越萊 (廟街)

最近香港饮食业真系寒冬，晚上六点几经过佐敦庙街，差唔多每一间食肆都没有什么客人。这间越南菜见到网上食评颇多好评，一于支持吓香港饮食业先。舖头地方唔大，但干净企理，装修明亮。价钱唔贵，算抵食。手机QR code下单，方便快捷。*炭烧猪颈肉 $52猪颈肉烧得干身，好香口，配上越式酸甜汁，酸酸甜甜，非常好食。*西贡马拉盏炒通菜 $32通菜爽口，马拉盏非常惹味。*三式滋味鸡肉捞檬 $82*配热菜蜜份量非常多，一大只鸡髀，加上2只鸡翼、烧鸡肉。鸡髀肉质结实，鱼露味浓郁，鸡翼烧得香脆，烧鸡肉香甜。*红酒烩牛尾锅配饭 $78*配热菜蜜红酒味很香浓，有三大块牛尾，牛尾炆得非常之软淋。埋单$244 ，没有加一服务费。在佐敦庙街，这个价钱，性价比十分之高，加上味道非常不错，诚意十足。其实香港很多小食店都很进取，能够保持到不错的食物质素，希望能够坚守下去，香港饮食业越来越好。…查看更多

【佐敦・越南风味 🇻🇳】喺越莱试咗几款地道菜式，简单同大家分享～🌶️ 顺化香辣汤顺粉汤底浓郁带微辣，顺粉滑溜配料十足，越式风味满满🥬 香甜菜心苗简单清炒，鲜嫩清甜平衡味蕾嘅清新选择🐙 香烤墨鱼饼外层香脆，墨鱼肉弹牙烧烤香气突出，必试小食🍖 越式鸡串香茅腌制够入味烤得啱啱好，肉质嫩滑🐮 越式铁板牛柳粒铁板上桌滋滋响牛肉粒juicy，黑椒香气诱人🥖 法式吉列猪扒包外脆内软嘅法包夹住香脆吉列猪扒越法融合之选呢度嘅越南菜做得几正宗，由汤粉到小食都有水准，值得一试！#佐敦美食 #越莱 #越南菜 #铁板牛柳粒 #顺化汤粉 #香港美食…查看更多

【📍越莱🥥椰青套餐劲抵食！】✨呢间越南菜喺深水埗/佐敦都有分店✨环境同餐碟都好有越式风味～～✨椰青一人餐/下午茶直程超级抵食！🌟推荐必点自选捞檬套餐👉🏻配小食及椰青捞檬份量好足，有好多款配𩠌选择！拣左香茅鸡翼、香茅猪扒、手切扎肉钟意惹味嘅建议点香茅系列，够香口～扎肉就够爽口弹牙，以上三款都推荐👍🏻配𩠌份量一样好多，加埋酱汁酸酸辣辣小食拣左香烤墨鱼饼、网皮春卷～墨鱼饼烤得够焦香，口感弹牙😙网皮脆卷食落够洒香脆，里面馅料好足！🌟沙沙汁鱼柳包下午茶套餐👉🏻配小食及饮品鱼柳包都几大份，大大块脆炸鱼柳😍鱼柳炸得外脆内嫩，真心有惊喜！微脆微焦嘅面包配上沙沙汁，好食😋小食拣左蒜香牛油鸡翼～鸡翼好香蒜味牛油味，炸得金黄香脆😝…查看更多

店舖细及座位少，见不用排对便入去试吓，侍应有礼，越式猪肝酱手切札肉包，面包外少少脆内软，馅料很多猪肝酱咸咸哋都好食，彭sir小食拼盘，鸡髀甜甜地肉质结实都好食，串烧较干但沙嗲汁够味，春卷放左一阵也脆，白萝卜够腍都甜，猪颈肉软硬适中，不太肥；马拉盏通菜辣辣地，但较淡口。…查看更多

佐敦，一个龙蛇混杂、美食卧虎藏龙之地。要在这个食肆林立的战区站稳阵脚，冇啲实力都几难。今次我深入庙街，唔系为咗睇相算命，而系被一间门面唔算起眼嘅越南餐厅「越莱」所吸引。究竟喺呢个充满江湖味嘅地方，可唔可以食到一碗正宗嘅越南家乡味？汤底是灵魂：招牌牛骨汤河见真章 🥩一间越南餐厅嘅功架，好多时取决于佢碗Pho（汤河）嘅汤底。今次叫嘅系「一𩠌粉」，拣咗最经典嘅生牛肉，配招牌牛骨汤。一上枱，汤色清澈唔混浊，饮一啖，牛骨嘅香醇浓郁即刻喺口腔爆发，冇乜味精感，饮得出系用足料同时间熬制嘅心机。生牛肉片切得厚薄适中，用滚汤轻轻焯熟，肉质保持到嫩滑，牛味十足。河粉滑溜，挂汤力强，每一啖都系精华。以$52呢个价钱嚟讲，有咁嘅质素，绝对系诚意之作。经典小食与法包：不过不失的配角 🥖🍖食越南嘢，又点可以错过法包同埋香口小食？越式传统猪肝酱手切扎肉包 ($46)：一个正宗嘅Bánh Mì，法包本身一定要外脆内软。呢个包大致上做到，外层香脆，但内里嘅松软度可以再多少少。猪肝酱嘅味道香浓，手切扎肉亦够惹味，配埋酸甜嘅腌萝卜丝同青瓜，整体味道平衡，系一个稳阵嘅选择。炭烧猪颈肉 ($52)：呢个小食份量唔算特别多，但烧得焦香，肉质爽口弹牙。腌料嘅味道渗透到猪颈肉每一吋，食落甜甜哋，带有炭火香气，点埋旁边嘅酱汁，相当开胃。虽然未至于惊为天人，但作为佐餐小食，绝对称职。 总结：庙街中的一抹小清新 💯总括嚟讲，「越莱」最令人印象深刻嘅，始终系𠮶碗功架十足嘅牛骨汤河，汤底嘅醇厚令人回味。其他小食同法包虽然未有太大惊喜，但亦都保持喺水准之上。如果你行开佐敦庙街一带，想揾个地方食返碗正宗、暖胃嘅越南汤河，呢间「越莱」绝对系一个值得你停低脚步嘅选择。佢可能冇华丽嘅装修，但食物里面嘅𠮶份心机同诚意，相信你一定食得出。…查看更多