薔紅

今日（31-5-2025 Sat）端午節，同老公實踐由西環行到北角，但由於晏咗，就取消，改喺灣仔呢喥食咗晏至出發，我哋嚟到時，都算多人，老闆俾我哋坐四人枱，睇完menu，就一定要佢哋嘅招牌$88.00嘅金牌脆皮燒雞配薯條，$8.00嘅羅宋湯，$8.00嘅熱奶茶，$90.00嘅酥炸脆皮牛腩配意粉。落完單，即到嘅就係金牌脆皮燒雞配薯條，然後係兩個飲品，我即飲啖奶茶，澀，要落糖，落咗一茶匙至叫做攪得掂。1分然後食薯條喇，熱騰騰嘅粗薯條正常冇問題，金牌脆皮燒雞熱到老公戴手套都撕唔到，寧願用叉，個皮真係好脆，我食雞上脾，佢嘅雞油好夠，肉質又滑又juicy，枱上有好多調味料俾客人自己落，我就落淮鹽食，之後食雞胸位，嚡啲係正常嘅。5分然後我飲羅宋湯，料都多嘅，味道唔錯。5分酥炸脆皮牛腩配意粉到嚟，睇見意粉另上，同有一兜咖哩汁，意粉用茄汁撈過，唔太酸，口感係香港人口味，唔係中間硬嗰隻，啱我；酥炸脆皮牛腩個皮真係脆，牛腩夠腍，味道亦濃，咖哩汁濃唔太辣，幾好味。5分服務：落完單，即刻俾膠手套，濕紙巾同碗。等客人食完晒嘢至一次過收嘢，唔會太騷擾或有趕客嘅感覺。環境：呢喥設有兩間私人房俾客人。3.5分其他：枱上已放咗好多唔同嘅調味料，重有紙巾同水，好體貼。…查看更多

呢度出名燒春雞，特登嚟朝聖吓，果然名不虛傳。平日嚟好多打工仔都嚟呢度lunch，大約12:15nn 嚟到都仲可以即刻有位唔使等，如果唔係嘅就要去出面排隊。茶餐廳嘅格局，當然亦都係茶餐廳嘅節奏，快靚正，一坐低已經即刻有人問你食乜嘢，落咗order後眨眼隻燒春雞就會出現喺你眼前。燒春雞熱辣辣，皮脆肉嫩，餐廳可以Offer膠手套方便食，但收取$1一對，不過我覺得真係需要嘅，值得豪爽啲。一路食啲雞油不斷滴出嚟，隻燒春雞真係唔細隻，首先一定食咗隻雞髀先，怕肥嘅都冇辦法所有雞皮都要食晒，跟住就食雞翼，去到個雞胸，我已經飽到食唔到落去，不過我都試咗兩啖，雖然係雞胸，佢都唔算太嚡。配菜我就揀咗薯條，脆卜卜好好味唔係腍啤啤嘅。都講吓佢嘅服務，茶餐廳水準，但係都有啲窩心，服務員見到我攬住個大袋，特登拎張圓凳擺喺我隔離俾我放袋，值得一讚👍🏻…查看更多

