影片
以上资料只供参考，请与餐厅确认详情
相关文章
今日（31-5-2025 Sat）端午节，同老公实践由西环行到北角，但由于晏咗，就取消，改喺湾仔呢喥食咗晏至出发，我哋嚟到时，都算多人，老板俾我哋坐四人枱，睇完menu，就一定要佢哋嘅招牌$88.00嘅金牌脆皮烧鸡配薯条，$8.00嘅罗宋汤，$8.00嘅热奶茶，$90.00嘅酥炸脆皮牛腩配意粉。落完单，即到嘅就系金牌脆皮烧鸡配薯条，然后系两个饮品，我即饮啖奶茶，涩，要落糖，落咗一茶匙至叫做搅得掂。1分然后食薯条喇，热腾腾嘅粗薯条正常冇问题，金牌脆皮烧鸡热到老公戴手套都撕唔到，宁愿用叉，个皮真系好脆，我食鸡上脾，佢嘅鸡油好够，肉质又滑又juicy，枱上有好多调味料俾客人自己落，我就落淮盐食，之后食鸡胸位，嚡啲系正常嘅。5分然后我饮罗宋汤，料都多嘅，味道唔错。5分酥炸脆皮牛腩配意粉到嚟，睇见意粉另上，同有一兜咖哩汁，意粉用茄汁捞过，唔太酸，口感系香港人口味，唔系中间硬𠮶只，啱我；酥炸脆皮牛腩个皮真系脆，牛腩够腍，味道亦浓，咖哩汁浓唔太辣，几好味。5分服务：落完单，即刻俾胶手套，湿纸巾同碗。等客人食完晒嘢至一次过收嘢，唔会太骚扰或有赶客嘅感觉。环境：呢喥设有两间私人房俾客人。3.5分其他：枱上已放咗好多唔同嘅调味料，重有纸巾同水，好体贴。
继续阅读
蔷红茶餐厅2025年逆市扩张，八个月内开设五间分店，成为港式茶餐厅新星。今日到访湾仔总店，试探其是否维持一贯水准。金牌脆皮烧鸡与澳门猪扒包果然不负众望，展现港式茶餐厅的经典魅力。#金牌脆皮烧鸡（$88）- 烧鸡外皮金黄酥脆，轻咬即发出「啪啪声」，表层油香扑鼻，内里鸡肉嫩滑多汁，肉汁完美锁住，入口满溢鸡汁。- 调味不过重，保留鸡肉鲜甜，搭配茶餐厅经典水果沙律，清新酸甜中和油腻，令人满足。#澳门猪扒包拼肉酱意粉（$56）- 猪扒炸制外脆内嫩，搭配脆包皮，十分推荐。- 肉酱意粉份量适中，酱汁浓郁，价格亲民。
餐厅位于湾仔商业中心，环境整洁明亮，带典型茶餐厅热闹氛围，惟旺场时段或稍显拥挤。$56-$88的菜式价格在湾仔区极具竞争力，份量充足，CP值极高。
继续阅读
平日夜晚嚟食，发现入面全场爆满，出面仲要等位。见到大部份人枱上面都系呢一只烧春鸡，大家都带住手套用手食，个样好滋味。我都叫咗烧春鸡配意粉。只鸡热辣辣，外皮香脆，入面啲肉多油多汁，带住手套一路食，啲鸡油肉汁一路流落手踭。只鸡系真系好好食，但要小心会焫亲个嘴。旁边𠮶啲意粉系茄汁意粉，份量唔算太多，亦都唔系好热，但蕃茄酱汁胜在够开胃，食咗好多啖肉之后亦都可以帮手解一解腻。如果唔钟意食意粉嘅，亦都可以拣饭或者薯菜。
继续阅读
今日去到呢一间湾仔人气饭店，咁多年都非常受大家嘅支持，今日接朋友收工咁啱过嚟呢一区，再次返嚟呢一间餐厅，就试吓佢嘅质素！🔥铁板什扒餐（黑椒汁）：肉食兽天堂"滋滋"声上枱嘅铁板什扒餐，视觉听觉双重享受！鸡扒煎得皮脆肉嫩，猪扒松化唔干柴，仲有肠仔同火腿加持。黑椒汁够浓郁但唔会死咸，最正系将太阳蛋捞饭，再加汁，邪恶度爆表！肉量：足够两个女仔share 汁酱选择：除黑椒汁，洋葱汁亦系人气之选 意粉唔错，而且份量亦都好多！
继续阅读
一向系湾仔人气茶记之一嘅蔷红，今日一如既往咁午市人多热闹，虽然门口大排长龙，但都只系需要等10分钟左右就有位，一坐低落完Order，好多菜式上菜快手，啱晒快速午餐。环境带点怀旧茶记风，木枱同简单布置好亲切，气氛热烘烘，感觉好似返到旧时。服务ok，店员忙碌但效率高，食完觉得好值！今次试咗金牌脆皮烧鸡 配薯条，味道香浓又满足，份量啱啱好，食完意犹未尽！🍽️金牌脆皮烧鸡 配薯条嚟到呢度必嗌金牌脆皮烧鸡配薯条！几乎每枱都一定会点一份。鸡皮烧得脆到爆，肉嫩多汁带炭香，配上热辣辣嘅薯条，咸香又开胃，午餐补充能量一流！皮脆肉嫩，烧法传统又正宗，薯条炸到金黄香口，仲有少少海盐提味，食落真系享受。份量够晒支持一餐，配杯热奶茶更加完美，午市补充元气嘅好选择。环境热闹同菜式质素真系值回票价，值得一试！
继续阅读
您可能会有兴趣的...