薔紅

营业中

休息中

屹立30年的灣仔茶記 - 薔紅正宗灣仔名物！招牌燒雞及紅豆冰餐廳附上手套/刀叉可以原始手撕食 皮脆肉嫩爆juice雞🍗燒雞餐$88加紅豆冰 $12100蚊唔駛👍🏻另外仲食咗個魚扒餐龍脷柳大大塊，成兩塊再配上滿滿的薯條先$77大件夾抵食！網上見到佢嘅評價唔多，係因為佢根本完全唔需要鱔稿用食物質素講嘢🗣日日午餐都爆滿，就知道薔紅的真實實力如果去元朗要食祥嫂冰室咁去灣仔，一定要食薔紅

呢間茶餐廳喺網上面好多人講過 我諗大家都知道佢主要都係食燒雞 今日就決定去試吓呢一間燒雞好唔好食 喺餐枱第一頁就係燒雞 可以揀白飯意粉或者薯菜，凍飲就另外加錢期待已久嘅主角終於上場，職員會好細心咁比一對手套同埋濕紙巾你 方便用手進食，我就揀咗意粉，而朋友就揀咗薯菜！而家嚟到大家都好唔客氣咁直接撕開，成隻鷄仲係熱辣辣出緊煙！可能太肚餓嘅關係，大家都好快就食完！質素真係唔錯，好食過麥當勞家鄉雞嗰啲好多 推介大家去試吓 建議下午茶時間去，會比較少人

聽人講就講得多，今次終於有機會食。當然叫最經典的 脆皮燒春雞，個半隻雞真係好入味同滑，食落出好juice, 又夠哂香。如果真係想認識下佢，都真係可以一試。個人認為跟薯條會更有風味，意粉就一般，而且係凍嘅 ，同埋係普通嘅茄汁意粉，想有港式風味？意粉就真係無。

自從夏蕙bb話移民前一定要食多次，薔紅燒雞都放咗入我個must eat list…下午點幾去到坐無虛席，眼見8成人都一人一份雞，無論係白領抑或藍領，甚至呀邊個個秘書著到靚一靚都咬緊雞喎？食lunch都要叫雞咁識嘆？😂落單後侍應會送膠手套同濕紙巾，隻雞五分鐘後噴住煙咁嚟到，皮薄而脆， 撕開雞比位啲汁仲流緊出嚟🥹 厚肉但又無太多肥糕，隻雞生前應該有操過吓。 味道有啲似以前舊式快餐店，唔會太咸，重口味可以點跟埋嘅鹽同醬，唯一要扣分嘅就係太多汁浸淋晒啲薯條！ 下次要試吓叫意粉先得

之前係網上見到人食呢個燒雞既相 已經覺得好吸引 寫低左一定要去試下😋😋除左美麗既燒雞吸引到我之外 當然仲係薯條 佢仲要係粗波浪薯條😱😱oh nono~~好期待❤️❤️脆皮燒春雞($63)豬扒薯條($42)脆皮燒春雞🐣🐣一到就已經感覺到佢熱lala 個皮燒得好靚 色澤有光彩 味道好香 感覺佢係一隻完美既燒春雞❤️有椒鹽 同泰式酸醬比你點本人係點鹽既愛好者 感到特別親切 窩心❤️❤️有手套提供 方便你好盡情去食隻雞 隻雞好熱lala 新鮮 戴住手套都覺得😂😂個皮燒得好脆好香好好食 雞肉有肉汁 滑 有彈性~~但可惜波浪薯條就唔夠脆 同比較淋 冇薯仔香味炸豬扒🐷🐷熱lala  炸層唔太厚 好脆 味道好香但感覺就薄左少少 都有少少肉汁 感覺有少少鞋~~

一向都好少去茶餐廳搵食, 因為覺得茶餐廳嘅質素一般，所以冇特別嘅喜好，直到有日去開灣仔，想食個快閃dinner 就去做運動，朋友推介左附近嘅茶餐廳, 話要去叫雞🙊🙊🐔🐔🐔薔紅餐廳 - 聽啲喺呢頭返工嘅朋友講,去到呢間茶餐廳,必定要試吓佢嘅「燒春雞」，今次嚟到, 一於面聖一下😋😋😋我哋一行三人叫咗兩客燒春雞, 一客有半隻，雖然話就話係春雞,但都唔細隻，上枱時隻雞脆皮嫩口多汁，燒到好似炸子雞，個set 配埋沙律同埋一杯凍/熱飲，相信唔少人嚟到非叫雞不可🤭❤️💃🏻💃🏻下次再黎encore 隻雞先😆

