金城茶餐廳

营业中

休息中

自從換了新工作後，很久沒有踏足大圍區了，很掛念這裡的茶餐廳，很有傳統、懷舊味道。今天因探朋友，特意提早前來，尋找舊日的味道😋😋😋金城茶餐廳有2 大必點美食，生煎肉餅飯及椒鹽豬扒飯，掙扎了數分鐘後最後還是決定點了生煎肉餅飯加炒飯底，好像是要$60 多，忘了價錢～生煎肉餅一如以往做得很出色，外脆內嫩，大大咬一口，會有肉汁回流，如要形容的話這塊肉餅做得很像漢堡排一樣，大大塊而且很有厚度，絕不鬆散，另外，特意多加錢把白飯轉為炒飯，這裡的炒飯亦同樣出色，個人認為比其他大型食店更為出色，一次過試到2 種味道，絕對值回票價。

絕對名不符實所謂招牌既泰式豬扒飯，求其整d雞醬撈d豬扒就算，係人都識整啦。塊豬扒勁難食，好似7仔叮飯質素，又多骨，真係唔明點解有人覺得好食。早知食大x樂大x活好過食佢，雖然兩間快餐都唔好食得去邊。

🍖椒鹽豬扒飯🍖本來仲想要個金牌肉餅包 點知佢話未有包 早知食肉餅飯啦睇人地個啲肉餅勁大塊勁厚 唯有下次☹️不過呢個椒鹽豬扒都唔錯既份量勁多 豬扒都好多舊 好香口偏咸 好好配飯 旁邊仲有辣菜甫任你落如果近我啲應該會成日黎😗

生煎肉餅飯($52)-大圍既街坊應該都對佢好熟悉啦，司令就第一次食啦，以茶餐廳黎講價錢係貴左啲，不過店內食物普遍都比較貴，所以以招牌肉餅黎講都可以接受既。-雖然定價貴食一碟都幾肉赤，不過塊肉餅真心好大塊，而且熱辣辣，食落好紮實唔會落左好多鬆肉粉個啲，啖啖肉岩曬食肉獸啊，飯底好大叫左少飯都仲係一大碟啊，底下仲有少少甜豉油，配埋個辣菜脯真係送飯一流啊😍。-金城茶餐廳地址：大圍積福街100號分數：7.5/10

椒鹽豬扒飯 ($50)與肉餅飯相比 依碟既性價比高好多!!!😍 豬扒食落都幾多肉汁 好淋好軟熟 好似食緊豬柳咁🙈 豬扒上面既炸蒜同啲葱都好惹味 香口得黎加上辣椒既微微辣度 用黎撈飯一流😆-生煎肉餅飯 ($50)依度既肉餅好厚好多肉 口感比普通肉餅豐富👍🏻不過略嫌煎得太耐 過咗火候 有少少燶 由於份量真係太大 食完成個肉餅會覺肥膩飽濟🙊女仔黎食的話 係絕對要share!!😂雖然係好大份 但性價比吾高 價錢偏貴🙃-依度人流都幾多 所以吾好諗住可以慢慢食呀😭你唔走都會有人趕你走🙃員工態度真係...好似前世得罪佢地咁🤡🌚

經開大圍未食晏，但原來已經過左飯市，但朋友好肚餓想食午餐，而我只係想食常餐，所以朋友帶我去左呢間，因為呢間同時間可以叫午餐同常餐。成日去唔同既茶餐食常餐，都叫沙嗲牛通。而呢間既然有鮮牛肉通粉，當然要食吓啦，牛肉好有鮮味。 重點係辣菜脯，一試難忘，朋友次次都要加。每張枱都有辣菜脯比客人加係食物，加左落鮮牛通都唔會搶味，爽口而且辣味啱啱好。

尼度生煎肉餅飯係好食，所以大肚之後食左兩次痾嘔之後，都仲係好想試多次。終於大肚八個月再登陸。坐在單人無靠背椅，看見仲有小量卡位，問問啊姐可唔可以坐係卡位，她說不可以，我同佢解釋大肚背比較疼，而且還有其他坐位是空的。都是冷漠的回答。小店可以偶然失手，服務一般，但這樣沒人情味，實在是shame on you. 結果懷著失落的心，跑到旁邊也很忙的漢年，老闆娘立刻為我找個好位子，還好心得叫我把買菜袋放在旁邊的空位。心情好多了。個肉餅飯係唔錯，但真想講句，好巴閉咩！

因為下午有約所以在附近找間茶餐廳打算快速吃個午飯再去找朋友。選擇去了金城茶餐廳，是大圍有名的茶餐廳，星期六中午去，人流十分多，來一群人走人群人，沒有靜下來的時候。這裡招牌飯是椒鹽豬扒飯、生煎肉餅飯等，平常都常來吃，今天想吃點別的⋯首先是港式茶餐廳不可或缺的⋯午餐11時起，（$40）牛油方包加火腿奄列加沙嗲牛肉公仔麵。40元可不算便宜的沙嗲牛肉麵餐配凍飲加$3然後轉多士也要加$2，隨時也要$45元一份餐，跟點一個飯差不多。不過沙嗲牛肉的份量也算多，肉質口感亦不錯，沙嗲汁也很香濃。火腿奄列炒得不錯，裡面仍有點濕潤。重點的辣菜脯！每個檯面都有一盒辣菜脯，可以自行添在食物上。菜脯十分香口，辣味亦做得不錯👍沒有選擇椒鹽豬扒飯，點了款差不多的（$52）蜜椒豬扒飯，說是蜜椒就知道是蜜糖跟黑椒，跟椒鹽不同。椒鹽就鑊氣比較重，而蜜椒就甜甜辣辣滋味一點，試過蜜椒之後亦覺得不錯。（$50）滑蛋牛肉炒河，牛肉嫩口滑蛋汁炒得不錯加了蔥花視覺上會更美觀。

