過橋麵檔

营业中

休息中

係元朗白無聊賴唔知去邊到食野，男朋友忽然話不如去食雞!我就無所謂啦，反正我都唔熟路....遠處見到，叫「過橋麵檔 」心想..同雞有咩關係呀...?入到去就知了，台台都有人係食緊雞，唔係「霸王雞」就係「白切雞」..大概有4-5種選擇!其他的人多數都係食車仔面。我同男友就一個食車仔面餐($29包一碗而同一支汽水)，一個食霸王雞餐($4X，包一個飯同一碟雞)。個雞黎先，wah都幾多wor，而且又幾好食，真係無諗過喎，我仲以為以佢的格局都係食茶餐廳野添...good呀!!!車仔面就一般啦，唔係太好食，淡左少少，但有幾多餸下...見到對面的食客食牛南好似幾good，我下次都要叫先!!!!總括黎講：雞-good 車仔面- fair下次要try埋佢的滷水先得!最衰無帶相機，如果唔係都映下比大家睇!

11點才陪龍吃過粥，一點多他又喊餓了，病人有胃口當然是好事，遠一點也願意陪他到訪!早聽龍推介這店，不過真的估不到這間叫過橋麵檔的店，主打的竟然是雞。雖然位置偏僻，此店人氣卻持續爆燈，時值2點竟然也要等1張檯才有位，聽說晚上更是人龍逼爆。　人氣旺除了是味道好，也是因為份量足，龍說一份豉油皇雞菜飯餐($38)夠2人吃了。套餐上檯，雞件果然不少，比坊間的例牌還要大許多，菜飯也是滿滿的一大碗。不過味道嘛，大概我對這等食物興趣太低，隨便嚐了兩口但覺與坊間出品分別不大，與真正好吃的農家走地雞差得可遠了；菜飯也不夠北京水餃王的好吃。　又套餐附送例湯或茶啡，龍說此店的湯十分麻麻，故點了凍奶茶給我充公，味道可以說是難飲。　以此環境以此地段，個人更喜歡劣評較多的鄉村小廚，九成的食物都留給胃口初癒的龍吧；省下來的胃納，就繼續用在其他雪糕、甜品上吧!

名字過橋麵檔, 不過招牌菜是雞菜飯, 霸王雞, 鹹雞, 豉油雞經濟鹹雞餐, 連湯 $38, 以為經濟餐, 寫明飯是一碗, 以為是普通的飯碗SIZE, 怎料來個大碗飯, 太多了吧鹹雞真的頗鹹, 吃罷很口渴霸王雞餐, 同樣 $38, 雞很大碟, 基本上沒什麼味道的雞, 下面都是芽菜, 飯就真的飯碗SIZE, 2 人吃 2 個套餐, 吃不完, 浪費了一吃便知是雪雞, 沒有辦法, 做得比元朗小廚滑, 不過跟元朗小廚比就化算得多了

今日又係三人行呀.....今次我就同左佢地去過橋麵檔食野....我介紹佢地食雞飯... 男朋友同佢呀媽都點左霸王雞菜飯套餐 ($32 x 2) : 霸王雞一拎到埋黎, 嘩 !! 好大碟雞呀, 仲有好多芽菜墊底.... D芽菜吸曬D豉油汁,真係無得彈呀......隻雞真係好鬼滑,連d雞胸都好淋, 菜飯好足料,又係好得呀...我男朋友跟餐仲點左枝樽裝大可樂都係+ ($2)..我就點左什錦車仔麵 ($ 27 ) , 我要檬粉要+ ($1) : 什錦有 ( 豬紅, 豬皮, 亦沾, 蘿蔔 , 孫蛋, 豆卜, 紅腸, ) 我唔要飲品, 要左 < 豬腸 >,仲有小小芽菜同菜莆......我要左清湯..但係都好夠味.....:chopstick我仲要左細的鹵水拼盤< 走辣 > ( $25), 可以要三款 : 要左豬耳, 豬頸肉同素鵝...D鹵水汁甜甜地,好好味呀...豬耳我唔食,佢地話幾好呀,豬頸肉同素鵝真係好食..但就油D,都接受到既....鹵水拼盤仲有好多椰菜墊底,.....仲有D酸菜伴碟三個人食到好鬼飽都係 $119.....

係openrice見到個個都讚呢個霸王雞飯，都真係要試下。當日就係佢岩岩開門既時候入去，好快就full左= =一行人都嗌左霸王雞飯，冇嗌野飲真係未見過有咁多雞既餐= ="個底d汁甜甜地，襯埋個雞送飯都唔錯，超多芽菜個菜飯睇落好細，但其實佢d飯粒同飯粒之間冇空位= =密質質有個朋友叫左個咖哩，我冇試到，但佢話普普通通係果度都系食招牌霸王雞飯好la^^

店長終於有新嚐試了 - 醉雞鍋 (呢期我的至愛)呢間小店我倆已經幫襯了多年, 店長見到我倆如一家人一樣, 何解, 一星期總有 1 次到來呢? 前幾天, 每逢到冬季, 店長就會推銷整煲仔飯..........非常好味道的佳作 !! 或者製作功夫需時, 依家已經成為緬懷傑作了 !!呢個冬季, 店長終於有個新諗頭了...........呢個煲一個人食未必可以食得哂....兩個人再叫多份小食, 食得飽飽, 飲埋 d 醉雞湯, 成個人暖哂 !!多謝您啦, 店長.........Very Good Idea !!

