金城茶餐廳

营业中

休息中

之前唔知發咩神經，走咗入大圍搵野食，之後就入咗「金城茶餐廳」，試下出名嘅碟頭飯😂😂😂。椒鹽豬扒飯雖然喺茶記碟頭飯，但呢碟椒鹽豬扒飯喺我食過最最最好食嘅。雖然豬扒炸得香、內層又軟熟同幼嫩，但都未能夠完完全全征服我個心。呢碟飯最出色嘅喺佢用作調味嘅椒鹽同埋蔥油花。咁多蔥油花同汁水，但味道又唔會過鹹，而且仲有微甜味，證明有用心去調教過味道。蔥花應該有預先炒香咗先再同豬扒回鑊一齊炒，所以無咗蔥花嘅辛辣口感，多咗一份青甜味。放眼全場，差唔多個個都食緊碟頭飯，證明有實力呀😂😂下次再嚟試下佢個肉餅飯先。

今日去水泉澳行山，於是去大圍食早餐我經過店鋪見到有報章介紹，於是走入去，試一試香港早餐來來去去都是幾款，金城餐廳都唔例外😂我點了肉丁米，煎雙蛋，牛油餐包，熱咖啡餐包有暖暖溫度，配上牛油，香味提升肉丁米，肉丁得三件，份量好少咖啡似即沖，無特別

斜風細雨的下午，又一次忙得没吃午餐，唯有放工後食個tea補數。揀金城係因為唔使行太久，免得淋雨。金城以椒盬猪扒及煎肉餅聞名，但似乎對腸胃不好的我來說太厚重。店面好地痞，装修大概是幾十年前的流行了。下午茶的選擇不算多亦不算平。點了吉列猪加西多士。分量不算多，三件切細的吉列猪，半塊西多。吉列猪肉質鬆軟，外層脆口，但没有足够調味。西多士内夾了花生酱，外醮蛋漿滚油炸，是充滿脂肪的美味，可惜只有半塊。金城的辣菜莆也是有名得很，因吉列猪没有跟沙律醬，只好加了些菜莆伴吃，味道不差，但感覺兀突。跟餐有一杯熱檸水，消滯是不錯的，味道沒有特別。

今天11點半來，餐廳空無一食客，我和一位老人家選了卡位位置坐下。點知突然聽到不知那裡傳來一聲，“卡位坐埋一邊”。大佬，你啲卡位已經窄，點坐一邊，仲有那時是無人，做咩坐一邊，我話唔洗呀，又無人。佢再話，咁你坐圓枱啦。跟住連水都攞走埋。。。於是我倆即時走人。你估全大圍得你一間咩，睇你幾時執！

自細就好中意食煎肉餅，今次就試下大圍呢間出名煎肉餅既茶餐廳！之前都有做過research，都知生煎肉餅飯同椒鹽豬扒出名！所以入去坐底就即刻叫左呢兩樣！下午1點幾左右去到，開始過左食飯時間，但成間餐廳都依然滿坐，所以我地兩位都係靠一邊坐卡座。叫完個飯勁快就到左，肉餅的確又厚又大，食落有d似藕餅，但冇想象中咁好味同入味！至於椒鹽豬扒飯，吾知佢係咪比錯蜜椒豬扒我地，因為整得吾夠乾身、冇左果種香口既感覺！不過佢有個勁辣菜甫，送飯都吾錯性價比亦都吾高，每個飯要$56，吾包野飲！相信吾會有下次

大圍中屬於老字號都一定非金城莫屬。而我自己經常都會經過金城，但一直都無食。(基於實在太多人，門口人山人海，店入面又要好簡陋....)終於有一次男朋友提起，入去發生左我既第一次。(之後都KEEP住食左幾次，直到今日我先打食評係有原因的)相信如果食開既都知道，位，對於金城黎講係好重要既，每個客人都要乖乖地坐好係佢地安排比你既位。我諗因為食物質素同夠大件，好多人都會忍耐金城咁樣做//....當然其實我覺得好不人道啦。比錢你賺幫襯你仲要受你指示同命令。試過好多次見無人想坐鬆點都會受到阻止。不過香港人就係好奴性的。咁講返轉頭都係食個飯姐，位唔位又無咩好大所謂，食得金城都唔係講FEEL的。但對於佢地店員既態度.....我真係不能忍受。平時食LUNCH多，今日食TEA，叫了一個雞蛋火腿三文治。同埋野飲。30幾蚊。食物黎了，竟然係一份淨火腿三文治.........我都非常客氣地叫佢: 唔好意思，我係叫蛋腿治。點知店員回我: 唔係，你係叫腿治。點解我咁肯定我唔會叫錯，因為唔會有人淨係叫火腿.....除非你係對雞蛋敏感。我諗叫十次都唔會有一次係淨叫火腿。個店員笞完之後真係打算唔理我們.....就咁行左去。

今日去大圍，很耐没有去金城茶餐廳，它如常多人，擠迫，但也要入去食番個午餐。它有幾款招牌飯，分別叫了蜜椒雞扒飯、蜜椒豬扒飯、柚蜜豬扒飯、香醋豬仔飯。不論用什麼醬汁，豬扒都煎得香口，夠霖，雞扒也不錯，夠滑身。蜜椒甜中帶辣，野味。柚蜜夠甜，開胃。唯有香醋豬仔的肉是炸的，香醋汁就甜中带酸，不同汁各有特色，有啲似古撈肉，但又香口啲。香煎肉餅飯也是它的招牌菜，它們用三分肥七分瘦，但要下次先試到啦。叫杯飲品加碟飯平均$60幾蚊，地方比較迫但乾淨，交通方便，大圍地鈇站行幾分鐘到，但它很早收市，想食就要7点前到啦，冇晚市嫁！！餐廳有隻好得意既貓嫁睇下大家有冇緣見到啦

