金鳳大餐廳

营业中

休息中

去到屯門，又去尋找性價比高的食物，在屯門市廣場由地下到樓上，從外圍走入內圍，簡直目不睱給。和朋友商量了一番，選定了今天落腳的地點『金鳳大餐廳』。紅牆下的佈置，與街上的紅磚，相映成趣，甚有歐陸色彩。門口來了號碼卷，很快就到我們，跟著侍應，沿著小走廊，入座一小偏廳，整個環境鬧哄哄，『吱吱』作響。瀏覽了餐單，點了兩份主食：『鴛鴦扒餐』，『比目魚配黑松露汁』。來到這裡，吃扒餐都是不二選擇，好牛者，更是不可以錯過，以平價吃上份厚份量的牛排，只有兩個字『超值』，盼顧左右之顧客。都點了牛扒作晚餐，如果不是朋友今天不太想吃牛。這頓晚餐，或許另有見解。『鴛鴦扒餐』以豬扒，雞扒為主，一個碟盛得滿滿的，侍應輕輕端來蒜蓉汁，耐心等我準備好餐巾，慢慢倒下蒜蓉汁，『吱吱』作響聲伴著輕煙，猶如一場交響樂。『比目魚配黑松露汁』裡的魚肉，片片嫩滑，伴有粗薯條。這裡用餐，加『蒜蓉』不可以錯過。『蒜蓉』做得非常有水準。連帶『什果賓治』，『雪糕紅豆冰』兩杯飲品，尤其是雪糕紅豆冰，雪糕香滑，紅豆甜。懷舊飲料，買少見少，不敢浪費機會。平靚正，就是要分享。

星期四請假同老公去行屯門海濱花園，夜晚去返近屯門站附近搵野食。我地好耐無食過港式鐵板扒，見到金鳳大餐廳就二話不說入左去。我地七點前到都座無虛席，好彩都仲有位。我地叫左個美國牛小排餐同每月特選晚餐。餐湯叫左一紅一白，配牛油餐包。羅宋湯同忌廉湯夠大碗，餐包好大個，而且夠鬆軟，可以蘸湯一齊食。每月特選晚餐包頭盤，即係蟹籽胡麻醬沙律菜，食材幾新鮮爽脆，唔錯。美國牛小排叫左五成熟，跟鐵板上，配黑椒汁，好耐無食過咋咋聲既鐵板扒啦。除左有份量好多既牛小排之外，仲有薯格、粟米粒、翠肉瓜。蜜味燒春雞(半隻)拼西冷牛扒，配蒜蓉汁，都係叫左五成熟。西冷意想唔到甘大塊，燒春雞半隻都唔細，大食怪一定好歡喜。每月特選晚餐仲有精美甜品，係雲尼拿雪米糍。餐飲叫左凍檸茶。

每次想鋸扒都一定諗起金鳳餐廳，性價比高價錢合理，最重要就係食到港式港人嘅味道，加埋餐廳嘅懷舊裝修，真係諗返起以前嘅年代今日去屯門行街特登去金鳳食返個扒餐，嚟到餐廳已經差唔多坐滿人，坐低之後，門口已經要等位扒餐都有好多選擇，😊今次就試咗個牛小排5成熟，因為店員話五成熟用鐵板上肉質係最正。鐵板嚟到嘅時候真係熱辣辣，店員即時會叫你打開紙巾佢就幫你到啲黑椒汁落去，醬汁一落鐵板渣渣聲感覺好正。牛小排嘅份量好多，而且下面嘅配菜同埋薯格都好有份量。牛肉肉質好嫩滑，加上有少少脂肪食到肉香同脂香，切落去牛肉中間仲有少少紅，火喉控制得剛剛好，肉質特別香嫩一啲都唔會鞋口。下面嘅薯菜吸收晒肉汁同埋醬汁嘅香味。真係好好食。每次想鋸扒一定會諗起金鳳就係咁嘅原因，價錢公道合理，食物嘅質素又高。朋友減肥就唔想食牛扒，點咗松露汁燴雞扒飯，松露獨特嘅香味用嚟作為醬汁原來真係好香好惹味，醬汁令到食慾大增。雞扒嘅味道都好香，而且雞肉好嫩滑。估唔到呢個松露汁燴飯真係有驚喜。正宗港人港式味道，必決定選擇金鳳餐廳，下次我都會繼續幫襯