是咁的，近排成日OT，收工諗住喺灣仔求其搵啲嘢食就算。坐低見到餐牌，選擇都幾多，但我今次目標好明確，就係為咗佢個燒春雞而嚟！等咗大概五分鐘，主角終於登場。隻春雞已經開咗邊，個皮燒到金黃帶啲焦香，望落已經好開胃。我即刻用刀叉切落去，個皮真係「卜卜脆」！呢下聲音已經值回票價。最驚喜嘅係入面嘅雞肉，好多地方嘅燒春雞都好易整到又乾又「鞋」，但呢度嘅雞肉竟然仲好嫩滑，而且仲有肉汁！食得出佢哋醃得好足料，有淡淡嘅香草同蒜蓉味，但又唔會蓋過雞肉本身嘅鮮味，個平衡做得非常好。食得呢啲香口嘢，點可以冇可口可樂？一啖香脆嘅雞皮連埋嫩滑嘅雞肉，再飲一啖冰凍嘅可樂，嗰種爽快感真係冇得頂！啲氣泡即刻中和咗燒雞嘅油膩感，成件事昇華咗。跟餐仲有啲粗薯條同雜菜，薯條炸得夠香脆，唔係腍pat pat嗰種，都算有誠意。總括嚟講，喺灣仔呢個黃金地段，呢個價錢食到咁有水準嘅一餐，CP值真係相當高。「薔紅」俾我嘅感覺係一間用心經營、充滿人情味嘅舊式餐廳。如果你厭倦咗連鎖式經營，想搵返啲經典嘅港式西餐味道，呢度絕對唔會令你失望。特別係佢個燒春雞，真係有驚喜，絕對值得專登去試一次！…查看更多

金牌脆皮燒雞，賣相真係一流，隻雞燒得很脆，而且裡面真係好多汁。啲薯條都係新鮮炸既，整體來講好好味。黯然銷魂叉燒飯，碗叉燒飯真係整得好靚，隻蛋多汁又彈牙，啲叉燒好瘦，咬落好易咬，整體味道唔錯。星洲炒米，整碟都非常之香口，有咖喱味，實在會食唔停。…查看更多

這次點了一份招牌燒春雞配茄汁意粉。春雞外皮金黃酥脆，色澤誘人，一上桌就香氣四溢。雞肉嫩滑多汁，入口沒有腥味，肉質保持彈性。隨餐附上的甜辣醬和鹽，能讓雞肉味道更豐富，無論沾醬或單吃都各有特色。旁邊的茄汁意粉分量十足，麵條彈牙，茄汁微酸不膩，帶點家常風味，適合配搭燒雞一同享用。擺盤乾淨整齊，細心之處令人感到用心。這份燒春雞套餐性價比高，無論是味道、份量還是賣相都令人滿意，營業時間困難得開到12點，非常適合晚下班人士。…查看更多

今日特登嚟到灣仔，同朋友嚟試食呢間好出名嘅餐廳，食下佢哋嘅招牌菜。入到去餐廳好有舊式茶餐廳嘅風格，裝修都幾特別，平日朝早11點入座，好彩都冇乜人，因為聽講平時呢度係爆場，有排等。脆皮燒春雞（$88)等咗10分鐘左右就上枱啦，新鮮熱辣，可愛皮真係好脆，切開隻雞嘅時候仲有好多肉汁同埋雞油留咗出嚟，好香。隻雞嘅份量都好大，配埋啲薯條，一個人都食到好飽。佢入面啲雞肉好嫩滑，不過我就覺得冇乜味，好淡，佢哋建議可以配淮鹽同酸辣醬，咁我覺得點完鹽之後都幾好味嘅。咁呢個價錢，性價比算好高㗎啦。咖哩酥炸脆皮牛腩配意粉($90)我第一次食炸牛腩，都炸得幾好食，佢嘅牛腩係半肥瘦，咬落去肉質都幾嫩口，好腍，同埋好有牛味。因為佢係跟咖喱嘅，估唔到佢哋嘅意粉會係蕃茄意粉，我覺得佢哋嘅蕃茄意粉還好，仲有少少蒜味，就咁食都幾有味，不過配埋咖喱係有少少奇怪。…查看更多


薔紅茶餐廳2025年逆市擴張，八個月內開設五間分店，成為港式茶餐廳新星。今日到訪灣仔總店，試探其是否維持一貫水準。金牌脆皮燒雞與澳門豬扒包果然不負眾望，展現港式茶餐廳的經典魅力。#金牌脆皮燒雞（$88）- 燒雞外皮金黃酥脆，輕咬即發出「啪啪聲」，表層油香撲鼻，內裡雞肉嫩滑多汁，肉汁完美鎖住，入口滿溢雞汁。- 調味不過重，保留雞肉鮮甜，搭配茶餐廳經典水果沙律，清新酸甜中和油膩，令人滿足。#澳門豬扒包拼肉醬意粉（$56）- 豬扒炸製外脆內嫩，搭配脆包皮，十分推薦。- 肉醬意粉份量適中，醬汁濃郁，價格親民。
餐廳位於灣仔商業中心，環境整潔明亮，帶典型茶餐廳熱鬧氛圍，惟旺場時段或稍顯擁擠。$56-$88的菜式價格在灣仔區極具競爭力，份量充足，CP值極高。…查看更多

