逸東軒

营业中

休息中

上月《香港澳門米芝蓮指南2024》名單出爐，當中不乏五星級酒店高價位餐廳，想經濟一啲品嚐榮獲米芝蓮殊榮嘅餐廳，逸東軒確實係不二之選。逸東軒位於逸東酒店B2，由地面行兩層較狹窄嘅樓梯，感覺隱蔽。餐廳裝橫古色古香，枱與枱之間非常闊落，同一般中菜廳狹窄擁擠嘅佈局大相逕庭，環境舒適愜意，好適合同親戚朋友茶聚。點心款式同普通茶樓大同小異，不過逸東軒嘅點心食材比較新派，菜名都冇咁刻板。今次我哋兩個人一共點咗5碟點心同甜品。第一碟點心係香麻叉燒酥。呢碟看似普通，但我哋兩人一致認為係五碟之中最好食。叉燒酥外皮酥脆可口，叉燒肉質鮮嫩多汁，蜜汁醬香味四溢，口感有嚼勁，係必點之選。平時食燒賣都係食魚肉燒賣多，今次就點咗籠帶子蒸燒賣。原粒帶子配燒賣冇違和感，帶子望落好有光澤，食落新鮮又爽口。之後仲點咗春風得意腸粉，出面層腸粉皮包住中間塊春卷皮再包住蝦肉，有層次口感。腸粉仲可以配搭甜醬同芝麻醬，如果蝦肉餡多啲豐富啲會更好。淡綠色嘅斑蘭流沙包外皮好柔軟，雖然斑蘭味唔算太出眾，但個個包都做到流心奶黃效果，流沙內餡亦算口感順滑，整體不過不失。最後以香芒糯米卷作結。芒果好鮮甜，芒果糖糯米嘅比例係9:1，食完唔會覺得滯。

逸東軒果然米芝蓮一星餐廳，以酒店平日中菜廳黎講算係多人飲。地方闊落，招呼好，食物方面就中規中矩啦😆我地叫左個二人餐加幾個點心。二人餐內每款食物都自選我地揀左👍🏻是日老火湯：今日係木瓜螺頭湯，好飲又足料👌🏻叉燒 ：唔差，但無想像中咁好，因為聽講話出名，叉燒都淋但唔算好好食👍🏻脆皮乳豬鮮蟹肉炒桂花：好食，乳豬皮好脆，肉又嫩，蟹肉味就唔算好出但啲蛋炒得好香👍🏻高湯竹笙浸唐生菜：好食，啲菜好脆嫩又唔會好鹹👌🏻瑤柱崧子蛋白炒飯：正常👌🏻香芒糯米卷：正常點心方面👍🏻蘿蔔絲酥：個皮做得好，熱辣辣好新鮮👎🏻叉燒包：個包皮偏立口但夠甜，餡料味道平平，唔啱我口味👍🏻芋角：咁多樣嘢之中最好食😋因為唔多地方食到，佢外皮同個餡都好好，芋頭好香👌🏻蝦餃：偏細粒，但蝦新鮮，個皮都ok總括來說質素都ok，但唔大驚喜，食物唔算好貴，環境好，坐得舒服，不過唔鐘意暗嘅人就唔啱，因為佢係地庫無風景睇，樓底亦唔高，勝在闊落唔迫。

上星期Happy Friday即刻去逸東軒食番個lunch🥸雖然平日但都幾多人～不過環境同service都幾舒服💆🏽‍♀️Overall係中上，唔會話好驚艷～lunch食就似係高級啲既茶樓咁而價錢其實又唔算好貴，一大班人去都幾岩～🍖𝙍𝙚𝙘𝙤𝙢𝙢𝙚𝙣𝙙𝙖𝙩𝙞𝙤𝙣𝙨蜜汁叉燒拼脆皮燒腩仔 $380啲叉燒真係幾嫩，啲肉肥瘦適中燒腩仔個皮係真．脆．皮🥰唔似出面個啲放左成日已經冧曬烤鴨二食｜生菜鴨崧 $780坦白講片皮個part就一般，因為啲肉有啲太多啲皮唔係好夠🥹但係加左個個鴨崧二食就真係好好食，好惹味，包住生菜食又少啲油膩感佢個麻辣撈雞絲（$58)都好食！辣度岩岩好，啲雞絲超．級．嫩！

