜，冇茶味冇🍋味，最衰是張餐紙巾有洗完地的地拖味🤢🤢🤢真的冇下次

屯門市廣場也新開了金鳳，出名抵食大份的港式扒餐，今晚就同食肉獸去朝聖，原來超多人等位，好彩早來攞籌，進商場逛一圈才入座。點套餐，跟餐飲品可以加$18轉懷舊雪糕紅豆冰，正！細個最鍾意的飲品。上菜速度超快，先說雪糕紅豆冰，雪糕加咗冰冇咁易溶，糖浸紅豆超多，椰汁味也很濃，有人喜歡把雪糕拌入紅豆冰一起飲會香滑d，我就喜歡先吃雪糕再飲紅豆冰，覺得像在吃甜品。餐湯也隨即送上，還有暖笠笠軟綿綿的麵包，絕對是港式扒餐的精髓。塗上滿滿的牛油，溶在軟軟的麵包裏，就算只是普通餐包，也覺得很香甜呢！我喜歡羅宋湯，用料足，蕃茄味濃，酸酸地又有好香胡椒味，飲完熱辣辣好開胃。食肉獸則喜歡忌廉湯，質感濃稠，裏面雜菜用料也很多，味道夠香甜。點了兩個扒餐，都加了生蒜蓉$2，會香好多。荷蘭豬扒餐$112,見到豬扒厚厚的有兩大塊，還有薯菜墊底，份量非常澎湃。最開心的一幕就是職員來灑蒜蓉汁，要拿起餐巾擋著，聽著彈油的聲音很興奮。荷蘭豬扒新鮮爽口又夠厚，好香豬肉味，食肉獸不消一會已經食完個餐，不停讚好食又夠大份，這個價錢超值！美式什扒餐$120,適合喜歡吃多幾款食物的人。我饞嘴，喜歡什扒餐有豬扒、牛扒、雞翼、腸仔、厚火腿，墊底還

屯門新開金鳳大餐廳，晚晚都超級多人排隊。50年鐵板餐老字號 「阿叔牛扒大王」 太子起家小編當然吾可以放過試新野，難得可以用app排隊，一拎票就要等38張飛。 終於等了1.5小時，7：30pm入座，食左半小時。 到底食了什麼？點了是日晚餐推介的牛頸脊，小編最想試的大蝦牛扒餐，雪糕紅豆冰，凍檸茶。首先上了飲品，沙律，餐湯，餐包。紅豆冰上面的雪糕是雲呢拿，很久沒有點這款飲品，依然覺得雲呢拿雪糕跟椰汁紅豆冰超級配，差不多每一桌都會點這個。餐湯：羅宋湯裡面都是蔬菜，非常健康，配牛油餐包太讚了！沙律：青瓜，水果，蟹柳都爽脆可口。扒餐都在黑漆漆公牛造型鐵板上，店員加汁（蒜蓉汁/黑椒汁）都非常豪氣，一倒下去都會滿出來。 牛頸脊份量多，五成熟，很好入口。牛扒五成熟，肉都是粉紅色，嫩滑很好咬。 大蝦很彈牙，蝦膏不太喜歡，入面好多沙的口感。是日晚餐還有朱古力雪糕，吃起來好像是維記。價錢不便宜，但質素絕對值得這個價錢。下次再去大吃一波。📌金鳳大餐廳☎️2330 3330📍屯門屯順街1號屯門市廣場1期地下G076-G080號舖

霓虹燈下原來係一間傳統扒房。麻雀雖小但五臟俱全，金鳳裝修有老香港嘅感覺。連個鐵板都得意過人，係牛形。港式扒房大大份。每月精選以牛頸脊為主菜，有埋湯、餐包、沙律、甜品同飲品。牛頸脊位於牛頸與肩胛之間，屬於運動量比較多的部位。Pre-set七成熟，切落仲有粉紅色。肉質柔軟。選擇嘅部位冇肥肉，唔會食到成口油肉。肉味濃厚。職員即場淋汁，仲細心提醒要攞紙巾隔一隔。成個鐵板有少少可惜嘅係啲薯格㗎放咗喺鐵板底到，一淋汁已經淋咗啲。羊架有三支，唔騷。肉質結實，但唔韌或嚡。比較鍾意食羊架，因為難整得好食。港式扒房最鍾意嘅港式飲品紅豆冰，用椰汁底，簡直係高calory嘅Perfect match。套餐有港式沙律。作為食肉獸都要吸收下蔬菜，自我感覺良好啲。下次繼續嚟回味！

