越萊 (廟街)

最近香港飲食業真係寒冬，晚上六點幾經過佐敦廟街，差唔多每一間食肆都沒有什麼客人。這間越南菜見到網上食評頗多好評，一於支持吓香港飲食業先。舖頭地方唔大，但乾淨企理，裝修明亮。價錢唔貴，算抵食。手機QR code下單，方便快捷。*炭燒豬頸肉 $52豬頸肉燒得乾身，好香口，配上越式酸甜汁，酸酸甜甜，非常好食。*西貢馬拉盞炒通菜 $32通菜爽口，馬拉盞非常惹味。*三式滋味雞肉撈檬 $82*配熱菜蜜份量非常多，一大隻雞髀，加上2隻雞翼、燒雞肉。雞髀肉質結實，魚露味濃郁，雞翼燒得香脆，燒雞肉香甜。*紅酒燴牛尾鍋配飯 $78*配熱菜蜜紅酒味很香濃，有三大塊牛尾，牛尾炆得非常之軟淋。埋單$244 ，沒有加一服務費。在佐敦廟街，這個價錢，性價比十分之高，加上味道非常不錯，誠意十足。其實香港很多小食店都很進取，能夠保持到不錯的食物質素，希望能夠堅守下去，香港飲食業越來越好。…查看更多

店舖細及座位少，見不用排對便入去試吓，侍應有禮，越式豬肝醬手切札肉包，麵包外少少脆內軟，餡料很多豬肝醬鹹鹹哋都好食，彭sir小食拼盤，雞髀甜甜地肉質結實都好食，串燒較乾但沙嗲汁夠味，春卷放左一陣也脆，白蘿蔔夠腍都甜，豬頸肉軟硬適中，不太肥；馬拉盞通菜辣辣地，但較淡口。…查看更多

佐敦，一個龍蛇混雜、美食臥虎藏龍之地。要在這個食肆林立的戰區站穩陣腳，冇啲實力都幾難。今次我深入廟街，唔係為咗睇相算命，而係被一間門面唔算起眼嘅越南餐廳「越萊」所吸引。究竟喺呢個充滿江湖味嘅地方，可唔可以食到一碗正宗嘅越南家鄉味？湯底是靈魂：招牌牛骨湯河見真章 🥩一間越南餐廳嘅功架，好多時取決於佢碗Pho（湯河）嘅湯底。今次叫嘅係「一餸粉」，揀咗最經典嘅生牛肉，配招牌牛骨湯。一上枱，湯色清澈唔混濁，飲一啖，牛骨嘅香醇濃郁即刻喺口腔爆發，冇乜味精感，飲得出係用足料同時間熬製嘅心機。生牛肉片切得厚薄適中，用滾湯輕輕焯熟，肉質保持到嫩滑，牛味十足。河粉滑溜，掛湯力強，每一啖都係精華。以$52呢個價錢嚟講，有咁嘅質素，絕對係誠意之作。經典小食與法包：不過不失的配角 🥖🍖食越南嘢，又點可以錯過法包同埋香口小食？越式傳統豬肝醬手切扎肉包 ($46)：一個正宗嘅Bánh Mì，法包本身一定要外脆內軟。呢個包大致上做到，外層香脆，但內裡嘅鬆軟度可以再多少少。豬肝醬嘅味道香濃，手切扎肉亦夠惹味，配埋酸甜嘅醃蘿蔔絲同青瓜，整體味道平衡，係一個穩陣嘅選擇。炭燒豬頸肉 ($52)：呢個小食份量唔算特別多，但燒得焦香，肉質爽口彈牙。醃料嘅味道滲透到豬頸肉每一吋，食落甜甜哋，帶有炭火香氣，點埋旁邊嘅醬汁，相當開胃。雖然未至於驚為天人，但作為佐餐小食，絕對稱職。 總結：廟街中的一抹小清新 💯總括嚟講，「越萊」最令人印象深刻嘅，始終係嗰碗功架十足嘅牛骨湯河，湯底嘅醇厚令人回味。其他小食同法包雖然未有太大驚喜，但亦都保持喺水準之上。如果你行開佐敦廟街一帶，想搵個地方食返碗正宗、暖胃嘅越南湯河，呢間「越萊」絕對係一個值得你停低腳步嘅選擇。佢可能冇華麗嘅裝修，但食物裡面嘅嗰份心機同誠意，相信你一定食得出。…查看更多

佐敦店越萊喺廟街遊客區嘅另一邊，環境寧靜而位置方便，店舖唔大但坐得好舒服，樓底高冷氣又夠有唔同嘅招牌配搭，亦有自選粉面，每款都免費送熱菜蜜。牛萊了 $88個牛骨湯好清甜！生牛肉、牛腩、牛筋、牛丸、牛𦟌每款配料都好出色，尤其是牛腩係傳統港式粉麵店食到嘅質素，牛丸鮑汁彈牙都好正！自選撈檬 $36起，有多款$15或$20嘅配料，揀咗蔥油雞絲同網皮春卷，蔥油好香，令雞絲昇華，唔係求其淋上面就算，特別一讚佢個檬粉同河粉一樣咁滑！…查看更多