放假喺屯門行街真係好方便，無論交通同埋商場嘅配套都係好完善，行完街喺附近睇吓有咩好食，無意中比我發現到金鳳餐廳，原來屯門都有分店。以前要特登出到太子食，而家原來好多地方都有分店真係太方便了餐廳唔算好大，裝修得好整潔光猛，感覺都幾舒適。呢間扒房係食傳統港式嘅鐵板餐，相信大部份香港人都會聽過，經過多年之後今日又再回味一下從前嘅時光同味道羅宋湯配餐包，餐包啱啱焗好熱辣辣，配上酸酸甜甜嘅羅宋湯一齊食真係好開胃。美國牛小排餐 五成熟鐵板上 193元，最期待就係呢一下，店員將黑椒汁淋上牛小排上面，咋咋聲嗰下真係好正。牛小排size勁大，差唔多好似鐵板咁大，肉質非常軟嫩多汁，五成熟真係啱啱好，切開有少少紅色，望到已經覺得好吸引，入口牛肉味香濃，真係好好味。好懷念呢個味道，牛排size咁巨大都係百幾蚊一個餐，性價比好高。松露汁燴雞扒飯 88 元，松露味道好香，雞扒Size都算大，雞扒肉香嫩多汁，松露同雞扒嘅味道都幾夾，味道層次同口感都好豐富。食到我舔舔脷。每一個餐都跟一杯飲品，當然要嗌番杯港式咖啡，咖啡嘅味道都幾香濃, 仲要凍冰冰下次想鋸扒一定會再嚟金鳳餐廳，食物質素同份量都非常滿意，最重要價錢公道，

平時見金鳳成日要排長龍，所以決定試下。我地叫咗4個一樣的扒餐，帶子牛柳， 跟餐有牛油餐包，餐湯同嘢飲 牛柳上面的帶子好咸，牛柳揀咗七成熟黑椒汁，塊牛柳不過不失，都係七成，呢個價錢同份量同質素可以接受的，會再食~

要數香港老字號扒房一定會有「金鳳」，近呢十多年愈開愈多分店就知一定有返咁上下水準。今次就約埋朋友仔試一下屯門分店位置有少許隱蔽，見下圖星星位置，希望大家唔會好似我咁兜錯路🤣🤣🤣門面光猛，係金鳳經典logo 同朋友一人叫咗一個扒餐跟餐沙律同餐湯，精緻好味😋😋😋是日晚餐嘅帶子西冷排，大大塊，好抵食。另外一個係美式牛小排，有成兩大舊，食得哂嘅我都幾勁🤣🤣🤣叫5成鐵板上，中間啱啱好嘅粉紅色，見到都吸引👍🏻

屯門市廣場就可以食到金鳳，裝修係80年代嘅扒房風，裝修靚，食物質素又好，價錢又平，時不時就會去食帶子牛柳餐七成熟嘅牛柳煎得啱啱好，廚房有細心留意熟度，切開有少少紅但就無血流出黎，咬落去食到一絲絲肉質，又唔會好過韌，質素出乎意料！雜扒餐有牛扒、豬扒、雞翼、火腿、腸仔，牛扒屬於牛柳款，不是一般出面茶記啲bbq牛扒，咬落有口感，唔係得個淋字！豬扒大大塊，厚身得黎又唔會鞋( ´▽｀)食鐵板餐最期待一定係落汁過下，店員好專業一啲都冇流出來(ﾟoﾟ;;忌廉湯//羅宋湯忌廉湯非常軟綿；羅宋湯食材豐富餐包上枱前有稍為加熱，摸落去暖粒粒，係適合入口嘅溫度餐飲：黑牛即係可口可樂加朱古力雪糕，雖然跟餐要加$18 ，但懷舊風十足一定要叫！餐飲：檸檬茶

帶子牛柳餐*Time : AUG 2022, Lunch*Price : $168-HKD *Place : 金鳳大餐廳*Review : 港式扒房其實已買小見小，金鳳是小有仍保持一定水準的，以前都有去過其他分店，放假日突然想大大口吃肉，就去附近的這間。- 鐵板帶子牛柳 ：帶子厚身，肉感滿足，軟身不會煙韌，配牛柳一大口吃口感十足，牛柳要了五成熟，兩大舊份量十足，絕對可以滿足肉食一族，牛柳沒一絲肥肉，又夠軟，絕對可以大口大口地吃，可以吃得乾乾淨淨，肉味是比較弱，不過滿足感較強，配炸薯條，跟餐還有熱的餐包，餐湯，還有餐飲，充滿港式味道如果要求肉味濃的話這裡稍欠，不過要求港式味道加滿足感的話，這裏是水平之上的，間中放肆又流麗地吃肉，這裡可以十分滿足