屯門新開超多人排隊去鋸扒 【#金鳳大餐廳 】🇭🇰充滿香港情懷💕🌙每月特選晚餐 $178🍞牛油餐包🥘羅宋湯🥗蟹棒雜果沙律🥩美國牛頸脊黑椒汁鐵板🍨雲呢拿雪糕🥤配餐飲超級性價比高嘅套餐，可以由頭食到落尾，首先有濃郁嘅羅宋湯一啲都唔似平時嘅味精湯，仲有大大件嘅牛油餐包上菜的嘅時候仲暖笠笠！之後就有蟹棒雜過沙律，新鮮嘅青瓜先係精粹再加埋其餘嘅素菜夠晒Fresh👍🏿 重頭戲當然係鐵板上嘅牛頸脊，雖然只係可以係七成熟，但係肉質鮮嫩入口都唔會太老，咬落去肉質把把聲咁飛晒出嚟！加埋佢個黑椒汁超級濃郁，不過唔食辣嘅朋友就要小心啦！仲要加埋佢有飯後甜品真係飽到落尾！🍝小食拼盤 $88黑椒蜜糖雞翼 日式吉列炸蝦 手指魚 脆脆薯格呢個完全係炸物拼盤，每一樣雖然都好熱氣，不過每一樣嘢都食得你好開心，樣樣都炸到卜卜脆，入口結感覺就好似上癮一樣，再加上去判咗一兜千島祥加埋一齊嚟食就更加爽！🍝芝士肉醬意粉 $76兩個人就要嗌左一碟芝士肉醬意粉，醬料同芝士都夠晒撈意粉，半溶嘅芝士夠晒野味，份量都夠晒食，幾個人你仲可以一齊開心share添！⚠️加一服務費📍金鳳大餐廳 (屯門)屯門屯順街1號屯門市廣場1期地下G076-G080

屯門新開咗金鳳大餐廳，好多人排長龍啊，而家係屯市都可以食到傳統扒房啦，呢度有網上平台拎飛，一定要預早攞定啊！好，坐低睇下有咩好食先。美式什扒餐，豬扒、牛扒、雞翼、香腸、火腿，超級豐富，每塊扒都是厚厚的，而且味道唔錯，唔會太咸，我哋兩個女仔都夠食。松露醬帶子意粉，煎香嘅帶子大大粒，意粉上面有點點松露，食落好香，意粉乾身食落有咬口。芝士忌廉焗西蘭花好邪惡嘅芝士啊，焗到燶燶地，好香口，西蘭好爽脆。跟餐仲有餐包、羅宋湯，抵食！跟餐除咗跟茶啡，仲可以加錢轉特飲，好想飲懷舊紅豆冰呢！

被譽為平民扒房嘅金鳳大餐廳至今已經營超過五十年，咁啱約咗朋友喺屯門，經過屯門市廣場見到好多人喺門外等位，細看之下原來係「金鳳」，咁啱朋友想鋸扒，唯有乖乖等位。餐廳裝修摩登又不失懷舊⋯扒餐方面，主要分為2款（港式同美式），已經跟咗餐包同餐湯⋯一場嚟到梗係要嗌個港式啦，另外見佢個「每月特選晚餐」都好抵食，又可以試到個美式，就嚟一個特選晚餐啦！羅宋湯天氣突然轉涼，嚟個暖胃羅宋湯先⋯羅宋湯好足料，味道濃郁，係經典嘅味道呀！酸酸甜甜，滋味又開胃⋯餐包呢個餐包多咗一份莫名嘅懷舊風，餐包暖笠笠，非常軟熟，塗上牛油再蘸一下羅宋湯，呢種滋味相信只有呢啲懷舊扒房先俾到我！蟹棒雜果沙律港式雜果沙律，懷舊得嚟又好食⋯招牌牛柳餐侍應好細心咁提醒我攤開塊餐巾，將蒜蓉汁倒落燒紅嘅鐵板上，「喳」一聲，香氣四溢，真叫人食指大動！牛柳揀咗五成熟，粉嫩嘅牛肉好軟腍，牛味唔算太突出，但都唔錯！美國牛頸脊牛頸脊就配上黑椒汁，個人覺得黑椒汁比蒜蓉汁更惹味！牛頸脊嘅肉質較牛柳結實，但口感一啲都唔韌，而且肉味亦相對較濃，兩款牛都各有特色！精美甜品最後送上嘅甜品係雲呢拿雪糕球，雪糕柔滑細緻，而且非常creamy，為我哋呢餐畫上完美嘅句

