影片
港铁大围站 A 出口, 步行约2分钟
继续阅读
电话号码
26026351
26941323
营业时间
今日营业
06:30 - 19:00
星期一至日
06:30 - 19:00
以上资料只供参考，请与餐厅确认详情
相关文章
食记 (200)
听说是大围名物之一，cheat day 食饭quota 今次就特登留俾呢间店。星期六中午黎到，门口一小条人龙，大概等了10分钟都已经入到。餐厅果然是人头涌涌，系旧式茶记格局，多张大圆台大家都系搭台，落单速度亦都非常之快。一眼望过去，食客基本上都系叫煎肉饼饭、椒盐猪扒饭或者牛肉汤米粉。我同老公就分别叫左个煎肉饼饭加15蚊转炒饭底，我就要左个椒盐猪扒饭。金城的煎肉饼饭唔系一旧旧细块的肉饼，而系大大块的煎肉饼，蒸肉饼一大块过就食得多，煎都系第一次。外层煎得脆口，内里依然保留住肉汁，双重口感，真系几好食。因为肉饼已经够味，炒饭亦都浓味，个人就觉得配白饭会冇咁咸，balance D。至于我叫的椒盐猪扒饭浓味得来仲带住少少酱汁，配白饭一流，猪扒肉质松软唔韧唔摄牙。同老公交换肉饼同猪扒，一次过享受晒招牌美味。
继续阅读
喺大围呢条街，有唔只一间传统茶记，佢哋各有名物，今次我就试吓呢间嘅生煎肉饼饭。生煎肉饼饭呢款招牌饭差唔多一半客都系为佢而嚟，肉饼嘅两面都煎得好香脆，但系肉饼里面又唔会太干仲有肉汁，果然名不虚传。干炒三丝意粉呢味唔系名物，纯粹系自己好耐冇食过炒意粉想回味下。不过厨师都炒得好有镬气，热辣辣之余意粉软硬适中，好惹味。不过留意番呢度系旧式茶记，座位都几迫，搭枱就好难避免，加埋佢生意真系几好，成日都好多人，所以我都系快手食完就走人啦。
继续阅读
第一次写食评亦都是第一次出街食饭比个女人不停口闹一入门口问有冇位个女人指示去指定卡位搭枱之后自己多口问左句可唔可以坐后面张4人卡位系我错，系我多口比人喝返去后面张指定枱喝返去个下都明白午市系咁到叫野食等左一阵见到隔一条行有喝人的女人经过自己唔啱离远同佢讲肉饼饭佢问一次系咪而家落我话系我以为佢会行过嚟帮我落单因为我仲要加冻柠茶点知原来离远问系咪而家落我答系，之后冇过到嚟，走左就系落左单又冇，可能我太耐冇去茶餐厅唔知唔洗过嚟写单系我错点知我再叫人落肉饼饭冻柠茶少冰原来重复落左之后第二个肉饼饭来到我话已经有，食紧门口只狮子突然开大口离远不停闹话叫佢写咗又再叫人写我话你走左去又未写冻柠茶唔知你落左单之后不停重复离远望住我闹系我错后来我想唔再叫第二个餐想去其他地方食但自己惊叫一个餐出门口惊会再比人闹所以叫多一个沙嗲牛肉面餐冻柠水少冰点知个沙嗲牛肉面系垃圾级沙嗲牛难食面竟然都难食最恐怖系杯冻柠水又系我错我叫少冰变咗走甜问个侍应佢话我自己讲走甜问佢要糖水唔比之后问另一个男人想要糖水又大大声等等等后来求其食完就走走个下个男人问系咪要糖水我坐来回$20车去食比$128食野食到手都震埋唔识去茶餐厅食野以后都是去返连锁快餐店我错全部都系我错
继续阅读
本来听朋友讲食物唔错想试，入黎个场明显卡座仲有唔少位置，下午5点垃圾时间，要求我地坐一边卡位。好啦我明白，做生意至上，坐低之后原来系要我地坐对面已经有2个人个张。FYI 当时卡位有3张空，一张1个人坐 1张2个人坐。祝贵餐厅生意兴隆。
继续阅读
最近我去咗大围嘅金城茶餐厅，试咗生煎肉饼饭，大推一定要加辣菜脯！！！#生煎肉饼饭生煎肉饼饭一上到嚟，已经见到肉饼又大又厚，煎得香脆，肉饼少少干但配埋豉油一齐捞饭都ok!!!!饭我建议一定要加辣菜脯，咁样嘅话，味道更上一层楼，令成碗饭更加开胃！不过，环境就迫少少，但味道冇得输，可以一试！
继续阅读