金酒屋

营业中

休息中

最近食左間好值得推介既日本餐廳～ 首先，粟米脆餅壽司 － 和牛三文魚籽。呢款壽司好特別，第一次食脆片包嘅壽司，食脆片嘅同又有牛肉嘅油香味，幾開胃～ 跟住既金龍珠海膽吞拿魚蓉卷，裡面有一個巨形溏心蛋，我可以話係超級出色！配上鮮甜嘅海膽同吞拿魚蓉，一啖入口，真係絕佳嘅組合～ 仲有就係餐廳必食推介金酒杯。呢道菜嘅海膽份量十足，又夠鮮甜，令人好滿足～再加上三文魚籽、拖羅蓉同松葉蟹肉，令整道菜更加豐富多樣～ 另外一款金丼－月見海膽三文魚籽拖羅蓉，絕對係三文魚籽嘅天堂。佢地慷慨地加入咗超多三文魚籽，再配埋蛋汁既醋飯，每一啖都飽滿而鮮美～ 之後就係串燒，厚燒牛舌心係又爽口又軟淋。牛舌心燒得恰到好處，口感外脆內軟，又有濃郁嘅牛肉香味，真係想食多一串～ 自家製雞皮蝦，脆皮雞皮外脆內嫩，包裹住蝦既肉汁，口感一流～ 西班牙豬肋條，精心烤製嘅豬肋條肉質鮮嫩多汁，口感豐富～ 最後就係壽喜燒和牛鍋（鹿兒島A4 和牛）。即使已經飽都令人難以抗拒呢道菜，絕對係和牛嘅極致享受～優質嘅鹿兒島A4和牛，肉質細緻，紋理清晰，油脂分佈均勻。每一片肉都有濃濃牛既油香～

最近去咗金酒屋食飯，日本菜同燒烤料理真係好出色啊！ 金酒杯裡面有新鮮嘅海膽、三文魚籽、拖羅蓉同松葉蟹肉。海膽都好新鮮，甜度適中，蟹肉鮮甜，拖羅蓉有魚香味，真係好正啊！ 粟米脆餅壽司裡面有和牛同三文魚籽。和牛濃郁嘅牛味，油脂分佈令口感好好，配合外脆嘅粟米脆餅，絕配！味道好豐富啊！壽喜燒和牛鍋（鹿兒島A4 和牛）值得一試！和牛入口即溶，A4和牛嘅香味真係無得頂～金酒屋仲有一款特別嘅自家製雞皮蝦，真係驚喜！燒蝦竟然可以保留蝦肉嘅汁唔會太乾，配合雞皮少少鹹去調味，真係好好食～厚燒牛舌心同西班牙豬肋條。厚燒牛舌心係有重牛味，爽口唔韌。至於西班牙豬肋條，燒烤冇令到豬非常乾，變得香口，加上豬肉嘅油脂，真係好正～金龍珠海膽吞拿魚蓉卷同埋金丼－月見海膽三文魚籽拖羅蓉。金龍珠即係日本蛋嘅蛋黃，超級香口，濃郁嘅蛋黃味，配合海膽嘅鮮甜，鹹加甜又香，口感豐富。金丼入面嘅海膽鮮甜，拖羅蓉有魚香味，醋飯軟度適中又有飯香，好好食啊！金酒屋嘅菜式質素高，味道鮮美，真係令人想返轉頭。無論係海膽、和牛、豬肉定雞皮等等，每一款菜式都有獨特嘅特色同口感。服務員嘅態度亦好friendly，令整個用餐體驗更加開心～

金酒屋嘅menu真系超豐富，基本上我最鍾意嘅食物呢度都食到。除咗刺身同串燒，和牛都係今晚嘅highlight，宮崎和牛嘅油脂好靚，性價比好高！•月見薄燒宮崎和牛飯糰 ＄168服務員會喺客人面前即場燒呢個和牛飯團，即燒即食再加埋秘製嘅燒汁好好味，非常推薦俾大家▶壽喜燒和牛鍋 $480壽喜燒一共有四片和牛，牛肉配埋蛋汁真係好滑，完全係入口即溶！另外仲有唔係好多地方有嘅年糕福袋，幾得意▶金酒杯 $168入面有海膽、蟹肉、吞拿魚蓉同三文魚籽，呢度嘅刺身全部都好新鮮，蟹肉同海膽都係非常鮮甜！•桃丼 ＄168呢個湯飯係新推出嘅，上面鋪滿甜蝦同吞拿魚蓉。我好鍾意食甜蝦，第一次可以咁樣食法（好滿足！▶鳥之提燈 $58•自家製雞皮蝦 ＄58餐廳仲有好多串燒，當中佢嘅雞皮蝦係師傅自家製嘅招牌菜，服務員都好推薦我哋叫呢個串燒。好有驚喜冇諗過可以同時間做到咁脆嘅雞皮而蝦肉又咁彈牙

