過橋麵檔

营业中

休息中

第二次幫親~依舊係嗌返呢兩樣野食!!鹹雞菜飯餐同五香鹵水拼盤肉鬆飯餐唯一唔同左既係鹹雞菜飯餐就變左時價鹹雞菜飯餐:份量都几大~但下面係芽菜墊底男友話之前自己黎試過霸王雞,D芽菜吸曬D汁好味好多~相比呢個D芽菜就無咩味~但D雞就一樣咁好味~同無咩肥膏~滑滑地~鹹雞菜飯餐:就大大碟,同埋碗肉鬆飯真係兩個人先食得曬~酸菜好好味~仲有D墊底既菜吸曬D汁好味!!但豬耳就肥左D...

一個我身體極不舒服的下午.我想食的食店都無開門.....同我找工作的運氣相同,別人看似實請的工...店主只係見到我個樣.就拒絕左我...如果社工唔搵我....我就當佢將我的個案close呢間店以前主打做麵的.之前的店細好多.人客要坐左路邊食...店搬左後,主菜賣雞.呢一個轉變.令此店變左元朗當紅的店......一個餐55元.......湯...老火白菜湯..味濃..白菜又林又甜...有住家感覺...........份量多的雞.一的肥油都無....肉又滑..雞足......又唔會太鹹菜飯....的菜夾住的飯一起食.又唔錯人要轉變先有運行,神我應該點變?做食評做到有一點寂寞.每一餐都是一個人食..這個人是一個失敗者...........

今次係第二次去食，我叫了霸王雞飯套餐，大哥叫了豉油雞飯套餐，各$39套餐的意思係有野飲，唔加野飲$34點知霸王雞係辣既，我就同大哥換左，原來佢都唔太鐘意豉油雞，因為佢覺得無咩味，霸王雞辣辣地好食d，另外叫左個酥炸雞翼，$15兩隻雞全翼，好酥！但今次d雞好似失左水準，無上一次咁滑，整體都ok既~

好多人嚟到都係叫呢度個霸王雞菜飯, 唔多覺有人叫麵食喎第一次嚟, 當然係試佢哋推介的霸王雞菜飯同埋卥水豬仔比肉鬆飯~果然好味, 啲雞好滑, 就連墊底的芽菜都好食, 而且加埋大大碗菜飯同嘢飲, 都係$4x, 幾抵食不過個肉鬆飯就一般啲, 豬仔脾唔係好夠味, 同埋有少少嚡, 不過啲素鵝同卥蛋就不錯大致上都不錯呀, 連杯奶茶都幾好飲, 只係啲侍應執枱嗰陣唔好將啲骨掃晒落地, 感覺會好啲.

就如玩啤牌一樣~那個手中的牌夠大的邊個話事 ; 食飯~~邊個比錢就邊個話事~~太上皇最近頻頻埋怨小比變了專線小巴~每每到一個地區都離不開那些食肆~沒有新意~~~小比接過這話當然不敢怠慢~~連落街食飯都要度過~離食街不遠的健德街~入夜後卻顯得又黑又靜~唯獨這小店卻人氣旺盛~~差一點就要捱冷等位了~這個晚上只有10度呢!大部份都係二人客~但見大家都share一份雞飯~~心想: 嘩~一份先$3x~個個入黎都share~餐廳會唔會蝕??? 縱使如此~但店主店員還是有禮的對待每一位客人~老細不時會叫入廚房叮囑外賣做快d~出面好凍~唔想客人等~~~~豉油雞vs鹹雞vs霸皇雞~最後要了人氣no.1的霸皇雞~不配湯品飲品的話只是$34~因為雞都不斷斬好份份例牌~所以上菜速度夠快~~有誠意地是配菜飯~份量多得飯都染綠~可惜飯焗得過久~有點糊有點蛋糕feel~不嚴重但不是我杯茶~~~菜飯是配角~~霸皇雞賣相吸引大大份~乾蔥炸蒜蔥絲大堆頭~~加上辣勁的指天椒碎~已值回票價~~底層還有大量的芽菜吸收了惹味雞汁豉油精華~~~~新鮮雞與否~不敢妄下定論~但從滑溜的雞皮到嫩得有雞味的雞件~這會是新鮮雞的本錢~但若是

