逸東軒

营业中

休息中

暑假的平日亦非常容易book位，今朝早先book，下午仍然有空位。叫了的所有點心和甜品都非常有水準。瑤柱菜苗餃10分推薦，皮薄餡靚原個馬拉糕亦非常鬆軟可口酥皮焗餐包味道剛剛好，不過不失。安煆鹹水角有驚喜，店員上菜時還溫馨提示我們小心燙口，10分貼心。最後要大贊XO醬炒蘿蔔糕，外脆內軟，非常可口！最後的甜品楊枝甘露和蛋白杏仁茶作總結，非常滿足。三人最後埋單都是五百多，非常划算！已經計劃好下次再去試埋其他點心！

老牌一星米芝蓮餐廳,位于佐敦逸東酒店地下負二层.入口于酒店側邊,并不是很好找.餐廳格調行西餐路線,适合情侣拍拖.服務員態度良好,招呼殷勤。做為米芝蓮一星食府,食物質素當然有保障.老友是餐廳常客.幫襯咗十幾年.話食物質素保持得好好.係現在飲食業環境黎講,十分难得. 焗雞一流,皮脆肉嫩.咸香得宜.咕嚕肉用豬柳整,諗生.調味又啱啱好.不會過甜過酸.凤梨係新鮮凤梨.食過好多間餐廳咕嚕肉,呢度算係出色果隻.炸雲吞配既糖醋汁好食.個人推薦以上三樣.

以往我的家人經常前往灣仔鷹君中心的「逸東軒」飲茶，因為「逸東軒」是一家出色的中菜館，而且是我長嫂的至愛。不過自從灣仔「逸東軒」遷出鷹君中心之後，即使仍有一家「逸東軒」在逸東酒店之內，但家人就沒有再前往「逸東軒」了；原因是居住在香港區的家人很少前往九龍區的食肆，長嫂已在灣仔區另覓其他酒樓食肆了。雖然我並非居住在香港區，老實說逸東酒店所處位置本人很少前往，酒店雖然是設在市中心，但除了酒店對面有一家永安百貨之外，周邊並沒有大型商場或購物地點，吸引力不大，除非特意前往該處用餐。我感覺香港逸東酒店是一間比較特別的酒店，是年青人較為喜歡的酒店之一，比一般傳統四星酒店較casual，但境藏有一間多年獲得米芝蓮一星的高品質烹飪食肆「逸東軒」✌️。終於在今年的五月和朋友到了「逸東軒」飲茶，因為這位朋於短時間內決定移民到英國😢，所以必定要在她離港前和她相聚一下，而「逸東軒」是她的選擇。 接着六月份又相約了一位中學同學敘舊，她碰巧當天在佐敦附近辦事所以我相約她再次來臨「逸東軒」飲茶🫖。「逸東軒」推出了午市$38 起($38至$85)堂食點心優惠👍，分三個時段(11:00am/12:45pm/2:30pm)，用

難得放假，想帶媽咪去飲茶，因為經開佐敦，就去試吓walkin 問逸東軒有冇位。可能因為星期一，仲係11:xx，竟然有位，好開心! 第一次試依間米芝連一星餐廳😚餐廳環境舒適，枱與枱之間唔會好迫。一坐低，餐廳侍應會細心遞上餐巾比您放喺雙腿上。 佢哋亦會禮貌問我哋想要咩茶。媽咪揀左菊花，味道清甜。我哋點咗：1. 蜂巢海鮮芋角2. 逸東小籠包3.帶子賽磅蟹蒸餃4. XO醬炒蘿蔔糕5.芫荽蔥花帶子粒腸粉同埋佢哋馳名嘅明爐蜜汁叉燒😛芋角外脆內軟；小籠包有一隻匙羹載住，d湯唔會流失；賽磅蟹餃精美；蘿蔔糕好入味；帶子粒腸粉鮮甜。而最好食一定係叉燒！！！ 外脆內軟，係偏向少肥嘅叉燒，亦都好juicy!!! 😋😋😋兩個人食到好飽，好幸福❤️ 媽咪打卡打得好開心😘如果您問我要改善嘅地方可能係：要請多d侍應落單，因為落單同事似係主要做收碟嘅，所以似冇咁熟手，不過overall都好有禮貌。同埋點心價錢唔貴$3x-9x 都有，直得再試👍🏻