霸王雞套餐($38 包一菜飯 & 飲品)碟雞好大碟，食唔晒！味度幾好，但雞係冰鮮，冇咩雞味，肉質太腍，冇咬感......但啲香蒜、薑蔥絲好嘢味！個菜飯都好好味。

再次食這裡的香辣大什車仔麵,湯底美味濃郁,餸料有紅腸,豬紅,豬皮,豆卜,雞尖,魚旦蘿蔔,好多芽菜,再加上我選的香辣味有一碟附加的香辣油,又香又辣又好味,真係很好味,另加一杯涷飲,都係27元,真抵食!今次再試小食,選了椒鹽魷魚鬚($17),真係好大碟,新鮮炸很酥脆,很滿足的一餐!

今日一早食左車仔面.. .. 飽飽的 到nigth 都唔知食咩好同豬先生見網上面食到幾好食 決定一試 豬先生叫了 霸王雞 餐 + 菜飯 + 凍飲 = $38我叫了咖哩豬扒飯 + 凍飲 =$33好快就泥喇d野 雞一早斬好 加d葱加d辣椒炸蒜 d 雞豬先生話一般 我唔好食雞食了一口ok咁啦d檸荼荼底幾好 幾好飲 ~~ 凍飲唔洗+ $$到我個咖哩飯了 好多汁 但多油左d /__\佢餐牌話老闆煮了6hr 幾香辣 如果配串燒應該唔錯豬扒唔係好得 好多肥膏呀 >w< 但好多蔬菜eg: 青瓜 , 勤菜 ,番茄 , 洋葱 .. .. 環境 ok 但有時人多要搭"木台" 但有2部電視比人睇 仲要係大大部 另外有2部細電視比人睇街外炒牌 對車主泥講 抵讚我今日又唔算多人唔洗等位 但見好多人都食雞 ^^ 又有一家大細食飯煮都慳返仲有見人地食車仔面好大碗下次又試下先可以一試都唔差 ^^

上星期,聽收音機介紹,專程由沙田入來元朗試下我評食物,只會理食物本身的色香味,其他什麼環境,服務一律不理.最緊要好食.霸王雞色:8/10香:1/10味:7/10首先講下雞,霸王雞選用冰鮮雞,所以雞味不夠.要加配料搭夠,不過都係唔太夠味.不過此雞整得幾好,我咁多年來,從未食過咁滑的雞胸.應該是水深火熱,仲有雞油封頂.

去到的確門口係有好多人. 仲要等咗15分鐘先有得入不過個老闆好好人. 我見到佢門口寫住老人.孕婦BB. 警察或醫護人員呢D都有得優先呢 !而且入面仲有電視機睇到出面馬路. 方便車主見到人抄牌,真細心三個人叫咗三客飯和一個細的鹵水拼盤. 但其實是太多. 吃不完應該叫兩客就夠了咸雞飯. 寫住係用鮮雞整. 所以價錢比較貴. $51 一客雞肉很滑.而且有雞味. 真的不錯套餐包括一碟雞. 一碗菜飯和 一碗湯或餐飲不過聽人講佢D 湯是不落味精的老火湯. 可惜我們那天沒留意. 以為兩樣都有叫哂餐飲. 就冇再叫來試了另外的霸皇雞飯. 冇寫明係鮮雞. 所以平D卦. $37但份量也一樣多我自己覺得呢款是比軟惹味. 而且一樣咁滑. 蔥加上豉油.真的好好味呢!雞下墊著芽菜. 吸收了雞汁. 正而且同場大部份人都係叫霸皇雞比較多啊. 鹵水拼盤. 雖然是細的. $40. 但份量也不少. 而且款款都好入味入面有素鵝. 蛋. 豬仔脾. 豬耳. 豬頸肉和雞腎個汁用來送飯也很不錯跟餐的菜飯. 味道比較淡. 要撈汁先好味雖然是吃雞飯為主的. (枱枱都係食緊雞)但鋪頭名卻是過橋麵檔啊. 唔好去錯呢!

同男友夜晚去好到底買麵，個時9:00，佢原來8:00就關門啦於是帶住之前試左某連鎖式經營既海南雞飯店既陰影去openrice試好評如潮既霸王雞飯男友點左霸王雞飯，我就試下咖哩上菜時見到真係幾夠份量d雞夠味，而且又滑又多肉，菜飯味道夠水準而我既咖哩牛腩唔算特別但最有心思係佢既配菜有好多洋蔥、青瓜、蕃茄粒平衝返濃味既咖哩唔錯~而且$又抵食，下次同朋友黎再試佢既鹹雞

好耐都冇o黎過橋麵檔了, 知道佢重新裝修後, 就o黎試試而家舖面大o左, d 位冇以前咁迫, 冷氣又勁o左, 食車仔麵都唔怕食到成頭汗喇!同老公叫o左兩個車仔麵, 配料都整得好入味,一讚的仍然係佢o既湯底同埋 d 菜圃, 加埋o既味道實在好惹味, 足夠你食晒成碗麵了!

夜晚慶祝母親節前，同老婆食少少野先。霸王雞菜飯餐係招牌無錯，霸王雞有半隻，淋上半碟甜豉油，肉質嫩滑，加上大量葱蒜，薑絲和芽菜，賣上很不錯。菜飯另上，油味幾香。我地要左凍飲所以無試例湯。人流多，上餐快，簡單滿意既一餐！

霸王雞菜飯d雞幾好味,好鬼嫩滑,份量都好多...但d菜飯就真係冇咩味..雞底d芽菜,紅指天椒,葱絲,炸蒜頭都幾唔錯,可以一讚!!!