逸東軒

難得好友返來聚下，相約到逸東軒飲茶，因為假日一定好多人訂定位先，見有3個時段揀，揀左14:30(用餐時間90分鐘)，Thanks友人book位。餐廳裝橫是中式的設計，深木色為主調，感覺雅致，樓底雖矮但並不侷促，枱同枱之間有一定的距離坐得舒適。茶芥，每位$28，菊普，清雅的菊花香氣。餐牌，作為米之蓮的點心，每款都好吸引。前菜。脆皮燒腩仔，$268，招牌之一，口感皮脆肉嫩，味道咸香，美味。荀尖鮮蝦餃，$72，都幾大粒，外皮柔軟煙韌，鮮蝦大粒爽口，美味。帶子蒸燒賣，$72，面層有帶子，立眼個賣相有點似魚肉燒賣，帶子滑溜鮮甜，燒賣口感紮實彈牙多肉汁。叉燒蒸腸粉，$88，腸粉滑溜軟腍有米香，內餡叉燒份量味道鹹香美味。脆皮流沙包，$72。外層酥脆內軟，內餡奶黃流沙香甜，美味。叉燒蒸腸粉，$88，腸粉滑溜軟腍有米香，內餡叉燒份量味道鹹香美味。果然係有水準，坐得舒適，服務幾好，難得大家可一聚實在太好了。…查看更多

呢間逸東軒係逸東酒店入面，連續9年拎左米芝蓮一星🌟，好多人食過都話好食同性價比高🤪仲有代客泊車服務，非常方便👍🏼一早book定位，佢會whatsapp confirm booking同可以預留食物添😺我地果晚就食佢嘅米芝蓮星級盛宴（$938/位）🤩🔻▪️逸東一品薈萃所有食物佢都會每人一份咁上🙂呢個一品薈萃有蜜汁叉燒、話梅車厘茄同花雕醉雞😍啲人話逸東軒嘅叉燒好食，果然係好正！厚切得黎夠juicy, 肥瘦適中，好食😋本人唔好車厘茄，但係其實都唔錯，醉雞就standard啦🔻▪️珊瑚蛋白百花釀帶子呢個都幾特別，佢嘅帶子係連埋啲蝦滑一齊整，下低其實係好滑嘅蛋白，上面鋪左一層啲湯汁咁，不過有啲人唔中意食芡汁嘅可能會唔中意😛🔻▪️松茸花膠佛跳牆呢碗湯真係不得了，本來就咁叫都要$428/位….入面有鮑魚、海參、花膠同瑤柱😍真係好滋補，好味😋🔻▪️十頭飽魚扣南乳一字骨兩樣都好食，南乳一字骨，煲到啲肉真係勁腍！鮑魚都幾大隻，又係一啲都唔韌🙂👍🏼🔻▪️豉油皇煎班球原來條魚係東星班黎，煎到出面塊皮少少脆，同埋好惹味😛但魚肉好滑🔻食到呢度其實都好飽🤣呢個時候仲有迷你砂鍋和牛鬆炒飯、擂沙湯圓伴香芒糯米卷（係芒果有少少酸）同埋南瓜仙米露🤪真係超級飽！但呢個餐真係好抵食，果然性價比高☺️…查看更多

幾次訂枱不果，終於可以在以性價比聞名的逸東軒品茗。米芝蓮星級食府而言，這裏的裝修比較簡單，格調也十分平民。餐牌簡單直接，最廉宜的點心$38便有交易。茶位價格十分合理，芥醬及前菜不另收費。帶子餃的餃皮非常薄，外貌翠綠，令食慾大增，目測只見青綠的菜苗和細小的帶子碎交織在一起，婆參的存在大概是點點膠質的口感，但依然與菜苗和帶子十分相襯。南瓜餃外型飽滿，南瓜粒和蝦肉在半透明的餃皮下顯而易見，南瓜蝦餃與平常的蝦餃最大的分別是南瓜的甜香和些微蟹肉的襯托，在經典中尋求創新。鯪魚餅混入不少臘腸碎及香芹粒為魚餅增味增香，味道平實簡樸，點睛之處在於自家製作的蜆蚧醬，油潤富咸香。腸粉是閨蜜的心愛炭水，近乎是必點之物，餡料選了招牌叉燒，叉燒口感柔軟，肉味香濃，還帶一絲絲甜甜的香味，不愧為食府的招牌名物。叉燒包新鮮出爐，皮脆包軟，叉燒餡料當然不可與腸粉的叉燒相比，但作為甜品，十分稱職。馬拉糕渾圓光滑，包子蓬鬆帶彈性，溫潤的奶香和焦糖香非常出色，美好地完結今天的點心時光。…查看更多

