過橋麵檔

营业中

休息中

今日全日都在元朗出沒, 行完山順道去探朋友班後, 已經到咗傍晚時份, 突然諗到住元朗既朋友介紹過一間日式拉麵小店, 去到發現有長長人龍同埋已經截龍.... 無緣品嚐, 唯有再去第二樹捃食.路過這家名叫過橋麵檔既食店, 店名都有幾組人等緊位, 望入店內都滿晒座 , 所以拎張籌試一試.本人係一個好鍾意飲湯既人, 所以有燉湯好多時都唔會放過, 仲比我見到有特價野 , 1盅44蚊 兩盅88蚊... 但再加多1蚊就可以再多1碗 !雖然今晚三個人食, 但其中一人唔太"好"杏味既野, 但大家都覺得無理由唔要3盅囉....識計數既梗係要3盅啦 !龍杏螺片豬肺燉湯其實我好怕超強勁又假假地既杏仁味, 好彩這盅燉湯既杏仁味唔係假果隻, 都算幾足料，都唔錯 !因為嚟食之前去咗飲紅豆冰同食咗半隻炸雞脾, 所以唔諗住食粉麵飯, 只係想食餸菜...  見依樹好多人都有ORDER雞, 雞有四款: 鹹雞/ 霸王雞/ 豉油雞/ 巴辣雞 , 但見鹹雞價錢貴一截, 細問之下原來鹹雞係用新鮮雞 , 其餘三款係用冰鮮雞既 !最後揀咗鹹雞一隻 !  隻鹹雞都算大隻, 雞肉尚算嫰滑, 鹹度反而覺得可以再鹹番些少 , 鹹度偏淡咗少少

少見的麵店有新鮮咸雞食, 好味! 加上又有車仔麵. 當然兩樣都叫了. 由於叫了一隻咸雞, 太多肉了, 所以車仔麵只加了清菜及雲耳, 三個人食都飽哂. 總括而言, 味道唔錯, 值得一試.杏仁豬肚湯, 唔算杏仁味, 一般人較易接受到. 清菜+雲耳, 雲耳幾爽口, 清清地, 唔錯. 新鮮咸雞, 仲有連雞雜上, 少有, 隻雞好好味!

今晚一人晚飯，最好就係食車仔麵，一碗麵，幾個餸，既簡單，亦滿足。响元朗，以車仔麵自居的食肆有好多，近期新寵係過橋麵檔車仔麵。聽說過橋麵檔係以手推車仔麵起家，是真是假我無考究，但味道一定好味。今日點了麻辣雲耳，白蘿蔔，雞扒，河粉辣汁。河粉底好滑，亦好大碗。雲耳選用細細的貓耳朵，放在湯內，突顯唔到麻辣味，但勝在爽口。白蘿蔔炆得夠淋，微微的清甜，而且有成五六舊。至於雞扒，意想不到的好味，雞扒炸過，好香脆，而且有醃過，好入味。不可不提辣汁，此辣汁應該係其中一款雞--巴辣雞嘅醬汁，濃濃嘅蒜香味，夠晒麻辣。除此之外，過橋車仔麵每碗都係多蔥多芫荽，唔食嘅朋友記得走青，如果唔係有排揀。但鐘意蔥同荽嘅朋友一定大愛。過橋麵檔唔單只霸王雞好味，連車仔麵亦相當不俗。雖然一麵三餸要$44，但大碗得誇張，有機會一定要試!

食左廿尻幾年雞 今次突登走入元朗試呢間， 皆因我朋友話食完呢間野之後返唔到轉頭。我今次就食完霸皇雞菜飯 作為食雞之人 呢間d雞雖然唔係頂級 d雞唔多夠滑 但都算唔錯 係d雞上面加左d炸蒜 就好似呀嬌同黑鮑今 係非常match的份量黎講都ok 物有所值但非超值

每次黎到都覺得好多野都幾好食咁樣，但實在引唔到手唔叫霸王雞，結果今次都係一樣！霸王雞份量超大，上面有蔥有炸蒜，仲有少少辣椒，底就有芽菜。叫得霸王雞，味道都幾霸道，蔥蒜辣椒無一不香，淋過豉油，底蘊既味道都抽晒出黎。小弟唔食辣，撥開辣椒食都ok，微辣更開胃。雞件入味，有肉有骨，加埋蔥絲炸蒜風味更佳。底層芽菜吸收所有精華，點一點醬汁撈飯食更是美味。菜飯真係菜飯，唔似出面有d撈幾條菜當係，不過我覺得味道唔夠，唔知係咪特地配合濃味既雞而作出調整。