係黃雨下行過見到無咩人 太大雨入去試下餐廳食物選擇多👍🏻叫左*越萊自選撈檬*越萊自選撈檬（網皮春卷3件，香茅豬肉） 椰汁紅豆冰 紅酒燴牛尾鍋配飯同海防炸蝦餅紅酒燴牛尾鍋配飯 一般般冇咩味，撈檬冇咩特別…查看更多

係深水步發現呢間抵食越南嘢~🐂「牛來了」：呢道菜一上枱，我即刻畀佢驚艷到！大片牛肉紋理清晰，顏色又吸引入口真係嫩到冇朋友，牛肉嘅鮮香瞬間喺嘴入面散開每一啖都食到肉質嘅細嫩同多汁，完全將我嘅味蕾收服晒~呢個分量，男仔食都夠飽，性價比超高​🦐海防炸蝦餅：外表炸到金黃酥脆，咬落去「卡嚓」一聲，勁正入面滿滿都係蝦肉，Q 彈爽滑，蝦肉嘅鮮甜同外皮嘅香脆完美融合，再蘸少少魚露，我一個人可以食晒一碟，真係停唔到口🤩​🦐河內蝦仁米紙卷：清新爽口嘅代表就係佢啦！輕輕咬一口，首先係米紙嘅軟糯，跟住係蝦肉嘅彈牙同蔬菜嘅清甜喺嘴入面交織，蘸少少魚露，即刻將成個口感提升晒，清爽解膩，食幾多都唔覺得滯​🍖越式烤豬肉串：呢個烤豬肉串都一樣勁正！豬肉烤得啱啱好，外皮微微焦香，入面鲜嫩多汁獨特嘅越南香料醃製，一串接一串好香口🥳 …查看更多

呢度嘅越南菜份量勁大，真係好誇張！🍜我叫咗越萊精選火車頭，成個碗大過我塊面！🙈 入面有齊晒生牛肉、牛腩、牛丸同牛筋，料多到爆！湯底清甜鮮香，飲落好舒服，河粉都好滑溜，真心滿足到爆棚！🤤🍲另一樣必點嘅係三式滋味雞肉撈檬，呢個撈檬份量都唔少！三種唔同煮法嘅雞肉，有雞翼、雞髀同雞雞肉串，每款都好入味，撈埋酸甜魚露同檬粉一齊食，勁開胃又清爽，夏日炎炎食一流！🍋飲品我哋就叫咗 青檸蘇打，特別要求咗走甜，飲落清爽解渴，食越南菜梗係要配返杯冰凍飲品啦呢間餐廳真係份量十足，味道又好，CP值勁高…查看更多

最近同frd去了位於佐敦廟街的越萊越南餐廳，睇清楚係佐敦廟街，我哋差啲去咗油麻地。真心覺得這裡的食物份量好大好抵食，兩個女仔吃到超級飽！必試推介：蒜香牛油雞翼我覺得呢隻雞翼的味道好特別，有少少似「蜜糖牛油薯片」，甜甜鹹鹹，外層香脆，內裡多汁，真係好香牛油味，強烈推薦！越萊串燒豬肉串燒好好食，豬肉烤得外層微焦，帶有一點炭火香氣，入面卻依然保持嫩滑，配埋個沙爹醬真係好正！越萊自選撈檬我地叫左香茅牛肉同豬頸肉作為撈檬的配料，撈檬嘅份量超大，檬粉爽滑彈牙，配料的肉非常多，牛肉個醬都幾特別，豬頸肉的口感都煎得剛剛好，滿足感十足！河內蝦仁米紙卷非常清爽又健康，外層嘅米紙彈牙有嚼勁，裡面的餡料扎實，蝦仁鮮甜，我個人真係好鍾意米紙卷，如果唔係我個frd想嗌其他嘢我應該會嗌兩個米紙卷🤣作為注重健康嘅人，我哋當然會食菜啦，叫左個西貢馬拉盞炒通菜同香甜菜心苗，兩款都好好食！兩個人唔夠300蚊就埋單，仲要食到好飽飽，真係抵！…查看更多

兩個人勁飽食吾曬都吾使300👍撈檬正常撈檬味道，有花生碎同香料香氣，好清新感，香茅牛肉一般，但係豬頸肉必叫！超多塊超有肉香，推薦😋蒜香牛油雞翼外層炸得金黃脆身，表面有啲蒜香同牛油香，增添層次感，配搭少少涼拌菜夠清新，豬肉沙爹燒得好香，有肉汁吾會乾，沙爹醬我最欣賞比左勁多，愛醬星人 🫶米紙蝦卷個皮薄得適中，包住新鮮嘅蝦同配菜，內裡米線同青瓜帶出清甜嘅口感，配上魚露醬有微辣同酸甜，好食👍炒通菜好香好大份，勁抵食，菜心都好甜🤣…查看更多