#ftf_屯門巨大份港式扒房鴛鴦扒 $120 (連餐湯餐茶同餐包)⭐️⭐️⭐️⭐️⭐️相當抵食，呢個餐有雞扒豬扒，三大塊扒下面有薯條同翠玉瓜，雞扒十分之厚，肉質嫩滑多汁，配上黑椒汁，味道一流！豬扒相比雞扒較為濃味，適合重口味人士，肉質可能因為鐵板上，所以個人認為稍為有啲乾身，但勝在性價比極高，而且味道都唔錯！一個女仔絕對食唔晒，呢個扒餐，食得好滿足！美國安格斯肉眼扒 $198 (連餐湯餐茶同餐包) 加蒜 $2⭐️⭐️⭐️⭐️牛味香濃，牛扒雖然較為薄身，但正如圖片所見，好大塊，當然，如果厚身啲，但面積細塊啲，可能會開心啲，哈哈！今次叫咗五成熟，火候控制得好好，所以即使薄身都唔會太靭太老，有口感得來十分軟腍，但個人略嫌油脂分布不太平均。牛肉配上蒜蓉、再臨上蒜蓉汁，特別惹味！最意想不到，值得讚賞嘅係薯格，炸得非常脆卜卜，味道又香口！紅湯⭐️⭐️⭐️味道正常發揮，個人認為稍為有點淡，質地較稀薄。白湯⭐️⭐️⭐️⭐️平時鍾意飲紅湯嘅我，相對之下比較鍾意呢度嘅白湯，質地好濃厚，creamy得黎唔會油膩、有滯感，好足料！咖啡⭐️⭐️⭐️⭐️呢度咖啡好香，平時飲唔到咖啡嘅我，都覺得好味，哈哈！奶茶⭐️⭐️⭐️⭐️茶底濃郁得來完全冇苦澀味，奶同茶既比

如果同朋友講起鋸扒，大家一定會諗起金鳳😎出名大份又抵食！！平時行過都見到好多人排隊，天氣太熱好易打消念頭😂⋯今日係GULU App發現有得拎定飛～唔洗一陣就有得坐🥹.基本上每個扒餐都會跟餐湯、餐包同野飲，每人一個餐都夠做🤰🏻.比較推薦羅宋湯，好出蕃茄味之餘，仲辣辣地咁好開胃忌廉湯就一般般 有啲稀同埋仲有啲未溶哂係湯既麵粉糊🥲有待改善🙌🏻餐包好好食！好有誠意既處理，一拎上手熱辣辣，加埋溶溶地既牛油一齊食簡單世界級檸茶茶味夠濃👍🏻係好飲既檸茶帶子牛柳扒餐 $158+ （另加蒜蓉$2）一上枱好香蒜蓉味🥺帶子係好鮮甜，肉質軟淋牛柳七成熟岩岩好，好香牛味好易咬仲要超juicy，加埋蒜蓉一齊食超級夾！！建議要加蒜蓉（重口味之選）睇到張相都想再食😋皇牌西冷扒餐 $133+仲長過一個男人既手掌⋯超大份好足料西冷無牛柳咁重牛味但都好食，建議全熟會易咬啲依個係七成熟，有少少難咬，但好食既👍🏻最後係食唔哂既😂太大份⋯埋單都係4百有找🤰🏻食到捧住個肚走⋯滿足一定再有下次😋

市廣場這間金鳳大餐廳 開咗兩三個月,次次都排滿曬隊🥹🥹今日特意提早 the gulu攞位 等咗十分鐘到 😀😀地方都夠大，所以等位都唔會太耐嘅 😌當然要牛扒為主打啦 仲有其他意粉飯類小食 特飲🤪每月特選晚餐188餐包餐湯沙律🥗主菜 甜品 飲品一應俱全😍😍餐包熱辣辣配上高質牛油揀咗羅宋湯好足料 😉酸酸微辣夏天飲好開胃 凱撒沙律我至愛 🤩🤩疏菜很新鮮 配上 煙肉碎蕃茄好感唔錯😍😍帶子西冷牛扒 當然喜歡黑椒汁啦鐵板上 有兒時嘅味道 揀咗五成熟 火候控制的剛剛好 🥰🥰粉紅粉紅好夠淋，而且牛味濃郁，份量仲好夠添 帶子超大粒 外焦內嫩 真係唔錯呀🤞🤞咖哩牛扒意粉 份量同樣足，意粉咖哩另外上 三四舊牛扒厚切 而且咖哩都做得唔錯😋😋濃稠適中 非常香口 意粉仲好彈牙添難怪咁多人等啦 ，六點半就full House呢個價錢嚟講 算係高質呢😛