元朗過橋麵檔真係百吃不厭，每個搵食時段都排滿客人係有原因的。過橋麵檔其中一樣名物係雞。咸雞，霸王雞，豉油雞，巴辣雞，全部都各有千秋。個人最喜愛，而且最常吃嘅，就係霸王雞菜飯。霸王雞上面佈滿蔥絲，薑絲，炸蒜，紅辣椒，非常惹味，佐飯一流。千祈一定唔好放棄雞下面嘅芽菜，芽菜吸盡精華，絕對唔係下欄墊底菜。至於雞，老實說，時滑時唔滑，不過就唔會鞋口。過橋麵檔，絕對係元朗人搵食之選! 仲有其他美食，有機會要試試。

朋友好鍾意食雞...o係港島入到嚟探我地梗係要帶佢去食o下元朗d好o野~ 揀o左去呢間食雞飯~ 好彩今日唔算太多人...4人檯唔駛等位~ 一次過試晒四款雞跟菜飯!!! 我自己其實都未試過晒咁多款~ 又可以試埋~ 霸王雞之前都食過~ 最好味始終係佢~ 好多蒜同蔥d~ d雞又入味~巴辣雞就好似口水雞咁~ 好麻辣好惹味~ 俾佢排第二~ 咸雞係咁多款之中最貴~ 但係我地叫o左經濟版~ 我覺得就咁食唔係真係好咸...但佢個沙薑同薑蔥真係好好味~加埋一齊真係好好味~ 豉油雞唔算好入味...所以最一般...不過呢度咁多款雞真係好滑同埋唔肥~ 好味~俾我下次再食我都係會encore霸王雞同巴辣雞呢度o既凍飲真係夠晒凍 (餐加$6)~ 同埋叫佢少甜真係會少甜~ 姐姐服務態度都唔錯~ 唔怪之得成日都咁多人~ 

炒麵太翠吃得很辛苦，落單兜亂話唔可以，吹賬。魷魚鬚好味，咖喱也不差，服務態度不錯，價錢也ok,如果炒麵可以兜亂會更好，加凍飲6蚊，霸王鷄好有鷄味，其他一般，要改變一下厨房態度。

有車的朋友像個寶得知元朗有很多好吃的食店，今晚朋友載我到元朗試下平民價的美食...10時許才到達，不用等位便可入座。朋友推介霸王雞菜飯，終於我倆點了霸王雞及豉油雞菜飯試試有什麼分別*飲品先上，鹹檸七*豉油雞菜飯先上，這樣的價錢有這樣的份量，真是難以置信。雞的份量是別店的例牌。雞肉質嫩滑，皮薄肉多，但不夠入味，豉油味偏淡。小棠菜菜飯，顆顆菜粒都運入白飯當中，如加多些雞油/汁1同蒸制，香味更出。*霸王雞菜飯，雞上灑上蔥絲，薑絲，辣椒絲及炸蒜，香口惹味。雞件同樣肉多皮薄，正!*4拼滷水拼盤，分別點了紅腸，豬大腸，雞腎及豬頸肉。值得1讚的是 - 豬大腸清潔得10分乾淨，1點異味都沒有，爽口。

元朗真的有很多好吃的小店，路過這間過橋麵檔，見店外人頭湧湧，好奇下就決定和一歩くん在此吃晚餐 要等位置呢，在等候期間先看餐牌，看來店家並不是單純賣麵的呢 等了20分鐘終於可以到店了用餐位置有點擠，手袋也沒位放要放在腿上 這裡大概有90%的客人都是點雞飯的，當然也跟著點啦(其實看看那邊壯觀的雞掛架就知需求超多呢) 一歩くん點的巴辣雞脾菜飯 $59，是在白切雞上放上店家秘製辣汁，剛開始吃還覺得不太辣呢，怎料是越吃越辣，但又好想再吃的感覺 我點的霸王雞胸菜飯$59，是白切雞上加上特製醬油、炸蒜及薑蔥辣椒餐牌上寫上兩隻辣椒圖案，但吃不到辣味呢 (可能吃了巴辣雞後才吃)，薑蔥炸蒜跟雞肉一起放入口有著特別口感，指定要雞胸肉，雞肉很嫩滑很好吃一口雞肉一口滿滿菜香的菜飯，很滿足呢原來寶物尋歸底，雞底下的芽菜完全吸收了整碟霸王雞的精華 還點了鹵水拼盤，豬耳、大腸及雞腎都很入味，不過其實二人吃兩個飯已經很飽了，鹵水拼盤雖然份量不多，但吃不完呢

終於有機會可以入元朗「朝聖」不枉我山長水遠去搵您gathering😍下午茶時間一樣人流好旺，興幸不用等位馬上入座。－霸王雞👍蔥絲蒜粒勁香，雞肉不但夠滑更是超入味。有點點辣的味道配上芽菜，正。－鹹雞菜飯👉相比下則有點失色，雞肉不夠滑之餘更是有點乾硬。值得一試：不過真系好遠啊😭😭

