金城茶餐廳

营业中

休息中

之前試過金城嘅煎肉餅飯覺得幾精彩，所以再嚟食飯今次就試佢哋另一款招牌飯—椒鹽豬扒飯$58茶餐廳碟頭飯嚟講，$58有d小貴但係豬扒份量都真係比得唔少，同白飯嘅比例真係可以講得上係一比一了椒鹽效果未夠突出，但係豬扒嘅口感都不錯，食得出係用靚豬肉嚟製作，係嫩口嘅，而且一d都無又乾又柴嗰種感覺另外辣菜脯係必須加嘅絕對有畫龍點睛的效果 令人有一種想添飯嘅感覺 已經諗好下次嚟要order 蜜椒豬扒飯，因為喺食飯嘅短短20分鐘期間已經聽到有幾個人都order呢個

久聞大圍金城茶餐廳的生煎肉餅飯和椒鹽豬扒飯，今天途經此店，終於有機會外賣了這兩個飯回家與家人分享。～生煎肉餅飯一打開飯盒，真嚇了一跳，一太塊的煎肉餅差不多冚過飯盒內容的白飯，一個女士吃就似乎太多了。一口咬下，肉餅的味道確實不錯，又有咬囗。肉餅煎得外脆，可惜今天的就似乎煎得有點兒過燶了，看上去賣相不太理想。～椒鹽豬扒飯椒鹽豬扒有很多紅椒粒和蔥粒，非常惹味。薄豬扒肉質不韌，味道適中，微辣。再加上大量這店的招牌辣椒🌶️菜甫，辣味更出，是愛吃辣人仕的恩物。

前日特登搭車入大圍食呢間茶餐廳最出名就係佢個肉餅飯啦 今次係我第三次去食 每次我都一定係叫肉餅飯 三次既水準都一樣 塊肉餅好大塊。有我塊面咁大～ 而且煎到好香脆！ 白飯份量多 一定夠飽～ 食得辣既人就要試埋佢個辣菜脯～ 初頭以為會好奇怪， 未試過辣油撈飯， 試完覺得辣辣地幾過癮， 菜脯又爽口。

「金城茶餐廳」一間喺大圍頗有名氣嘅茶餐廳，其中佢哋嘅肉餅飯係招牌菜。呢間茶記嘅客人快嚟快去，所以唔洗點等已經可以入去，坐低當然叫呢間嘅招牌菜肉餅飯！果然係食肉獸大愛之選，份量十足，手掌咁大塊嘅肉餅，可以啖啖飯都有舊肉餅做餸，肉餅唔太肥，煎得外脆內軟，帶焦香！雖然佢哋肉餅好出色，但始終都係一樣餸，所以加埋佢哋嘅菜圃去個飯度就無咁寡。不過，由你食完飯嗰刻，職員已經好有效率咁將你枱上嘅碟收走，而且好肉緊咁叫入其他人入嚟坐低。

今日一早想食返個茶餐廳早餐有個好開始，叫左個腸仔煎蛋沙嗲牛肉通粉，加埋凍奶茶、餐包，盛惠$35。食完個無乜沙嗲牛肉既通粉，再食個餐包時，好奇打開有幾多牛油時，發現有大大隻小強係入面！！但係職員態度好差，無道歉無唔好意思無換包，仲叫個職員唔好同我講咁多野。自問都好好禮貌，同佢地講話你個包入面有曱甴，我唔要啦。點估到態度咁串！係呢個講求衛生既敏感時期，有個咁既體驗，呢間鋪我發誓永不幫襯。