平日夜晚嚟食，發現入面全場爆滿，出面仲要等位。見到大部份人枱上面都係呢一隻燒春雞，大家都帶住手套用手食，個樣好滋味。我都叫咗燒春雞配意粉。隻雞熱辣辣，外皮香脆，入面啲肉多油多汁，帶住手套一路食，啲雞油肉汁一路流落手踭。隻雞係真係好好食，但要小心會焫親個嘴。旁邊嗰啲意粉係茄汁意粉，份量唔算太多，亦都唔係好熱，但蕃茄醬汁勝在夠開胃，食咗好多啖肉之後亦都可以幫手解一解膩。如果唔鍾意食意粉嘅，亦都可以揀飯或者薯菜。…查看更多

今日去到呢一間灣仔人氣飯店，咁多年都非常受大家嘅支持，今日接朋友收工咁啱過嚟呢一區，再次返嚟呢一間餐廳，就試吓佢嘅質素！🔥鐵板什扒餐（黑椒汁）：肉食獸天堂"滋滋"聲上枱嘅鐵板什扒餐，視覺聽覺雙重享受！雞扒煎得皮脆肉嫩，豬扒鬆化唔乾柴，仲有腸仔同火腿加持。黑椒汁夠濃郁但唔會死鹹，最正係將太陽蛋撈飯，再加汁，邪惡度爆錶！肉量：足夠兩個女仔share 汁醬選擇：除黑椒汁，洋葱汁亦係人氣之選 意粉唔錯，而且份量亦都好多！…查看更多

一向係灣仔人氣茶記之一嘅薔紅，今日一如既往咁午市人多熱鬧，雖然門口大排長龍，但都只係需要等10分鐘左右就有位，一坐低落完Order，好多菜式上菜快手，啱晒快速午餐。環境帶點懷舊茶記風，木枱同簡單佈置好親切，氣氛熱烘烘，感覺好似返到舊時。服務ok，店員忙碌但效率高，食完覺得好值！今次試咗金牌脆皮燒雞 配薯條，味道香濃又滿足，份量啱啱好，食完意猶未盡！🍽️金牌脆皮燒雞 配薯條嚟到呢度必嗌金牌脆皮燒雞配薯條！幾乎每枱都一定會點一份。雞皮燒得脆到爆，肉嫩多汁帶炭香，配上熱辣辣嘅薯條，鹹香又開胃，午餐補充能量一流！皮脆肉嫩，燒法傳統又正宗，薯條炸到金黃香口，仲有少少海鹽提味，食落真係享受。份量夠晒支持一餐，配杯熱奶茶更加完美，午市補充元氣嘅好選擇。環境熱鬧同菜式質素真係值回票價，值得一試！…查看更多

聽人講呢間燒雞好好食，去動漫之前就決定嚟試吓一上到去勁多人囉，見到每一台都係食緊燒雞我哋就叫咗燒雞同埋肉醬意粉share食肉醬意粉就真係麻麻哋啦，所以我都冇影相但係燒雞就真係唔錯嘅，熱辣辣個皮好脆好香不過都唔平呀…查看更多

