過橋麵檔

营业中

休息中

搬左黎元朗後，真係發覺好多地道好野食，其中一間就係過橋麵檔，第一次食完之後好似上左隱咁！之後一個月都會食幾次， 起元朗以外地區雖然都好多好野食但從來冇食過呢個價錢味道份量都ok 既美食！今日起身時已經係中午時分，突然諗起霸王雞菜飯就即刻換衫落去食。。。霸王雞菜飯有少少辣味，好多蔥條和炸蒜粒，d 雞真係冇得輸，次次去食都係滑既。$51+ $6湯或野飲=$57真係好合理，希望小店永遠保持到食物質素👍之後有一個穩定既食店

這十年間，在內街的過橋麵檔一直都是我們在元朗的飯堂之一，質素一直都維持得到，區外朋友每年到元朗掃街，這裡必定是中途站，霸王雞，走不出五指山。雖然價錢也要隨市場上調，而且招呼態度十年如一日，不能挑座位，有吉檯都一定要搭檯，別想拿多一張凳放袋，只能勾在檯下云云，但出色的食物就有捧場客都有好一段日子無來了，因為帶著魚子醬不方便來這等制肘多多的地方，發現店然有蒸櫃放著盅盅燉湯，就來一盅石磨杏仁螺片燉白肺吧~! 價錢還真搞笑，$44一盅，$88兩盅，$89三盅，那如果二人來，大家都想喝，應該要2 or 3盅?? 非常濃郁的杏汁味道，其實個人非常怕杏汁甜品的味道，但用在湯品上又出奇地愛，可能魚子媽太愛燉湯了；雖然不是十全十美幼滑，依然會有點嗆喉的粉粒，但整體計算價錢在內是非常可取，都頗足料霸王雞、鹹雞、豉油雞、巴辣雞你愛那款? 我們始終最愛霸王雞，就連平時最怕蔥的，來到這裡都會滿心歡喜吃浸了香香雞油的蔥段蒜粒除了香口就是香口，以雪藏雞來說，這裡的處理手法可算超班水準，永遠都是滑嫩的，加上微辣惹味的辣椒醬油蔥蒜，最重要是配上菜飯~!這樣一個套餐還可以加$6要例湯/飲品；要不是這天還有多個站要掃，真想

叫咗佢哋嘅霸王雞飯，算係招牌菜，見好多人都食，嗌外賣都要排一段時間，一打開飯盒就聞到好香嘅雞味，而且份量好多，女仔會食唔晒，啲雞嘅肉唔會鞋，而且唔會太肥，底下有芽菜，啲芽菜吸咗啲雞味，好好食！

同事話呢間好味，所以帶我去試下！普通茶餐廳格局！火紅色為主色！好搶眼！不過幾爆場！坐到中間四人位！唔會好迫，好快落好單，之後就想轉（阿姐剛打單）好在阿姐都好好人比我哋轉！食物好快到！咸雞：雞肉比較嚡，點配埋嘅薑蔥油或沙薑，自己比較喜歡沙薑，咸香起沙，好襯雞味！霸王雞：其實係為了墊底嘅芽菜，雞肉嫩滑，唔會好肥，配埋青蔥絲同爽口芽菜食一流！汁料帶少許辣！雞汁唔會死咸，兼唔會味精！咖哩牛腩：牛腩比較碎，幸好牛腩滑兼濃味，咖哩唔會好辣，中間帶爽脆青瓜平衡油膩感，而且椰汁另上，可以由食客決定落唔落（我唔鍾意椰汁）所以各取所需！菜飯：菜絲好多，爽脆，唔會油膩，可以平衡菜色嘅油膩感！老火湯：好足料，味道濃郁，啖啖精華！好味店員好好人，因為落了單之後，我們想改單，佢都即刻幫我做！估唔到一家麵家都有好味雞食！

It has been a year's time since my last visit to this quite renowned chicken eatery in a less teeming part of Yuen Long. Very happy to know that their quality is still there.I came in yesterday just before 6:00 and empty seats were everywhere, but biological clocks for everyone seem to be very much alike that shortly after 6:00 customers trickled in until the shop was crammed.  A pair of young couple came after me and sat opposite to me sharing the same 4-seated table, it is a norm in Hong Kong,

