薔紅

营业中

休息中

不得了燒雞，皮脆肉嫩，港島區搵唔到咁正嘅雞食！100唔使一個餐，新鮮出爐，仲有鹹豬手！一定要食咖喱飯。環境就好似去左細個去鋸扒既快餐店咁，好有情懷。我地5個人去仲比左間私家房，包廳好懷舊同滿滿童年回憶！

昨天 2023/4/27 11：45左右，一行两人和同事 臨時開開心心同享受 燒春雞. 可惜 ,當我們點單的時候一位紮孖辮嘅女侍應 好不耐煩回答我們資訊的有關餐牌上的問題. 完全冇乜服務態度上要求的好禮貌. 反而,男侍應的態度比較平均吸可以接受. 所以我決定都冇第二次可以到此餐廳享受

內地同事帶我黎食嘅😂因為餐廳係上樓鋪會少為意d~位置：見到間超市再上樓梯就到啦lunch hour都多人排隊 不過大家都係食完就走 唔洗等好耐~目測場內八成食客都係食燒雞為主😂上枱前都會每人預備膠手套的脆皮燒春雞$86雖然半隻雞 但都幾大隻架 我自己就揀左配薯條因為茶記嘅波浪薯條先夠經典地道嘛😂驚餓亦可以配飯/意粉燒雞真係有驚喜! d雞肉係juicy~~ 皮仲脆架!! 其實都唔洗點醬 已經好夠味午餐黎講係滿足的

這天去灣仔工作，因為有朋友在這區返工，於是約了她吃午飯。她向我提議了這間食燒雞很出名的餐廳，我二話不說就答應去到，畢竟沒試過嘛。行了一層樓梯，到了餐廳門，已經見到很多人在等位。我拎飛的時候姐姐說很快到我們了，怎知下一張飛就可以入去，果然兩個人是比較容易有位。一坐低我們就點了兩個燒雞餐，一份配薯條，一份配沙律。餐廳即刻給了濕紙巾和即棄手套，很夠貼心。可能產出量大吧，所以燒雞很快就到了。燒雞皮脆肉嫩，是剛剛炸好的，因此食到尾都是熱辣辣的。雞像點甜辣醬還是第一次食，但原來好好味！沙律比想像中少沙律醬，凍冰冰好解膩，薯條都夠香脆，餐廳哥哥自動拿了茄汁給我們。這間餐廳下次再來呢！

This is sooooooooo NiCe! 成日經過都心諗 個名咁老土成個80年代夜總會 華燈初上D名望落又up Dup! 直至最近有人介紹話佢超好食平時Lunch又見超多人今日終於的起心肝試吓燒春雞‼️皮夠脆 雞夠嫰華鹽又夠風味D staff全部阿叔但係D service好好有禮貌又醒目環境就係茶餐廳咁嘅但係都ok la~ 乾淨嘅！點解我而家先知有間咁嘅嘢燒春雞籃$86可以揀配薯條/ 沙律/ 白飯加埋個奶茶+$5

灣仔好出名食燒春雞既茶餐廳配左炸薯條 $86 包飲品可以揀配意粉🍝/飯🍚成隻雞 都幾抵食 賣相 90分 好香呀！不過我覺得雞有小小油最鐘意食雞皮 經過灣仔會諗起既餐廳平時見都好多人食😋

#20230313 🤍📍 薔紅 灣仔莊士敦道194-204號灣仔商業中心1樓➖➖➖➖➖➖➖➖➖➖➖➖➖➖➖➖➖➖#脆皮燒春雞 #配 #意粉 $86💭 隻雞無切咁原半隻上枱，用手套自己摵尼食好滋味🧤新鮮熱辣咁上枱要小心辣親⚠️摵開好juicy，真係做到皮脆肉嫩，雞髀滑就唔再講啦🍗但雞胸都唔鞋口，本身隻雞已經好夠味，🐷完全無點過啲鹽同啲雞醬😂 佢啲意粉係好懷舊茶餐廳隻茄汁意粉🍝依家好少見喇，配埋雞食略嫌茄汁唔係好夠味，其實半隻雞都夠飽肚，跟埋意粉會食唔晒🙈除左意粉仲可以揀配飯🍚薯條🍟或者薯仔沙律，全部都飽肚野，唔使驚唔夠飽，驚食唔晒好過😅.#XO醬蝦米海鮮粉絲煲 $70💭 有蝦🦐魷魚🦑仲有蟹柳😂雖然唔係啲咩貴價海鮮，但勝在份量都多，粉絲炒得好，夠乾身唔會好油，配埋啲芽菜同燈籠椒絲食口感好豐富🫑不過有少少辣🤏🏼唔食辣既要小心喇⚠️.#腐乳通菜 $42💭 雖然同上面兩個比係普通左啲，但都唔遜色，依舊係好好味😋啲菜本身好靚，炒完仲好翠綠，咬落係脆唔會有渣，仲要大碟抵食👍🏼.#維他奶麥精紅豆冰 +$12💭 出面好少見有得飲，🐷第一次飲發現原來麥精夾紅豆冰係好飲過平時正常果啲，啲紅豆都比得重手🫘有差唔多

Lunch 約左朋友係灣仔食 呢間老字號餐廳 大約12:30 左右到 好彩朋友早到 拎左位先 已經好爆 餐廳好大 好多位 唔近地鐵站 要行10 分鐘左右最出名係隻燒春雞 但太麻煩所以冇叫主菜：鐵板燒雞排配意粉雞排兩大塊 燒到岩岩好 雞皮仲有少少黑椒又脆 洋蔥汁 好濃味 唔洗倒晒落鐵板到 仲有少量配菜平衡一下 呢隻茄汁意大利粉最正 乾身得黎有咬口 又夠茄汁味 叫左杯凍啡 不過不失 呢個鐵板餐都好似係六十幾蚊 咁大份算係抵食 下次要試下燒春雞/ 炒野 考下廚師既功夫