中伏指數爆燈⚠ 真心奉勸：寧願食麥當勞脆香雞翼 伏到想即時Call食環署👮【燒春雞🍗】雞肉監獄🚫：外皮烤到燶邊算係唯一亮點 但一刀切落... 肉質嫩滑得嚟完全冇味！ 好似白灼雞胸蘸鹽水 醃製時間恐怕唔夠5分鐘⏱雞皮油彈💣：最致命係雞腩肥膏位 成啖油吱出嚟💦仲要撒滿死咸椒鹽 食兩啖就想拎吸油紙....🧻【風乾薯條🍟】紙皮咁嘅口感📦似擺足3日嘅隔夜貨，脆皮？薯香？對唔住 只有燶燶油膉味😵 【凍奶茶🧊】茶＋水＋煉奶嘅溝稀版 茶味接近零 簡直就好似糖水溝冰🙅💢不如捐俾慈善機構！！💢…查看更多

每次嚟灣仔，薔紅係我嘅必到之選！🤩 餐廳環境熱鬧，侍應服務超效率，等位時間短，入座快，下午茶時段都唔使等太耐🍗 金牌脆皮燒雞配薯條呢款燒雞真係無得頂！🐔 外皮香脆到一搣就「啪啪聲」，肉汁爆棚，Juicy到不得了！💦 新鮮即炸，上枱時熱辣辣，仲貼心附送膠手套，直接用手撕開食😋 可揀薯條、意粉或沙律做配菜，雞肉嫩滑入味，完全唔會老，份量十足，食完超滿足！🍞 一口西多士呢個西多士係驚喜之作！厚切麵包炸成一粒粒，口感鬆脆又香甜，每啖都係享受！🥰 外層金黃酥脆，內裏軟綿，絕對係下午茶嘅必點之選，強烈推薦試試！🐷 澳門豬扒包拼肉醬意粉份量好大！😲 豬扒包外脆內嫩，豬扒厚實多汁，完全唔乾，咬落超有滿足感！肉醬意粉濃郁惹味，肉醬份量多，味道濃而不膩🥳📍薔紅 (灣仔)灣仔莊士敦道194-204號灣仔商業中心1樓仲有副線品牌📍薔紅宅急便 開係唔同地區，咩都係咪一樣就唔知啦，順路經過都可以試吓～1. 紅磡：崇志街28號地下2. 大坑：新村街4號A地下3. 元朗：鳳攸北街11-15號益發大廈地下19-20號舖4. 佐敦：彌敦道380號逸東酒店Food Court…查看更多

好耐無行書展行完餓到想食多啲野去左食雞一去到薔紅已經要排隊好彩我哋算早唔使排好耐就可以入到去諗都唔使諗就叫咗燒雞😆隨餐附送食雞必備手套同濕紙巾我真係耐冇嚟而家啲嘢包裝咁靚飯/意粉/薯菜/沙律我揀咗意粉酸酸甜甜好開胃配燒雞唔會咁膩一嚟到見到嗰隻髀咁大已經開始流口水支檸檬茶係隔籬枱友情客串🤣我會自己撈呢三隻醬用配點雞食咁啱行完馬莎咁啱買咗香草一樽既然買咗啲香草就即刻開配嚟點雞食超正🥰我哋兩個人食咗半個鐘都算快真係好好食，雞肉又Juicy唔會嚡十十好多人食燒雞會配可樂但我真係覺得配凍檸茶先係最正啲叔叔服務態度又好好就算好多客人佢哋都冇怠慢我哋點餐送餐再加點嘢飲全部都好快手❤️🫶🏻👍🏻…查看更多

期待已久，終於有機會一試灣仔名物！😸平日夜晚大概7點半左右，目測都全場8、9成滿座，搭枱就梗嫁啦～介意者就自己考慮番喇～落完單大概5分鐘左右就好快就上菜，效率極高！而且職員好細心，會比埋即棄手套你～烤雞熱辣辣絕無揸流攤，皮脆肉嫩，一啲鞋口既感覺都冇，而且亦好入味，真係食到lam lam脷😋難怪佢可以逆市開分店啦👍🏼相對黎講，一口西多就普通左啲喇，唔係唔好食既，但就係一個好老實既一口西多咁😆…查看更多