金城茶餐廳

营业中

休息中

如果唔係撞啱陪朋友到大圍睇醫生，都無咩機會走黎依度，唔知有無機會下次再黎食呢？香辣菜甫，傳聞係招牌菜呢 ﹗今之我只係食公司什錦出前一丁，咩都有囉 ﹗立郂整返羮招牌菜甫撈麵食先，我一向對菜甫麻麻，所以一年都唔會食一次。招牌菜甫真係夠晒辣喎，堅辣但好味 ﹗我好鍾意 ﹗居然唔記得影我碗公司出前一丁添，有餐腿蛋叉燒囉 ﹗大路穩陣，合格。梅菜肉片飯，是日快餐喎，味道同梅菜扣肉飯一模一樣，但唔會油膩，又幾好食架喎，個梅菜汁超級濃郁香口，撈飯好正。今日朋友去醫院覆診，放工即刻趕黎大圍，落大雨又人生路不熟又趕時間，見到有咩餐廳就求其衝入去啦 ﹗

今日下午黎到呢度叫左個午餐----叉燒蛋飯,等一陣先黎個例湯先,個湯煲得都幾夠時間,d豬肉都淋晒好飲我跟餐叫左個冬0茶,杯野太重茶味同太濃,有d苦,亦不夠甜,不合格之後到左個叉燒蛋飯,一睇個樣己經不太想食,叉燒切得太大,太硬,無叉燒味,放入口只覺得佢係一舊肉,完全無香味隻蛋算煎得算岩岩好,d飯亦太硬,豉油汁亦唔香好似無煮過咁

再找個地方打發時間，茶餐廳去也。由於兩小時後又有下場，不能吃太多，本想來隻熱狗，但阿姐話沒有熱狗包，問轉三文治好嗎? 是但啦，反正只係要Hea吓打發吓時間。一時忘記叫烘底，還好包身仍算鬆軟，炒蛋雖不是很厚，勝在夠嫩口，保留了點蛋汁，而餐肉也是熱烘烘的，都可以了。檸茶茶味都足，但應該要冰凍一點才對。夠鐘，去會合Oli。

住大圍的我經常黎呢度食野,本來想叫個例牌豬排包食點知無晒見個肚唔太肚餓叫左佢地都幾出名的菠蘿油食,個包連野飲$20大約5分鐘有得食,個牛油非常好食加上個菠蘿包非常之趣,食落唔錯,下一次無豬排包,都可以再食過

喜歡黎呢度食早餐，最常叫菠蘿包+火腿Omelette或者沙爹牛面午餐最正就是椒鹽猪趴飯（炒底!） 喜歡這裏因爲很有人情味，打理這茶餐廳應是一家人，個婆婆好和藹可親，聽到人叫猪趴意粉婆婆會suggest同解釋配飯會適合D..好好人..雖然這裏陳舊，但就沒有大圍其他茶餐廳那種喧嘩/壓迫感..墻上還貼上了不少’金句’, 有些都幾有意思

稱呼這間相信連「金城武」也會讚好的「金城」做隱世，是因為它在 Openrice 上的 status 是「已結業」！膽小的還以為剛才到了甚麼鬼地方。「金城」是一間位於大圍的街坊茶餐廳，與擁有超美味鹽焗雞飯的「漢年茶餐廳」只是一舖之隔；兩者同樣都是坐出馬路，不論裝修、環境、感覺都很相似，猶如倒模「兩生花」。最詭異的是兩者在 Openrice 的地址都是積福街100號。。。看來「金城」應該轉個 status 做「Complicated」。先來杯奶茶熱熱身。茶味濃，夠滑，那茶餐廳專用的厚咖啡杯也令整件事變得美好。「椒鹽豬扒飯」$38這裡的招牌菜，很家庭式的風味，份量堆得高高。這豬扒的確是做得很好！肉質柔軟半肥瘦，不是炸得很厲害的那種，屬半煎半炒，邊位帶焦；味道是椒鹽及「美極」味，外頭黏滿的小蒜粒紅椒粒加添了兩分香口，喜歡吃香口食物的朋友不要錯過！是日忘了叫「炒底」，否則真的會吃到碟底朝天。看見在座不少食客都叫炒河，「辣椒醬大姨」不停地拿著河粉及辣醬滿場飛，忙得團團轉。即管來個「菜薳牛肉炒河」，$36 包茶檸啡一杯。河粉不是炒透那種，是河粉還河粉炒再淋上獻汁，當然是風味大減，下了辣椒醬也覺得不

本來1早想去飲茶..飲茶個間店係呢間餐廳隔離.點知我媽媽推錯門,入左呢間餐廳..店員又熱情招待..飲茶就變了食早餐?都無問題..當天太早..我都無胃口....不過一望餐單.雙併28元...三併30元..凍飲加2元....無飽食.....末知..是否年初三的關係..加了價.如果平時...係呢個價錢就貴啦!!因為環境無裝修.至少20年以上.坐的..有的是膠椅!又不是食環境...又俾平常食店貴.....這個是什麼道理?食通粉前...要記得放辣菜甫..好惹味...令成碗通粉都好香...不過只可放少少.味道都好辣...凍華田:味道淡.....不過都可接受的...火腿蛋通粉:上枱時..好熱..坑紋通粉彈牙.有2塊大大塊火腿...只嫌蛋用白蛋..蛋黃無左..無香味的.......

