金城茶餐廳

营业中

休息中

有次咁啱喺呢頭工作 因為對附近嘅餐廳就唔熟悉 所以就去呢一間茶餐廳度食嘢 餐廳環境就普通 上餐速度都快 至於味道個方面 鑊氣都足夠 飯就唔會炒到好濕 同埋唔會好油膩 配菜亦都配合得好好

見完客經過大圍，知道有間餐廳叫做金城，之前係openeice我都見過架啦，知道個肉餅係好出名，就梗係即刻去試吓啦。其實真係枱枱客都會叫呢個肉餅飯，咁梗係包括我啦。個肉餅飯一到我前邊就覺得好吸引，我真係好少食香煎肉餅碟頭飯，第一啖咬落去嘅時候佢嗰其實都真係好野味，但係去到第二啖食落去嘅時間，我發現咗唔知係咪唔新鮮嘅豬肉味，真係有啲失望，但係前邊有一樽辣味菜圃，就加啲落去嗰個肉餅飲到啦，馬上發現好鬼好食連唔新鮮嘅豬肉味都無埋。總括講如果唔係個豬肉唔係太新鮮，呢飯真係可以好高分，所以有少少失望。希望佢下次有啲改進啦。

下午茶時間首次幫襯。兩個人叫咗一個招牌的生煎肉餅飯（$50），表面微脆，一切開啲肉汁流哂出來，未食先興奮，入口有肉味，有點偏肥，但好好味。飯頗多，撈豉油勁正。另外加多個茶餐（$35），炸魚柳配薯條，加凍咖啡。魚柳中間稱不上嫩但保留肉汁唔會太老，薯條也夠脆，咖啡正常。地方係街坊格局，服務不錯。

同朋友出去大圍，食咗呢間都幾出名嘅金城茶餐廳。熱奶茶同凍奶茶，幾香滑。沙嗲牛肉通心粉配牛油方包火腿奄列，沙嗲牛肉無太重鬆肉粉嘅感覺，通心粉亦無話煮得好腍，火腿奄列煎得算嫩，只係牛油方包塊麵包有啲偏硬。朋友就食呢度嘅生煎肉餅飯，接近1cm厚嘅肉餅表面面積大得幾乎遮住晒隻碟，外層煎到金黃脆身，內層就較結實唔鬆散，有啲似（豬肉版）中式漢堡扒咁。下面墊有菜心同飯，同埋淋咗甜豉油調味。雖然比蒸肉餅油膩，不過都幾香口。檯上放咗樽香辣菜脯，爽脆惹味有辣勁，可以撈飯或麵嚟食。感覺上生煎肉餅都幾有誠意，但未驚為天人得值得特意前來，我嘅焦點反而落咗晌辣菜脯度。

生煎肉餅飯.大大塊的煎肉餅😍 有半隻碟那麼大！厚身肉餅 贊上豉油 非常香口惹味😋 略嫌有時會吃到點筋😌 記得加上辣菜甫 撈飯一流呢👍🏼 不過以茶餐廳碟頭飯來說 價錢略高 (份量真的超大 我也吃不完呀..... 差點😆)

前日去咗金城食我最鍾意嘅麻甩碟頭飯。話說已經好耐冇來呢度食飯啦。成日去食午餐都係要排隊，排到左即刻叫咗個肉餅飯黎食。個份量真係超大份，最啱我哋呢啲麻甩佬食。好鍾意肉餅嗰種好濃嘅味道，有種香港典型茶餐廳嘅人情味。好快就將成碟肉餅飯K.O.晒。仲有佢啲菜譜仔，同肉餅嘅味道好夾，一入口就停唔到口，好正呀！金城，下次再黎！

今日去買外賣，覺得生煎肉餅飯凍左都唔會太難食，於是就去金城茶餐廳買。今次係第二次去，上次尼一間留比我一個好印象，但係今次覺得果度既阿姐態度麻麻，冇上次咁好。冷淡地話唔收毫子，我話我唔想坐低，企係側邊等外賣都無所謂（企可以減肥），阿姐係都要我坐低⋯⋯不過好在我話可唔可以加小小菜脯，阿姐話ok，飯盒整完之後唔洗我提多次，佢自動自覺幫我加左菜脯，走之前比飯盒我時同我講已經加左菜脯，我小小開心，番到屋企發現佢比得唔少wor，唔似其他舖頭你唔提佢佢一係裝傻，一係象徵性比小小今日又係食佢地既生煎肉餅飯，由大圍翻到大埔，飯盒仲未凍曬，打開飯盒，份量照舊咁大，為左避免浪費，在開動之前攞碗出黎分一半到碗入邊聽日食，肉餅都係，飯盒裡仲有一條菜，唔可以隔夜所以今日食。分成兩份的生煎肉餅飯份量岩岩好，唔浪費（這就係我點解買外面而唔係堂食既原因）肉餅照舊咁好味，又香又多汁，食完成間房都係肉餅味，正！分成兩份，食完其中一半就好滿足喇，如果一次性食完既食唔曬咁多飯，又會太滯唔舒服，我宜家咁樣真係明智之舉👍😎就是外賣拎番屋企路上聞到肉餅香，太誘惑，需忍耐😂