好難得同家人一齊去食fine dining，我哋揀咗《逸東軒》作為我哋三母子嘅理想聚會嘅地方。因為我哋得三個人，所以唔係叫咗好多嘢食。湯我哋叫咗兩個「花膠鮮杏汁燉白肺 」同一個「金粟生拆蟹肉羹」、「馳名燒味雙輝」、「脆皮逸東烤鴨（二食)」、「三蔥爆龍蝦球」同甜品嘅「楊枝甘露」、「香芒布甸」同「香芒糯米卷」。睇落好似唔係好多，但大家都超滿足。環境方面一定有得輸，話哂都係酒店，環境食物方面都係評分極高，服務亦都好好，幸好冇遇到foodie所講嘅服務咁差。「花膠鮮杏汁燉白肺」 呢個係去到邊間餐廳，只要有呢個湯都會點嘅白肺湯。呢個「花膠鮮杏汁燉白肺湯」真係冇得頂，湯入面有大大舊嘅花膠同一舊洗得極乾淨嘅豬肺，毫無雜味，火候掌握精準，食材精華盡數融入湯中，湯頭濃郁得嚟夠清甜，杏味夠特出。「金粟生拆蟹肉羹」 呢個「金粟生拆蟹肉羹」完全冇得頂，湯羹質地綿滑，蟹肉鮮甜，份量足料，絕無欺場。粟米嘅香甜更加帶出蟹肉嘅鮮味，兩者配合得天衣無縫。入口溫潤順喉，味道清雅卻層次豐富，每一啖都係師傅嘅細心同手藝，令人回味。「馳名燒味雙輝 - 蜜汁叉燒、脆皮燒腩仔」 逸東軒嘅「蜜汁叉燒同脆皮燒腩仔確實係」名不虛傳。蜜汁叉燒選用半肥瘦脢頭，肉質鬆化，蜜味香甜恰到好處，唔會過膩。脆皮燒腩仔層次分明，皮脆如紙，肉質鹹香入味，蘸上少少芥末更顯風味。兩款火候都掌握得精準，睇徥出廚師嘅功架，係傳統粵式燒味嘅高水準之作。「脆皮逸東烤鴨（二食)」1 - 配傳統春餅、青瓜、青葱及海鮮醬逸東軒嘅「脆皮逸東烤鴨」一味兩食，實在好期待，第一係配傳統春餅、青瓜、青葱及海鮮醬，鴨皮烤得香脆通透，色澤金黃，入口即化。鴨肉嫩滑多汁，油香豐腴而不膩。配上傳統薄餅、清爽青瓜絲同葱段，再點少少海鮮醬，各種味道層次分明，配合得天衣無縫。整體味道傳統得嚟盡見功架，充分展現粵式烤鴨嘅精髓。2 - 「生菜包鴨崧」做得相當細膩。鴨崧切粒均勻，炒得乾身香口，醬汁調味恰到好處，鹹鮮惹味。混合一些菜類變得爽脆無比，加上熱辣辣嘅鴨崧，食落清新不膩，係一道好有心思嘅菜式。「三蔥爆龍蝦球」呢道菜絕對係一道展現粵菜功架嘅美饌。龍蝦球肉厚實彈牙，鮮味十足，顯然係新鮮拆肉，絕無冰藏嘅霉口。師傅刀工精細，每件龍蝦球大小均一，確保受熱均勻。加上三蔥嘅香味，增添咗清新氣息。三種蔥段層次分明，交織出複合而和諧嘅香氣，完全唔會蓋過龍蝦嘅鮮甜。鑊氣十足係另一亮點。猛火快炒鎖住龍蝦肉汁，外層微微焦香，內裡保持嫩滑多汁。芡汁頭薄而透亮，緊緊掛在龍蝦球上，鹹鮮味醇，帶出龍蝦原味之餘，更將三蔥之香融為一體。呢個菜式盡顯色、香、味、口感嘅完美結合，盡顯廚師對火候同調味嘅精準拿捏。甜品我地揀咗「楊枝甘露」、「香芒布甸」同「香芒糯米卷」，三樣嘢都係有芒果嘅元素，而且價錢都唔貴，最重要嘅係芒果唔係酸嘅。呢一餐對我嚟講係超讚，冇得頂嘅飲食體驗，我一真都覺得酒店嘅中餐係麻麻地，但《逸東軒》做到超級水準嘅菜式，真係好想試更多佢唔同嘅菜式。…查看更多