今天中午到大圍覓食，早前有一些網媒已經報導過大圍的茶餐廳出名肉飯，椒鹽豬排飯等得。今天就有幸一嘗金城的另類豬排飯 - 蜜椒豬排飯。飯的份量比想像中多，頗大碟，最後吃不完。豬排口感算不上很腍，有點(un)的感覺，要花力氣去咬。不過，蜜椒的比重拿捏得很好，不會太甜又不會太重黑椒味，而且相比另一款馳名椒鹽豬排飯，熱氣感覺不太強烈。可惜，美中不足是洋蔥有點生，如可煮久一點會更配合蜜椒豬排。蜜椒豬排飯(52元，不連飲品)另外，餐廳的環境有點擠迫，星期六約1時30分都幾乎坐滿呢。

下午出大圍就試吓依一間金剛小儀推介過嘅茶餐廳，非常多人，叫咗兩個午餐，豬扒意粉，份量很少，唯一一個做得好嘅地方，豬扒數量比較多而且都幾好食，味道都夠入味及鬆化！另外一個，系滑蛋牛肉炒河粉，味道幾好牛肉鬆軟，但係份量非常細，座位非常迫

適逢星期六午市時候，漢年很多人等位，於是行前少少幫襯金城，同樣都係老字號茶餐廳招牌既肉餅飯近年經常被新假x介紹，雖然似線稿居多，但肉餅飯的確值得嘗試。張相可能影得肉餅唔算大，但真身肉餅份量十足，外脆爽口，非常好味，一個人食係會幾滯，唔怕肥加$12可轉炒飯底應該更正😍椒鹽豬扒都係必食之一，同樣份量十足，呢道既豬扒係比較濕身有少少唔同出面茶餐廳偏乾，辣椒加蒜非常惹味，同樣可以加錢轉炒飯底。另外下午茶期間還有肉餅漢堡包供應！

近期最愛既茶餐廳，招牌飯係椒鹽豬排同生煎肉餅飯, 兩個都係我至愛。 食得太多今次食左個椒麻豬扒飯午餐。 50蚊包凍飲， 個汁好好味，有好多芝麻同洋蔥。 但最最最重點就係， 佢個菜脯!! 中意辣既話一定中意! 食唔到辣既落少少都調到味! 鋪頭亦都有菜脯賣，強烈推薦

係度食左一個馳名生煎肉餅飯，味道不如網上吹噓的好味，非常一般，冇肉汁，肉味亦唔見有，成件事就如普通碟頭飯一樣。但呢個未係重點，或許是自已身子弱，未必同佢地有關，之後即刻肚痛肚痾，痾足一晚，第日仲末清，真係一試難忘，大家有膽量，又或者身體健壯，應該冇事，放心。ps 重點係要提醒一下未去過的朋友，有時食得太多大公司，想幫襯一下D小店，可惜有D小店越做越Hea, 服務態度惡劣，衛生環境更加不用提，門口及店内係貼滿報紙介紹，明星照充場，夠晒明星效應，但服務冇，味道冇。

各位朋友 我建議你地一枝公 兩手fing fing 預左比人呼喝同黑面先好去喇 講真 就算你間野d野食好食到飛天都好 你咁既態度同咁做生意法 唔洗錢我都唔會去食囉 唔係淨係我一個人講 好多食評都有講呢間野態度好有問題 再咁做落去真係遲早執笠 咁著緊d位 到時攬住成舖吉位過世啦一入去有幾張吉枱但係要迫人坐卡位都算我明白你要做生意 我本身都預兩個人坐一邊 我同女朋友各自拎住一個大袋諗住坐寬鬆啲果邊 都唔得 迫我地坐最入窄位 ok fine坐低左諗住放住個袋係對面有客即刻拎走 點知個疑似老版就出聲唔比我地擺 雖然已經講明有客要秒速拎開 佢一句一定有客架喎撻埋嚟 最後我頭也不回咁走左

生煎肉餅飯是我來金城必點的,早餐食得太豐富所以今次食湯米(大家唔想食飯就要試下餐牌的特別介紹有4款湯米,可加錢轉出前一丁,烏冬,米綫。)*雪菜火鴨絲湯米,超級多料呀,青椒,芽菜,仲有唔少鴨肉絲同好香既鴨皮。*XO醬香茜牛肉湯米,有瑤柱同蝦米好足料的湯底,愛香茜的朋友可試試呀。*招牌椒鹽豬扒飯炒底,豬扒醃得好味,肉嫩又多汁,炒底炒得好乾身唔油膩。*招牌香醋豬仔肉飯,豬仔肉炸得好好外脆內嫩,酸酸甜甜既香醋汁令人好開胃呢。食埋自家製的香辣菜莆,撈飯撈湯米爽口又香辣非常正。