自助山

营业中

休息中

The taste of food doesn't worth the price, but the variety is ok.  I felt a little uncomfortable and dizzy because of the turning, so I guess it is not suitable for people who's usually car sick.  The worst experience of the meal is how rude I was treated by the waiter when paying the bill. 

自從我個契B仔出世後，可以話同好好好姊妹都無試過開懷暢食一餐，適逢我準備壽星，佢今晚撇低心肝B一晚咁多啦。海鮮呀～多種類選擇有麵包蟹、龍蝦、即開生蠔、蟹鉗、長腳蟹腳⋯⋯多不勝數，鮮味十足，要食多幾round。花膠炆鮑魚冬菇，夠入味，大了一歲要養養顏至得。小籠包皮夠且薄肉汁豐富。甜品都好出色，軟心朱古力、濃厚榛子朱古力蛋糕、至爆燈嘅焦糖榴槤布甸，根本就係榴槤肉焦糖蓋，榴槤控必選無疑。即煎鵝肝多士，外脆內香，口感味覺超享受。絕對係食質素嘅自助餐首選。

週年紀念揀左有靚景又有得食既自助餐慶祝一下！Lunch $328+10%午餐來講價格算合理當日平日，人流唔多，可以坐窗口位，一邊食一邊轉，個景不斷變，相當過癮講返食物，冷盤得4款，蟹腳，蝦，螺，蜆，款式少，但算新鮮。熟食方面選擇多而且質素亦唔錯最後仲有甜品，甜品選擇唔多但都有質素。服務態度好好，有禮貌有笑容唯一缺點係食物擺位有點习鑽，分上下兩層，指示唔清晰，一開始都無留意到有上層，見到有食客由上層拎食物先知。食左個半鐘已經滿足，其餘時間欣賞下高居臨下既景觀，值得一到！

今日有個friend生日，就約埋幾個friends一起去食自助餐，揀左好耐，覺得呢間最合適。點解呢，咁緊系因為距系個觀景噶靚位啦，生日最緊要氣氛同環境噶嘛。餐廳位於62樓層，一眼望出去，有種俯視呢個城市噶感覺。最盞鬼噶就系呢間餐廳一路都喺度轉緊，可以體到好多景，有時見到維港，有時見到馬場。滴食物都系無得彈噶，新鮮，品種又多，味道真系等你食過返尋味。滴friends都食得好開心。

成日聽人講好食，當然要親身試下啦🥰預早一星期網上訂位，最好request近窗位，咁就可以睇到靚靚既維多利亞景❤️👍🏼👍🏼👍🏼去到七點左右，好彩天未黑！好靚啊個黃昏🌇刺身好新鮮！帶子三文魚甜蝦！仲有池魚！燒烤區有焗蠔，羊架，仲有！熊本黑毛和牛！🤩海鮮都唔差！青口，蝦🦐，龍蝦🦞，長腳蟹，蟹鉗👍🏼👍🏼👍🏼熱盤方面都唔差，有西班牙🇪🇸炒飯，印度🇮🇳咖哩，fusion既海膽餃子🥟🤩👍🏼👍🏼全部都好好味甜品區！嘩！應有盡有，馬卡龍，芝士蛋糕🍰呢個甜品中意榴槤既人一定要食！超級好食🤩差不多九百蚊一個人，係有d貴，但個景真係好靚🥰🥰🥰記住走既時候搭觀光電梯，咁就可以睇埋個靚靚夜景🥰🥰🥰

講咗好耐要食嘅自助餐，終於都去食啦！就趁着我哋嘅周年紀念，揀咗呢間出名高質仲有靚景嘅自助山食餐勁既！當初訂位嘅時候話左窗景位已full booking，但上到去好意外地安排左一個窗邊位俾我哋！真係開心到暈，，望住出邊嗰幾日黃昏轉到夜晚，你睇吓個景幾靚！開始前首先要就係行一圈了解下食物嘅位置，不過由於間餐廳一路都喺度轉緊（雖然係好慢），不過都係暈暈地⋯開頭行路都唔係好慣⋯最後行到刺身檔位，見無咩人就食咗呢樣先啦！我自己點咗帶子同油甘魚，帶子好大粒㗎而且好鮮甜，老公就拎咗好多蝦，非常新鮮彈牙，臨返埋位前見到隔離有好多精緻小碟，即刻攞咗碟好海膽魚生飯，雖然細細碟但係啲料好豐富架食完冷盤，習慣要擺番啲熱野落肚，跟住就行咗去點心房，見到好靚一盅盅排好喺俾客人自己拎好似燉品咁既，係花膠炆鮑魚啊，當然要拎一盅黎試吓啦，鮑魚唔算好大隻， 但係都好煙靱，仲有海參、花膠同冬菇， 食完都覺得好滋補！行前兩步又有海鮮凍盤房，剩係蟹都已經有好幾款，個人就覺得佢個阿拉斯加係特別好食，而且值得一讚嘅地方就係基本上已經幫你開晒啲殻，只要輕輕一摵已經可以起到肉出嚟，實在係非常貼心！講到凍盤，，又點可以冇生蠔，好在都唔使

