自助山

营业中

休息中

因公司福利，终於有機會吃這自助餐。果然十分十分美味。牛扒絕對要吃，很嫩，外面燒得香口，只加點盐就足夠調味。鲍魚也煮得很淋，花膠，冬菇味美。剌身帶子十分十分甜美，樱花蝦大隻又新鮮，蟹粉小籠包是極小能在自助餐吃到，它包着很多湯汁。甜品竟有榴槤布甸，但我更喜歡伯爵茶雪糕。望著日落的景色，吃着美味的食物，真是一樂也。

自助山記得多年前我每次去澳門都會到新葡京酒店吃自助山的自助餐，難忘那時候有400多款美食供應，而且價錢相當划算，但不知為什麼竟突然結業。事隔多年終於等到自助山在香港開業，但是價錢使我卻步。碰巧老公公司請吃自助山，我便懷着興奮和緊張的心情，究竟他會否比澳門更出色呢？答案是：牡丹蝦及鮮帶子好味到不得了。另外就是我最愛的榴槤製品很多，極級推介榴槤布丁😋。除此之外，還有好些貴價的例如花膠、鮑魚、其他新鮮海鮮、長腳蟹……但非常非常非常非常遺憾的是：太多嘢食，我個胃有限。結論就是：這個價錢我還是不再去了。因為我吃得太少！但是情調真的一流，旋轉景睇晒香港極佳夜景。兩小時轉一圈，而且冇限時食到10:00。

由於武漢肺炎肆虐，所以今日唔使book位，即刻去食都有位嘅。呢間餐廳係好出名貴嘅餐廳，$800/1，小童都要$500，不過有得旋轉下，影吓相都幾開心嘅。食物質素唔錯，但係refill速度好慢，服務幾好，換碟速度快。甜品算多味道就係不過不失啦，有一個榴槤焦糖布甸，因為一早整好擺喺度，變咗濕濕地一pat野。凍盤方面，今日係冇生蠔供應嘅，我覺得其他嘢食就麻麻哋，啲麵包蟹都冇乜味，好大浸雪藏味，蟹腳都係好多雪水。反而燒味就幾多種類，有乳豬、叉燒、燒鴨，乳豬個皮都幾脆。煙三文魚係homemade ，好香魚油味，吱唔會得d死咸味。刺身一般，係呑拿魚比較肥美。點心都有幾多嘅種類，有小籠包、燒賣、蝦餃、牛肉⋯⋯全部都係大大粒，賣相幾好。仲有鵝肝拎，順帶一提，一定要同廚師講要兩份，唔講嘅話只會比一份，好香好好味。依個佛跳牆，成日都冇嘅，全晚我都係拎咗兩個，一個係比媽咪，都幾好味幾多料，有好味嘅鮑魚。仲有啲日式嘅丼。雪糕有四個口味，係以炒雪糕嘅形式整出嚟嘅，因為真係太飽啦，就冇特別去食。總括來講，可以去試一試嘅，但係唔會再返轉頭食，因為都唔係話好特別，冇啲人講到咁好食，整體來講都叫做OK嘅。

今次同男朋友紀念日就去左自助山食Buffet 因為自助山位於比較高層 所以一去到既時候 就要搭子彈升降機 沿途仲會見到香港既美麗夜景因為訂位都有啲困難同比較Full 所以我地一開始只可以坐比較遠窗口既位置 但店員態度同質素好好 根據我地要求 係稍後既時間都幫我地換左近窗口既位置 等我地好好欣賞美景同享用美食重頭戲黎啦 我地攞左好多唔同既前菜同刺身絕對物有所值 食材非常新鮮 帶子刺身非常鮮甜 蝦都係原隻送上🦐 而前菜除左一般既火腿之外 仲有好多唔同既肉凍 大啲仲以花入饌 非常特別 令人胃口大開🤤跟住就緊係攞海鮮🦞同熟食啦 要注意既係 佢地並無生蠔提供 只有燒蠔 我非常推介佢地既龍蝦 因為真係咬落去啖啖肉同勁新鮮最後緊係食甜品啦 佢地選擇都有好多 當中最特別既就係炒雪糕 我今次就揀左奶茶味