第一次到訪因為朋友想試香港的點心，環境舒適空間闊落，地點是不錯的。點心方面大部份屬於中上但沒有特別出色的。服務員和點心姨姨大致上有禮客氣，唯獨一個戴眼鏡的部長態度傲慢，語氣不耐煩。因為網上訂座的時候見到點心有優惠，但是到訪後見到餐牌價錢不一，所以才詢問價錢是否根據餐牌，雖然該員工亦有解釋公眾假期除外，但感覺他極其不耐煩。他當下的回應是「你見到餐牌梗係跟餐牌啦」直到後來餐廳差不多要午休的時段，該戴眼鏡的員工再次前來詢問我們是否用餐完畢，因為他們要執拾東西等等，我已第一時間點頭及表示已經用餐完畢，但他仍喋喋不休和表現得十分不耐煩給予我和友人的感覺是他在發脾氣。直至到我實在忍無可忍回應你執得㗎啦，該員工方正常地表示謝意及收拾。雖然食物尚可，但是這等令人費解的服務態度實在不必再次光顧。

自從依幾個月先開始寫OpenRice食評之後，睇返原來先知自己食咁多好西，復活節假期第一日留港消費，選擇這間食肆，真係物超所值價錢是有佢道理嘅。啱啱有個屋企人坐輪椅但係都好方便，搭lift再落B2完全冇需要行樓梯…內裏空間感大，有細中大枱，舒服燈光少暗有格調，裝修靚裝古色古香，正👍⋯⋯今日星期六booked 10:30am 都爆場了。點心choice 咗十幾樣，冇乜邊個係唔好食，但可能個人喜好啦叉燒是有一點肥，有屋企人話好食而我覺得就肥了點.特別推介點心蛋散，燒鱔，燒賣，腐皮卷，同埋點心餐牌第三頁之各款甜品….五個人食咗先$1800左右，值得、好食、會再次幫襯….

Slice-skin Chicken                                          The Slice-skin Chicken at R-Yat Tung Heen is a true delight for the senses. Tender chicken slices are meticulously marinated and skillfully cooked to perfection, resulting in a dish that is bursting with flavor. Mala Cake                                         This fiery dish features a delectable combination of tender beef slices, vibrant vegetables, and aromatic spices, all enveloped in a rich and spicy mala sauce.  Crispy Quicksand

好一陣子沒來了，在逸東軒飲茶相對安靜而悠閒。坐好，開一壺熱騰騰香噴噴的菊普，呷一口茶，暖胃舒心。今次和朋友二人飲茶，還是點了逸東的幾樣招牌：例牌叉燒，香麻叉燒酥，蝦餃，芫荽蔥花帶子粒腸粉，再加一碟清清口的雲耳拍青瓜。這次的叉燒不但上枱時熱騰騰的，整條的部位也非常難得地靚。通常叫原條叉燒，一頭會是半肥瘦的「三粒肉」，另一頭則會相對偏瘦而乾柴（雖然逸東的叉燒就算是偏瘦的部位也不錯，但叉燒就是要夠肥美才甘香）；這次難得全條叉燒都是半肥瘦，肥美、鬆化而脂香四溢，外層的叉燒醬已烤得焦糖化，真是好吃到不得了。逸東的點心不時會有新款式，作為「膽」的燒賣、蝦餃等則不變；香麻叉燒酥也是「膽」之一，不過會換上稍微不同的名稱或配料，曾叫為「黃橋燒餅」、「叉燒燒餅」、「菠蘿叉燒酥」等，不過其實都是類似以叉燒餡為主軸的酥皮點心。這次落單時，特地拜託侍應「燒餅要熱些的」，事源之前試過幾次，在上枱時燒餅都只是微暖，可能是上一輪茶市已焗好，其香味和食味都大打折扣。這次燒餅上枱時，漲卜卜熱騰騰的，一咬開外皮，餡料滾燙冒煙。叉燒醬調味濃而不鹹，洋蔥的甜軟、外皮的酥香、芝麻的脆而香口，加上丁點兒辣豆瓣醬，真是惹味滿分。不過