自助山，以前就係澳門食過，對比下香港的自助山不夠大間，但是佢無敵旋轉餐廳加維港景色，冇得輸。整體來講嘢食都好好食嘅甜品款式都唔差,凍海鮮品種多，有即開生蠔，長腳蟹，皇帝蟹，麵包蟹，龍蝦等等，我地帶左小朋友去熱食都好合適，自已特別喜歡食佢地奶茶味雪糕。因賞佢地的酒吧自己總評分4.5分值得推介

因為有coupon既關係，所以先去食。星期日buffet lunch千三兩個人，如果無coupon都幾肉痛！佢既景觀真係靚既！仲會不時旋轉，等係望下唔同野。食物選擇都幾多，亦放得好靚！開心！揀啲精選同大家分享！刺身厚身，呑拿魚油脂勁，正！凍鵝肝漢堡，Parma ham，芝士，焗蠔等一應俱全。燒牛肉出奇地有驚喜！入面燒到生生地，好腍。外面脆口又有肉味。鵝肝多士亦絕對係超級回本位！即叫既grill，入口即溶！佢好可愛地有好多一盅一件既點心。個人認為佢既甜品係特別用心。有傳統甜品，好似馬仔，雞蛋仔，糯米糍等。亦有一大個精品櫃可以叫員工夾。不過個macaron好麻麻。柚子芝士蛋糕就幾正。仲有朱古力噴泉，炒雪糕，小朋友好開心既棉花糖等等。大小朋友都開心死！

今日係歡送會，我同同事去咗食自助餐，同事話呢間自助餐性價比高，食物種類多，環境好，價錢唔太貴，所以就去咗啦。我哋早左到，所以有Window side嘅位，可以見到成個維港同埋中西區嘅景色。最特別嘅係而家係旋轉餐廳，一到食嘢，成層樓會轉，你定焦望住啲景，你會見到啲枱燈喺度郁，好得意。成程食左兩個半鐘頭，轉左兩次，啲view好靚。另外，成層62樓分開兩層，一層主要係攞嘢食，下低嗰層就係食客區。攞野食果層有唔同既房仔，有熟食（日式/中式/東南亞）、亦有個海鮮區（有蟹腳、螺、蜆、蝦），下低果層都有甜品、熟葷！食物種類非常多，總有一款會岩食！海鮮區食物：有熟蜆、熟蝦、蝦沙律、蟹腳，超級高質，蟹腳好多肉，又易剪！無限refill!!另外佢炸物都好食，即炸，粉薄，好食！甜品方面有好多種類，例如精緻既cake, macaron ，有傳統既中式甜品，如涼粉、月餅，有港式既馬仔、雞蛋仔，有西式既蛋糕、雪糕等等！ 好多種類！總結，自助山食物種類極多，食物高質，環境好好，環境好好坐，服務態度好！ 依個價錢（$4xx)係尖沙咀既酒店食，都食唔到咁好質素同環境，強烈建議黎依間食！！

適逢伯母生日，所以你到63樓嘅旋轉餐廳食buffet ！由合和大廈上嚟都要轉兩次嚟到63樓嘅旋轉餐廳食buffet ！由合和大廈上嚟都要轉兩次lift, 但係嗰格係落地玻璃嘅lift,可以一覽灣仔嘅風景！至於個buffet真係一流，尤其係啲海鮮喎好新鮮，阿拉斯加長腳蟹、生蠔、麵包蟹、長腳蟹、海蝦、青口、龍蝦等等！絕對好食，尤其阿拉斯加長腳蟹真係好好好好鮮甜！其中熟食嘅鮑魚花膠海參值得一讚！一啲都唔馬虎！😎連加一，800$左右，未去話既朋友，值得一試！

又同奶奶食生日飯今次試好評如潮既自助山，兩星期前訂位仍有講左窗口位欠奉，到前一天confirm booking 問他如有人cancel可否轉去窗口位, 說盡量最後都畀到我地有少少驚喜, 我哋揀咗五點九至八點呢段時間，入座前見到靚靚嘅黃昏到走嘅時候又可欣賞到美麗嘅香港夜景，正！ 食物方面質素好高 ，亦有一些貴價嘅食物如鵝肝，佛跳牆，海膽魚生飯等， 刺身今天嘅吞拿魚十分新鮮好正 ，帶子好大粒， 甜品有榴槤嘅布甸同糯米糍， 臨近中秋更 有25年陳皮豆沙月餅， 陳皮好香豆沙不太甜不錯 ，總括畀一些五星級自助餐質數還要高， 價錢方面望住個靚景食自助餐貴唔貴則見仁見智啦！

