影片
以上资料只供参考，请与餐厅确认详情
相关文章
今日（31-5-2025 Sat）端午节，同老公实践由西环行到北角，但由于晏咗，就取消，改喺湾仔呢喥食咗晏至出发，我哋嚟到时，都算多人，老板俾我哋坐四人枱，睇完menu，就一定要佢哋嘅招牌$88.00嘅金牌脆皮烧鸡配薯条，$8.00嘅罗宋汤，$8.00嘅热奶茶，$90.00嘅酥炸脆皮牛腩配意粉。落完单，即到嘅就系金牌脆皮烧鸡配薯条，然后系两个饮品，我即饮啖奶茶，涩，要落糖，落咗一茶匙至叫做搅得掂。1分然后食薯条喇，热腾腾嘅粗薯条正常冇问题，金牌脆皮烧鸡热到老公戴手套都撕唔到，宁愿用叉，个皮真系好脆，我食鸡上脾，佢嘅鸡油好够，肉质又滑又juicy，枱上有好多调味料俾客人自己落，我就落淮盐食，之后食鸡胸位，嚡啲系正常嘅。5分然后我饮罗宋汤，料都多嘅，味道唔错。5分酥炸脆皮牛腩配意粉到嚟，睇见意粉另上，同有一兜咖哩汁，意粉用茄汁捞过，唔太酸，口感系香港人口味，唔系中间硬𠮶只，啱我；酥炸脆皮牛腩个皮真系脆，牛腩够腍，味道亦浓，咖哩汁浓唔太辣，几好味。5分服务：落完单，即刻俾胶手套，湿纸巾同碗。等客人食完晒嘢至一次过收嘢，唔会太骚扰或有赶客嘅感觉。环境：呢喥设有两间私人房俾客人。3.5分其他：枱上已放咗好多唔同嘅调味料，重有纸巾同水，好体贴。
继续阅读
适逢要外出湾仔工作，所以就顺便试吓当区嘅人气炸鸡🤩平日12:45到达拎飞，等左一阵就有得入座，落完单13:15已经有得食，超有效率.ᐟ.ᐟ/🐔金牌脆皮烧鸡配薯条 $88炸鸡新鲜炸起热辣辣，餐厅温馨地提供了胶手套，用手食份外滋味🤤一开始用手撕十分辣手，外皮香脆，不过十！分！咸！因此内里也很入味(*/ω＼*) /肉质是出色的：鸡腿位置又嫩又多汁，鸡胸也不会鞋口，而且滑得嚟又唔怕有好红熟唔透嘅部份👍🏻/食到一半已经觉得好漏，不过为免浪费都好努力食得干干净净！/曲身粗薯条正常茶餐厅质素👌🏻/总结来说肉质出色，调味却偏重，食完顶唔顺即刻买左大枝水队队佢💦$88半只黎紧真系抵食嘅，食到好饱(薯条只系食到1/3)，加上出餐快，难怪有这么多打工仔捧场客！/个人嚟讲试过便心息(´･з･)同区cheat meal会觉得新景园开心啲🥰
继续阅读
终于系番工日子即lunch食到啦每次黎湾仔都会去拎位但每次都要排好耐队由于时间关系 迫于无奈要转场今日我地就趁行雷闪电落大雨嘅日子再试一次 一班人黎食烧鸡真系好开心烧鸡餐餐饮要加钱 烧鸡配冻柠茶正好饱好满足既下午 蛋白质爆灯入去时系阳光普照 食紧个阵行雷闪电 食完就停左雨
继续阅读
每个侍应都态度好，其实对一间餐厅嚟讲算系几高难度，叫咗只鸡，两个人share食其实唔系好够。只鸡一搣开爆晒汁，啲皮超级脆，虽然食完觉得有少少油，但真系好值得食，到底点样可以整到成只鸡好脆好多汁，so far已经翻桌咗两次！可惜佢个牛扒就一般，un咗少少，个汁都唔系太好食，不过就几大块。.建议净系食鸡，仲要系一人一只如果净系食鸡嘅话佢呢个价钱真系CP值超高我谂我会返去食第三次！btw, 唔好外卖走，啲鸡新鲜即刻现场食会好食啲。
继续阅读
去到湾仔当然要叹吓烧鸡喇，餐厅主打平、快、靓、正👍🏻，装修就系茶餐厅啰，侍应咪HK style, 落单要快，谂好先好叫佢，废话免问😅，食完请速离座因为有人等位，不过不得不说出品合格、无揸流摊👍🏻✨🍴金牌烧鸡$88连饮品： 大大份半只烧鸡，热辣辣，撕开仲有鸡汁流出，完全色香味俱全，唔怪得张张台最少都点一份。✨🍴铁板西冷牛扒$95: 黑椒汁另上自己淋，铁盘很热，黑椒汁一淋上去就蒸气四溅。牛扒🥩切开肉嫩松化，很有童年回忆。
继续阅读