越萊 (廟街)

营业中

休息中

越萊小火車頭（$58）特飲紅豆冰（+$4）本來以為下午茶餐，又叫“小”火車頭，都唔會大碗得去邊，點知上枱嚇咗吓，好大碗。配料有生牛肉（竟然有4片）、牛腩（勁有牛味）、牛筋（煮得好淋又入味）、牛丸（彈牙得嚟裡面又有汁）、扎肉、豆卜、雞絲（比較嚡）、豬軟骨（大大舊，夠味），最好食係牛腩同牛丸，當然其他都唔錯；另外仲有白蘿蔔、生菜、洋蔥、炸蒜、芽菜、九層塔、蔥花，認真大堆頭；牛骨湯湯底好清，微咸，飲咗半碗（事後冇勁口渴）；可選河粉/檬粉，揀咗前者，份量都唔少。紅豆冰正常，紅豆唔算大粒，但夠淋夠粉。雞絲雞骨湯粉（$42）柑桔蜜雞絲正常；雞湯湯底同樣好清，微甜；預設係河粉，份量同樣好多。越萊蒜香牛油雞翼，牛油味足，一堆蒜蓉放係面，雞翼炸得啱啱好，香口唔乾身，好味道。

佐敦真係有好多餐廳🍴每次經過佐敦都好多餐廳非常吸引其中呢間越南菜pho食過幾次份量非常好大 👍🏼雖然位置唔多，如果唔係繁忙時間都有位我哋叫咗經典撈mo入邊有炸豬頸肉，豬排，涼拌牛肉,肉質亦鮮嫩，整體來講口感豐富ar，就連河粉吸湯能力也非常出色☺️Yummy!!之後我另外亦豬頸肉煎蛋飯豬頸肉真係嫩 唔會鞋 肉質鬆軟多汁，必食！另外加咗兩款小食菜心苗同埋蝦餅。蝦餅不厚粉， 必食！午餐就可以用優惠價錢加了抵食.,,值得試吓！👍🏼蝦餅彈牙 香脆配甜酸醬一流👍🏼👍🏼另外推介紅豆椰汁冰飲落似椰汁牛奶 都非常香濃架店內仲有好多特色嘢食例如越南發包, 有吉列豬扒 / 炸魚柳/ 或者扎肉不過兩個人食唔到太多嘢下次再試下先

疫情以來，基本上甚少出遠門，連東南亞國家也去不了，像泰國，越南，新加坡這些以前經常到訪之地，都已經有數年不曾踏足，偶爾想起當美食，都會懷念不已。今天途經廟街，看到有越南菜館名“越萊”，想到久未嚐越南牛肉河之味，食指一動，馬上踏步進去。店面不大，但相當雅緻，入座時客人不多，但坐下之後，十分鐘內來了四五枱客人，不知是否由我带旺先點了一個開胃前菜魷魚圈沙律，再來小吃春卷一份，然後是我最喜愛的生牛肉河，還加了牛筋，沙律酸酸甜甜，開胃醒神，春卷不是平常吃的越南春卷，而是叫三岐珍寶蝦仁春卷，也相當不俗。主菜生牛肉河，牛肉大大塊，牛筋軟熟腍糯，份量也不少，吃得我十分滿足。至於人們常說的正宗不正宗，個人以為好吃才是大前提，你們說呢？

平時好少去油尖旺一帶，估唔到今日行過廟街，居然發覺都幾多嘢食，有好多唔同嘅新餐廳🤩🤩見到有個招牌都幾光鮮，咁就入去試吓啦！間餐廳係賣越南嘢嘅，越南河粉、撈蒙、同埋其他小食。叫咗個越南河粉，第一眼以為佢價格比較貴，差不多$70一碗，點知一嚟到，就發覺原來係勁大碗，啲配料多到就嚟瀉出嚟，湯底清而不膩，最鍾意係個牛丸，有肉汁係個口爆岀黎。另外我哋仲叫咗個越式法包，係吉列豬扒，有青瓜同蕃茄，口感幾fresh。小食就多囉：叫咗串燒雞、春卷、蝦餅、米紙卷同茄子。茄子口感就最豐富：有帶子同埋鮮蝦，令人非常滿足！而且所有小食，都配有特色嘅器皿裝住，感覺好精緻！叫咗咁多嘢食，埋單都係$300唔夠，真係好抵食！

自己一個諗住夜晚快食，星期日差唔多八點入去時成間舖得一枱客，因為佢地冇閂門但大門口其實對住車路，唔想坐近門口嘅四人枱，問女待應我可否坐隔離入啲張兩人枱，女待應堅持我唔得坐張兩人枱，叫我坐張中間隔左板嘅四人枱，因為要可能要留四人位（我都唔明佢個邏輯？），態度差都可能係個別員工問題，我就算啦坐低落左單。野食普通，之後食到一半，我叫個撈濛個雞串竟然唔熟，兩串都唔熟！叫番頭先嗰個女待應同佢講，佢竟然黑面😳再立即想拎走我全個碗（我串雞已放左喺枱面，係都係補番串雞俾我啦，點解要收我未食完嘅碗？），講完，永久blacklist。

