越萊 (廟街)

营业中

休息中

天氣咁熱就想食凍嘢，行過朗街見到好多人食，又見到有撈檬食，即刻就入左去，諗住食啲涼涼地嘅野解下暑。好彩早啲入去，遲多半個鐘已經要等位！太熱嘅關係我地兩個都叫左撈檬粉食～越萊人氣撈檬呢款餸菜有蝦餅、扎肉同烤豬肉。烤豬肉條就好似腸仔咁，但經過烤烘，就變得更多肉汁同惹味～扎肉都係經過調味，唔怕又淡又無味！蝦餅就炸到好脆同香口，配埋撈檬，簡直係夏天恩物！越萊經典撈檬呢碗就有香茅牛肉、厚切燒豬扒，豬頸肉。厚切豬扒皮薄肉厚，經過烤燒仲微脆，咬落啖啖肉！豬頸肉同樣燒得好乾脆；而牛肉就口感軟稔，加上撈檬同酸酸辣辣汁，成件事同樣都係夾嘅！兩碗都份量超多，食得好飽，全日餐仲會送埋柑桔蜜，幫你消暑同開胃，成件事都幾抵食！