疫情下 雖然大家都會照外出飯 但每個人做好自己 餐廳又跟隨防疫措施嘅話 咁對大家都安心 今日專誠去呢到試下佢個肉餅飯 覺得唔錯 仲諗住可以成日嚟 點知食到一半 就見到啲客人不斷入嚟 成間店坐滿咁制 已經想快快食埋佢諗仲快啲離開 當食到得番4、5啖飯嘅時候 有個態度唔係幾好嘅男人 應該係老闆 叫我地坐埋一邊 話有客要入 我地當時係坐緊卡位 咁我地即刻話就嚟食完 好快走 個男「老闆」係舖頭行咗一圈又走埋嚟 話要我地坐一邊 咁我地再重覆真係就食完就走 而佢態度更差咁話要比客入 話我地未食完即係未走得啦 所以要求我地即刻坐埋一邊 當然我地冇理 因為真係食埋最後一啖就走得 由佢第一次過嚟講到我地食完走 前後都冇5分鐘 佢唔肯等 完全冇諗過要尊重食客 去過嘅人都應該知道嗰到所謂嘅卡位係有幾細同迫 係冇隔板嘅情況下 迫客人喺細卡位搭枱 坦白講 我都有喺其他餐廳搭枱 但人地嘅枱係大張同有塊板隔住 所以唔係唔想配合 而係當呢間環境咁狹窄 枱同枱之間又冇1.5米冇隔板 又冇遵守唔可以坐滿過半數枱 我地都只係想快快食埋走 都要比「老闆」話 覺得好過份 所以冇留過食評都要寫呢篇 唔係想啲人唔好幫襯佢 因為嘢食

因為中意食肉餅，所以係食過好多肉餅嘅我。。。。都覺得呢個不錯！！！！！我係外賣自取食左一個XO香茜牛肉米同埋一個肉餅飯加左辣菜莆！！！米粉個湯係正嘅，仲要份量係超多囉，好在分左湯咋，吾係個米粉應該係會滿左出黎！！個肉餅飯真係正嘅～～～～因為佢真係好大塊，而且煎左之後好香！！！啲肉又吾會有啲咩臭味！！係推介嘅～～

金城除了椒鹽豬扒外, 她的肉餅也是一絕, 以平均的瘦肉和肥肉打成, 筋肉相間之餘, 內裡的脂肪令其口感實中帶軟, 不如肉餅哥的多口味, 就是獨沽一味, 單純而直接的味道. 外面煎得香脆而帶焦香味, 內裡保持軟糯而且十分Juicy, 再看看它和炒飯的份量, 根本上就是兩人份的, 一個人絕對吃不消, 還有淋上去的豉油, 令其添上簡單而充滿住家感覺的甜鹹味道. 如果想再感受直接的豉油肉汁味, 普通白飯也可以, 但我還是喜歡炒得粒粒分明, 口感爽透的炒飯就是.

今日去到大圍做野.晚飯時候就在火車站附近搵嘢食，入到餐廳因役情而分得很開來座，我點了一個楊州炒飯，眼看炒飯餸菜很多，有蝦仁，火腿，雞蛋，义燒，生菜，十分豐富，食一口炒飯，飯炒得很爽身，粒粒分明，廚房師傅了得，飯沒有黐住，蝦仁爽口加上生菜脆身，口感層次十分豐富，再加上辣菜甫一齊食，不得了，，這個炒飯很出色，本人覺得好食過出邊大部份餐廳加上一柸凍O茶，正常味道，十分滿足，這間餐廳來過很多次，大圍這區來講有相當水準

今日同事帶我去大圍搵食，問我喜唔喜歡食肉餅，我話ok架！就一齊去呢間食肉餅飯。坐低左一人叫左一個肉餅飯，來到是好大好厚的肉餅呢！肚餓的話岩曬，因為份量幾大又重口味，煎得幾香架，有點像漢堡扒的感覺，但稍為咸左少少同有點味精，整體不錯的，但不能常吃，因為真係幾heavy的，男士會岩d，飯餐加埋杯凍檸茶，價錢＄69。