今日過左大圍番工，食lunch唔知食咩好，朋友就推介呢度既生煎肉餅飯，咁梗係試下喇。兩點鐘入到去都幾爆場，搭枱一坐低完全感覺到傳統舊式茶餐廳果股氣勢，感覺就好似佐敦某名氣牛奶公司咁款叫左個生煎肉餅飯加熱咖啡，咖啡無味，仲要跟餐加9蚊，總共盛惠$59。而個肉餅係唔錯既，加左馬蹄同咸魚蓉，食落香口多肉汁。不過份量唔算多。一試係可以既，不過再去就未必了。

積福街好多食肆，有多野簡，但之前新假期推介尼一間既生煎肉餅飯，今次有機會一試。今次去，果間舖出面裝修緊，要仔細d搵，如果唔係好易miss左。入去差唔多5點4，舖頭冇咩人，可以自己簡坐係邊，坐低無洗睇餐牌即刻落單生煎肉餅飯，好似熟客咁，其實我黎之前係openrice上研究過喇哈哈等左一陣，熱辣辣既生煎肉餅飯終於上黎喇，肉餅超大超厚，用筷子夾起覺得很重，肉餅上面淋左d豉油，但飯裡豉油就很少。有幾條菜咬一口肉餅，有d油，因為肉餅中溝左唔少肥肉，又係生煎，所以肉餅很香，好腍，新假期無介紹錯，正！張枱上有無限量攞既菜脯，小小辣，撈飯一齊食超正，店家都幾大方既。一路食一路聽阿姐同熟客傾計，幾得意，幾親切，好似係屋企食飯咁生煎肉餅飯，肉餅超大超厚，又溝左咁多肥肉，飯亦好似唔洗錢咁多，一定超高卡路里，對於減肥既我黎講好罪惡，50蚊唔平，又唔好浪費，所以如果可以有得簡半份就好啦！今次因為係第一次試尼個飯，覺得熱辣辣先可以食到最好狀態，下次再有機會食，我一定會打包拎返去分兩餐食，既唔洗有可以用黎解決兩餐。

到朋友家中下棋, 接著一起去吃午飯 .... 金城茶餐廳 是我們的選擇 ~香醋豬仔肉飯 $50許久沒有吃的一道菜, 還好沒失水準, 豬仔肉十分香脆, 肉質爽嫩, 放了長時間, 口感還是非常脆口, 糖醋的味道很平衡不搶喉, 好吃 ~本篇完 ~

記得電視節目曾介紹過金城茶餐廳並讚賞，即管一試！鮮油菠蘿包 ~ 有焗熱，不過沒有香脆感覺，牛油薄亦唔夠凍，又唔夠硬，如果牛油可以厚d會更好。火腿奄列 ~ 雞蛋火喉炒至剛好，人口嫰滑，有香濃蛋香味，如果火腿能加點誠意微煎就更加好！

飯堂黎到講呢～金城茶餐廳嘅呢碗「香茜肉片米」真係無得輸！鍾意食辣同芫茜嘅朋友一定大愛~成碗米粉熱辣辣香噴噴! 豬肉片唔肥唔瘦大小適中~!鋪內有樣皇牌配料是一定要試 (對唔住...又係嚐辣之選)皇牌就係重點祕制嘅「辣辣菜脯」(放在枱面任添的)！加完絕對立刻有劃龍點睛效果~ (不誇張) 有人話搵到個鍾意食老麥譚仔嘅伴會好幸福~計我話呢~ 只要搵到個鍾意同你周圍去食好西嘅伴侶都是幸福的金城茶餐廳大圍積福街100號 

早了放工，便立即趕到這裡食晚飯，這裡收七點，六半來到已經進入收鋪狀態，放心，仲可以下單！二話不說便下了個生煎肉餅飯，肉餅大大塊，足以遮住下面白飯，整體亦夠厚身，表面煎得香脆，內裡亦剛剛好熟，最後贊上豉油，茶餐廳煮出住家飯風味！值得一試再試！

難得今日入大圍搵朋友，朋友就話帶我去大圍出名嘅茶餐廳食Lunch入到去～老實講～睇唔出有咩特別，叫咗兩碟朋友說嘅招牌飯「肉餅飯」同「椒鹽豬扒飯炒底」兩碟飯好快送上，單睇已經好吸引！肉餅好似有煎過～大大塊，夠份量，用料十足！瘦肉同肥肉都好平均～味道都調得好好，誠意之作👍👍再試椒鹽豬扒飯，豬扒醃得夠味，食落又唔會太乾，仲有肉汁，淑鹽好味！不錯👍另外～炒底需要加錢總結：50蚊以下碟頭飯，雖然唔算平，但絕對性價比高！值得一食！

早陣子要常去大圍，有心無意地試了這家，外賣了一個招牌生煎肉餅飯，两公婆忙着捱飯盒，但忙着忙着吃着吃着，眼發亮又真係好食喎，乾爭爭居然隊個清光，實屬首次，喂個肉餅真係好食... 之后又試了椒鹽豬扒飯，又係得喎，其好嘢之處係佢真有自己特色的味道，好味，絕不行貨.....之後不用再去大圍，實念念不忘，最近再去，試埋果個XO香茜牛肉米粉，又係一絕，絕無僅有，獨步口味，我真一吃難忘，突然覺得大圍好可愛，願多去