這間越南菜見到網上食評頗多好評，一於支持吓香港飲食業先。
舖頭地方唔大，但乾淨企理，裝修明亮。
價錢唔貴，算抵食。
手機QR code下單，方便快捷。
*炭燒豬頸肉 $52
豬頸肉燒得乾身，好香口，配上越式酸甜汁，酸酸甜甜，非常好食。
*西貢馬拉盞炒通菜 $32
通菜爽口，馬拉盞非常惹味。
*三式滋味雞肉撈檬 $82
*配熱菜蜜
份量非常多，一大隻雞髀，加上2隻雞翼、燒雞肉。
雞髀肉質結實，魚露味濃郁，雞翼燒得香脆，燒雞肉香甜。
*紅酒燴牛尾鍋配飯 $78
*配熱菜蜜
紅酒味很香濃，有三大塊牛尾，牛尾炆得非常之軟淋。
埋單$244 ，沒有加一服務費。
在佐敦廟街，這個價錢，性價比十分之高，加上味道非常不錯，誠意十足。
其實香港很多小食店都很進取，能夠保持到不錯的食物質素，希望能夠堅守下去，香港飲食業越來越好。
