越萊 (廟街)

营业中

休息中

平時好少去油尖旺一帶，估唔到今日行過廟街，居然發覺都幾多嘢食，有好多唔同嘅新餐廳🤩🤩見到有個招牌都幾光鮮，咁就入去試吓啦！間餐廳係賣越南嘢嘅，越南河粉、撈蒙、同埋其他小食。叫咗個越南河粉，第一眼以為佢價格比較貴，差不多$70一碗，點知一嚟到，就發覺原來係勁大碗，啲配料多到就嚟瀉出嚟，湯底清而不膩，最鍾意係個牛丸，有肉汁係個口爆岀黎。另外我哋仲叫咗個越式法包，係吉列豬扒，有青瓜同蕃茄，口感幾fresh。小食就多囉：叫咗串燒雞、春卷、蝦餅、米紙卷同茄子。茄子口感就最豐富：有帶子同埋鮮蝦，令人非常滿足！而且所有小食，都配有特色嘅器皿裝住，感覺好精緻！叫咗咁多嘢食，埋單都係$300唔夠，真係好抵食！