過橋麵檔

营业中

休息中

呢日為食豬去到元朗，搵搵吓見呢間餐廳嘅好評非常多，一於試吓啦。夜晚8點鐘左右嚟到係要等位嘅，不過等咗3個字就有位。選擇都唔少，價錢亦合理，不過留意返某啲食物星期六日同假期係有附加費。見餐廳好多人食霸王雞，為食豬都叫咗一份，另外要咗個咖哩牛腩飯。霸王雞菜飯: 雞嘅份量唔少，但唔知係咪部位問題，都係骨多肉少。雞肉嫰滑，就算係瘦肉部位都唔會“鞋”。霸王雞嘅配料好豐富，雞嘅面頭鋪咗大量薑蔥絲，炸蒜粒同辣椒粒，而雞嘅底下亦有唔少芽菜。豐富嘅配料唔單止為雞嘅味道增加層次，配合芽菜食更可以同時體驗爽脆同嫰滑嘅口感。咖哩牛腩飯: 有別於一般茶餐廳嘅咖哩，呢度嘅咖哩好似更有印度風味，少少辣但好香。細心嘅係椰奶分開上嘅，客人可因應口味自己加椰奶調較辣度。另外，咖哩入面竟然搵到蕃茄同青瓜，令咖喱食落更清爽。牛腩煮得都算腍，同時保持咬口，但就唔算入味。為食豬仲加咗12蚊要咁曲奇碎紅豆冰，呢杯嘢飲就令為食豬有點失望。首先面頭大量嘅cream已經令為食豬怕怕，曲奇碎同紅豆份量太少，冰又太多。實際上都冇咩嘢飲落到肚。

入得元朗無可能唔食霸王雞菜飯.. 每次一到夜晚時段就排晒隊.. 等左成十幾張枱終於到啦.. 開心開心見到有新野就試下巴辣雞.. 我自己本身好鐘意食辣.. 難以抗拒.. 不過無想像中咁辣只係覺得好多油.. 同埋芽菜都吸哂油.. 感覺好油膩.. 再多啲辣會好啲..招牌菜霸王雞我每次入元朗都必食.. 食落啲雞感覺都似新鮮雞.. 雞肉好咬口.. 食咁多次水準都無變差.. 份量依舊.. 配上菜飯一流..我加左6蚊碗例湯試下.. 期望太高.. 其實同茶餐廳飲嘅一樣.. 當然飲完都係口渴架..

霸王雞飯其實即係完全無雞味既雪雞加個豉油汁大家應該幻想到個湯係ok gei, 起碼無味精。。好似係五香拼盤飯， 正常ok......但。。對面四周圍打冷個d應該好食n倍

我一向都不喜歡食雞，怕肉唔滑，不過朋友介紹這間好食，便去試下。果然太部分雞肉都係滑，而且分量好大，飽到儍，可惜味道有少少咸。老火湯值得推介，無味精，好飲，而且好熱，正呀！

個鹹雞有餣過，跟菜飯，仲有兩個醬汁俾你點沙薑同蔥油。霸王雞飯勁多怱同乾蒜，佢個底有好多芽菜d芽菜好入味。我個人比較重口味會鐘意食鹹雞多d🤗環境係有d逼唔可以舒舒服服咁坐服務都OK，係叫幾多次先有人落單百二蚊兩個人係抵食既

山長水遠黎到元朗就係為左黎食霸王雞!去到要等一陣位,不過好快就有位了霸王雞肉唔算滑,但係好好食雞上面仲有好多配菜,有芽菜,蔥,炸蒜,蔥,辣椒,芽菜咁多樣野夾埋一齊食真係好唔錯,令到霸王雞味道更加突出個份量相當多,加埋個菜飯,真係飽到不行了山長水遠黎到係值得既

