薔紅

今日（31-5-2025 Sat）端午节，同老公实践由西环行到北角，但由于晏咗，就取消，改喺湾仔呢喥食咗晏至出发，我哋嚟到时，都算多人，老板俾我哋坐四人枱，睇完menu，就一定要佢哋嘅招牌$88.00嘅金牌脆皮烧鸡配薯条，$8.00嘅罗宋汤，$8.00嘅热奶茶，$90.00嘅酥炸脆皮牛腩配意粉。落完单，即到嘅就系金牌脆皮烧鸡配薯条，然后系两个饮品，我即饮啖奶茶，涩，要落糖，落咗一茶匙至叫做搅得掂。1分然后食薯条喇，热腾腾嘅粗薯条正常冇问题，金牌脆皮烧鸡热到老公戴手套都撕唔到，宁愿用叉，个皮真系好脆，我食鸡上脾，佢嘅鸡油好够，肉质又滑又juicy，枱上有好多调味料俾客人自己落，我就落淮盐食，之后食鸡胸位，嚡啲系正常嘅。5分然后我饮罗宋汤，料都多嘅，味道唔错。5分酥炸脆皮牛腩配意粉到嚟，睇见意粉另上，同有一兜咖哩汁，意粉用茄汁捞过，唔太酸，口感系香港人口味，唔系中间硬𠮶只，啱我；酥炸脆皮牛腩个皮真系脆，牛腩够腍，味道亦浓，咖哩汁浓唔太辣，几好味。5分服务：落完单，即刻俾胶手套，湿纸巾同碗。等客人食完晒嘢至一次过收嘢，唔会太骚扰或有赶客嘅感觉。环境：呢喥设有两间私人房俾客人。3.5分其他：枱上已放咗好多唔同嘅调味料，重有纸巾同水，好体贴。…查看更多

第一次食啬红金牌脆皮烧鸡，是老公外卖番屋企， 虽然过了45分钟车程，但食时仍然觉得啲皮是脆，鸡肉暖暖，还有肉汁， 当时已觉得这只烧鸡真是不错。今次去啬红食咗一只烧鸡配薯条， 烧鸡一到 ， 整只鸡烧到金黄色，皮薄极脆， 撕开鸡肉充满鸡油肉汁，肉嫩有咸味， 觉得不够咸可以点淮盐 ， 吃完无比满足。这只烧鸡真是金牌菜式，不可不吃👍另外还叫了一碟扬州炒饭，不过忘记影相 😝 炒饭虽然配料不多，不过饭粒炒到粒粒分明 ，十分干身，炒得不错不错!…查看更多

周六下午4点钟左右路过见到唔使排队，急急入去试吓，上次朋友介绍来要等位，所以冇试。上次朋友介绍食烧鸡，但怕一个人食唔晒（午餐后还有点少少饱）。所以叫咗罗宋汤意粉配香煎鸡扒炒蛋+热柠檬茶，另一份叫芝士炒蛋猪扒包+热奶茶。猪扒包有惊喜（与餐牌幅图一样），比其他餐厅少有的酸青瓜👍 都有蕃茄、芝士、好似有少量蛋、生菜，猪扒（略嫌细咗d）亦好香口，个包皮脆，仲有炸薯条，咁嘅价钱，冇得输😊 另外，罗宋汤意粉，汤的分量都算多，可挂入意粉吃，香煎鸡扒炒蛋，鸡扒有香草味，好。柠檬茶及奶茶都算OK。员工友善，收嘢快，服务OK。枱面有只小黄鸡，cute！其实，见到几枱都叫烧鸡餐，下次一定再来试吓。…查看更多

行完书展～甘岩又系湾仔，见好多人推荐食呢个餐厅，重点行完都好夜，已好难揾到间营业到凌晨12:00😭😭两个人食，主要系书展零食世界，食左唔少野，都有点饱，所以叫左；❣️❣️🩵金银蛋娃娃菜 $50，味道清脆鲜甜！娃娃菜叶嫩多汁，配金黄蛋丝和银白蛋花，入口爽脆不腻，蛋香滑顺裹住菜的自然甜味.💙烧春鸡 $88 即炸即食，一入去基本每枱都会叫一客,外皮薄脆油香，咬落爆汁嫩滑，带淡淡盐香和香料风味，啖啖肉不柴,外皮香而脆，物超所值❤️维他奶红豆冰 跟餐+$18 可能系用维他命奶关系？！真系出面饮唔到既红豆冰🤣好饮又特别🧡热情果什果特饮 跟餐+$18 正常饮料😂…查看更多

昨晚6点几，朋友带我去食呢度吃晚餐，我们点了最出名的炸鸡配薯条，份量都几大，半只炸鸡好juicy好惹味, 配埋罗宋汤同可乐，好美味既一餐! 罗宋汤好足料，值得推介!…查看更多