一行4人去到， 大概等位唔分鐘。坐低後叫左鴛鴦炒飯， 鹵味拼盆，巴辣雞(有一隻同半隻可以選擇， 我地叫左一隻)， 盬燒烏頭。鴛鴦炒飯個汁好味，好香。拼盆一般，唔會特別有驚喜。巴辣雞好好食， 停唔到口， 但對一般人黎講算幾辣， 只要有杯凍飲喺旁邊嘅，都可以食到， 嗜辣人士呢個難度應該無難道。烏頭好大條， 好似一個男士手臂咁大， 朋友覺得泥味重(河鮮嗰啲泥味), 我自己就唔係好覺， ok嘅。2男2女叫左以上食品， 最後食唔晒， 因為份量好多， 埋單125一位。

上星期六去元朗辦啲事，就順道搵吓有咩食，搵到過橋麵檔。12點去到，全場爆滿，被安排坐去巷仔內嘅小舖。一行3人，叫咗霸王鷄菜飯餐，鹹鷄菜飯餐，四拼滷水拼盤同三盅燉湯。鹹鷄用上新鮮鷄，肉質係韌啲，但鷄味重，同雪鷄係唔同。霸王鷄係雪鷄，肉質偏淋，但調味一流，好香惹味，啲炸蒜同薑蔥好香，墊底芽菜超正，吸曬嘅蔥油豉油。菜飯無調味，略淡，飯較淋。燉湯係杏汁白肺螺片湯，原盅燉，熱到不得了，豬肺洗得乾淨，啖湯好清潤。四拼選咗鴨舌，牛脷，素鵝同鴨腎。份量一點都不少，鴨舌同素鵝都好食，牛脷如果厚切啲會仲好，鴨腎較硬。整體十分滿意，食咁多嘢都只係$265，抵！

呢間舖雖然名為麵檔...但千祈咪比佢呃到...10張枱中分分鐘有8張係食雞飯既...呢度既雞有新鮮同冰鮮…價錢亦相當合理… 最重要係真材實料…加$6有碗雞湯…無味精亦唔會溝稀… 當然呢度都係有麵既…咪係車仔麵lor...幫襯開既人…坐低都唔駛點睇menu…而我例牌會叫既係>>霸皇雞菜飯…底層係好好味 既甜鼓油…有芽菜墊底…叫做有d菜食下啦…然後係雞…煮得夠哂嫰滑… 當然最要係冰鮮都有d雞味啦…而且仲有好多舊有肉既雞……唔會得d骨啦…最上面係乾蒜蔥…我就唔多食呢種配料…但仍很惹味…作為一間小店…上菜都擺得咁整齊…值得一讚… 其次會食既係咖哩飯…今次選左牛腩…牛腩好唸…亦有牛筋…好入味…我唔食得辣…但仍會order...因為佢有少少既椰子汁分開上 …唔係度度都有吧…總括黎講…一般開飯諗唔到食咩…都會諗起黎呢度食…咪睇佢門口咁多人等…其實好快有位…小店作業…都好有系統…有人負責mark位…一般人食完都唔會久留…要搭枱…

星期六一個人到了元朗， 記起朋友提過這裡的霸王雞菜飯， 就特登走去試一試啦！鋪的位置有點偏（可能我不是元朗人啦）， 在一堆車房五金鋪旁， 見人龍應該係尼度啦， 一個人都要等左陣， 入到去望下餐牌先：佢地都有小菜， 但環觀各位都係食招牌多， 有配米線， 有配飯， 我叫了一客霸王雞菜飯連飲品套餐 及油菜一碟，不用等五分鐘即上，超快：賣相不錯， 雞的味道知是雪雞， 但佢有濃味薑蔥及豉油， 還是不錯的， 份量雖然個底係用芽菜墊高， 但這價還是可以， 差不多係人地一個例牌分量； 菜飯真係好多菜， 味道淡左D, 岩我整體來說， $53的午餐， 好味份量足， 會再來呀