講個秘密比大家知😂😂，屈小姐尋晚訓緊覺果陣已經糾結緊今日lunch係過橋麵檔食咩好😂😂，但令佢糾結既，唔係霸皇雞喎，因為佢話 : 【聽日就食霸皇雞啦!食霸皇雞一定要叫埋菜飯食】，好少可有野食會令屈小姐咁firm嫁，而呢度既霸皇雞就係令屈小姐心癢癢既原因啦! (謎之聲: 屈小姐只係糾結第2樣野食咖哩定車仔麵咋😂😂😂)12點幾黎到，仲未有人排隊，可以即刻入，勁正! 一坐底，賴生已火速叫左霸皇雞菜飯同比左張車仔麵紙比屈小姐揀佢揀左香辣牛𦟌腐皮魚卷生菜蘿蔔米線1) 霸皇雞菜飯 (5星)- 被御賜為過橋既signature, 黎親都要食- 滑嫩既雞肉，加上香脆既炸蒜，大量既葱絲，索索聲既芽菜，辣辣地既辣椒，只可以講係完美既組合，無論口感，味道，香味都極度有層次，食佢係一種享受（屈小姐話識食一定係一啖包含哂咁多樣野，享受佢多層次嘅味道）2) 香辣牛𦟌腐皮魚卷生菜蘿蔔米線 (5星)- 好細心，因為個香辣醬係比較辣既，所以佢分開上，由你自己加。另外，腐皮魚卷係炸既，為左唔會整淋佢，佢亦將佢置左頂，唔會碰到湯- 牛𦟌 : 入味，好淋，有d似台灣既紅燒牛肉，但當然未到咁濃味- 腐皮魚卷 : 外層超脆，裡面

元朗朋友誠推呢間食店，就算排隊都要食。招牌霸王雞菜飯，好足料兼抵食，雞滑肉嫩加上葱段、辣椒和蒜蓉，好惹味。菜飯好健康，沒有過多的調味。另外魚和豆腐已估清，點左豉油雞菜飯，都好正，有大量芽菜托底。小食麻辣木耳，真係幾spicy，但又食唔停口。凍咸檸七碎冰上，友人覺得幾有heart。

有朋友係元朗收工，有諗住食b仔，但又覺得好似食左好多次，諗住轉第二間食晚餐。友人就話附近有間叫過橋麵檔幾出名，食薑蔥霸皇雞菜飯既。結果七點幾去到，幾多人排隊，要拎籌，排左大約40mins。但係睇舖面，好似可以用apps拎定位先，不過今次真係唔知⋯點咗薑蔥霸皇雞菜飯（$57），原價$53，假日加$4，冷熱飲加$6，即人均$63。 面頭好多薑蔥，岩鍾意拎黎送飯食既朋友，而啲雞肉夠嫩滑，但部分位置嫌偏咸，但配埋個菜飯，岩岩好既！ 仲有點樣巴辣雞菜飯，同價，方便share，試哂兩款。菜單就有三隻辣椒仔，原本都驚幾辣，但食落，雞肉係嫩滑既，肉味唔會比辣味蓋過，同埋個辣度似譚仔七八小辣啦，所以無咩野。 整體黎講，雞肉較嫩滑，而菜飯又比一般既好食好多，所以咪轉白飯！而同個朋友都覺得薑蔥霸皇雞菜飯好過巴辣雞既。

已經食過幾次，次次食都咁有水準。黎得緊係要食雞飯啦。雞一d都唔「鞋」，而已份量十分足。當然雞係重點，但係我自己覺得重中之重係雞上面既蔥同雞下面芽菜，依兩樣吸左d雞油同豉油，用來送飯十分可口！！你話想食辣又得，食巴辣雞。不過小弟覺得油左少少，反而唔夠出面口水雞好味。所以重點推薦-霸王雞飯/菜飯！

元朗這小店都好多食話吾錯，今日專登過去試下，7點多到門口都有十多人，大約等了15分鐘就入去，坐得比較迫而價錢都合理抵食，最後每人大約$70都飽肚離開我地叫左2款雞加一隻雞蛋，整體雞肉質都嫩滑份量都吾少，下面全係芽菜吸晒醬汁味不錯霸王雞菜飯…勁多蒜同香䓤，但香䓤沒有油泡過所以味道沒有，食落似咸雞多點，菜飯好味道，多菜之餘有油香的飯，怪不知人人都叫菜飯黎食巴辣雞米粉…類似口水雞的味道，講真吾錯，有辣有麻但太咸，而且米粉的湯有點奇怪味，所以最後食了幾口就放下了飲品每款食品加＄6就有，檸檬茶味道正常但奶茶偏淡冇咩茶味醉雞蛋…好失望，蛋完全沒有酒香，有少少淋身的蛋王，但又吾可以當流心咁食，酒還酒蛋還蛋，咁就＄8..吾會再食