唔洗飛去越南，佐敦都有間正宗越南餐廳，用心製作多款正宗越南菜，主打各式越南湯河及持式小食，環境舒適，裝修企理。越南湯河的湯底選用湯頭以牛骨、洋蔥、芽菜和多種香料，長時間熬煮而成，味道香濃，香氣十足，清爽不油膩。 加上生牛肉片、牛腩、牛丸、整體味道很正宗，相當不錯。豬頸肉充滿油脂香氣，彈牙有嚼勁，炭烤後帶有濃郁的炭火香氣。香脆可口，軟嫩多汁，配上煎蛋，蛋黃流出，增加濕潤感和蛋香，還有大量炒香肉碎，送飯一流。…查看更多

听朋友推荐过好几次，吱吱约上同学下班后去吃了一顿，佐敦巷子里的「越莱」简直越南菜刺客， 菜单盲点不踩雷，人均150HKD吃到扶墙走！实测四大爆款连老饕都服气👇✨🥩核弹级安格斯牛魔王牛骨汤粉（菜底）汤底一上桌就闻到牛骨香，熬足8小时的牛骨汤泛着琥珀油光，超级鲜美～安格斯牛肉给得像不要钱——大片嫩肉带着粉红肌理，猛吸浸满肉香的菜底，减肥星人也不用担心～🦐 海防炸虾饼（4件）虾肉颗粒好多，外层炸出轻盈空气感，咬下去“咔嚓”脆响，蘸上调料酸辣劲拉🈵🌯 三岐珍宝虾仁春卷（2件）春卷里塞进整只虾仁🍤， 炸的金黄的纸裹着拳头大虾仁+猪肉糜，一定要蘸浓稠酸辣酱一口闷🥥 椰水（少冰）椰青现开不过夜， 夏日必备解暑神器又不怕卡路里超标💥 吱吱独家tips✔️ 牛骨汤可选粉/菜底，健身党狂喜✔️ 虾饼趁热吃！凉了脆度大打折扣✔️ 晚市需排队！建议18:00前到店…查看更多

香港有很多外國人居住，所以也有很多外國料理餐廳。介紹一家越南餐廳＂越萊＂，在佐敦的廟街及深水埗福榮街都有分店。位置：位於街道的小店餐廳環境：裝飾有越南特色、漂亮。店子雖小，但並不局促。服務：服務員態度良好。菜式：越式料理如牛肉河粉、豬扒飯、蝦餅、粉卷等都有。味道：各款料理味道還不錯評論：整體不錯，幾十元都吃飽，可以推薦。…查看更多

香港有很多外國人居住，所以也有很多外國料理餐廳。介紹一家越南餐廳＂越萊＂，在佐敦的廟街及深水埗福榮街都有分店。位置：位於街道的小店餐廳環境：裝飾有越南特色、漂亮。店子雖小，但並不局促。服務：服務員態度良好。菜式：越式料理如牛肉河粉、豬扒飯、蝦餅、粉卷等都有。味道：各款料理味道還不錯評論：整體不錯，幾十元都吃飽，可以推薦。…查看更多

路過見到越南餐廳，梗係試吓啦。通常第一次試我會揀牛肉湯河，越簡單嘅越見真章。先講結論：呢碗牛肉湯河都幾唔錯、抵食又夠份量，會再幫襯，推！（我鍾意食越南牛肉湯河，會回頭既店好少）總體感覺係幾滿意，先講啲好嘅地方啦！首先，份量真係好足！牛肉有6至8塊咁多（我冇逐塊數，但食落就係多），食嘅時候真係覺得有誠意。河粉本身質地雖然偏厚身，但食落口感唔錯。味道方面，湯底雖然略鹹咗少少，但因為咁樣，飲落反而幾惹味，令人忍唔住多飲幾啖（偷偷諗吓會唔會有味精，但其實我分唔出 😂）。牛肉唔係肥牛，而係薄切牛肉片，但味道幾好，仲有奶香味，呢點真係幾意外！不過，牛肉片稍為偏厚咗啲，浸熟嘅時候會有少少過熟，口感有啲靭，但味道係加分嘅。最驚喜嘅係，呢碗湯河$52仲送埋杯熱菜蜜，性價比真係超高！比起隔離街賣$100一碗個間（之前打過劣評），呢度無論價錢定味道都贏晒，真係值得再嚟食。…查看更多

佐敦一向好多越南菜，去咗廟街戈邊行下，發現到一間越南菜好似幾好食😋即管去試試。價錢相宜，地理位置亦尚算方便。網皮春卷，餡料有豬肉🐷芋頭，網皮春卷外型吸睛，裏面餡料充足，春卷脆卜卜。蒜蓉牛油雞翼，結合牛油🧈同蒜蓉香氣🧄使雞翼外皮金黃酥香，內裏嫩滑多汁。香茅豬扒🐷香茅味道明顯，豬扒啖啖肉，豬肉嫩滑，吾肥膩又能鎖住肉汁。手切牛柳河，手切果然系吾同啲，牛柳充滿肉香，又吾會話太硬，河粉口感有嚼勁。越萊人氣撈檬有蝦餅🦐扎肉 烤豬肉🐷蝦餅入邊蝦膠打得結實，烤豬肉充滿嚼勁味道相當不錯，撈檬比起湯檬更開胃。凍柑桔蜜甜甜地又幾開胃😋🍊…查看更多