佐敦一向都臥虎藏龍，食店到處都有，要搵食真係話都冇咁易，今晚去食越南菜，越萊。餐廳位於佐敦廟街，近尖沙咀方向，夠哂便利。.🍚 牛萊了我揀咗檬粉，牛萊了即係牛肉雜錦，包括有生牛肉，牛腩，牛筋，牛丸，牛𦟌，十分豐富。湯底清甜，食得出用左大量牛骨去煮，生牛肉慢慢浸煮，夠哂嫩滑。蘿蔔超級甜，無渣 ，入味。牛丸好強牛肉味，上乘之作。.🍚 順化香辣湯粉同樣點左檬粉，個人口味鐘意檬粉口感，有肉碎，扎肉，牛𦟌，牛丸，蘿蔔，仲配菜心苗一碟，十分划算。味道方面，湯底又香又辣，夠哂惹味。鐘意食辣就唔好錯過。.🍚 越萊自製手工春卷食越南菜，越南春卷又點少得。春卷炸得皮夠脆，配上青瓜同生菜一齊食，平衡番個油膩感。

之前都嚟過一次食嘅，其實都好覆桌，但成日都好似好多人咁，今次難得少人排，就等咗15分鐘就入嚟叫咗個牛肉湯底嘅2餸河，生牛肉同牛筋，生牛肉我覺得有啲過硬，但有牛味嘅，上枱嘅時候都係半生嘅，而牛筋就煙煙靭靭，幾好之後叫咗個setdo撈檬，個燒牛肉幾香，豬扒都係好香口，豬頸肉就乾咗啲，我覺得個撈檬汁就差咗啲，唔出色。加12蚊有哩個，唔記得叫咩，但一般冇乜味但可能多人食水準感覺冇以前咁好，同埋張枱 黐立立🤢要自己抹

第二次黎食越萊，翻兜係因為覺得呢度嘅嘢性價比好高，好多嘢都係大件夾抵食！今次叫咗個牛萊了湯金邊粉同埋經典撈檬，以呢個價錢平時晚市都只會係出面食到一個普通既dish,呢到就已經可以叫到個升級版比較多肉同高級既版本！牛萊了係高級牛火車頭河粉，佢既特色係有兩粒超好味，彈牙充滿肉汁既和牛牛丸！淨係呢兩粒丸都抵番曬個價！而成碗粉無論係粉本身定係肉都份量十足！經典撈檬就係豬頸肉，豬扒同牛肉既合集，你會見到面頭滿滿都係肉，而蜜汁燒豬頸肉仲有少少香脆，非常入味！最後要推介既就係呢到著名既牛油雞翼啦！真係食過番尋味！香脆既雞翼用輕炸既方式，再加上牛油，飽滿肉汁加上牛油香咬落去，果種味道加香脆口感真係一試難忘！非常推薦！

天氣開始入秋 想食D湯麵類既野食所以就去左食comfort food 越南野坐底見到佢個menu好抵食!即使去到dinner都有套餐價60-70包主食+野飲+有D set仲包埋小食我同朋友就各自叫左一個麵再加個小食我就叫左”牛萊了”既湯濛一開始見到個份量係有被嚇親望落去好足料 包括有生牛肉,牛腩,牛筋,牛丸同牛展中意食牛既人就一定唔可以錯過!個湯底都幾香口 無咩味精味濛粉都煮得好彈牙 唔會太lum店家都好nice咁將D芽菜另上 好貼心另外朋友叫左碗人氣撈濛入面包括有蝦餅,烤豬肉條同紮肉個烤豬肉真係好好食!可惜無得另叫個濛粉都煮得岩岩好!食完勁滿足!另外都叫左個豬頸肉小食煎得好香口!唔會太燶 份量都好足夠!兩個人share岩岩好~! 好滿足~

呢間越南餐廳位於佐敦廟街，地鐵站C2出口步行3分鐘就到，十分方便👍今日同朋友經過佐敦，就一齊黎食啦🤩我地order左👇照燒豬扒撈檬 （$48）好足料！！照燒豬扒味道甜甜地，啖啖肉🥰好食，而且重有青瓜絲同蘿蔔絲👍增加成碗檬粉嘅口感🤩檬粉份量亦有好多😄一個女仔都可能未必食得曬，同朋友一齊share岩曬🤩酸汁係分開上，客人可以按照自己想要份量黎落，又唔會好酸，令人覺得好開胃🥰牛萊了河粉（$72）嘩，牛全部都係牛！！！有牛筋、牛腩、牛𦟌、牛丸、生牛肉樣樣齊🐮香葉、青檸、芽菜、辣椒全部都係另上，方便客人按照自己喜好口味黎落，牛丸好彈牙又juicy，牛腩爽口，牛𦟌同牛筋都好稔、好重牛味，正！！！ 重有兩件白蘿蔔，煮到好入味🥰飲品方面，order左一個熱柑桔蜜，一個椰水，椰水清甜👍夏天消暑一流🥤整體黎講，呢間越南餐廳平靚正，份量多，CP值高，店員亦都好nice，上菜速度都快，鐘意食越南嘢又經開佐敦嘅你一定要試🤩