必食燒雞半隻配飯/沙律/炸薯條/意粉 （$86）仲可以加$3包手撕-上枱熱辣辣外脆內軟仲好juicy 加配飯/沙律/意粉/炸薯條飯只係普通白飯炸薯條 都係外脆內軟炸得乾身唔油意粉係醬汁炒過既有加分 但沙律就係正常茶記雜果沙律🥗就有啲失色所以下次再去一定會配炸薯條或意粉仲要燒雞本身會配一個汁仲可以加錢配其他醬汁食完超飽-環境方面就逼d但都多座位同衛生上就比新既茶餐廳差價錢同食物質素性價比好高去開灣仔既話一定會再食

今日同朋友gathering 朋友話樓下呢間燒雞好好食🤤一定要試於是我哋就叫咗外賣送上嚟傳統嘅茶餐廳🧱有著新式味道😋乳鴿味的烤雞🐓配上泰式辣醬🌶吃得津津樂道🤩烤雞嚟到仲係超級熱仲勁辣手 但真係忍唔到勁無儀態都要放入口扯開嚟食🤣🤣雞肉啱啱好 唔會過乾 又唔會入面仲有紅色一扯開肉汁就漏哂出嚟肉質非常嫩口就算雞胸位都唔會“柴”而且味道適中剛好唔會皮咸肉無味係做到皮味道略濃但肉都有香料及咸味成件事無敵🦸🏻‍♂️另外 可以配飯/薯條/菜雞有足半隻絕對夠哂飽肚😋

講起去灣仔覓食 一定唔可以錯過薔紅餐廳既燒春雞 店舖位置唔難搵 要上一層樓梯 坐位都算多已經唔使睇餐牌黎到就係食燒春雞套餐可以配飯/意粉/薯條/沙律我揀左配飯燒春雞落枱 係藤籃上 配左華鹽同雞醬佢係半隻唔切咁上的 所以餐廳會有手套同濕紙巾比客人方便食不過我主要會點雞醬食 因為本身隻春雞都好夠味呢半隻雞份量真係唔係講笑 唔會細隻佢既雞皮燒得好香脆 熱辣辣肉身好嫩滑 唔會乾 仲有小小雞油滲出來 配飯真係可以食哂成碗飯yummy! 百吃不厭Cp值不錯

Lunch要食飯時同事想食燒雞先諗起薔紅1.15pm先打電話去order居然10分鐘內就送到上公司門口打開隻雞都仲係又脆又熱辣辣嘅🔥睇得出勁新鮮食嘅時候仲不斷有雞汁流出嚟想用手食都有難度🤤佢地配咗個淮鹽同甜辣醬而隻雞本身已經有調味😝所以我覺得配淮鹽會太鹹但因為脆皮所以會有食乳鴿嘅感覺Side嘅選擇有薯條/水果沙律/意粉不過食完半隻雞都已經食唔落其他了🥳半隻雞+薯條+熱飲+超快送上門先至$72抵食🤤

尋日突然有人諗起呢隻燒雞🐣，今日就食佢啦🥳12:45左右打電話叫外賣，呢個超級繁忙時間竟然都肯送外賣🙏🏻仲要20分鐘內已經送到👍🏻👍🏻咁多年黎食過無數次，水準一直都keep到，就算外賣，送到黎隻雞🐣仲熱到飛起，皮超脆，剩低嘅脂肪唔多，連平時唔食雞皮嘅我都忍唔住食埋。半邊燒雞，可以配飯/意粉/薯菜/沙律，仲可以點淮鹽同甜酸醬，不過其實隻雞本身已經好夠味，唔洗再點醬👍🏻叫左檸茶有啲澀🥲失敗嘅係外賣餐具唔夠硬，切唔到雞（用手又太熱）

黎左灣仔salon整頭髮，髮型師介紹左呢間餐廳叫外賣。係社交平台 page上可睇到每日特選午餐餐牌，11am到4pm供應。每款$48連野飲或者例湯，外賣送到上門都只係$50，cp值好高！係附近返工既話真係超方便，只係叫一個餐都肯送，打個電話就好快送到，好有效率！———豆腐火腩班腩飯 豆腐變左做茄子，班腩同火腩份量幾多，醬汁又好食有鑊氣之後先發現原來燒春雞係大有好評既招牌菜，下次一定要試下先得！

🇭🇰薔紅·呢個我之前喺灣仔嗰邊返工嘅時候已經有同事推介過話好好食架啦 但係我唔知點解咁耐先第一次食🥹完全係浪費晒啲機會 因為我自己食完超鍾意🤩🤩·脆皮燒春雞$86佢每一份都有半隻春雞既 而且佢唔係大隻個啲黎既 所以食落勁啖啖肉 就算雞胸部份都好嫩 而且佢個皮係燒到好脆 好似炸子雞咁樣 點少少淮鹽好好食而且佢仲要平過炸子雞好多🤑🤑不過佢呢度就真係成隻攞去炸 所以雞髀部份都幾多肥膏 但係自己用手搣走多餘既肥膏都好方便😈而且佢係即叫即整既 所以都要等15-20分鐘 但係熱辣辣 真係超juicy 超好味🤤不過佢嘅伴菜我自己就覺得真係麻麻哋 佢個薯條係放左比較耐既 所以食落好淋 個茄汁意粉都係唔熱既🫢但係因為佢個燒春雞真係好味 所以下次再嚟嘅話我可能會揀白飯🤣🤣🤣·#rbyeat#rby港式#rby灣仔·📍灣仔莊士敦道194-204號灣仔商業中心1樓