一月之星生日飯(即係在下)，Yan請食自助山~實在太豪氣了~thank~>3<~!自助山成日聽，因為真係幾出名，360度旋轉餐廳，居高臨下欣賞美景，食物包羅萬有多款式，雖然唔係坐窗邊，同因衛生問題冇生蠔得焗蠔，但都好想一試呢。晚市自助餐6:30-10:00，大約6:30去到，我們坐的是房子，有數張位子，感覺比較寧靜，雖然唔係坐窗邊，但一樣欣賞到風景，因為房比較少人之下經常行去窗邊影相都阻唔到人，感覺比較自如，夜景真係幾靚，不過因為夜晚之下有點反光，坐位子時感受到微微的旋轉。坐左陣即係個場行下一轉睇下有咩食，順便睇下個場，由房出去的位置第一站就是熱盤，有好多款式。甜品區，有不少甜品，朱古力噴泉、仲有炒雪糕，好吸引!沙律都不少。刺身及壽司。餐廳區內有個WINE BAN，可選購多款美酒。上一層，有幾間房子，似乎比較豪華。冷盤海鮮區。明火燒烤，好多人排隧，因有和牛。中式，燒味及手工點心等，仲有海參鮑魚等美食，好多人排隊。先來一碟刺身，吞拿魚、三文魚厚切新鮮，帶子大粒鮮甜，甜蝦大隻美鮮美可口。冷盤，龍蝦、蟹腳、蜆、螺、青口、蟹鉗及帶子，龍假多肉、都幾鮮味，帶子冇乜味，其他正常水準

one of the selling point of this restaurant is that it move in circlr and u can enjoy the view. but really feel.dizzy the lunch buffet around 350 per head I love the Canton bbq meat salad also taste good and I ate many cheese and cold cutdessert look fancy but not delicious..........I recommend cheese cake and sea salt sponge cake.

又係一年一度的週年紀念日，每一年都要為去邊度gathering 慶祝而傷神適逢甘岩係澳門的自助山，由macau 搬來到香港。係macau 無機會同時間食，甘就係香港試下啦。呢間buffet 係 mecau 的評分同口啤都不錯，booking 都要預早兩個月訂先有位，所以去食之前，都充滿左好大的期望。去到樓下，淨係坐個部觀光電梯，由低層慢慢上到高層，成個維港夜景盡覽無謂，諗返轉頭都覺得正。可能因為我哋早定枱，安排到窗口位。上到去先發覺，原來間餐廳係識轉嘅。即係話可以360度望到景色。侍應嘅細心亦令我大開眼界，佢叫我地唔好將自己嘅物件放喺圍欄度，因為個餐廳係會轉的，如果放咗喺袋嘅嘢就會唔見咗。一路食，一路轉，我感覺幾特別，但又唔會覺得暈陀陀，因為佢嘅速度專登都幾適中。講環境，自助餐簡直無得輸。好啦，到食物啦。一般嘅海鮮，生蠔，全部都有。絕對冇吝嗇啊。所以我都狂攞生蠔，同埋海鮮。除咗海鮮之外，都有好多中式食物，真係各適其適，包羅萬有。又有刺身壽司，好多好多。生蠔又鮮甜又新鮮，最重要就係，長攞長有。到甜品啦，款式又多，真係要乜有乜呀。一路食一路睇住個景色係度改變，真係別有一番風味。侍應有Hel

第一次係平日晏就係度食自助餐，估唔到平日晏就都多人到full 喎，食之前都係先落訂book位。上去呢間餐廳嘅方法，就係搭一部可以直達高層嘅觀光升降機，但原來太大風嘅話，個部升降機係會暫停使用架。呢度嘅嘢食質素唔錯，熱食水準中上。最有驚喜嘅竟然係佢嘅中式點心，細細件得嚟好有料。佢嘅人氣係高到每次一出爐， 就極速俾人拎走晒。另一樣多人排隊嘅就係甜品。個人比較怕甜，好彩佢細細件唔怕浪費。當然不得不提佢嘅旋轉啦～因為佢真係位於高嘅樓層，而附近嘅建築又比較矮，所以就可以睇到好靚嘅景色。不過要提吓容易暈車浪嘅朋友，盡量唔好坐「倒頭車」，因為其實都會有少少chok㗎，影響胃口就唔好啦🙈