同屋企人一行六人去逸東軒晚飯一星期前訂座預留左冬瓜盅，叉燒，片皮鴨當晚七時左右去到，都有九成入座率黃耳海皇冬瓜盅好味，清甜多料，完全不需再洛調味明爐蜜汁叉燒正常一般叉燒水準，下次再去食飯，唔會再叫脆皮逸東烤鴨（二食）一食：配傳統春餅、青瓜、青葱及海鮮醬二食：豉汁涼瓜炒鴨脯不過不失，用招牌菜水準的話，就未免會失色了砂窩和味銀絲焗蟶子皇正常水準，粉絲未入味砂鍋火腩薑蔥炆班腩正常水準，上菜是熱騰騰的鮑汁瑤柱荷葉飯有味飯，如果有荷葉香會更好酒店停車場收費：首2小時-HKD100（額外每小時HKD50）於逸東軒消費滿HKD800可享最多2小時免費泊車(一輛車)

🍽️餐飲： 💮片皮雞二食跟片皮鴨一樣配青瓜絲，蔥絲及海鮮醬，但整體味道相對清淡，雞皮香脆，但味道不濃，容易被海鮮醬蓋過二食是生菜包，生菜包非常出色，生菜爽脆，雞肉鬆加入很多菜粒去炒，一樣可以加海鮮醬，建議加，增加味道層次💮燒味雙拼（叉燒拼燒腩仔）真的要食！！！叉燒大大舊，但一點也不柴，外面是爽口，中間是柔軟的！！燒腩仔皮極脆！隔離枱都會聽到你在吃燒腩仔的脆度！💮二弄玻璃蝦球一邊是炒蝦球配玻璃芡，蝦球很爽，玻璃芡略嫌過咸，另一邊是咕嚕蝦球，蝦球先炸過，再包甜酸醬，蝦球炸衣仍保持到口感，甜酸醬很開胃💮南乳一字骨已經炆到很入味，但又不會過咸，肉質超軟，一字骨一拔就出，出色💮蛋白杏仁茶湯圓杏仁茶很香，不會有難以入口的藥水味，湯圓沒有選擇，只有芝麻餡，我對湯圓皮要求很過，這家的湯圓還好，湯圓皮不夠柔軟🎄環境： 環境寬敞寧靜，亦有包廂，如一大班朋友可先預訂座位。🎎服務：一流的服務，添茶、上菜、清枱面都很快手，太冷的話有披肩提供㊗️結論：米芝連餐廳當然不便宜，但食物質素及服務都很好，值得一試

明爐蜜汁叉燒 - $298都幾厚切叉燒有少少燶邊肉質好淋好鬆軟同行有朋友覺得叉燒唔夠肥美但我覺得可接受逸東片皮雞(一隻二食) - $698片皮雞真係第一次食因為平時都係食片皮鴨多呢個片皮雞都幾特別唔會好油膩連帶住嘅雞肉都好滑啲皮都Keep住Warm緊加埋啲蔥同青瓜估唔到又幾夾二食揀咗生菜包雞崧呢個雞崧我個人覺得仲岀色過片皮雞整得好惹味生菜唔係用唐生菜而係用西生菜感覺好似更加清甜爽口砂窩和味銀絲焗蟶子皇 - $428蟶子皇好厚肉同大隻而且好鮮甜唔會韌底下嘅粉絲都好入味唔會好鹹不過略嫌有啲油芝士蟹肉焗釀蟹蓋 - $594/位蟹蓋釀到漲卜卜不過有啲失策唔記得影低整開咗之後個樣添面頭芝士做到少少拉絲效果入面蟹肉份量好多啖啖肉嘅口感而且好鮮甜本身個調味唔會好濃所以都唔會蓋過蟹肉個鮮甜味芥末雲耳海蜇頭 - $138呢個前菜都幾唔錯個調味酸酸甜甜帶少少辣咁幾開胃雲耳同海蜇頭都夠晒入味爽口金莎脆豆腐 - $118無得輸嘅炸豆腐個皮好薄入面個豆腐好滑輪眼間就食曬野菌魚湯浸時蔬 - $228奶白色嘅魚湯都幾濃郁時蔬揀咗菠菜苗正常發揮鮑汁瑤柱荷葉飯 - $238多人好似點都要有一個澱粉質菜式呢個荷葉飯好好唔