係香港想食一間出名嘅中菜，逸東軒真係唔錯嘅推介👍🏻今年又再次拎米芝連一星，所以質素係有保證☺️因為同屋企人慶祝生日，所以就試呢間一直想試嘅餐廳🥰食完係覺得呢度嘅質素係值呢個價錢👍🏻下次可以試埋Lunch嘅點心😋.味道：🌕🌕🌕🌕🌕人均消費：$800.花膠鮮杏汁燉白肺湯 $188/位估唔到聞就好香，但飲落杏汁唔係好重☺️花膠煮到好淋同入晒味🤩白肺洗得好乾淨同埋好淋，入口非常潤喉，好啱呢啲季節飲👍🏻花菇黃耳竹笙菜膽湯 $178/位個湯好清甜但啲菇味好濃郁，係感受到用時間煲出嘅精華😍呢款全素湯真係估唔到都幾出味，冇任何肉做調味但飲落都好鮮甜☺️金沙脆豆腐 $118豆腐外脆內軟，超級好食🤩食落好酥脆而且豆味好香濃🥰咁簡單嘅食材都有驚喜，值得叫😍燒味雙拼 - 叉燒拼燒腩仔 $398逸東軒最出名莫過於係叉燒，每枱係必點👍🏻叉燒係肥瘦適中，食落叉燒醬唔會好濃值好夠味，而且係啖啖肉得嚟唔會濟🤩係香港真係算數一數二嘅叉燒🤤燒腩仔其實都好好食，肥瘦比較啱啱好同埋外皮好脆🥰芝士蟹肉焗釀蟹蓋 $198/位呢款中西fusion都唔錯，超多蟹肉😋而且唔會有好多蘑菇洋蔥果啲，係以蟹肉為重點👍🏻配埋芝士同蟹醋一齊食係唔錯😍脆

近排喜歡食中菜，比較吓邊度嘅叉燒好味。呢度有米芝蓮一星推介，今晚就嚟試吓係咪咁好食先😼餐廳環境闊落，坐得舒服。🔸燒味雙輝 - 蜜汁叉燒、脆皮燒腩仔 $398為咗叉燒而嚟嘅貓奴流晒口水🤤 沾滿蜜汁嘅叉燒肥瘦適中，咬落有肉嘅油香，肉質腍身。如果多返啲燶邊位就更perfect喇😋燒腩仔有驚喜，一層肉一層肥。表層非常香脆，黃芥辣係好溫和嘅調味，出色👍🏻🔸砂鍋薑蔥爆乳香銀鱈魚 $298粒上嘅銀鱈魚外脆內軟，爆起咗嘅豆瓣醬好香，沾上用薄薄嘅炸衣包住鱈魚，既香脆嫩滑又惹味😋🔸蜂巢茘茸鴨 $298驚喜之選😽 蜂巢芋茸炸得唔油膩同油淋淋，蜂巢咬落好鬆化加上軟綿綿嘅芋茸同炸至脆口嘅鴨肉，好出色👍🏻🔸花膠鮮杏汁燉白肺 $188吖咗兩個燉湯，兩款都好足料好濃，白肺湯杏汁味好出。🔸花菇黃耳竹笙燉菜膽 $178呢款湯相反較為清淡，剛好一濃一淡中和返。店員服務係有禮貌嘅，不過細節欠奉。好多時店員突然從後好近咁遞上menu問需唔需要甜品因為就嚟last order，又會突然從後出現遞上收據催埋單趕收工。(響其他酒店唔會咁。。。😐) 餐枱咁大，點解偏偏要響客人後面出現呢？大可從上菜位等客人見到店員先，呢個做法真係不解。