Michelin One star for many years and we finally come to visit Yat Tung Heen, so many ppl coming here to have lunch and as we too haha, strong chinese environment and i like the paintings here haha esp three orange swimming fishes super lovely hahaa Deep fried Taro Puffs with minced pork and shrimp is okay but a bit of disappointment, because this one is one of best sim sim here, yes the taro is quite soft though not that outstanding, just like in other chaliu, maybe i have rather high expectation on michelin one star sad… Deep fried Custard Bun is a lovely one haha, it is made of mantou with custard sauce, i think the chef deep fried mantou which having yummy egg yolk custard sauce insides hahaBBQ Pork Pastry with sesame is the bessst one here here hahaaaa super yummy and delicious, in very good standard, i like the super friable layer with very good degree of soft and crispy texture i’m lovein it soso much loveyayaa this one is a must have item yaya, you know what i say when you try it, haha and the bbq pork is soso yummy Shanghai Soup Dumplings with minced pork is pretty disappointing sosad, really just okay, the one we tried in shanghai seems much more outstanding sad but they are so much cheaper lolllappetizer common beans with preserved meats is surprisingly good haha, i like soft beans and well seasoning bacons haha outsides:insides:menu:guess maybe the staffs are pretty busy because really many ppl come here, they always putting wrong plate lolll, but most staffs are so helpful and friendly haha, very good dinning environment, and i like the room of Yat Tung Heen haha …查看更多

今次午餐去咗逸東軒，環境好靚又夠寬敞，燈光明亮，牆上掛住啲靚靚中國畫，坐得舒服又唔迫，服務員態度好親切，斟茶都好細心，氣氛好 chill。唔洗等位，真係開心😄筍尖鮮蝦餃蝦餃皮薄而有彈性，入面蝦肉鮮甜爽脆，仲有筍尖增添口感，真係10/10，食落juicy又唔會過腍，完全係我食過最好嘅蝦餃之一！👍保健老火湯湯底清甜又帶淡淡藥材香，豬腱肉質軟腍易咬，味道夠溫和唔會太鹹，好啱夏天飲，飲完精神爽快，感覺好滋潤。👌香麻叉燒酥酥皮熱辣辣，層層酥脆，叉燒餡帶少少甜味，肉質鬆軟，口感好豐富，每一口都充滿叉燒香，好推介！😍整體嚟講逸東軒午餐真係好滿意，食物質素穩定，份量足夠，服務又好，價錢合理，絕對值得再來！🎉…查看更多

我透過 Restaurant Week 體驗了逸東軒的午宴套餐，感覺非常滿意。江南美點包括筍尖鮮蝦餃、婆參帶子餃和蠔皇叉燒包，每款點心都細膩美味，蝦餃鮮甜彈牙，帶子餃鮮美多汁，叉燒包則香甜入味。主菜有珊瑚琵琶豆腐蝦、鮑汁花菇扒時蔬和香蔥燒肉粒炒飯，口感豐富層次分明，特別是炒飯粒粒分明，香氣撲鼻。套餐售價248元，還附有老火湯、紅豆沙和馬拉糕，份量充足，性價比高。我另點了逸東軒招牌燒肉，外皮烤得非常酥脆，肉質嫩滑，讓人印象深刻。服務方面亦非常周到，茶水隨時保持溫度，令整體用餐體驗更加舒適愉快。逸東軒不單菜式質素高，環境和服務也令人滿意，是一次愉快的用餐回憶，值得推薦。…查看更多

