自助山

营业中

休息中

刺身得4,5款，甜品cut cake得一款，macaron咬左一啖冇食，熱食普通，$378 + 10%, 好耐冇食過 d自助餐hea到咁，真係唔明點解仲要排咁耐book位，請我都唔會再去。為左要寫夠200 個字黎比評分，唯有繼續寫。服務係幾好，double confirm booking好幾次，waiter都好專業好有禮貌，餐廳環境幾好，個景當然一流，話哂都360 度旋轉，睇到維港景色，但 d食物真係好唔得，如果要睇景，我上山頂都得，咁大個group, 諗住食物質素一定有保障，點知是但一間放題都好過佢。

全港唯一超特別既旋轉餐廳，襯住屋企人生日，終於有機會試到喇🤩🤩🤩餐廳係圓型既設計，所以大部分既餐檯都近窗邊/ 望到窗，作為景觀餐廳黎講，呢點好加分👍🏻冷盤有龍蝦、麵包蟹😻不過麵包蟹唔算太鮮甜，而龍蝦就有點難咬，比較可惜🤭沙律吧選擇麵多，沙律菜新鮮👍🏻海鮮燉飯好足料，味道鮮甜。另外熱盤一大重點就係佛跳牆😻海參同花膠炆到好淋又入味，而且供應都算多唔洗等好耐。總括呢間自助山，價錢唔平，食物質素算是中上，但最主要賣點都係旋轉餐廳及景觀，所以整體都算滿意，慶祝餐廳推介👍🏻👍🏻👍🏻

今日去左灣仔好出名既自助山食自助餐，一路食一路轉，仲有好大既夜景睇添，真係好浪漫！除左個景靚之外，佢地勁多野食，最鐘意食三文魚既我就緊係好開心啦！因為佢正係三文魚既菜麵有好幾種！除左三文魚刺身之外，佢仲有煙三文魚，三文魚飯，同埋雜錦三文魚刺身！真係好正！除左野食之外，佢仲送左兩杯特飲比我地！味道麵好好架！呢兩杯特飲係柚子忌廉梳打！都係超正！除左野食之外，佢仲有路同款式既水果！D水果都相當新鮮架，仲好甜添！

呢間餐廳高聳入雲 好"離地" 排隊入去之後會assign 個staff 帶你入去你張台到坐低 員工服務態度幾好 夜晚望住成個港島夜景既view都幾令陶醉呀 同埋間餐廳係不知不覺間會係到慢慢轉 咁就可以360度望晒個景觀 因為呢間係旋轉餐廳 野食都幾多種類 海鮮都好多選擇 最鐘意食龍蝦 另外自助山仲有鵝肝食 同埋每位都會有得嗌一杯野飲 另外提一提 紅日想黎食or 黎睇住煙花食嘅話 記住早啲book位呀 係會平時價錢再貴啲 不過係幾浪漫既

食這個中午buffet已經唔係第1次，咁捧場原因係環境舒適，服務員人手足夠，食物款式多之餘味道亦不錯，今次揀幾款我有追加的同大家分享，過往刺身類係比較普通，今次點了帶子，油甘魚，吞食魚，水準比之前好吃，追加兩次不過今日冇生蠔供應，有點可惜，另1樣冷盤皇帝蟹又係超正，啖啖肉味道很鮮味，佢D點心都好出色，個鮑魚燒賣餡料配搭很好，大家有機會去到記得試吓，最後係甜品，例如果凍，慕絲蛋糕之類，雖然唔係新口味，但味道很好，價錢每位660，可接受的

The Grand Buffet係香港唯一既360度旋轉餐廳，位於合和中心62樓，可以俯瞰香港。今日晏晝黎到食Brunch，Brunch可以食到既野已經非常豐富，有刺身壽司、天婦羅、燒味、各種海鮮、各種肉類、點心、生果、甜品等等。海鮮冷盤推薦長腳蟹同螺，長腳蟹同螺都啖啖肉非常肥美，食落好新鮮有淡淡嘅海水味。另外非常推薦食八爪魚同赤貝刺身，完全冇冰味，好食。燒味同點心都幾好，特別推薦燒賣同油雞。燒賣個餡非常出色，而油雞亦都非常嫩滑。想食飽肚野既可以叫一碗喇沙 ，喇沙湯非常濃郁，幾有特色。另外，甜品都好好食。芝士蛋糕好cheese，泡芙好cream，雪糕好有奶味。除此之外，幾款甜品杯又好食又靚，打卡一流。The Grand Buffet自助山香港灣仔合和中心62樓