繼上周點評元朗玻璃屋後，今次來到另一間主打亦是椒鹽豬扒飯的餐廳『大圍金城』。位於港鐵站周邊，但駕車要留意餐廳附近那幾條複雜的單程路 ，路邊可隨意泊車，抄牌自負也。金城門口有點暗淡，茶啡色玻璃，懸上白底脫漆招牌，相當陳舊低調。曾有瞬間疑惑應否內進，始終附近食肆繁多，門面也都較金城光亮吸引。最終，舌根戰勝大腦，推門內進。枱上餐牌單頁過膠。主角椒鹽豬扒飯排在餐牌左上角第一，但不吸引眼球，容易錯過。餐牌設計，很多人誤以為排名第一或首頁之菜式會最多客人挑選，實情剛剛相反，最多客人挑選反而是放在餐牌中間位置或內頁菜式，行內稱之為第一視點。金城如要將椒鹽豬扒飯發揚光大，最簡單做法是在餐牌加些推薦菜式大姆指，又或將推薦菜式置中加框突顯出來。若有預算，倒可重做平面設計、張貼訪問稿、又或做市場推廣。現感覺餐廳是靠街坊口碑維持生意，不求發達只求穩陣。裝潢十足像元朗玻璃屋，估計同是香港七八十年代經濟起飛之時啟業。相同之象徵意符，鋁質茶水檔、懷舊緊急逃生牌，絨紅仿皮卡座、深紅色階磚、牆上吊扇等等，再配以泛黃色燈光，香港味濃厚。餐廳男女耆者估計就是老闆，女的掌收銀、男的座著刨馬經。落單後，女侍應向著廚房大叫『招牌

今次係我第4次黎食金城嘅早餐，每次都係特登為咗呢到嘅菜甫而黎！菜甫好香，辣到岩岩好，撈落去碗米粉到好惹味同愈食愈開胃！完全唔吝嗇咁每枱放一樽滿滿嘅菜甫，放多啲都唔驚！（每次同朋友兩個人食都會食咗大半樽，好誇張嘻嘻）愛吃菜甫嘅人類，你一定要食呢間！仲有得買一樽架！而佢本身嘅早餐其實已經幾好味！好抵食！$35呢個價好合理～PS 個餐飽好鬆軟架！金城係一間舊式嘅餐廳，格局裝修都有舊時嘅味道。呢到時不時有隻貓出現，好奇問老闆先知原來佢叫「鴛鴦」，好多熟客都會撩下佢玩架！

今日同女朋友行過決定試下金城茶餐廳嘅豬排同肉餅飯。老牌茶餐廳格局，幫襯嘅都係街坊。我見到佢個menu寫左豬扒稱王，內餅稱霸，寫都咁大，應該都對自己出品好有信心啦。我就係鐘意呢種串串地嘅風格。我地叫左一個肉餅飯同一個椒鹽豬排飯。佢個肉餅係煎出黎個種，好香口，裏面有加馬蹄所以有少少爽口。第一眼望到咁大舊都有點驚訝。呢種肉餅可以話係港式漢堡扒，絕對比得上鬼佬漢堡。其實佢地都有賣肉餅包，望到隔離枱有叫，份量十足，下午茶可以一試。豬扒方面，佢唔係煎到好乾身好辣個種，反而係有少少甜。好入味又唔會難咬。佢地仲有菜脯，重口味嘅朋友可以加，辣度十足。我叫左杯熱奶茶，老式茶餐廳，有水凖。一個飯五十六，仲要唔跟野飲。野飲唔記得係加九蚊定八蚊。佢對自己出品有信心，收貴少少都有佢理由嘅，食完都好滿意。經過大圍可以試下。完

The restaurant is super crowded during lunchtime, the table is so packed too, such a local restaurant.We ordered fried spicy pork cutlet rice which having large portion and soft pork cutlet, the pork is well cooked and seasoned, so yumm to eat that, the sauce is well mixed with green onion.Fried Pork patty rice is pretty nice too, really good for mixing with rice, it’s yum having pork patty which fried well but a bit too over, the layer turned a bit dark. Still delicious having thisHaving normal

原本冇諗住出街食，D同事係咁話呢間野好好食架，一定要去食，唔食就走寶，咁既然講到咁，一於就去試吓啦，咁究竟係邊間野咁好食呢？就係金城茶餐廳啦，我地去到都已經好多人，得返幾個位，我同事一去到就話可以叫野食啦，佢叫左個肉餅飯，送到黎真係唔講多笑，個肉餅好大件，我同事話好好味，送飯一流。我就唔想食飯，於是叫左個雪菜火鴨絲湯米，D火鴨絲好入味，好正呀。我另外同事叫左個XO香茜牛肉湯米粉，佢話辣辣地，好惹味，好岩佢食。