今日去大圍，很耐没有去金城茶餐廳，它如常多人，擠迫，但也要入去食番过午餐。它有幾款招牌飯，分別叫了蜜椒雞扒飯、蜜椒豬扒飯、柚蜜豬扒飯、香醋豬仔飯。不論用什麼醬汁，豬扒都煎得香口，豬扒夠霖，雞扒也不錯，夠滑身。蜜椒甜中帶辣，野味。柚蜜夠甜，開胃。唯有香醋豬仔的肉是炸的，香醋汁就甜中带酸，不同汁各有特色。香煎肉餅飯也是它的招牌菜，它們用三分肥七分瘦，但要下次才試啦。叫杯飲品加碟飯平均$60幾蚊，地方比較迫但乾淨，交通方便，大圍地鈇站行幾分鐘到，但它很早收市，食就要7点前到啦。

星期日係大圍想食個午餐間間餐廳都排晒長龍，唯有去一間比較少啲人排隊嘅餐廳，但其實都多人到不得了，呢度最出名嘅係椒鹽豬扒飯，但係我今次食叉燒滑蛋炒河，試試佢睇下得唔得，點知有驚喜，個叉燒滑蛋炒可炒得幾好味，但係個賣相就差啲，大家如果唔怕迫，又要搭枱可以去試吓，幾十蚊一個午餐唔好諗到太高質素，我諗包你滿意嘅😏我覺得大家不妨可以去試吓👍🏻

大圍火車站附近的金城，最耍家就是厚煎肉餅飯。其次是椒鹽豬扒飯，再來是香茜肉片米。講服務，金城嗰位呀叔最鍾意塞人迫爆窄到喊的4人卡座。點菜婆婆更試過對客人放屁。差勁。講材料，食得多，退了光環後，就知佢哋用料唔算靚。肉是無味的。何以肉無味？唔新鮮囉。講廚房廚藝，午市，求其。要吃上有心機製作的，一定是他們收檔前，人少少，大概6點幾的時候。不過佢哋此時最喜歡不顧食客，以漂白水抹地，襲擊你味蕾。今天這個香茜肉片米，即使加了精彩辣菜甫，仍然好一般。米粉今年不知道是不是轉了品牌，好鬼死硬！硬米粉的索湯程度減低，滋味同時下降。芫茜不知道放多久了，完全不香！失敗。肉片是一貫的無味。懷念以前的金城，即使服務態度不佳，至少食物香口！

Tdy went to have breakfast Randomly walked in Taiwai restaurant Usually went to this restaurant for lunch, first time to have breakfast The food quickly arrived The milk tea is quite good with strong taste of tea The noodles was with right texture, the beef a bit spicy Next time will go again , yeah

Boyfriend and I met up with a friend who lived in the Shatin area to do a little exploring. We met up for lunch and boyfriend chose. Finally, he said .. we can eat something guys like.Hmmm ... ok?金城茶餐廳 (English name: Kam Shing Restauant) may seem like any cha chan teng. But people here only order two items. Pork chop on rice or mince pork patty on rice. And that is what we ordered.Menu is in Chinese only. There is no English and no 10% service charge. But trust me .. everyone orders the same two

今次叫咗金城茶餐廳嘅招牌菜煎肉餅飯。金城茶餐廳非常有名，所以有時候需要等待數分鐘才有位置，而且環境比較逼，有時候需要搭枱。首先，上菜速度極快只需要等幾分鐘就有一份大大的煎肉餅飯程在眼前。肉餅煎得非常香脆可口，肉餅的厚度厚得誇張，啖啖肉。加上醬油，非常重口味！食得悶悶地可以添加該店獨有的菜𦡮，辣辣的，非常開胃。肉餅飯份量極多，其實可以足夠兩個小女生吃。不過吃到尾段醬油份量較多整體偏鹹。所以下一次一定要記得叫待應放少啲醬油！平平無奇嘅肉餅飯竟然會咁好食！

大圍一向美食多，好耐之前小儀金剛有介紹呢度既肉餅飯，但我之前食過覺得一般。今次試第二樣。一如以往，假日lunch時間例必要在外排隊，幸好等左唔夠5分鐘就入座。叫左一碟蜜椒豬扒飯同一碟椒鹽豬扒飯，身為螞蟻人，蜜椒豬扒飯既甜度我覺得係足夠，配飯食好perfect。而椒鹽豬扒飯都好野味可口，呢兩碟飯，好岩重口味人事。試左少少呢度出名既辣菜莆，可能我唔太好辣，所以唔太岩食。如果間中想刺激下味蕾，我覺得呢度d豬扒飯一流！

some of the best hikes in Hong Kong ends up in Tai Wai. A nice fat afternoon tea in a cha chan teng is the best way to end a hike.French toast is super delicious, crunchy egg crust with smooth peanut butter filling. Tremendously delicious. Although 45 dollars for a toast is slightly overpriced.fried chicken wings with fries is a bit disappointing. seems like the fries is the main dish. 😔There are better places for afternoon tea in the area.