星期六同朋友嚟飲茶，預約好安排坐寧靜嘅corner位😊🔸燒味雙輝．燒腩仔配叉燒🐷嚟逸東軒最喜歡就係食呢兩樣，燒腩仔皮脆肉嫩，叉燒夠腍又有焦香蜜糖味😋🔸金沙脆豆腐朋友喜歡食香口嘢，外層炸到金黃，入面豆腐保持嫩滑，加埋炸蒜好惹味。🔸蒜蓉鮮蝦春卷🥖🔸酥皮叉燒焗餐包🔸逸東小籠包點心中以上都好食或正常發揮，小籠包就非常一般。。。🔸芫荽牛肉腸粉🔸香荽牛肉球茶芥$28位，食物質素唔錯，地方坐得舒服😊🌸題外話：‼️建議預約‼️之後再同屋企人walk in嚟，準時10點正餐廳開門到達，店員要求我哋響門口等15分鐘後先可以入去，仲話15分鐘後就一定有枱。餐廳當時空無一人，既然一定有枱，點解要客人企響門口等15分鐘先可以入？難度呢15分鐘內會突然全場坐滿客人，所以唔會有位俾我哋？🤔 餐廳除咗食物質素，服務質素同樣重要，都嚟過咁多次，但服務總是令人失望，食物係米芝蓮質素，服務就有所保留喇，睇怕今次係最後一次嚟逸東軒了🙁🐾貓奴足跡🐾🌐逸東軒 (佐敦)📍佐敦彌敦道380號香港逸東酒店B2樓

今次黎到逸東軒飲茶🫖，環境好闊落，好適合飲茶傾偈🫶🏻，而點心亦都好食和精緻😋，知道佢最出名係明爐蜜汁叉燒，梗係要嗌返黎試下🙌🏻，入口超Juicy，好香蜜汁味，肥瘦適中，真係好好食，值得一試😚，另外比較特別和創新仲有帶子蒸燒賣和原隻鮑魚雞粒酥🤩，同樣Very good 👍🏻 其他仲叫左蝦餃，脆皮腸粉，酥皮叉燒包，馬拉糕，牛肉球等，都係不過不失，又未去到話真係必食，按返個人喜好選擇吧🤜🏻🤛🏻

酒店水準又親民少少嘅價錢食到，就約咗平日嚟飲茶，嚟到都唔少人 坐得都好舒服。每一份點心都好精緻，平日午市點心大概$38-58。帶子燒賣 蘿蔔絲酥餅等等都好食，叉燒需要散叫，埋單大概$7-800，間唔中食下都唔錯牆上嘅畫有藝術氣息，成個環境氣氛都幾好，亦都見有外國人嚟飲茶。茶味幾濃，食完飲下茶。唯一係侍應不斷收碟，同收晒碟仲問啲餸嚟齊未，食得快唔代表半個鐘就要清枱趕人走逸東軒 (佐敦)佐敦彌敦道380號香港逸東酒店B2樓

📍逸東軒位於逸東酒店入面一間著名米芝蓮中菜廳叉燒控表示衝住佢個叉燒而來🐷馳名燒味雙輝（蜜汁叉燒+脆皮燒腩仔）望到外表已經覺得唔錯，好有光澤仲排到整整齊齊，好有心思每舊叉燒同埋燒腩仔都切到差唔多size叉燒係半肥瘦，肥膏瘦肉分布好均勻，好有層次，唔會過分油膩每一舊都好入味，又好Juicy，燒到好有蜜汁味，但又唔會太甜，食到有燒香味肉質完全唔會好韌，夠軟夠淋燒腩仔都係好出色，外皮夠香脆，入面肉質夠香軟 真係食逸東軒必試！