某日工作加班下班後，專程步行來這邊吃過橋的雞飯。霸王雞菜飯，不少荵絲、薑絲在上方，不醮底下豉油會較淡，如配以底下的豉油則越吃越咸。雞，總非新鮮，但亦不會吃到雪氣，也不會鞋身太乾。雞脾位置的肉質較具彈力，加點面頭的荵絲及蒜粒則更添香味。菜飯的菜粒細小，慢慢吃時可能不太會察覺菜絲。碗子少少，配吃整碟雞，其實不太夠，還要越吃越咸，如果多一點飯則更佳。凍檸茶，使用舊式小圓杯，而非沒有感情的特飲大杯子。檸檬足足有三四片，鮮香，茶味亦夠濃，有經典茶餐廳的濃度。大電視播著劇集，不少人齊齊來吃家庭晚飯，樂也融融，雖然太濃太油不健康，但間中來過過雞癮也不錯

呢間餐廳已經變成元朗做嘢嘅飯堂，我食雞食到有啲厭，今日試車仔麵，桌上有揀餸紙，揀好比店員落單！再奢侈啲叫多個甜品！三餸車仔麵（$44）湯底有好多菜甫、芫茜、青蔥，好香口！湯底濃香！米線彈牙好滑！豬紅：豬紅方塊彈牙，不過唔濃味！正常！雞翼尖：有5隻咁多，不過唔夠入味，而且好肥！一般醉蛋：用碗仔另上，凍食，酒味唔濃，蛋白好彈，蛋黃軟身唔流心！好香滑！見個甜品好耐都未到，問另一個女店員，佢問番我落單店員有無提醒我要等15-20分鐘！我話無不過照等！凍蓮子蛋茶（$12）終於等到，糖水微凍清甜，一隻滾水蛋，蛋白幾滑，蛋黃已全熟，好粉所以無食！蓮子係敗筆，太硬炆唔透！差！店員爽快！車仔麵幾好，糖水唔得！

朋友介紹，上黎睇埋食評，山長水遠黎食。個人口味唔同，唔覺有食評中講得咁好食，好多人所以要被安排坐位，坐得好唔舒服。食咗個霸王雞，價錢合理，啲阿姐都好快手快腳，感覺一食完好走，未坐係度講嘢，出面仲有人排隊入黎食。

按完摩，成個人鬆晒，係時候食飯醫肚仔啦!最近興起雞既狂熱，賴生就帶左屈小姐去過橋麵檔食King of the chicken, 霸皇雞! 然後，屈小姐就問賴生除左霸皇雞，我地叫「咖哩牛腩定南瓜盅好呀?」賴生就答佢咖哩牛腩啦，你對眼話比我知你揀好左! 嘻嘻去到已經9點啦，門口都仲有一堆人等入座食飯，可想而之，間野係幾受歡迎同好食! 等左30分鐘到啦，終於入到去，佢坐位其實逼嫁，但佢地好貼心咁係枱底裝左勾，等我地可以勾起個袋，坐得舒服d!最後我地叫左 霸王雞菜飯，咖哩牛腩飯同清湯浸蘿蔔，菜心&醉香蛋!食後感 : 成間野都出品都可以話係中上之作，絕對係翻啅able!1) 霸皇雞 (5星) : - 雞肉唔算超滑，但都好好食- 配合炸蒜，香蔥，薑絲，辣椒，芽菜，豉油一齊食，成個味道好有口感好有層次，每樣食材唔會搶味，互相輝映- 識食一定將所有野連雞一齊食2) 咖哩牛腩 (5星)- 個汁雖然唔傑身，但其實極度惹味，撈飯食一流- 牛筋炆到淋到一個點!- 牛腩選用筋腩位，炆得淋之餘，有咬口- 同埋青瓜蕃茄一齊食，甜甜酸酸更開胃，又降低油膩感3) 醉香蛋 (4星)- 甜得黎帶淡淡酒香- 如果個蛋整得再溏