今日同朋友想食扒，又去咗屯市搵食😚金鳳大餐廳不嬲都好出名，好耐之前食過一次都唔差，見喺屯門開咗分店就去試吓😋我哋叫咗個美式雜扒餐同帶子牛柳餐😉羅宋湯同埋牛油餐包呢個美式雜扒餐好豐富，有腸仔火腿牛扒雞翼同埋豬扒☺️配埋薯條🍟呢個餐好抵食，百零蚊乜都有，同埋大大份。帶子牛柳餐-我哋叫咗七成熟，個帶子啱啱好，好滑。牛柳七成熟都好軟熟，好重牛味好好食。唔怪得咁多人推薦。總括來講好評☺️之前要出到元朗甚至再遠啲先會有呢一種扒餐食，依家屯門區都有， 十分方便

棗紅色嘅牌坊 金色字 呢個配搭又幾吸睛講到屯門鋸扒地方又真係諗唔到邊間講到地點方便 就腳 而環境又可以嘅話最緊要價錢唔好離地….真係得金鳳裏面嘅裝修係比較70年代feel感覺不失奢華又顯得有格調紅白格仔 主打黃光吊燈棗紅色嘅座椅 加上幾塊大玻璃將黃光無限反射整個氛圍加上鐵板嘅 之之 聲 幾正牛柳 七成熟 配蒜蓉汁西冷牛扒 七成熟 配黑椒汁紅湯白湯因為同朋友share兩個湯都正正常常始終最焦點都放在喺塊扒身上會再食👀順帶一提佢嘅下午茶都唔錯 出名性價比高🤓金鳳大餐廳 🐣屯門屯順街1號屯門市廣場1期地下G076-G080號舖

講起香港嘅特色，不能不提看似簡單，但其實陪伴不少港人成長嘅港式扒餐。金鳳大餐廳更是當中嘅代表，宜家好多地區都有。屯門嘅金鳳大餐廳，晚巿已經人山人海。相信大家對佢嘅鐵板扒餐都好熟悉，鐵板上面嘅吱吱聲，真係非常之動聽。餐包質感鬆軟，略帶微暖，搽上牛油或沾一點湯再食，味道唔錯。羅宋湯有唔少雜菜，非常足料，味道酸酸甜甜加少少辣，味道一流。招牌牛柳餐牛柳好厚身，五成熟，內里粉紅，恰到好處，肉質非常嫩滑，牛味濃，加配兩蚊蒜蓉粒，蒜味香濃。西冷牛扒餐牛扒表層燒至焦香，五成熟，里面仲係粉紅，但帶少少筋，整體口感唔受影響，肉嫩多汁，墊底嘅翠玉瓜同薯條索哂d肉汁，好好食。建議配蒜蓉汁，另加兩蚊蒜蓉粒，非常滋味！凍檸茶味道唔太甜，酸酸甜甜，好解油膩。雲尼拿雪糕紅豆冰紅豆大大粒，煲得夠哂淋，配埋椰汁底及雲尼拿雪糕，三者夾埋一齊，簡直就係Perfect match。

香港冇咩地方可以食到呢啲舊式牛扒，突然心血來潮想食，即刻諗起金鳳第一次嚟屯門分店，環境好舒服，好闊落同朋友兩個都嗌咗鐵板餐餐湯方面我嗌咗白湯，好滑好creamy朋友叫咗羅宋湯，佢話好惹味值得一讚係佢嘅餐包熱辣辣咁上查埋牛油沾湯食真係好正飲完碗湯個鐵板牛就上菜 時間啱啱好侍應仲好細心咁叫我哋拎起個餐巾，費事整污糟件衫由於餐牌太多選擇，選擇困難症嘅我決定揀美式雜扒餐一上枱真係心心眼，超足料成個餐有豬扒牛扒火腿腸仔雞翼連埋餐湯嘢飲都只係$128真係超值面頭呢塊豬扒超厚肉，仲大塊過我手掌食落去爽口 好咬加埋黑椒汁好好食😆😆牛扒都令我喜出望外，牛扒厚身，好似牛柳咁淋閘口入面嗰條廚師就一定係最經典仲記得細細個係爭住食呢條腸㗎🤣加埋薯條真係好有童年回憶朋友叫咗頂級西冷鐵板餐一食落口，哇！牛味超濃呢個牛味簡直有高級酒店嘅水準忍唔住一啖接一啖最驚喜係底下竟然係配薯格好特別啊兩個人食晒所有嘢，非常滿足