11月8號星期一晚6點前去食，叫咗個價錢$198嘅牛扒，佢規定咗只有碟上唔可以轉鐵板上，我點咗5成熟，同樣叫咗個價錢$162嘅普通牛扒，7成熟，結果198嘅熟到鞋烚烚，7死熟變成血淋淋，最離譜個黑椒汁～無黑椒味不單止仲要稀到水汪汪，餐飲叫咗凍檸茶，我無講小甜，唉～結果唔甜不單止仲要又苦又澀，難怪咁多人飲凍檸茶都剩2/3，之前一直都幫襯開荔枝角道嗰間都唔錯，見到屯門市中心新開就去試下，結果中伏，無樣嘢得，唔會有下次囉😡😡😡

有朋友搬咗去屯門，探完佢之後，梗係要行吓屯門嘅各大商場。那些年，而家同以前真係唔同哂。屯門市廣場而家有Donki，仲有好多人氣食店。朋友話樓下開咗金鳳要試吓，我就梗係舉腳贊成👍🏻。金鳳餐廳嘅入口唔係商場裏邊，要行出外圍先搵到，不過都難唔到我哋。😏擔心會排長龍，所以我哋早早就去到啦，好彩唔駛等好耐就入座。今次叫咗佢嘅每月特選晚餐，$178好多嘢食。最愛佢嘅羅宋湯，連埋啲菜一齊食，酸酸辣辣，加埋軟軟淋淋的牛油餐包中和下，真係好正。個沙律都好清新，有我喜愛的蟹柳。🦀主菜係牛頸脊，熱辣辣的鐵板，攞住紙巾，睇住侍應淋汁咋咋聲嗰一下，係視覺、味覺同埋聽覺嘅享受😎（好變態🤣）。牛頸脊牛味濃郁，額外加埋蒜蓉，又香又辣。不過今晚就辛苦了枕邊人。😜最後食埋朱古力雪糕，為這餐畫上完美的句號。這個是新場，裝修設計好靚，我自己都喺門口影相打卡。

屯門新開金鳳大餐廳，愛試新餐廳的我星期日就去試了。5點幾已是晚市餐牌，定價不特別便宜，大部分$100以上，仲要加一。不過既然入咗去，就試了🐱招牌牛柳餐 $128 （加蒜蓉$2）黑椒汁🐱西冷牛扒餐$127 （加蒜蓉$2）蒜蓉汁兩者均用鐵板上，鐵板賣相可愛，可惜食物質素很·差！ 上菜後，侍應會為鐵板淋上汁，汁四處飛彈，要用張薄紙巾擋住。（注意勿著貴衫）但最最最最重要係難食：牛扒算大塊，但毫無肉味，加了大量蒜蓉，都蓋不住雪藏味，肉明顯加了大量鬆肉粉，口感不彈牙，咬下去像殘渣。我睡到3點才起床本應好肚餓，都難食到吐了7成，實在是難以吞嚥。肉下面的薯條被汁浸到一pat pat, 而且個汁好油，連伴碟蔬菜都浸到油淋淋。🐱伴餐有餐湯餐包餐飲。餐湯白湯無咩味，紅湯正常。餐包微暖算鬆軟，伴牛油但無牛油刀不太方便。餐飲點了凍檸茶同凍奶茶，點了少甜少冰，但明顯咩都無少。餐廳唔算闊落，新開張而言唔算好乾淨，重點係食物質素太差，不會再去。