平時同friend嚟荔枝角一係去D2 place睇戲；一係去行商場市集今次佢話呢度開咗間評價不錯嘅居酒屋，所以就嚟一探究竟雖然餐廳位置偏靜但都唔算難搵，加上口啤唔錯，所以週六午市時段，我哋去到都已經有唔少客人同friend一人啦咗個lunch set, 我因為唔太鍾意食生冷嘢所以試左個日式咖哩豬扒飯。份量十足咖哩味濃郁但唔算辣，吉列豬扒外脆內嫩，口感豐富。而友人對自己點嘅銀丼都相當滿意，我都喺佢慫恿之下，試咗一啖生牛肉，完全冇腥味之餘仲非常易入口，值得一讚。另外餐廳嘅門面同裝修同別出心裁，充滿日式風味，鍾意美食同打卡嘅朋友不能錯過。但因為呢度人氣都幾高，建議大家嚟之前最好book定位先。

聽間荔枝角有間高質嘅居酒屋趁住週末下晝有時間就拉埋朋友一齊去試交通方面都非常便利荔枝角站D1出口轉返落長沙灣道向美孚方向行幾分鐘就到偌大嘅落地玻璃門面非常引人注目，地下擺放住一個個清酒盒，加上帶有日式風格嘅燈籠同酒埕，連平時唔太鍾意打卡嘅朋友都忍唔住喺度影左幾張相。餐廳裡面嘅面積唔算大，裝修簡單舒適，一目了然。我同朋友都各自點左份午市套餐，我點嘅係銀丼，即係月見生牛肉三文魚籽飯加稻亭烏冬；而朋友因為食唔慣生嘢所以選擇左咖喱豬扒飯。我食嘅銀丼食材非常新鮮，雖然係生牛肉但一啲腥味都冇，三文魚籽亦都非常鮮味。最令我驚喜嘅係配菜嘅沙律，一啲生蔬菜嘅臭青味都冇，食落非常清甜。至於麵豉湯同烏冬就可以話係中規中矩，不過不失。今次呢餐埋單人均$200+，以食物質素同環境裝修黎計，性價比都算高，下次再經開荔枝角，都會再返黎幫襯。

見到位於荔枝角這間日本居酒屋主打高質矜貴食材，店名都好特別～金酒屋先來杯清酒開開胃口🍶🍶嚟得金酒屋一定要食佢嘅金酒杯啦🫢🫢四種食材分別有海膽、松葉蟹肉、蟹籽和吞拿魚蓉堆砌而成，唔想精緻金玻璃杯，小裝飾真係好矜貴🤤🤤食落口感當然一流蟹肉鮮甜海膽甘甜，蟹籽脆卜卜，吞拿魚蓉軟綿綿，四種食材一齊擺入口真係享受😋粟米脆餅壽司～角切魚生三文魚籽呢個系列仲有幾個選擇可以因應返，自己鍾意嘅食材拼合一齊好有創意粟米脆餅脆卜卜加上新鮮嘅角粒刺身，口感有層次😝😝非常滿足，魚生新鮮冇得頂金龍珠海膽吞拿魚蓉卷（四件）創意菜式，金龍珠其實係日本蛋黃醬油漬而成，配上海膽和吞拿魚蓉一齊食，口感特別🤩🤩三者融合得很好非常match，賣相仲好靚添金丼。月見海膽三文魚籽拖羅蓉店員都問我哋係咪海膽控🤣🤣碟碟菜式都有海膽🤭🤭因為佢哋啲海膽真係好鬼正非常新鮮整齊大大塊，甘甜！一啲腥味都冇，食得出提高質素壽喜燒和牛鍋非常有驚喜🥳🥳和牛紋路牛脂花紋非常突出，喺香港好少食到咁高質嘅和牛壽喜燒鍋底說真的沒有太特別，和牛才是主角真係入口即化，油脂均勻而且牛尾相當濃郁高質高質😋😋自家製雞皮蝦非常有創意用雞皮包住海蝦，雞油甘香浸落外灘當中非常