適逢周年紀念，就係要諗下食咩好嘅時候。之前都係想發掘下有冇啲隱世美食小店，但係今次就經朋友介紹去咗食自助山。去得自助餐，咁就梗係不得不提佢嘅風景啦！位於合和中心高層，又識得旋轉，梗係要趁機會飽覽下香港嘅景色。我哋由18:30開始食，係名副其實嘅由天光食到天黑，正正係咁，先可以睇晒香港不同時間嘅景色。嘢食方面，佢叫做非常之平均，所有食物質素都好高。唯一嘅遺憾就係嗰段時間冇晒生蠔，除此以外都非常之滿足。估唔到會有佛跳牆食，就算大量供應都不失水準！非常之入味同埋好稔！一次過滿足晒想食中菜又想食高級西餐嘅朋友仔。佢除咗有常見嘅甜品之外，亦有啲平時好難食到嘅嘢，就係炒雪糕！好滿足！另外亦都有人現場整棉花糖俾你食，入邊嗰支仲要係識發光嘅螢光棒 ！好玩又好食！想食自助餐又唔知揀邊間好嘅朋友真係可以試吓呢一間，真係幾好！

晚上7：00到達目的地，經過九曲十三灣上到63樓餐廳.門口有位經理好有禮貌咁問我地幾位，跟住就有位侍應入坐.跟位就開始我地狂風掃葉式自助晚餐首先係餐廳行左壹個圈，然後就由海鮮開始，海鮮有東風螺，青囗，帶子，長腳蟹，麵飽蟹，龍蝦，大蝦等等。海鮮好新鮮。點心我覺得麻麻地，可能d味帶甜，我唔係咁鐘意鵝肝同羊扒唔錯，甜品榴槤布甸同榴槤糯米滋都ok可惜飲品得一杯，希望可以改善下。值得一讚係服務態度，全場侍應好有禮貌

男朋友一家人最錫媽咪，一早book定枱同佢慶祝生日🎂 餐廳位於62樓層，可以360度旋轉飽覧維港，無得輸!!! 當然價格也比較昂貴喔，每位平均要7字頭，但絕對係我近期食過最高質的自助餐每隔一段時間就會轉一次，當然你唔會感受到，但當你望出窗口時就會發覺景觀唔同左，有時見到維港，有時見到馬場，相信黃昏時份一定更美！仲記得有次拎完食物番埋位的時候，唔知自己個位轉左去邊，幾盞鬼，哈哈🤣除了景觀一流，食物質素相當高，無論冷盤到熟食，應有盡有，不但食材新鮮，食物款式亦都好多，多到無可能樣樣都食齊！最搶手係海參花膠扣鮑魚！基本上個個枱面都有一盅！食材矜貴而且好入味，值回票價！各款甜品同樣出色，賣相精緻，勁吸引！泰式糯米飯都有～哇！連朱古力噴泉都高貴過人，忍不住要食番串！走個時去左搭玻璃觀光升降機，可以望多次個景色，速度挺快，正!!

旋轉餐廳其中一個賣點嘅係可以瀏覽好靚嘅景色，而且餐廳總會不斷慢慢地旋轉畀你睇多角度嘅景色。今日同朋友一場嚟到諗住試下呢度嘅buffet，食物種類非常多，而且好似好吸引！咁跟住就去拎食物啦！食物真係令人非常失望！魚生刺身完全唔新鮮，一啲都唔係酒店質素！蟹、蜆、蝦等海鮮亦都唔新鮮，螺好多沙，所以喺生野方面完全唔合格！！！食其他熟食稍為覺得好味少少嘅係點心同埋燒味。仲有天婦羅🍤最後再戰咗甜品，甜品睇落去好似好靚，但係全部質素都好差，基本上黎餐廳食嘢真係為咗個景，而唔係食物！

同朋友慶祝生日，佢話想食自助餐難得食一次就緊係食豪啲揀咗呢間 聽聞要排好耐隊 超越好食嘅自助山因為臨急臨忙先決定，朋友打去book枱時仲擔心冇位，順利預約到時覺得好好彩但點知係惡夢嘅開始話晒都成$700/800一位，食一餐來講算幾貴，大家都好期待，去之前仲諗一定要飽到嘔先停手我哋預先訂咗蛋糕，打電話去問比唔比帶，居然要收$100一位切餅費，係每位收！咁樣計法我哋五個人，切餅費仲貴過個蛋糕於是餐廳員工就話可以免費幫我地雪藏，仲可以拎出嚟影相，不過就唔可以切同食，哈哈真係多謝晒入返正題，間餐廳會旋轉，個人感覺唔太良好，有少少暈船浪感覺，又似坐倒頭車但最令我不滿嘅係，佢哋啲食物係完全唔OK，唔係話難食，但係絕對唔值收七舊水環境的確十分之靚上網見大家都食生蠔食得好過癮，我亦非常期待，點知原來轉左主題做海膽，唔緊要！海膽我都鍾意，諗住拎半板食下，點知原來冇刺身，咁我諗住軍艦/手卷應該都有掛，結果佢比啲咁嘅嘢我？？？搞緊笑？？諗住算啦，應該係靚野所以貴，先要咁上唔知食落口係腥，一啲甜都冇失望然後啲蟹腳海鮮唔新鮮，食落得海水鹹味，食嚟食去，我竟然覺得燒賣係最好食。。 我朋友就話係叉燒。。另一個就話係