屋企人慶祝生日唔知去邊度食飯好 我會揀逸東酒店既逸東軒食 仲係米之蓮一星既餐廳明爐蜜汁叉燒 $298 叉燒肥瘦適中 😙餓底食叉燒要「半肥瘦多汁燶邊」 ✨佢呢個做到半肥瘦多汁 差左燶邊 有埋就perfect 池☺️七味鹽燒羊鞍 $298 略嫌呢個調味太重 蓋過了本身羊的香氣肉質非常鬆軟 好好食 🤤 脆皮片皮雞 （二食） $698 本時食片皮鴨就食得多 片皮雞真係未見過今次第一次食 佢同平時嘅片皮鴨一樣有京蔥同青瓜同埋海鮮醬 如果佢可以特調返個醬比呢個菜會再加分 同平時片皮鴨個醬一樣真係好似食緊片皮鴨咁 雖然個肉由鴨變左雞 但個醬一樣 就變左好似食片皮鴨咁 🤣雞崧炒飯 屋企既男人一定要食飯 呢個炒飯粒粒分明 仲食得出鑊氣☺️砂鍋薑蔥焗生蠔 $308 生蠔都幾大隻 有薑蔥既香氣 上枱時候打開個蓋出曬煙咁好吸引🤩

新年期間，好友相聚，選了米芝蓮食府逸東軒。逸東軒為米芝蓮食府，其出名的叉燒及片皮雞，當然是此餐飯聚的重點菜式，除此兩款菜式外，我們還點了蟹肉扒水耕生菜及琵琶豆腐蝦。🍽叉燒合乎水準。🍽片皮雞一雞兩食，除片皮雞外，還有雞肉炒飯或炒麵，我們選了炒飯，片皮雞都皮脆肉滑，炒飯都粒粒分明。🍽蟹肉扒水耕生菜正常發揮，但價錢要二百多三百元。🍽琵琶豆腐蝦不過不失。總括來說，因有米芝蓮加持，所有菜式都頗貴，一般菜式如蒜蓉清炒菜都二百多元。

媽咪生日話想食中菜，openrice見到呢間評分唔錯就book左位。壞境唔錯👍🏻，茶長期有火熱住所以keep住熱👍🏻食物價格唔平噶，片皮鴨連生菜包都要860幾額外再加一。以為佢米之蓮餐廳食物質素應該對得住佢個價啦🥲結果真係⋯唔可以話難食，只能說無驚喜，我係其他酒樓比一半價格可以食到同質素ge野🥲份量都係比想像中少，媽咪平時唔多事業都話份量好少只能說，5星級價格，普通酒樓質素🙁試過一次就好了，無必要再試🙏🏻

米芝蓮星級食府—逸東軒，自2017年起榮獲米芝蓮一星榮譽，由盛名大廚譚棟主理，主打烹調出地道手工粵菜🥢 餐廳裝潢雅致，務求重現出1920年代上海酒館氣氛，加上精美別緻餐具，提升左整體用餐享受🫖 主打脆皮烤鴨，一隻鴨兩種食法，上碟擺盤精美，但味道方面略嫌肉質未夠嫩滑香口；而另一種做法，將剩餘肉剁碎再配上生菜包，外層清新配上內層油脂豐富既鴨肉，口感相當唔錯。下次再試人氣明爐叉燒、片皮雞，希望更為出色～

成日都想去逸東軒飲茶終於今日年初五同朋友一齊來午市飲茶加團拜今日仍然有午市點心優惠叫左幾籠點心小龍包好好食D湯汁夠多呢個脆皮腸粉好有趣菜苗餃 超驚喜個餡好足料 又有湯水味限時90分鐘不過午市都夠嘅Overall service 都係好環境又舒服埋單我哋4個人$788都算幾ok~不過真係最好book定枱因為佢本身都唔多枱

裝修雅致裝潢，手工粵菜主理，環境似足年代上海懷舊餐廳個日入去率先食片皮鴨再食埋蟹羹，嗰日服務員不斷以都在我們附近周旋為我們服務，態度都10分良好片皮鴨叫咗兩食半隻，大大隻啖啖肉，咁味道都相當鮮味而且油份剛剛好，皮鴨皮脆，剩下的鴨肉就用作炒米粉用途，個鴨肉米粉鴨肉混和米粉之後再配合其他蔬菜配料都很不錯五星評分：🌟🌟🌟🌟片皮鴨值得一嘗燒腩仔同叉燒拼盤都值得叫燒腩仔肥瘦剛好而且表皮超脆獲頒米芝蓮一星殊榮的粵菜食府