小編今日來到佐敦一間中菜餐廳「逸東軒」，這家餐廳自2017年起榮獲米芝蓮一星榮譽✨主打經典地道的傳統手工粵菜，午市每一道點心都展現出大廚的精湛手藝🙌🏻 餐廳裝潢以舊上海餐館為靈感，充滿復古上海的氛圍，茶具更以青花瓷設計，為食客帶來星級精緻的用餐體驗🧡1️⃣「帶子蒸燒賣」帶子鮮甜彈牙，豬肉和蝦肉餡料細膩多汁，增添鮮甜及口感層次✨2️⃣「筍尖鮮蝦餃」蝦肉彈牙飽滿，啖啖肉，餃皮薄身晶瑩通透，鮮味十足🦐3️⃣「金鈎蘿蔔絲酥」酥皮層次分明，內裡蘿蔔絲清甜爽口，鹹香適中不油膩🧡4️⃣「酥皮叉燒焗餐包」外層雪山酥皮，內裡叉燒醬香濃郁，麵包帶甜鬆軟適中，甜鹹搭配一流👏🏼5️⃣「瑤柱菜苗餃」瑤柱絲鮮香濃郁，翠綠菜苗爽脆清新，口感豐富💚6️⃣ 「賽螃蟹帶子蒸餃」餃皮柔韌透光，蛋白和帶子雪白，帶出鮮甜味道🦀7️⃣「原個馬拉糕」蓬鬆柔軟，蜂蜜香氣濃郁，口感細膩滑順🧡8️⃣「韭黃鮮蝦腸粉」腸粉皮薄，韭黃清香撲鼻，鮮蝦彈牙飽滿，加甜醬油提鮮🦐9️⃣「蟹肉南瓜鮮蝦餃」餃皮彈牙有韌性，充滿鮮甜滋味🦀🦐🔟「福建炒飯」蛋炒飯粒粒分明，以瑤柱、鮮蝦、雞肉、草菇、菜莖等材料製成，滿滿的鑊氣，口感豐富👏🏼；「銀芽肉絲炒麵」麵餅炸至乾身，銀芽爽脆，肉絲嫩滑，芡汁減少炸麵餅油膩感🙌🏻🍽 ：帶子蒸燒賣；筍尖鮮蝦餃；金鈎蘿蔔絲酥；酥皮叉燒焗餐包；瑤柱菜苗餃；賽磅蟹帶子蒸餃；原個馬拉糕；韭黃鮮蝦腸粉；蟹肉南瓜鮮蝦餃；福建炒飯；銀芽肉絲炒麵👅好味指數：8.25/10；8.25/10；8.25/10；8.25/10；8.0/10；8.0/10；8.0/10；8.0/10；8.0/10；8.25/10；8.25/10；💰消費：HK$72；HK$72；HK$62；HK$72；HK$72；HK$72；HK$62；HK$88；HK$72；HK$268；HK$258📍 地址：逸東軒 (佐敦)佐敦彌敦道380號香港逸東酒店B2樓…查看更多