聽講自助山嘅buffet好正咁岩有個朋友最近有外國返嚟就帶佢試吓食自助山嘅午餐自助餐十月份嘅時候去 已經早半個月前卜定位自助山最出名嘅就係食景因為它是62層高的旋轉餐廳 餐廳內地方寬敞帶外國朋友來吃自助餐是一個不錯的選擇 因為它能旋轉 能觀摩360度的香港景色當天的能見度還算高 還可以看到對面維多利亞港的景色接下來就睇吓有乜嘢食首先是前菜區 有沙律吧還有好多款嘅前菜仲有我最愛嘅煙鴨胸 同煙三文魚而凍海鮮方面就有蜆，雪場蟹，螺，青口同熟蝦雪場蟹很鮮甜都幾大隻但最鍾意嘅係呢度嘅大頭蝦 肉質彈牙好好味日式區熟食方面有一個中式區有很多蒸籠點心有蝦餃，燒賣，珍珠雞，奶皇包 仲有流韓牛芝士餃 仲有個中式燒味區 有叉燒、油雞、燒鴨等熟食嘅種類如下但甜品區方面就十分吸睛蛋糕做得好靚 款式好多仲有馬卡隆 不過有點太甜蛋糕這好好味我覺得帶外國朋友想食餐好又要睇靚景嘅話自助山係一個唔錯嘅選擇今餐平均每人$340 整體來講感覺不錯

今日帶咗啲梨旅行的朋友們去食自助餐，佢地話想話試旋轉餐廳，所以就book咗星期日晚去食自助山。可能太遲打去book，一日前打，無曬窗口位，不過坐入面有沙發位都不錯。啲野食圍住係中間，有分唔同corner,海鮮放係間間房仔，都算新鮮，不過麵包蟹有啲咸。今次無食好多熱食，因為太多選擇，見到想食咩就咩都試少少。有燒味，燒烤等...甜品有炒雪糕，棉花糖，朱古力噴泉，好多款！榴槤糯米池好食！價錢同質素成正比！👍🏻

應該係我呢排食過最高質嘅自助餐利申唔好食自助餐 每次食完都好似搵命搏咁款多，又好食，有傳統嘢，又有啲新派嘢食。-我少食buffet, 但呢個係我暫時唯一會想再食既，真係好難得十樣有8-9樣都好食，講梗嘅好食係真係好食嘅好食，唔係求求其其中上就算。當然中間會有一兩樣嘢唔食好過食，但絕對都好食過之前。同埋食個數量都好，真係好多嘢揀，就算你乜都唔食好似好細佬咁，都有勁多嘢揀。-唯一壞處係比較貴，同埋嗰日serve 我哋嘅叔叔態度有啲啲麻麻，串串地，問佢嘢佢就話加錢咪得，我其實只係想問除咗西茶，會唔會有中茶，點解可以dull 頭就話，實有架，加錢囉，然後一副你係咪加錢吖嘅樣子。其實呢，我上次去grand hyatt 係真係有加錢要unlimited drinks, 叔叔，我真係想問有咩茶揀jar. 無得揀又好加錢又好，我都唔該前後啦，點解仲要兇我呢。佢愈係咁，我就愈係講哂唔該，更加有禮貌，但佢就更加得寸進尺😂-🙈我極度懷疑佢嗰朝畀人瞓話完🙈🙈😂😂希望下次去，佢變返做正常～btw, 真係個別例子，其他staff 都算幾helpful, 雖然我哋好多人，但都有不斷幫手refill 嘢同幫手。

黎到一年一度既老婆生日大日子，揀左食佢既至愛 - 自助山。為左坐到窗邊位置，特意預早左三個星期訂枱。唔知依家係咪取消左電話訂枱，電話打左幾日都無人傾，最後選擇左網上訂座。係remark果度要求窗邊位置。當日因為同時間入場人數太多，侍應未有因應我地既要求安排窗邊位置，後尾同番佢地講，最後都如願坐到窗邊位置。因為入座時間太夜，今次欣賞唔到入黑前既景色。因為佢既種類夠多，而且每樣都非常出色，所以稱佢為最出色既自助餐，鵝肝、花膠扣鮑魚、鵝掌、魚生係我既至愛。因為花膠扣鮑魚製作需時，有時需要等一陣先會出。