2010年1月8日 {6} 元朗遊 大發餐廳 > 永年士多 > 串皇 > 明星茶果店 > 蔬與果> 過橋麵檔今天逛遊了差不多整個元朗市區，有些地方也是重覆行過，黃昏已過，當然要在這裡吃晚餐，昨晚在 Open Rice 搜尋的好食店，還有天鴻燒鵝及過橋麵檔的霸王雞未試，肚子又不太餓，太太喜歡吃雞，所以便選擇了過橋麵檔了。招牌菜霸王雞套餐，連菜飯，飲品一杯，整個套餐售36元，上層是炸過蒜蓉、生蔥及少量紅辣椒，雞件也不少，有不少的芽菜墊底，雞可能是選用冰鮮雞，但吃起來也不錯，算是嫩滑好味，墊底芽菜也很好味；至於那碗菜飯，滿滿的...飯粒分明，烹調得不錯，吃時口感也不錯。五香鹵水拼盤肉鬆飯套餐，鹵水拼盤包括有素鵝、蛋、豬串骨、豬耳、 鹵水味道幾好及入味，豬串骨的質量，就麻麻的了，豬耳也ok，最好吃的還是素鵝與雞蛋吧，而肉鬆飯，肉鬆好味，飯粒也是粒粒分明，好靚好吃。熱奶荼：奶茶是採用黑白牛奶瓷杯盛載，茶溫夠熱，茶味不濃，香滑度很好，喝起來時，也順喉好喝。今天吃的食物絕對是好味，也非常抵吃，但最好的還是霸王雞了。至於環境：食家 P

同兩個哥哥出街食lunch，渣車出去食，細哥介紹左呢間佢叫"雞飯"既餐廳，入到去，似食上海麵多d囉，好多人，好旺廚房果到掛左好多好多既雞！細哥叫左佢最鐘意既"雞飯"我叫左個車仔麵，大哥叫左咖哩牛腩飯雞飯，d雞好滑，豉油甜甜地，份量好多下，雞下面有d芽菜，芽菜索晒d豉油同雞味，超正，隻雞好滑，但又唔會未熟(未熟，有時d骨紅晒架)，熟透但滑車仔麵個湯好濃，但我嫌佢d蘿蔔唔夠透，有一陣苦甘既味(個人黎講唔太鐘意甘味既白蘿蔔)咖哩牛腩飯一般般，奇怪既係d咖哩入面有蕃茄個人認為"雞飯"好值得推介

在大西北的食店,想試的可不少,其中一間是"過橋麵檔".聽女友說以前是同"爽爽"差不多格局,現今越做越大.做到昔日十幾塊錢有交易的雞飯,到今日要成五十幾銀一個霸王雞菜飯餐.去到晚上十點多,店內依舊多人.差不多人人也叫"雞",有些人會叫咖喱飯,甚至乎車仔麵,份量十足而價錢相宜.豉油雞同霸王雞,我選擇後者,霸王雞份量如例牌份量,菜飯亦大大碗,廣東的霸王雞,同北方的菜飯,在大西北之地,又的確可以"南北和".霸王雞附上一點雞肝,雞腎,爽口又甘香.霸王雞本身不算是肥雞,雞皮夠滑溜,而雞肉帶有雞味.肉質有點實,而內裏的骨頭還是帶點紅色.在雞肉下的芽菜,吸收雞肉的味道,平平無奇的芽菜,突然之間美味起來.菜飯份量多到差不多滿瀉,飯粒帶點油份,粒粒分明,菜粒爽甜.無須下豉油,也吃得清光.如果想外賣,一整隻霸王雞價錢為$175,始終今時不同往日,新鮮雞難求,一到什麼禽流感,就將家禽格殺勿論.唉,如果雞有問題就要殺晒,如果人有問題,是否又要殺晒那些有問題的人?現今香港社會越來越反智,全賴這班"豆泥"高層.

今日同女朋友仔去左試呢間過穚米線，其實呢間野都幾僻，有d擔心d野會唔好食。不過見到內裡都幾多人，應該有質素保證嘅。一口氣叫左三個餸，三個都不失所望，招牌菜霸王雞緊係唔少得啦，真係要讚一讚佢個醬料整得好，好惹味，入口鮮味好夠，配合埋雞件食簡直一流。雞件整得唔錯，肉質嫩滑，夾埋醬料個味就真係恰到好處，份量亦足。滷水拼盤，可以揀餸或雜錦，我地就叫左個小雜錦，不過份量就一d都唔少囉.....。味道算係水準之上，各式肉件都夠味，其中最出奇不已就係有好多鴨舌食加埋兩隻大肉鎚。最後一碟係魷魚鬚，魷魚鬚本身炸得恰到好處，外面層皮不太厚，魷魚本身也夠爽。但此店只給喼汁送魷魚鬚，及配料落了蒜粒，略嫌美中不足，若加些椒鹽送會好一些。整體黎講呢間店係元朗區算唔錯，環境整潔衛生，聽講呢間店仲有雞煲，過幾日去到再試一試。