雖然叫麵檔，但這裏的雞飯更受歡迎，夜啲黎都賣哂，差唔多全場人都係黎食雞架。是晚咸雞已賣光，要了霸王雞，同樣好味道。雞飯套餐，要了餐湯，中式老火湯，非味精，好飲又有益。霸王雞皮滑肉嫩，少少鹹啱哂送飯，菜飯大大碗，食完夠哂飽。簡簡單單又一個晚餐。

山長水遠特地前來霸王雞 已經是十點多的，但依然人山人海，毫不猶豫，點了霸王雞菜飯套餐，另外再加一個鹵水拼盤 。霸王雞的分量很多，只需要50多元，實在是抵食不了。可惜，味道不如想像中美味，雞肉不夠滑，也不夠入味，同樣，滷水拼盤也有著不夠入味的問題。雖然很抵食，但味道只是不過是不過不失。 兩個人食得飽飽的，埋單是誰170元。

今日同另外3個朋友去元朗探bb...探完之後去返元朗搵食....除左我之外....其他朋友都係住9龍區....佢地對呢區搵食冇咩idea....所以就由我帶佢地去搵食啦過橋麵檔絕對係我係元朗既飯堂....我次次去左親元朗都一定黎呢度食!!因為實在太好食!!!!其實....由朋友屋企搭的士過黎新b仔呢邊...好近.....錶都唔使跳.....所以就係呢度附近搵食姐....今日唔使等位就可以入座!!朋友們話叫餸食飯....所以就叫左呢度招牌菜霸王雞半隻...我話呢度d咖哩好食....所以叫左淨咖哩豬扒....之後再叫多個細既卥水拼盆(冇影到相)....炸魷魚鬚(冇影到相)...加多4個菜飯.....咁就美滿既一餐!!!不過今晚既霸王雞....好似冇乜肉食....淨係骨多....平時我通常都係叫菜飯餐....好少一隻隻咁叫....所以唔知係咁岩得咁橋俾到呢d位我定點.....平時叫飯餐d雞好多肉架 個炸魷魚鬚我第1次食....出奇地好味喎....佢真係好有魷魚鬚個陣味....而唔係得炸粉個d味!!呢個可以推介下!!最後.....我地4個都係食唔晒.....好浪費呀 ....不過其實都係因為佢

夜晚7點去到，都已經好多人等緊位，等左差唔多30分鐘，終於可以入坐。叫左個霸王雞菜飯，個雞幾好食，有少少咸，但係好入味，未食都已經聞到雞嘅香味。跟著叫左個滷水拼盤，有好多款唔同野食，個滷水汁好夠味。然後再叫左個炸魷魚，好脆，好香口。另外個米線都幾好食同埋好抵，整體黎講都唔錯。

終於慕名來到這間位置超入的食店，週日下午12：50來到要等約十分鐘才有位。談談味道了，雞是很滑，雞味偏淡，全靠甜鼓油、芽菜和葱絲調味，口感尚可，不及爽爽麵店的彈牙新鮮，菜飯的莱粒則口感豐富。無論如何，$45能吃此一道大飯，已算超值，難怪能門庭若市！

週末去南生圍郊遊前 要食飽飽先起行 所以打算去食出名雞飯 餐廳唔難搵 都係「美食街」附近大概等半個鐘就有位 店內有唔同雞+菜飯 有鹽雞、霸王雞、巴辣雞 仲有車仔麵同炒麵㨂我地兩人點了經濟鹽雞菜飯，巴辣雞菜飯，鹵水3併鹽雞幾好味 都好有雞味 雞胸唔太「鞋」身，菜飯做得不錯，唔會太多油巴辣雞好香口 好惹味 冇雪藏味道 唔太食得辣既我 覺得辣左少少 但整體都好味 份量十足 有1/4 隻雞鹵水3併：豬耳+豬大腸+鴨腎 鹵水汁咸道適中 都好入味 最好味係附上既甜酸菜食飽飽 準備7km多既旅程