第二次食薔紅，食完仲係好高評價雖然餐牌上有好多選擇，但係本身衝住燒春雞而去，都冇乜考慮想食其他lunch hour去好多人，但安排座位都好快手，十分滿意！燒春雞真係好大隻，皮好脆，肉味好甜 我配薯條食，但朋友話原來配飯食都唔錯，下次可以試吓唔同配搭！

經朋友介紹到訪呢間Cp值極高嘅餐廳！喺灣仔要搵到一間又平，又好食嘅餐廳一啲都唔容易，但係呢度就滿足晒兩個願望一坐低見到大大個招牌燒春雞梗係試試佢。而家好多都係相靚過實際，但係見到嗰盤雞真係完全冇落差，一樣咁大份，一樣咁靚仔！但配埋薯條真係一流，啲肉仲要好嫩，肉質好鮮甜。份量嚟講，對於女仔就有啲太大份，男仔就應該啱啱好。如果要搵嘢挑剔，會話油份多咗少少，不過嚟得呢度食就預咗邪惡，所以我就冇乜所謂。會再推薦朋友食！

脆皮燒春雞🐔 💰86 ❤️‍🔥9/10分🌟可配沙律/薯條第N次食佢🤪次次去到都忍唔住嗌依個🤪其實個名應該係叫炸子雞，因為佢好明顯係炸🤣雞皮脆肉嫩，多汁🤤但唔算好有雞味，應該雪藏🤔沙律係罐頭雜果，不過我鐘意〰️⚜️一人食 免加一 共$86⚜️整體性價比 8/10分第一次食係七十蚊，佢加價加得好快😢再加落去就唔值了，我喺元朗酒樓買一隻大嘅炸子雞先$98😮‍💨不過係好heavy又好食嘅，路過不妨一試🥰

今天逛街去到灣仔，曾經聽朋友說過灣仔薔紅出名食燒春雞，所以專程去見識一下，這餐廳不難找，位於莊士敦道大街，進入店後我第一時間叫了招牌菜脆皮燒春雞，因為我遠道而來一定要試試港島區特色食物。 這碟燒春雞來到的時候賣相很吸引，因為他是剛剛炸好的，那些熱油仍在雞上發熱，醬油有泰式酸辣醬和少許鹽。開始吃的時因為還很熱，所以雞皮非常香脆，而且點埋酸辣醬就更加吃不停口非常絕配，當我撕開雞翼時那些熱油從雞內走出來非常好吃的感覺。

以前係灣仔返工最鐘意就係食薔紅既炸雞餐, 而家要等到假期過海先再有機會回味, 而家先知原來周末4pm前係有85折😆炸雞餐選擇左跟茄汁意粉,炸雞就算攤左五分鐘之後依然非常熱辣辣, 戴上一次性手套用手直接撕黎食果然係有最有風味🤪豬手餐同樣係選擇跟茄汁意粉, 落單時可以要求炸豬手, 大大隻豬手非常入味, 淋上黑椒汁超好食👍🏻假期既人流同返工日子比少啲, 午飯時間都唔需要等位再加上有折, 下次再過海都一定要返黎encore😋

平安夜和好友去完教會唱聖詩感受聖誕氣氛。在灣仔一帶找吃的，不想吃莫名奇妙加價的套裝，也不想排長龍，想起這間特色茶餐廳。去到都要等位，雖然人很多，但地方大座位多。不用等很久就有位了。座位枱貼枱，一開始侍應比較急比較串（澳牛style?）但另一個就比較細心。食食食，食到好飽之後仲可以慢慢坐，無人趕走。仲有張櫈俾我哋放袋。半隻燒春雞配飯新鮮熱辣，撕開熱氣香氣撲鼻皮脆肉嫩至尊牛肉眼扒餐熱辣辣鐵板配黑椒汁，好味好多肉不過肉有點過熟，有點難切，但都算好味維他奶紅豆冰薔紅特色之一，可惜依家無枝裝維他奶，整體比較淡了