我認為一個自助餐，最基本就係要有生蠔、鵝肝，因為呢兩樣都係我最鍾意食，而平時唔會咁容易自己整到嚟食。而自助山就係一定會滿足到我呢兩個要求，仲要有好多其他高質嘅選擇。生蠔，好多時候都唔係好需要排隊就可以拎到，不過只係得一款俾你，有啲酒店就有幾種生蠔，不過我覺得呢度嘅優勝之處係非常新鮮！鮮甜！同埋快😂鵝肝亦都係好肥美，而且可以一次過拎兩件，拎埋俾同枱嘅朋友。龍蝦冷盤真係一流，啲肉係彈牙嘅！真係好想一食再食，不過又要留返個肚食其他嘢。仲要有鮑魚同埋花膠俾你補補身，真係好足料啊⋯⋯食呢個餃子嘅時候，我大叫左一聲，因為想唔到裏面係有海膽😱甜品亦有好多款式比食客任揀。每次食完都飽到捧住個肚🤣🤣🤣不過仍然會好想再encore！

THE GRAND BUFFET是位於灣仔合和中心62樓的旋轉自助餐 , 一邊嘆美食一邊欣賞迷人美麗香港景色, 想想也樂透了 !去旅行時好多時會到當地旋轉餐廳吃飯賞美景.  想一想原來自已沒去過位於香港的自轉360度餐廳 !  要試一試啦 !朋友提醒要早點訂位, 訂位時要早早揚言需坐窗口位置.午餐每位HKD328 加 10% = HKD360.80 (一至五) , 包餐飲一杯, 可免費泊車.時段: 12:00  至  2 :30PM這是屬於我們的香港...........香港真係好靚.  在這樣環境下嘆國際美食, 浮生若夢, 珍惜美好.其實全場坐滿人, 這照片是剛進場影.  要提早幾星期訂位呀 !睇睇我吃了些什麼麼 : -頭盤: 第一碟,  食碟青 BB加碎蛋沙律, 青瓜好新鮮又切得好薄, 好刀功呀 .第二碟, 在壽司巴有肥美大墨魚刺生, 鮮三文魚刺生.  赤貝剌生, 鰹魚剌生.  樣樣也試齊, 最正是赤貝剌生好解甜.  朋友拿了煙燻三文魚, 不錯, 很香煙燻味不太咸. 第四碟, 仍是凍食海鮮....有東風螺, 蛤蜊, 下碟輪有長腳蟹腳和鉗, 鮮凍蝦. 青口我無吃不是我杯茶. 下面那杯

The Grand Buffet係香港唯一既360度旋轉餐廳，位於合和中心62樓，可以俯瞰香港。之前休息晏晝黎到食Brunch，Brunch可以食到既野已經非常豐富，有刺身壽司、天婦羅、燒味、各種海鮮、各種肉類、點心、生果、甜品等等。海鮮冷盤推薦長腳蟹同螺，長腳蟹同螺都啖啖肉非常肥美，食落好新鮮有淡淡嘅海水味。另外非常推薦食八爪魚同赤貝刺身，完全冇冰味，好食。燒味同點心都幾好，特別推薦燒賣同油雞。燒賣個餡非常出色，而油雞亦都非常嫩滑。想食飽肚野既可以叫一碗喇沙 ，喇沙湯非常濃郁，幾有特色。另外，甜品都好好食。芝士蛋糕好cheese，泡芙好cream，雪糕好有奶味。除此之外，幾款甜品杯又好食又靚，打卡一流。

🍽朋友話約去自助山吃自助餐我一直以為在開玩笑 有地方叫自助山？還問了幾次去邊🙈🙈🙈原來真係叫「自助山」😆我實在孤陋寡聞🙈🙈🙈💭💭💭唔通美食堆到山咁高？？？果然有好多選擇每款都好好味！😋😋😋欣賞海鮮冷盤比一般自助餐多Refill 速度都快而且海鮮好鮮甜🤤🍰🧁甜品款式都好多我忍唔住試咗好多😊-嗰度仲係旋轉餐廳景色超靚❤️❤️❤️一去到 見廁所喺附近幾方便喎😂食食下發現轉咗拎野食嘅位置嘅 哈哈所以如果想食哂每一款要圍住個圈行哂就包唔會錯過咗美食😋😋😋