源於上次食完午市難得係長沙灣有間追質既日本料理，今次再番黎食晚市，除左食物都係咁正，氣氛比起午市更高漲，個個都食到飲到好盡興! 自家製雞皮蝦：爽脆蝦子包裹在酥脆的雞皮中，帶來了一種獨特的雙脆口感和豐富的風味，每一口都散發著蝦肉的鮮甜。厚燒牛舌心：牛舌心經過綿密的烹調，肉質鮮嫩多汁。每一口都帶來豐富的牛肉風味，牛油香氣四溢，令人垂涎欲滴。西班牙豬肋條：經過慢烤，肉質鮮嫩多汁，散發出深邃的肉香。每一口都令人感受到肉質的融化，絕對是肉食愛好者的天堂。三文魚牛油果粟米脆餅壽司：這道用粟米脆餅包裹的壽司是一個創意十足的料理。粟米脆餅的酥脆配上鮮美的三文魚和濃郁的牛油果，形成了一種獨特的口感和令人愉悅的風味。金龍珠海膽吞拿魚蓉卷：以新鮮的吞拿魚蓉卷裹著珍貴的海膽， 三粒紅晴晴嘅醬油漬蛋黃 ，呈現出美麗的外觀。蛋黃包裹吞拿魚蓉製造出 軟綿濃厚嘅口感，而海膽是入口即溶，味道鮮美而平衡。壽喜燒和牛鍋：以優質的和牛為主角，搭配新鮮的蔬菜和精心調製的醬汁。當和牛薄片在滾燙的鍋中煮熟時，肉質保持了柔軟嫩滑的特性，並散發出濃郁的牛肉香氣。加上新鮮蔬菜的清爽口感和醬汁的香甜味道，這道壽喜燒和牛鍋絕對是一個讓人垂

之前碌IG見到一間日本料理啲相好靚😂😂於是行完D2商場就同朋友去食🥹🥹結果間日本料理餐廳超高質，真係好正啊！🥰🥰每一道菜都令我驚艷連連！😍😍氣氛超正，師傅同staff都超nice☺️☺️首先，金酒杯係一道精緻嘅前菜。🤗🤗佢有海膽、三文魚子同蟹肉拖羅蓉，再配上紫菜食，味道鮮美得嚟又好好睇。😎😎岩哂打卡🤣🤣每一口都能夠品嚐到海膽嘅鮮甜同三文魚子嘅鮮味，同埋蟹肉拖羅蓉嘅酥脆口感，真係好開胃又美味。🤩🤩自家醃漬蛋黃海膽吞拿魚蓉卷係一款獨特嘅壽司卷。🥹🥹真係好好好正🤭🤭裡面有自家製嘅醃漬蛋黃😋😋OMG我食過最正既蛋黃！🤩🤩海膽同吞拿魚蓉，味道豐富又鮮美。每一口咬落去，都能夠感受到海膽嘅鮮甜同蛋黃嘅濃郁，同埋吞拿魚蓉嘅滑嫩口感，真係好好味。😗😗壽喜燒和牛鍋係一道豪華嘅主菜。😌😌用上鹿兒島A4和牛🤩🤩真心貨真價實😳😳和牛入口即溶🤭🤭除左有新鮮野菜菇類，鍋裡仲有年糕福袋，味道濃郁又豐富。😽😽每一片和牛都嫩滑多汁，同埋配上野菜菇類同年糕福袋，真係一絕。壽喜燒嘅味道更加突出，令人回味無窮。😝😝仲叫左款粟米脆餅壽司🥰🥰用粟米脆餅代替傳統海苔，上面放上魚籽同三文魚，味道鮮美得嚟又有口感。😛😛每一口都能夠品嚐到粟米

今日同朋友嚟到荔枝角搵食 有一間唔起眼嘅金酒屋 估唔到平日都幾多人wo 呢度招牌金酒杯 （海膽 三文魚子 拖羅蓉 松葉蟹肉）用紫菜包住嚟食 呢四款魚生味道好夾 如果可以多幾塊紫菜就好啦粟米脆餅壽司。和牛三文魚籽 呢個粟米脆餅適合一人一件 和牛輕輕燒左一燒 配埋卜卜脆嘅餅一齊食 有雙重嘅口感 壽喜燒和牛鍋 鹿兒島A4和牛啲雪花非常之靚 個喎入面都好足料 除咗有一啲蔬菜類之外 仲有薯粉 年糕福袋 和牛輕輕煮10秒就可以食㗎啦 記得要點落個蛋汁一齊食 我哋仲叫咗三款串燒：自家製雞皮蝦，厚燒牛舌心，黑豚五花腩 金丼。月見海膽三文魚籽拖羅蓉 呢個飯嘅三文魚子多到跌晒出嚟 食吓食吓都幾飽金龍珠海膽吞拿魚蓉卷 粒金龍珠原來係蛋黃嚟㗎 成餐不停咁食蛋黃呀環境坐得舒服 服務唔錯 見到有幾台慶祝生日 餐廳會即刻轉生日歌 好貼心