家人生日食個自助午餐，開十二點去到接待位置已經有十多人在等轉專有電梯至頂層。入座後其實又唔係噤多人(先前book位時話比唔到窗邊位但結果又有喎😄)服務員態度非常好，環境也不錯，食物少了生蠔(聽講之前有）沙律、湯、日式魚生壽司、中式點心、車仔檔、燒牛肉等等都齊全，甜品也不美，特別的是有個大型自助酒吧可以自選心頭好自己按鍵去選紅、白酒，讚。由於是兩位都是女生，食量不多，樣樣試吓都已經飽腹😛在兩個半小時邊食邊睇境午餐，覺得好舒服。

自助山呢個名對於香港人黎講一D都唔陌生, 我同老公都食過幾次, 不過對上一次已經係2年前, 難得去完AIA 玩完, 餓餓地就去自助山食番夠本.早2日老公打電話去book台, 記得初初自助山新開既時候真係要早幾個星期先BOOK到台, 宜家其實早1-2日, 唔係大時大節都無問題自助山係位於灣仔合和中心, 係以前旋轉餐廳既位, 所以需要係地下搭電梯上3樓, 之後再轉LIFT 上17樓, 到左17樓可以轉另一部可以望到外面景觀的LIFT 上56樓 (好似係….), 然後去到56樓再轉另一部LIFT 到62樓, 哈哈~真係好鬼麻煩整間自助山係會用龜速360度轉. 今次坐既位置正正係窗邊位, 之前2次都係坐入D. 點解我咁強調係窗邊位既原因係我地未試過, 但原來坐窗邊係真係會暈暈地=.=如果大家係容易暈車浪既話, 我強烈建議大家係BOOK台時要求唔好坐窗邊. 由於360度轉既時只係單向咁轉, 即係話一定有一位係坐緊倒頭位, 感覺其實仲辛苦, 基本上如果望出較外1-2分鐘, 真係會暈同唔舒服, 所以我地全程都無乜望過出面講番D 食物先, 我發現同我2年前黎食既食物無乜分別, 佢地唔似其他酒店自助餐咁

今日同同事嚟到灣仔合和中心上面嘅自助山食lunch buffet， 平日每人$328+10%，折實$360一位～一嚟到餐廳，就俾佢嘅景觀吸引，可以360度望住維港同埋半山嘅景色，有一種「君臨天下」嘅感覺，非常有氣勢，望住呢個景色食自助餐令人十分陶醉～午市自助餐嘅凍海鮮包括：凍蝦、蜆、蟹腳同青口，我個人推薦蟹腳，因為肉質新鮮，配埋番茄醬食超開胃，唯一比較遺憾嘅係冇生蠔供應，可能因為成本問題，相信如果有就唔係呢個價錢～刺身方面，呢度供應八爪魚、鰹魚、赤貝同埋三文魚四種刺身，個人認為刺身質素不錯，解雪技巧好，最推介嘅係赤貝，食落勁爽口！熱食方面，煎牛扒煎到約六成熟左右，肉質尚算鮮嫩，不過牛味唔太出，而且有少少筋位，所以我覺得質素普通～點心方面，蝦餃做得非常出色，蝦肉超級彈牙，比坊間既茶樓做得更加出色；但係自家製XO醬腸粉就有少少失望，味道唔係太出，可能期望太高啦～最後呢度供應嘅甜品款式尚算合理，有馬卡龍、雞蛋仔、窩夫、朱古力、雪糕同埋少量嘅精緻蛋糕～呢個馬卡龍做得好出色，但開心果味就有少少奇怪，唔建議大家食！個人認為日式芝士蛋糕唔錯，乳酪味好出，食完亦唔會太膩～總括而言，以呢個價錢來講，性價