🥧筍尖鮮蝦餃：咬開嘅瞬間先係驚喜！筍尖爽脆、蝦肉彈到會跳，餃皮又薄又透，鮮味直沖口腔，一個字——正！  🍑合桃叉燒酥：酥皮層次多到鬆化掉渣，入面叉燒餡甜鹹平衡得啱啱好，仲有合桃嘅香脆口感，齒頰留香真係冇得彈！  🥩香滑流沙酥：呢個必須重點吹爆！金沙流心流出嚟，鹹蛋黃香濃到暈，外皮又夠酥軟！！  🥙豉汁蒸鳳爪：炆到夠腍夠入味，一吮就脫骨，豉汁嘅香氣完全滲入肉裏，連骨頭都想吮多兩啖，經典好味從冇令人失望！  🌭春風得意腸粉：唯一小小遺憾！本以為會咬到脆卜卜嘅口感，點知外皮偏軟，冇咗脆皮腸粉嘅靈魂，只可以講係一般般啦😢  🥭香芒糯米卷：清新救星！糯米軟糯唔黐牙，芒果肉甜到爆汁，咬落清爽又解膩，食完鹹點嚟一個，幸福感即刻拉滿！  😋：今餐真係食到心滿意足！呢間茶餐廳絕對係我嘅「私藏最愛」——茶點質素同其他鋪頭比起來，真係有明显分別，用料同手藝都見得出用心，仲比好多難食又貴價嘅店抵食得多！環境又舒服，想食嘅朋友記得提前週訂位，唔好走寶啦！…查看更多

星期二約左朋友預祝佢生日，揀左想食好耐既米芝蓮一星食府: 逸東軒。服務普通，餐具唔算好乾淨，食物普遍都好食，但不至於係一星食府。前菜叫左普洱茶。筍尖鮮蝦餃、婆參帶子餃、蠔皇叉燒包除左婆心帶子餃，其他兩樣都好食。保健老火湯味道濃郁，唔會好鹹。珊瑚琵琶豆腐蝦呢個幾好食。鮑汁花菇扒時蔬花菇整到夠腍，生菜都煮得岩岩好，好食。香蔥燒肉粒炒飯叫左走蔥，炒飯夠乾身，可惜太鹹。是日甜品係綠豆沙，有陣唔知咩既味，麻麻地。馬拉糕正正常常，無乜特別。…查看更多

因為父母親想吃點心，又想見見孫女，他們住九龍，我特別去找一個好地方帶他們去。結果找到逸東軒，看到食物的 comment 正面，正準備週末一家人去嘗試一下這一家拿米之蓮獎的中餐廳飲茶。剛剛打電話去訂位，換來一肚子氣 😤😤😤 接電話是一位女的服務人員。我請教她，我想訂 5 位這個週末午飯，希望訂下午 1 點鐘。她回應，只有兩個選擇，一是早上 10：30，一是下午 2：30。我在想，早上 10：30 是早餐吧 😅 然後我說沒辦法，就訂 2：30 吧。然後她告訴我用餐是限時一個半小時。 我好奇問，是自助餐還是飲茶的呢？她說我們是中菜。我說中菜飲茶不常見限時，那麼我肚子餓不停叫點心，食不完，或者叫了個湯，你們來不及上怎麼辦？她沒有理會我的查詢，繼續講 “我們這裡要做 3 轉的，所以限時一個半小時。” 我感到超級莫名奇妙😵‍💫食好味道的，錢不是問題，問題是這種服務，配拿獎嗎？香港餐飲業什麼時候變成這樣子的呢？🤔…查看更多

之前試過晚餐好食, 服務又好, 剛好有位,立即book來試吓午餐先💞套餐有三款蒸嘅點心, 蝦餃,叉燒包,帶子,海參餃. 熱辣辣咁,又好味👍加一客芋角, 好酥,又唔太油膩☺️鮑魚灌湯餃, 上湯好好味,鮑魚雖然細細隻,但都有口感😉湯係粉葛湯,味濃,熱度十足💞鮮蝦琵琶豆腐, 新鮮大蝦,味道清淡,但蝦肉爽滑.花菇上湯娃娃菜. 菇又厚肉,又香又滑.楊洲炒飯,乾身,飯有咬口,用燒肉炒😍甜品綠豆沙,起沙但又有口感👍馬拉糕😋紅棗糕,淡淡的紅棗味☺️…查看更多