今日嚟荔枝角試金酒屋 ! 因為網上好多好評 😍😍 同埋心心眼榻榻米房間 !! 可惜今日太遲 book 啦 , 只可以坐卡座 , 不過都好闊落 , 乾淨企理 !金酒杯 ($168) 呢個金酒杯用料好矜貴 , 有海膽 , 三文魚子 , 拖羅蓉 , 松葉蟹肉 , 全部都係高質嘅日式食材 😋😋 未食都知好味 !! 用紫菜包住嚟食更加香口 ~粟米脆餅壽司 - 和牛三文魚子 ($158)和牛油脂豐富 , 輕輕燒過之後 , 更加充滿油香 , 但仍然保持嫩滑 😌 三文魚子脆卜卜 , 充滿鹹香 , 再配埋脆脆嘅粟米餅 , 口感好豐富 , 正 !金丼 - 月見海膽三文魚子拖羅蓉 ($198)呢個賣相一流 ! 滿滿三文魚子多到不停從碗滑落 😲😲 好足料 , 大家要快啲食 ~ 下面啲飯都好多 , 好夠飽 !!金龍珠海膽吞拿魚蓉卷 ($158)用半熟蛋整嘅飯卷第一次試 , 幾特別 ! 配埋三文魚蓉同海膽 😎😎 冇得輸 !自家製雞皮蝦 ($58)呢個配撘第一試 ! 雞皮包住蝦 , 雞皮燒到脆脆 , 滲出啖啖雞油 , 好香口 ~ 加埋彈牙嘅蝦肉 ~ 口感豐富 ! 推介 !! 🤗🤗厚燒牛舌心 ($58)黑豚五花籃 (

朋友極力推介的餐廳之一，是夜特意來品嚐一番，看看真偽！😏門面相當富麗堂皇， 內裏布局優雅，光明几淨的，討人歡心有多間VIP房間，滿有和室的風格；幾間房是可以打通的，非常夠彈性。金酒杯 $168，材料豐富，有海膽、三文魚蓉、蟹肉、三文魚籽，全都是高檔食材，加上精緻的賣相，愛它！和牛三文魚籽粟米脆餅壽司 $158，和牛刺身，用了三文魚籽的鹹鮮吊味，加上粟米脆餅的脆脆口感，多重味覺享受。自家製雞皮蝦 $116，原隻大蝦釀入雞皮肉，雞皮的香脆配合大蝦的啖啖肉，互相補足，是成功的創新配搭。厚燒牛舌心 $58，牛舌心質感軟綿有咬口，質地彈牙不會韌，好好食黑豚五花腩 $58，豚肉肥瘦均勻，微焦帶肉汁，還算不錯。金丼 - 月見海膽三文魚籽拖羅 $198，同樣以海膽、三文魚籽及吞拿魚蓉作賣點，就是同樣食材組合也不打緊，因這個配搭，那有不好味的道理 😋😋😋金龍珠海膽吞拿魚蓉卷(四件）$158，好特別的醬油漬蛋黃，質地軟糯，有新意，好味道！和牛壽喜燒鍋 $480，薄切和牛脂肪分佈平均，入口軟綿綿的，肉質零韌度，好好食。壽喜燒鍋，湯底甜美，蔬菜豐富。十分驚艷的晚餐，有驚喜！

荔枝角長沙灣道呢個位係搭車經過見到的。裡面裝修非常日式，仲2吧位睇住師傅整野食。粟米脆餅壽司。和牛三文魚籽 HK$158呢個粟米脆餅似平時食粟米片果隻味，好脆口，和牛半生熟，食落好滑，又好香牛味。金酒杯 HK$168係海膽杯呀!!!配埋紫菜食仲好味。金丼。月見海膽三文魚籽拖羅蓉 HK$198唔好睇佢好似細細碗，其實份量好飽滿。海膽三文魚籽拖羅蓉都非常足料。金龍珠海膽吞拿魚蓉卷 HK$158呢個卷又係可以睇住師傅整。成個卷都好足料。食落非常黏口，比我想像個味又幾清。壽喜燒和牛鍋 HK$480配料睇落都好靚，個壽喜燒湯都偏甜。和牛肉超級靚，雪花分佈非常好。牛味唔算勁重，但非常香牛油味，而且好嫩滑。自家製雞皮蝦 HK$58厚燒牛舌心 HK$58西班牙豬肋條 HK$58串燒都非常出色，雞皮蝦一定要試!!!蝦肉非常爽口，薄薄雞皮上仲有調味料同雞油香，好正!!!