📍#薔紅#MFJ灣仔 #MFJ中菜 #MFJ港式人均消費: HKD80想當年係酒吧叫宵夜必食薔紅燒春雞！堂食真係第一次！💯脆皮燒春雞 $83$83有半隻即燒熱辣辣香脆燒春雞加意粉！真係熱到辣手咖！雞皮燒到脆卜卜，肉質夠晒嫩滑Juicy，一路食一路滴晒汁，正到痺！幾年無食，真心掛住🫶🏻 ⭐️蝦仁炒蛋 $78未見過蝦仁炒蛋啲蝦仁咁大隻！炒得好靚好香，夠晒鑊氣！望落去份量唔多，但其實都好飽下💯柱侯枝竹蘿蔔牛腩煲 $78估唔到咁足料！牛腩勁入味勁軟稔，無牙都食到😂 枝竹蘿蔔同冬菇都好好味，超級下飯菜！$78超值！⭐️海鮮雜菜煲 $78食咁多濃味野要食返啲清淡中和下😂 海鮮有大蝦魷魚蟹柳，其實似雜菜海鮮煲先啱，因為好多海鮮下！個湯可以就咁飲，天氣咁凍最啱飲返碗暖吓胃！真心性價比極高！ 茶餐廳嚟講食物質素真心高，而且一啲都唔孤寒，絕對真材實料！ 啲客咩年齡層嘅人都有你就知掂啦！ 抵佢屹立灣仔咁多年！#mfoodjournal #instagfood #foodstagram #hkfoodstagram #foodie #hkfoodie #foodblogger #hkfoodblogger #f

疫情之下灣仔咁多茶餐廳頂唔住，而薔紅憑住招牌燒春雞屹立不倒。不過今日唔係食午餐，係食早餐。早餐食評難搵，所以都嚟寫返篇早餐食評等大家晨早搵食有得參考。今日叫咗個三拼麵餐，沙嗲牛肉+炒蛋x2公仔麵配熱奶茶少奶。個餐上枱就係咁：先講個麵，麵底係大光麵，煮嘅時間正常。沙嗲牛肉都係普通雪牛肉，入口即散。沙嗲好淡，無咩花生味。炒蛋係最普通嘅炒蛋，淨係得蛋，唔同而家d餐廳鍾意落奶或者落忌廉。隻蛋炒得全熟，所以咬到入個心都已經實曬。到杯熱奶茶少奶，個茶味唔係好濃，唔知係咪忘記咗少奶，杯茶奶味重過茶味。香滑，但係我都係愛濃茶味多d。重點嚟啦，要喺灣仔突圍而出，薔紅嘅早餐杯餐茶係無限續杯嘅！！所以冒住生腎石嘅風險又叫多杯茶少奶。今次杯茶就真係茶少奶啦~ 飲到茶嘅澀味，茶嘅香味都更濃烈。但係個茶底味道好普通，飲唔出有溝茶葉。最後講環境，平時食lunch薔紅好熱鬧坐得好迫。但係早餐得十枱八枱，佢開半邊餐廳都依然坐得好舒服。不過餐廳全程播住葉倩文嘅歌，鍾意唔鍾意就睇人啦~最後畀埋個早餐餐牌。（午餐晚餐易搵，早餐餐牌真係絕無僅有）

呢間野我已經食左3次佢個燒雞係最出名見到好多後生仔女都會叫黎食一人一碟你落完單唔洗5分鐘就即刻有半隻勁熱嘅燒雞送上佢會比埋手套你黎食d 雞皮勁脆 雞肉又滑基本上食完個雞都飽飽地d 薯條建議食雞前移開d唔係食完隻雞 d薯條會濕曬😹佢仲有比淮鹽同泰式辣醬比你點不過我覺得泰式辣醬同佢夾d同埋唔建議叫佢個飯或者意粉 雖然佢個意粉係茄汁撈過黎 但唔好食今次仲叫多左個豬仔骨食感覺都唔差 有少少次燒排骨嘅童年味道中午食仲要比原本menu 平應該有折到每個餐都大約70幾性價比係一流