🍽️ 逸東軒香港佐敦「逸東酒店」星級粵菜食府🥢由主廚譚棟師傅帶領👨‍🍳憑傳統手工粵菜🥡連續九年（2017-2025）攞到米芝蓮一星🌟仲獲過《南華早報》100 Top Tables等多個獎項🎖️⚜️餐廳裝潢走1920年代上海酒館風格，用咗暗調燈光、深木色家具同復古磁磚，搭配牆上嘅中國水墨畫，低調得來有格調 🇭🇰香港餐廳週午宴🍤 江南美點✨筍尖鮮蝦餃：皮薄煙韌，蝦肉爽彈鮮甜，筍粒令口感更有層次✨婆參帶子餃：餡料飽滿，帶子嫩滑，海參煮到軟糯入味，蠔汁芡香🤏好啱鍾意濃味嘅人✨蠔皇叉燒包：包身鬆軟，叉燒餡半肥瘦，蜜汁甜度適中 🍲 保健老火湯木瓜湯飲落順喉滋潤🤏陣陣紅蘿蔔香味 🍤珊瑚琵琶豆腐蝦豆腐釀入彈牙蝦膠🦐蟹黃醬汁鮮香濃郁🫶🍄 鮑汁花菇扒時蔬花菇厚身軟滑👍煮得非常淋🫶鮑汁芡濃郁帶膠質🤏🍚 香蔥燒肉粒炒飯炒得乾身粒粒分明，燒肉粒脆皮唔油膩，蔥香提味，簡單但鑊氣足🍰 是日甜品：✨紅荳沙淡淡陳皮香！紅荳煲到起沙但保留少少顆粒口感，蓮子軟糯無苦味，甜度控制得啱啱好✨馬拉糕質地鬆軟🤏蛋香自然，甜度輕怡‼️追加：招牌叉燒腸粉（$88）一道頗失望既腸粉！腸粉皮厚又嚡口，叉燒餡偏瘦唔夠香🥲可以Skip…查看更多

有朋自遠方來，是時候來逸東軒，看看米芝蓮一星的實力。保健老火湯 — 南北杏陳腎西洋菜煲豬腱$380（一煲）天時熱飲碗老火湯，消暑清熱，口味溫和，男女老少皆宜。湯料加上少許醬汁，味道已很好。尤其豬腱，質地軟嫩，容易咀嚼。黃金脆豆腐$118充滿回憶的一道巧手小吃，這裡做得不錯，色澤金黃，外脆不油膩，內嫩保持水份。脆皮片皮鴨（兩食）$888一食：配傳統春餅、青瓜、青蔥及海鮮醬這個片皮鴨應該是我印象中吃過最難忘的一次，真的皮脆肉香。鴨肉沒有膻味之餘，質地軟嫩。純鴨皮入口酥脆，油香四溢，肥而不膩，配上春餅、青瓜、青蔥及海鮮醬，完美的配搭。二食：生菜包鴨崧首次吃以鴨肉烹調的生菜包，感覺新鮮。先純吃一口鴨崧，這轉嚐到有一點點鴨膻味，可幸恰宜調味令膻味不會太明顯。然後以生菜包鴨崧吃，發現膻味消失，新鮮的生菜把鴨崧變得更香更可口。野菌魚湯浸時蔬$238人大了吃飯時總會叫一客蔬菜。炎夏總想吃點濕潤的東西，魚湯有驚喜，沒有腥味，並為生菜帶來清新的感覺，怪不得是推介之作。環境舒適，空間寬敞，服務周到，以米芝蓮來說，我想價格不算太高吧。我最滿意是片皮鴨，有機會我想再吃。…查看更多

今日同朋友嚟食午茶，我哋叫咗蝦餃、燒賣、粉果、叉燒酥、蝦腸、灌湯餃、馬拉糕、棉花雞。蝦餃燒賣都唔錯，大粒彈牙爽口。粉果略嫌菇味唔夠，但勝在皮薄。蝦腸蝦肉彈牙但略嫌蝦味唔夠。灌湯餃皮好快林左，但有隻鮑叫魚，湯都好鮮甜。馬拉糕唔係好甜果種，整體鬆軟但唔夠香。棉花雞就得雞有味，其他都冇乜味，賣相都唔係好吸引。叉燒酥，叉燒多汁，酥皮好香，但酥皮味蓋過左叉燒味。整體而言試一次就夠。…查看更多