整晚沒睡一直僵持到早上,心想既然不想睡就直接出外吃早餐吧ABC早餐,我點了沙爹牛肉麵,配炒蛋和炸香腸,普通餐包x1建議大家別叫炒蛋和炸香腸了,真的不怎麼好荷包蛋最不會讓人失望XD值得推介的就是任吃的辣菜甫,佐飯佐麵都很好不過對一般食客來說這應該會過辣,所以吃適量就好當然還有不忘推介椒鹽豬扒飯,36元,很大的一碟!就看份量也值啦XD何況這豬扒真的做得很好三個人,兩個早餐一個午餐,盛惠86大元~

難得第一次與男友踏單車，當然開心至極。出發前，先吃個午餐。隨便找了間茶餐廳就坐下了。男友吃的是午餐，沙嗲牛肉麵配牛油方包和火腿奄列。我吃的是回鍋肉通粉，大家都喝凍檸茶。其實都是一般的茶餐廳水準，沒有特別之處。不過要提的是桌上的菜甫，辣辣的又爽口，很好吃。看到好像還有單獨賣的呢。

今日天氣熱得很, 一心想食堅記既蛋牛冶, 但太炎熱, 於是就番係大圍, 係屋企樓下既茶餐廳食下就算二人叫了蛋牛冶烘底配熱奶茶 - $16, 估吾到竟然有驚喜, 雖然同堅記吾同, 但蛋煎得吾錯, 有蛋汁, 而烘底ok香脆, 另外奶茶都吾錯...吾想出去, 係度都吾錯沙嗲蛋面配凍奶茶 - $21, 個面吾錯, 牛肉夠淋...吾錯呢間係一間好老字號既茶餐廳, 做咗廿幾年, 能夠捱到今天, 應該有不少支持既街坊, 加上食物不差, 小妹想日後可能會多點來,

二月廿五‧陰天 很久沒與食友們去踏單車了，是日一行九人，在大圍開始我們全程45公里的單車之旅。起步前，當然要吃個早餐先，上次在隔離吃，今次，就行過幾個舖位，試試這邊的。 早餐吃到十一時，來的時候還只有十幾分鐘，剛好趕得切。早餐ABC，同是廿二蚊，以A餐份量最足，腸蛋油包加單料麵，B餐是兩款配料的湯麵，C餐就是鮮油菠蘿或餐包加奄列。吃不了這麼多，就只要了個C餐，要菠蘿油及火腿奄列。 菠蘿包專家Oli一看菠蘿包的樣子，已知道是「翻叮」的，不過這樣也好，總還比拿個凍冰冰的菠蘿包出來優勝。不是鮮油，只是塗了一堆植物牛油在內的，份量不少，加上熱熱的菠蘿包，是不錯的能量劑；奄列及格，雖然蛋不算鬆軟，但吃起來是半熟的，有蛋汁在內。 食友們的食物都普遍對辦，尤其專兄的沙爹牛丁，見濃濃的湯底，應該是下足了湯粉的效果，只欠麻油香。 埋單22蚊，談談笑笑，去租單車，出發去也。

大家先來個起步禮，多謝KC早到為我們揀了這間茶記。未夠11點，趕得及食早餐，早餐配搭很多，大家忙於揀選自己喜愛的早餐。我自選的餐包腸仔太陽蛋+叉燒通粉，細細的餐包雖是翻叮，但味道及質感唔錯；腸仔煎得夠燶，我鍾意；叉燒當然是來貨，又韌又沒味；通粉估不到是彈牙爽口；奶茶可算是有茶味得來而不苦澀。另外，cheap兄的沙爹通/麵，湯底濃濃的，不知味道如何？而KC的鮮油菠蘿包，又是翻叮，那外層脆脆的酥皮變了腍腍的。大家食飽後，準備開始出發。

呢間金城,d食物味道叫做接受,價錢都合理但係d杯就成日見裂痕,攪到杯飲品冇咁d好吾鋸!有時下午食午飯,叫過快餐都成四個字吾吹佢,湯都未有,成日漏單我呢d趕時間開工,有時咁樣食得好辛苦

金城既食物質素味道大多一般推介中式快餐''麻婆豆腐飯''午餐既午油方包同其他餐廳吾同,牛油一定吾會少沙爹牛肉撈埋麵既湯底正另外西炒飯吾差奶茶,我覺得貞其他餐廳冇得比,超正要彈有午餐既炒旦,好多油環境吾多ok,d杯有d有裂痕

金城既椒鹽豬扒飯絕對係第二度食唔到，炸得非常香口，遠遠已經聞到一陣香味。椒鹽唔會太鹹，加上大量既辣椒絲非常惹味，如果炒埋底既話更加令成碟飯錦上添花，喜歡食香口食物既朋友一定要試試，絕對值得一試再試！價錢：白飯底－$32炒底－$38雖然價錢有ｄ貴，但真係物有所值！