聽同事講荔枝角有好食嘅居酒屋平時午餐冇咩時間享受今晚終於可以同朋友試吓裝修好靚 空間好大 有房有枱都可以坐吧枱我哋大概八點幾到都好多人喺度食嘢食嘅種類都好多 前菜燒物串燒主食都有我哋叫咗梅酒 酒杯都有好多可以揀 真係好有居酒屋嘅味道金酒杯 有蟹肉 海膽 吞拿魚蓉 同埋三文魚子包住紫菜一啖食入口 口感好豐富 好多層次所有嘢都好新鮮 粟米脆餅 第一次咁樣食 加埋啲脆脆都幾得意牛肉壽喜燒 啲和牛好好食入口即溶 再加埋壽喜燒汁 簡直就係一流金丼 月見海膽三文魚拖羅蓉其實佢仲有另外兩個丼 不過我哋都係想試呢個好足料 好好食 好滿足😋串燒 月見雞肉 牛舌 鵝肝飯團 黑豚五花腩最有驚喜係鵝肝飯團 鵝肝口感豐富 同飯焦一齊食好好味月見雞肉一直都係我嘅最愛 連埋啲蛋汁一齊食 好正仲有一定要試嘅金龍珠卷一啖入口 蛋汁加埋其他料 係真係超級好食！一定要讚佢個洗手間 好乾淨又方便 就算有啲咩需要都可以提供到 香港餐廳好難做到最後發現原來屋企人都食過仲大推佢哋嘅雞皮蝦等我下次去試吓先！

之前食過一次，已經覺得呢間居酒屋好高質，性價比好高。今次朋友請食飯即刻推薦呢間居酒屋！餐廳係用開放式嘅吧枱，可以睇住壽司師傅整嘢食簡直係視覺嘅享受。店員好好Service 上菜速度又好快。粟米脆餅壽司我地揀左角切魚生三文魚籽，好有創意既食法，口感一流。金龍珠海膽吞拿魚蓉卷係今晚MVP！半熟蛋黃混埋海膽同吞拿魚蓉，非常夾，好creamy。金酒杯之前食過，賣相好grand 好似甜品杯。有好大份海膽佈係面，底仲有吞拿魚蓉、三文魚籽、米飯，仲有紫菜可以包黎食。燒物方面我地點左幾樣share。月見雞肉棒，仲有日本蛋可以點黎食。厚燒牛舌心好juicy，燒得啱啱好，唔會太韌。西班牙豬肋條好食。厚燒鵝肝飯團嘅飯焦好香口。安格斯牛肉壽喜燒仲附送一隻蛋，牛肉油脂分佈分均，入口即溶。仲有好多蔬菜同粉絲係鍋入面，好足料。另外叫咗個丼飯，佢有金銀桃丼飯。我地叫咗金丼月見海膽三文魚籽拖羅蓉。上面都佈左粒蛋黃，撈埋一齊食，好滿足。食日本野點少得梅酒，仲可以揀sake杯，全部都好靚。不論環境食物一樣咁高質，真係值得推介嘅居酒屋。

最近食過勁出色既餐廳之一😋荔枝角終於有正嘢食啦～仲係居酒屋🏮店內有唔少bar枱位置 可以完完全全望住壽司司傅握壽司👍🏻先黎一個粟米脆餅sushi 佢係好似taco咁 入面包住壽司飯 上面放滿三文魚籽同現場輕燒既和牛🤤粟米脆餅會索左和牛既油花 食落完全唔膩和牛入口即溶🩷金酒杯同金丼 賣相極靚 打卡必備金丼舖滿加拿大海膽 吞拿魚蓉同三文魚籽上面再放一粒月見 成個飯mix埋一齊真係好好食🥹而金酒杯既食材相似 會多左松葉蟹肉 仲有紫菜可以俾你包住食🥰賣相非常精緻.金龍珠海膽吞拿魚蓉卷食落勁似我之前係東京食既七龍珠🤤係想念既味道蛋黃極濃郁 一啖一件好滿足.🐂和牛sukiyaki 份量好多 我覺得係3-4人食的😂有好多蔬菜 豆腐 大葱 菇類 年糕等等和牛好大塊 雪花紋好靚 牛味香濃 點蛋汁食一流✅.最後當然唔少得串燒 雞皮蝦串一定要食!係餐廳自家製 做到外脆 蝦肉大條而彈牙 喺外面冇食過呢一款串燒🍢牛舌芯都好juicy! 唔會太咸 下次黎一定要encore☺️