難得佐敦有間又唔貴又好食嘅越南野，真係好開心！重點好好食😗入到去又好有越南風味，有草帽燈，同一陣陣香草味都幾fresh!不過店舖面積唔算好大，大家要坐得逼啲，但為咗食好野唔緊要😙6點左右已經爆場，仲要不停有外賣單！都幾誇張🤣牛萊了河粉 $72好齊全！！有生牛肉，牛腩，牛筋，牛丸，仲有牛𦟌🥰食肉獸之選！！當中個牛丸同牛筋係我最鍾意食😚超juicy一咬啲汁爆哂，係外面好少食到咁好食！份量十足👍🏼越萊經典撈檬 $66一上菜，我可以用震撼黎形容🙈勁多配料，有香茅豬扒，豬頸肉，牛肉，份量相當足！而且有啲配菜，令成碗檬好colourful食得好開心！超抵食！蒜香牛油雞翼(3隻) $26係超好食！賣相亦都好有風味，啱打卡！食到牛油味，而且佢炸粉一啲都唔厚，脆卜卜，係必食之選！我個人覺得係so far食過最好食嘅牛油雞翼😍

天氣咁熱就想食凍嘢，行過朗街見到好多人食，又見到有撈檬食，即刻就入左去，諗住食啲涼涼地嘅野解下暑。好彩早啲入去，遲多半個鐘已經要等位！太熱嘅關係我地兩個都叫左撈檬粉食～越萊人氣撈檬呢款餸菜有蝦餅、扎肉同烤豬肉。烤豬肉條就好似腸仔咁，但經過烤烘，就變得更多肉汁同惹味～扎肉都係經過調味，唔怕又淡又無味！蝦餅就炸到好脆同香口，配埋撈檬，簡直係夏天恩物！越萊經典撈檬呢碗就有香茅牛肉、厚切燒豬扒，豬頸肉。厚切豬扒皮薄肉厚，經過烤燒仲微脆，咬落啖啖肉！豬頸肉同樣燒得好乾脆；而牛肉就口感軟稔，加上撈檬同酸酸辣辣汁，成件事同樣都係夾嘅！兩碗都份量超多，食得好飽，全日餐仲會送埋柑桔蜜，幫你消暑同開胃，成件事都幾抵食！

一定會再食系列👍🏽 無論價錢、份量、味道、口感都冇得輸～ 會再去食～ 值得一試🤟🏼 推介： 蒜蓉牛油雞奕，外脆內軟，好好食炸蝦餅豬扒撈檬，鍾意食撈檬真係要試吓之前都食過茄子小食，好入味

1點放Lunch成日都見到呢間餐廳門口排晒隊，咁岩今日遲放Lunch，緊係去試下呢間排隊餐廳😋餐廳唔算大，3點去食都仍然有客人入座，我同朋友都嗌左個Lunch set食。特別一提，如果遲去，其實可以食tea🤣不過今日真係餓，所以食Lunch，最開心係+$12已經有小食！😋比埋個下午茶menu比大家睇，我自己就覺得啲越南包幾高CP值，下次都想試下。驚喜位：可以轉菜底！岩晒想食低碳野嘅OL們😍同埋其實檬粉都好低卡，所以越南野其實幾岩想keep fit嘅朋友食！我朋友嗌左呢個B餐，牛萊了牛肉種類同份量都多，入味，其實最後都食唔晒🤣我嗌左豬頸肉雞扒檬粉，雞扒surprise左我，好好食，好夠味，個皮好脆！推介！大蝦米紙卷，正正常常嘅健康野🤣想減肥就嗌啦！唔好嗌牛油炸雞翼啦🥲呢個大蝦帶子茄子又係surprise到我，茄子超入味，帶子有燒過，一啲都唔hea，本身以為係冷盤，食落仲熱。個人私心推介❤️最唔得嘅就係佢得一件囉，咁好食點分姐😤總括嚟講，會再encore，同埋下次試佢個下午茶，價錢幾抵🥳

係佐敦廟街近九龍公園果邊發現間越南餐廳，餐廳店面唔算大，但門口同入面裝修都好有越南既感覺我地第一次食，唔知份量咁多👀叫左一份照燒雞扒撈檬$48，跟餐加$10轉飲青檸梳打，撈檬上枱有俾佢嚇親，$48咁大碗仲要雞扒係厚身，最鐘意撈檬個汁，叫姐姐俾多一碗就岩岩好😋另外朋友想食湯麵，我地叫左碗越萊精選火車頭河粉$96，入面有8款餸：生牛肉、牛腩、牛筋、牛丸、雞絲、扎肉、豬軟骨、豆卜，個份量比撈檬更驚人😳，湯底好香好濃，蘿蔔豆卜吸收晒湯既精華好入味，牛筋都炆得好淋，好有膠質，呢碗既份量絕對係兩人，我地唔知咁大份仲叫左2份小食🙊小食加左2件炸蝦餅同酸辣無骨鳳爪，蝦餅食得出係自製，比平時既厚身，食到胡椒味，鳳爪都好大碟