特登約朋友嚟食雞飯，估唔到未到門前，門口已經堆左十幾人等緊位！好彩都唔係要等好耐，晏晝係前幾條街食完拉麵天王，晚飯又嚟到過橋麵檔！其實都係等左15分鐘，但就愈等愈肚餓。同朋友一坐低就即刻點左兩個雞飯餐，兩隻辣椒嘅霸王雞同三隻辣椒標誌嘅巴辣雞，仲各加6蚊要左杯凍檸茶同例湯。原本同朋友對住坐，但後尾有客入嚟，店員就叫左我同朋友要排排坐⋯=_="但冇所謂啦，雖然就唔及對住坐咁好傾偈，但唔阻人地做生意都係一種禮貌嚟嘅。等左一陣，兩個餐好快就上檯喇～賣相相當吸引！霸王雞上面鋪左好多蔥絲，真係我至愛！！仲有香噴噴嘅炸蒜，同紅紅嘅辣椒粒，睇見到都已經好好味。雞肉入口好嫩滑，雖然就雞味軟淡，但以雪藏雞嘅質素，可以烹調出咁嘅味道，已經算好味喇！鋪底仲有好多芽菜，正！巴辣雞就冇乜配料，只係有佢獨有嘅辣醬淋面，睇個樣都唔覺佢辣，肉質都好嫩滑，食多兩件，就真係愈食愈辣⋯好野味！！建議食左霸王雞先好食巴辣雞，因為巴辣雞實在太搶味，食左巴辣雞先，就應該試唔返霸王雞啲味。雖然霸王雞有兩椒標誌，但其實一啲都唔辣。再嚟一碗滿滿嘅菜飯，飽呀！

活動範圍屬於九龍的我, 難得入元朗, 想吃點地道的食伴就帶我來這裡, 說雞很好吃開車的我們很順利找到了路邊的位置店面長這樣:我們7時左右到達也有8-10在等位了等了15分鐘左右, 門口等位位置放置了兩台噴霧風扇是為了讓客人散散熱吧我們剛好坐在掛棚前面, 熱辣辣好多雞在掛著我們吃飯大約是1小時看到這個掛棚的雞轉流極快1小時內大概賣去了30隻雞(堂食+外賣)賣那麼多, 怪不得雞都挺新鮮的我的霸王雞餐, 跟菜飯雞半浸在調過味道的豉油上面,上面放上薑絲、蔥絲、指天椒粒、還有是炸蒜嗎?幸運的正好吃著雞脾, 滑溜無比; 雞胸肉雖然沒那麼滑, 但熟得剛剛好, 不會"鞋"口將豉油、薑絲、蔥絲和脆脆的炸蒜連同雞一齊放入口裡更是有另一風味非常香, 口感也很捧,連平時不吃蔥的我也大愛菜飯也是用心之作, 不會太油食伴的鴛鴦飯我們只有兩個人要食這個有點多, 店員姐姐也提醒個飯好大架喎!不過食伴想吃就點了, 心想吃不完可以包走紅汁蕃茄酸味較重, 我比較喜歡白汁但我太專心吃我的雞, 沒專心嚐這個...總結，絕對會再來啊!好味道, 而且平宜抵食!

之後好耐之前都食過一次，最回味既就係佢既霸王雞...上面既蔥同埋炸蒜粒。鋪頭個位都幾方便，就起合益附近，好方便。入到去唔洗睇餐牌，同朋友一人一個霸王雞套餐，我仲特別叫姐姐俾多少少蔥同炸蒜粒。來到之後，簡簡單單，一碗菜飯，同一大碟雞。雞每次食親都好滑，但今次但雞胸個位有少少"梅"，但菜飯d菜仲好綠，無個種焗左好耐黃左既感覺。霸王雞佢下面d汁其實都好惹味，有小小微辣既感覺，再加上上面灑滿的香蔥同埋香蒜，撈飯食一流。佢就附送左個老火湯，仲有小小湯料俾我，以前果d唔覺得有太多味精，不過今次既明顯鹹左點點，但係佢有俾雞腳我覺得足料就算啦。不過大家要留意，佢d雞既野食都會跟番市場雞既價錢，所以大家去食既時候最緊要睇清楚。

其實元朗真係好多好野食今次朋友就帶cyn來到一間食霸王雞飯的地方原來霸王雞飯幾好食在霸王雞上就無限蔥粒和炸蒜粒「送飯」真係大fit整碟雞都十分滑身都整得十分入味還有菜飯真係大fit不會太油…還有菜粒都不少$51+$6有飯又有湯大正