又來到逸東軒飲茶（應該是第幾十次了）。逸東軒的叉燒做得出色，這次也是叫了叉燒系列的點心：芝麻叉燒酥和叉燒腸粉，另外還點了雲耳拍青瓜。落單時，特地跟侍應說叉燒酥要熱的；只因好幾次點同一道點心，叉燒酥都是早已焗好（可能是上一輪茶市的？），上枱時只是微暖而不夠熱，食味大打折扣。這次落單不久，叉燒酥比涼菜的雲耳拍青瓜還要早上枱，已經心感不妙。一摸之下，只有碟子是熱的，碟上的叉燒酥比碟本身更涼，只帶微溫。跟侍應反映後，侍應很有禮的替換了一份叉燒酥，可惜再次上枱的同樣是碟子熱、點心暖。另外較可惜的是，酥皮較厚的底部還沒有起酥，入口會黏成一團，應該是焗的火喉還不夠。其實好幾次點這個點心都有同樣的情況，不過還是會點它，只因當逸東的叉燒酥偶爾火喉足、熱騰騰上枱的時候，芝麻烘烤過的香氣、酥皮的油潤和酥脆、加上調味恰好的洋蔥叉燒餡真是令人感動的美味，所以每次都想碰碰運氣。不過除了這份遺憾，叉燒腸粉的質素絕佳，餐廳的環境和服務都優質，在逸東飲茶還是很棒的體驗，只是下次要三思會不會再給叉燒酥一個機會了。

4個女仔去食中菜～ 完全係喜出望外！呢到出名食叉燒就梗係好味，無諗過其他餸都一樣高質！完全係surprise us!!!蜜汁叉燒，肥瘦剛剛好，蜜汁不會過咸或過甜，燒得唔太燶，係好食嘅！一碟有成12塊，真係要人多先抵食～老火燉湯，飲完成個人好舒服 。荷葉飯，超香，足料，食唔哂到要打包拎走 。脆皮豆腐，薄薄一層脆皮，裡面又滑口 。除左叉燒，我就推介呢個桶蠔煲，真係不得了！隻隻金蠔都好大隻，出面脆脆，咬落入面入哂味，好鮮甜！另外仲叫左2碟餸，都唔錯，整體來講，值得再黎！環境係嘈啲，朋友聚餐，人多黎呢到會比較適合 。

母親正日前後因事離港，4大長老改期到一星期前提早慶祝。其中2老就揀佐逸東軒，另外2老就中伏收場。真係冇比較冇傷害，價錢差唔多但即見高下。🙄坐既位置係舒服既，一邊係枕化位，另一邊係中式位，但因為當天落大雨，拎佐比較多野出來。中式位唔係好夠位擺野，侍應沒主動提供籃，不過我要求佐之後都主動搵多個位來放野，果下都有小小覺得佢地做得唔係幾好。但擺完袋之後佢地既處理方法令到我真係覺得呢間係可以再encore的。因為果個位比較近係上菜位，佢地見我放完野就搵塊布蓋住個袋，仲同上菜既同事提醒叫佢地上菜時小心點。之後佢地每次都會望下我果個位先上菜比我地或者隔離檯。當然佢地都處理得好乾淨，塊布到走都係白雪雪的。到講返野食，我覺得係好食的，普普通通既野食都處理得幾好，可惜係佢冇晒蟶子，轉叫蟹肉粉絲煲，個煲聞落好香，d蟹啖啖肉。最特別我覺係個片皮雞，同片皮鴨食法一樣，只係換佐雞肉。冇咁油，對於成日食片皮鴨來講，轉下口味都唔錯。2老成餐絕對食得開心，佢地特別對個XO醬讚唔停口。甜品個蛋白杏仁茶幾好，我一向低糖飲食，佢真係冇咩落糖好岩我，反而個芒果布甸我試佐啖就覺好鬼甜，但食開平常diet 既人就話係好好食的。

媽咪生日落order要食片皮鴨，細佬話加咗人工不如食逸東軒啦，始終8舊幾水隻鴨平時唔會成日食，呢啲日子食就啱晒。佢哋嘅片皮鴨係招牌菜，晚市我通常會訂枱時順便訂定，只可成隻嗌，冇得嗌半隻，一個價錢已經包咗2食。侍應會幫你片一碟淨皮同一碟連皮鴨肉，嗰碟淨皮脆而不膩，好好味。😋😋 我哋揀咗配鴨崧炒飯，因為媽咪係「飯桶」，必須有飯到肚。前菜嗌咗蜜餞脆鱔同避風塘九肚魚，2樣都好香脆；其他菜式則嗌咗炒龍蝦球，蝦仁蛋白豆腐同炒菜，細佬另外嗌咗一窩燉湯，佢哋會分好一盅盅上，飲完唔口渴，應該冇咩味精。一分錢一分貨完全體現咗喺呢一餐上，收得貴都係值嘅。可惜個米芝蓮set冇片皮鴨，唯有下次再試啦！