上一次男朋友都帶過我黎食..霸王雞實在太好咋味,又再黎食過今次我地一人一個霸王雞套餐..我飲例湯,男朋友飲凍啡 (凍飲唔駛加錢)老火例湯,無味精,好好飲霸王雞..份量足..又好味..牙菜都好好味..連唔多鍾意食牙菜既我都覺得好好味菜飯都唔錯..不過今次個飯唔係咁夠熱總括黎講..平 靚 正而且駕駛人士都岩去..因為入面有兩部細電視可以睇到出面既路面情況

佢間鋪個名叫過橋麵檔,照計食麵先出名...但睇呢到既食評,好多都讚呢度既霸王雞!!!咁當然來睇下係咪真係咁好味先...其實下茶食到咁飽,真係唔係幾食得落...叫左霸王雞套餐連菜飯同一杯野飲($36)凍飲唔洗加錢個飯來到...........估唔到佢個飯係比到滿滿的,d雞係超級多.......男仔來食真係唔洗擔心唔夠飽喇,見到都覺得飽哂,因為真係太多我好鍾意佢上面d蒜蓉呀又香又好味,佢d汁都好正,雞好滑!!!!!雞既上面佢放左超多既芽菜,可能佢索哂d汁啦,好入口好好食!!!d菜飯我嫌太過油啦...............總括來講都係好好味!!!!佢間鋪晚晚都勁多人係出面等,入面間鋪唔算大架所以入面都迫住好多人我見有d人叫d好似車仔麵既野...我再睇d紙仔先知有得叫下次可以試下呢d,應該都幾好味既!!!

一直都住在附近，但從未試過這間麵店。今晚同男友來食晚飯，8pm左右，都幾多人等位了。等了大約15分鐘就有位。人好多，店好細，好迫。見枱枱都點霸王鷄，男友怎會錯過。我不太餓，便點了什米。先來霸王鷄，好快手，霸王鷄好滑，好香，辣辣地，好惹味，男友勁喜歡。至於什米則沒有什麼特別，腩汁湯底幾清，蘿白好鮮甜。至於服務.........絕對是黑口黑面零服務。不過都是預計之內，一句到尾，霸王鷄真的不錯不錯。

之前都食過佢o既霸王雞(勁鍾意食佢d配料)不過一個人去食就一定食唔晒....so, 得一個人都係唔食招牌菜.下晝叫左個下午茶餐<炸雞亦+沙律+凍O茶> 外賣,個外賣盒開左個大隆, 完全冇焗淋d炸雞亦!!!雞亦 : 雞亦有2隻全翼, 炸到外面超脆身, 裡面唔會太乾(得!!)沙律 : 罐裝什果, 不過份量好足, 再醒多兩片青瓜比你啦~不妨一試, 不過因為炸o既關係, 所以等o既時間會耐dd~

早前和老公喜愛來這裡開飯, 因為我愛吃她們的菜飯, 蔬菜很新鮮, 飯粒又有咬口, 很容易獲得我的好感, 再加上霸皇雞做得不錯, 雞塊又大件, 底部還墊上很多芽菜, 全都是我喜歡吃的食物, 怎可能不給個笑臉呢? 老公因不愛吃菜飯, 所以點了豉油雞白飯, 我試了一點點, 亦覺得豉油雞味道不俗, 但口感是不夠霸皇雞嫩滑, 豉油雞汁撈飯却十分好吃。另點了椒鹽魷魚鬚, 她們的做法是我們喜歡的那種, 味道口感整體很好, 不過却嫌辣了少許, 以此價錢, 是很值得嘗試的。老公最愛此店提供的大支裝可樂, 不知怎的, 總是覺得樽裝汽水比罐裝好飲得多。我的凍檸茶亦好飲。 對於這店的食物是滿意的, 唯一要彈的是店員態度和環境衛生都是麻麻, 進食期間有很多蚊滋仔騷擾, 頗煩人和令人反感, 店方要注重及加強衛生才對啊。

今日同屋企人黎呢度食，無想過麵檔會主打雞既。我地都算黎得早，如果遲小小黎就要等位啦。霸皇雞雖然只係冰鮮雞一隻，但都好有雞味。炸蒜蓉、辣椒整到好吸引而個碟底有好多芽菜都好多，味道都唔錯既。本來以為半隻雞會好少，但都要打包返屋企。米線呢個係兩米線，有牛肉同牛丸。米線就整得太淋啦，而牛肉都算新鮮既。而牛丸都算彈牙。不過估唔到既係香辣米線只係辣椒醬加米線。滷水牛牛都算淋既，汁又唔算太鹹。呢度食雞就可以既，但米線就普通啦。下次都會黎，不過都係食雞好啦。