結婚7周年，眼見仔女都大得好快，好有老懷安慰feel。而今年，我地繼續乘機吔個自助餐。今次揀咗「享負盛名」嘅自助山。正因為久仰其大名，今次都心存「期待」，雖然未致於失望，但亦未到極佳水準。不過，值得一提，佢嘅服務態度係超級好嘅。可能係午市關係，嘢食種類係算多，基本嘅凍蝦、螺同蟹腳都有嘅，但無乜貴少少食材，連魚生其實都淨係得三文魚(另外係有八爪魚、鰹魚(應該係熟嘅)同赤貝)，可以話一啲都唔吸引。熱葷呢，我就淨係食咗燒牛肉同大阪燒，牛肉係ok，唔太乾(去有啲地方真係以為食緊柴皮)。甜品看似都唔少，但睇真啲係所有蛋糕都係有兩盤以上，分開兩層放，驟眼望係好似好多；留意埋佢最上層嘅macaron，其實佢喺放朱古力溶漿嘅邊都有放，可能係扮多種類。佢啲曲奇好麻麻，雪糕又得四款，不過好彩有我鍾意食嘅雞蛋仔。食完甜品感覺太漏，又想咗碗喇沙辣辣地中和返，出奇地，碗喇沙喺自助餐嚟講都算係幾濃幾好味。(另，🐷隊友表示：♫燒雞翼我鍾意食♫)我食完都講唔出亦唔知有何突出嘅食物，好Las Vegas囉，反而係天氣由陰陰地天變成有太陽先係最重點，因為揀旋轉餐廳梗係想有「大便在我腳下」嘅感覺啦。所以為睇風景，呢度係一絕

老公生日食咩好？每年都要諗，諗好耐先揀到食咩！咁岩今次就想食自助餐，但又想特別啲，就諗起「自助山」。因為可以360度咁慢慢轉住黎睇成個景，可以飽覽成個銅鑼灣至金鐘，維多利亞風景，就個景已經夠特別啦。今次揀咗食午餐自助餐，價錢3百幾蚊都算係抵食。蟹腳夠新鮮，蟹味夠濃，夠鮮甜👍🏻大蝦、螺、大蜆都係一樣咁新鮮👍🏻個人就好欣賞蟹腳，真係好好食呀🥰熱食都好吸引，燒牛肉👍🏻讚呀！肉質鮮嫩，牛味好夠👍🏻其他熱食都係咁出色👍🏻仲有即場出爐點心👍🏻燒賣大大粒，餡料十足蝦餃皮薄👍🏻熱食仲有原盅迷你海南雞飯、即燒油甘魚餃👍🏻油甘魚餃好好味😋！夠肥美👍🏻👍🏻👍🏻🥰刺身都係新鮮，每次份量亦不少甜品勁高水準焦糖海鹽蛋糕係我必食推介👍🏻👍🏻👍🏻一出就好快比人拎晒，蛋糕唔太甜再配少少海鹽焦糖味一流👍🏻蛋糕鬆軟😋其他甜品都好有高質酒店質素👍🏻當然主角好滿意是日安排啦！

每月一飯局活動今次相約食自助餐，好友提意去睇到香港漂亮景色的地方，而位於灣仔合和大廈頂樓的自助山，不論食物種類繁多環境優美，而長蟹腳不會過於太咸有鮮甜味直得一食再食，而涷東風螺肉及涷蝦都非常鮮甜肉質彈牙，而其他熟食做型都非常精緻，海南雞飯雞肉味濃飯非常有雞油香味，而甜品種類極多選擇絕對係甜品控的女士門至愛。

一心一意諗住訂位同朋友慶祝食生日飯就訂自助山、市道差度度buffet減價、唯獨自助山仲加價、仲要同你講沒有生蠔提供了、只提供廣島焗蠔、收咁嘅價錢仲要冇生蠔點搞呀